正記

營業中

休息中

每到中秋，大澳都會有花燈節，預防人流好多，所以提早係平日就入左尼睇睇同埋食野。呢間餐廳更加可以邊食邊望住漁村風景，超級適合打卡📸注意最低消費 $20/位‼️。雪糕涼粉冰 ($30)雲呢拿雪糕球係面，而涼粉粒份量都好多，淡淡地既花奶+煉奶+冰混埋一齊，食起嚟甜甜地又好清爽。涼粉冰($25)涼粉冰涼粉粒份量都好多，裹面有淡淡地既花奶+煉奶+冰混埋一齊，食起嚟甜甜地又好清爽，最緊要夠凍回頭指數: ⭐️⭐️⭐️⭐️食物質素: 🌮🌮🌮服務質素: ☺️☺️☺️消費指數: 💰(人均消費$30)環境質素: ☘️☘️🍀🍀* 正記 (大澳)大澳大澳吉慶街82號同類餐廳 #cocofood_香港味道同區餐廳 #cocofood_大澳如果你鍾意我既分享，按右上角🔔，就可以睇到我所有既update🙈

掃街完畢想到棚屋cafe坐坐喝杯東西或吃些甜品，但看了之前介紹的兩間餐廳的餐牌後覺得食物選擇不多又偏貴，而想去棚屋的原意主要是打卡📷，吃什麼反而不是重點，後來發現附近的一間中式甜品店一樣擁有棚屋海景，最終便放棄了cafe。我吃的姜汁撞奶 ($25)很滑很重薑味，朋友則分別點了配搭比較特別的芝麻糊豆腐花($25)和紅豆豆腐花($25)。個人十分推介這間食店，每人花費$20多就可以欣賞到和cafe一樣的棚屋美景🌊，但卻划算得多。🥣正記📍大澳吉慶街82號✿ 味道 ♥ ♥ ♥ ♥ ♥ ♥ ♥ ♥ ♡ ♡✿ 景觀 ♥ ♥ ♥ ♥ ♥ ♥ ♥ ♥ ♥ ♥

姜汁撞奶稀到爆，又要苦，完全冇奶味，姜味太搶太辣。凍豆腐花又要冇豆味，份量又唔多兩樣野加埋46蚊，點解唔食個蝦豬餅加多個沙翁@@？食完仲要勁口乾，完全不推薦，唔好哂錢

來到大澳主要打咭位棚屋會係其中之一，大多數人都去大叔果間，但實在太多人，其實沿住河邊都有不同撰擇，豐儉由人，係咁熱既天氣之下，食返個冰凍甜品，都係一個吾錯既撰擇！😋呢間同樣有戶外平台，地方寬落座位吾迫，侍應姨姨又好人，雖然甜品吾夠凍，但質感吾錯，豆腐花都算滑，芝麻糊吾會一口粉，食完吾會俾人趕，當然自己食完都吾好霸住咁耐啦！抖一抖又繼續行程😎🤭係咪太想去旅行，望住最後幅相就諗起泰國水上市場😂

棚屋邊睇景邊食甜品🍮 姜汁撞奶好味😋 熱辣辣 z真材實料 可以知道之間用榨出來姜整成 好適合胃寒但想食的朋友仔芝麻糊豆腐花 些許淡芝麻胡 唔會黏稠 至於豆腐花我就一定要加糖先得 個度靜靜地好適合參觀

呢一個位真係食景，職員嘅服務態度可能會令人覺得有啲奇怪，因為職員嘅語氣都幾燥底😂但係佢好在有個風景位，但係一定要係坐出邊嗰三張枱先會有風景位，如果唔係坐嗰三張嘅話都冇咩意思😂☀️豆腐花普通嘅豆腐花，豆腐花好有豆腐味～都OK滑🌙薑汁撞奶真係超級真材實料嘅薑汁！食落口之後成新熱辣辣😂🌟芝麻糊豆腐花芝麻糊就麻麻哋，勁水，只係溝咗勁多水入去咁🙈豆腐花就同上面嘅豆腐花一樣係正常嘅味道因為佢都係同一個😂只係芝麻糊嗰度失望左🙈

去大澳行到好攰☀️，想搵個地方坐低食下野，見呢間正記嘅薑汁撞奶好似好出名咁🤔，就入咗去試啦..🍜薑汁撞奶 💰25（3/10）滿心期待嘅薑汁撞奶🥛竟然未凝固好、一啲都唔香滑🥲，奶凍超級稀，好似飲緊薑味嘅粥咁，薑味好足夠好辣，但奶味唔夠出，大失望😞🍜涼粉冰 💰25（4/10）冰多過涼粉，一般般，唔值得叫，好似溝咗糖水咁😢〰️〰️〰️〰️〰️〰️〰️〰️〰️〰️〰️〰️〰️〰️味道👅：4/10（薑汁撞奶好失望，涼粉冰都係一般）環境☺️：6/10（冇冷氣會坐到好熱，但可以望住棚屋景食）服務🙇‍♂️：3/10（等待時間都幾長，服務麻麻）抵食💸：3/10（份量小，又唔係特別好味）甜品 #fatgirlhk_糖水...#hkfoodie #hkfood #food #hkig #薑汁撞奶 #香港美食 #taiofood #chinesedessert #foodlover #吃貨 #吃在香港 #hkfoodblogger #hklifestyle #hongkong #chinesefood #likeforlikes #hongkongfoodie #followforfollow #follow4follow #foodphot

大澳棚屋靚景小食店想係大澳食甜品又可以影到棚屋靚景，非正記莫熟店鋪戶外棚景位置非常舒適，可以慢慢欣賞大澳棚屋景色，一邊食美味的甜品，賞心樂事食品方面 :招牌涼粉 : 一碗有雪糕、涼粉、紅豆、豆腐花，四種口味可以一試過品嘗紅豆冰 : 紅豆大大粒，加上椰汁，飲落透心涼

中秋後的週六入到嚟大澳玩，真係人山人海！天氣大熱就梗係找間餐廳坐低休息吓啦。上次我哋沒有嚟呢間甜品店食，所以今次選擇行過嚟食。我見店的對面排滿一堆人，不知道是排什麼，我就入去見到伯伯問有冇3位，竟然有，我哋真係幸運👏🏻 坐喺舖尾看到開揚的大澳棚屋景色，真係優美。招牌涼粉 (HK$30)．有豆腐花、雪糕、涼粉和紅豆，一碗有晒4樣嘢，真係開心😄．雪糕軟滑，涼粉好正．紅豆起沙也好味．以上太正，豆腐花就被比下去，石膏味比較重和感覺不夠滑口🤭燒賣拼魚蛋 (HK$20)．有4粒燒賣和4粒魚蛋．正常味道啦

中秋既第二日假期去大澳，大澳出名多小食。買左幾樣就入依家野食豆腐花，都無任意企圖要食外來野，就俾個燥底呀姐一句又一句車埋黎。入店：「入到黎，唔可以食出面攞入黎既野呀！～」點餐：「每人最底消費$15呀！～」食緊：不停俾人啤住，仲要天氣熱辣辣，佢果間野户外枱都有開風扇既～食食下 又唔知得罪佢咩？無啦啦整走把風扇向下吹，都唔吹你班客人。食完：「喂！食完，執埋d碗先好走呀！～」真係唔知既，會以為我入去乞食？ 同食完要我地客人執埋碗先走？其實呢就唔係唔得既～不過成程都咁既態度「趕客mode」咁，真係我係客？定你係客呀？咁唔休做？唔好開門做生意啦～

📍正記 (大澳) 黎到大澳玩到又攰又熱辣辣咁🥵，就梗係要坐低休息吓啦，我地就嚟到一間大澳好出名嘅甜品店 - 正記。🏝餐廳嘅環境幾舒服，而且景觀開揚，可以吹住海風，坐低靜靜地欣賞靚靚嘅大澳棚屋，⛵️仲會有時見到觀光船嘅經過，十分舒適。𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:▪️薑汁撞奶 ($25)▪️燒賣拼魚蛋 ($20)▪️雪糕紅豆冰 ($25)黎到呢到，薑汁撞奶係必食㗎！😍 薑汁味十分濃郁，唔會太過辣，而且奶味好香好滑，記住一定要由上面慢慢筆落去食啊，超級推介呢個！至於燒賣同埋魚蛋就不過不失啦，正常發揮。☀️ 因為天氣太熱所以就叫咗雪糕紅豆冰，雪糕夠哂凍唔會好易溶，不過紅豆就唔算好好食~𝑨𝑫𝑫𝑹𝑬𝑺𝑺:📍大澳大澳吉慶街82號82 Kat Hing Street, Tai O, Tai O

難得假日與朋友們入到大澳， 當然要行到邊食到邊✌🏻😁， 大年初五大澳超多人😯， 幸好我們找到一間小店～正記， 位於大澳吉慶街82號， 店外餐牌寫住有棚景， 吸引我們排隊入去。 等了不太耐， 店員安排我們坐在室外， 戶外棚景非常舒適🥰， 之後點了幾碗糖水和小食，薑汁豆腐花$15、 薑汁撞奶$25、 招牌涼粉$30、 芝麻糊$25、 魚蛋燒賣$20。 原先點以上幾款大家一齊分享， 問店員給幾隻碗， 但要每一隻$1， 最後我們要兩隻方便食用。薑汁豆腐花薑味重豆腐花好滑， 薑汁撞奶味重又軟滑， 招牌涼粉稍為普通， 芝麻糊香甜滑順， 魚蛋燒賣冇特別， 反而好想試大澳的大魚蛋，可惜疫情關係始終唔想周街除口罩，所以唯有下次才吃。😚

正記, 大澳☕️相比幾之前介紹另一間係大澳既CAFE蘇廬，呢間就無咁有名氣，但我反而幾鍾意。話說行行吓見肚餓，見到呢間餐廳有豆腐花食，所以就坐低諗住順便休息吓。仲叫咗佢哋嘅燒賣頂下肚。食物味道不錯，以佢哋嘅價錢來講就算抵食👍🏽佢哋嘅豆腐花我覺得就唔似係呃遊客嘅質素嚟，都幾好食。餐廳嘅環境其實幾舒服，可惜假日始終比較多人，冇嗰種清靜嘅感覺，但係望住大澳棚屋都幾舒服。間唔中得閒遠離市區，去離島行吓其實都係一個唔錯嘅選擇🍃.📍#大澳 吉慶街82號 #HappiMuffinNT🌟#HappiMuffin Rating: 8/10💰Price: $10-20 pp.#hkig#hkigers#igers#yum#yummy#nom#nomnom#foodporn#hongkong#food#share#like#foodblog#foodie#love#follow#香港#香港美食#美食#美食指南

好耐冇去過大澳，大澳改變好 多，記得小時候，去大澳好多海味賣，大澳已變遷，不再像以往的風味，現今大澳好多嘢食，這裏的薑汁撞奶，非常好食，薑汁味好濃，環境好好，可以坐在外面一路看風景，一路品嚐薑汁撞奶，心情非常之愉快，店舖兩位老人家熱情招待，非常之有人情味，一路睇住船隻來往，別有一番風味，在這裏一路食撞奶，一路欣賞 環境，非常之開心，拍了好多照片，坐在這裏 不想走，但是 沒有可能阻住人做生意，只好期待下次再來，下次再同多啲朋友一齊嚟，也要介紹畀其他朋友到這裏欣賞大澳風味，品嚐這裏的甜品🤤👍

好耐冇去過大嶼山約埋三五知己一同遊去大澳， 過一個吊橋還有小船可以出去睇海豚 ， 所費無幾不失賞心樂事。 還買了一些石磨蝦膏， 行行下來到這間正記見到有甜品食，最吸引我的是他的店舖， 前舖後居見得多這間是前居後吐舖，後面有個小露臺。可以欣賞水鄉好似置身於威尼斯一樣，使人有偷得浮生感覺。 我們叫了薑汁撞奶 一食落去個薑汁味好重同埋啲奶都相當之滑，再加上這裏景觀簡直令你唔想離開，大家唔好以為一定好貴，價錢都好當便宜。 還有好多種選擇豆腐花菠蘿冰呀， 大家有機會來到大澳不妨一試。