武藏山

營業中

休息中

今日同十幾年朋友慶祝生日， 其中一個朋友介紹呢間日本菜食， 啲魚生都新鮮，尤其是條左口魚刺身簡直一流， 之後仲整咗個魚湯畀我哋飲， 仲送咗支sake畀我個friend， 個處女島生蠔好鮮味， 仲有個自家製嘅薯仔牛肉，又陪我哋傾計玩， 好少可有老闆咁親切！ 值得返轉頭再幫襯！

第一次寫食評，希望唔好有其他人中伏。啱啱入去嗰陣已經知道自己瀨咗嘢，星期日晚飯時間一台客都無。首先個拉麵個湯好正！完全係出前一丁豬骨湯麵個湯包嘅味 （麵同其他嘢係正常質素，喺foodcourt食會冇咁嬲）。跟住個刺身拼盤仲正，質量直逼爭鮮級數, 個三文魚刺身一夾上嚟就自己分解咁滯，師傅個刀工真係勁，仲可以切到一片片。壽司拼盤不想解釋自己睇圖片。全間餐廳得兩台客，要提佢加茶先識得㗎都夠膽收加一！叻！

去到佐敦見到呢間鋪頭以為係小店，於是入去幫襯支持下。坐低睇完menu，諗住叫住三碟串燒食住先，跟住個老闆走黎sell 刺身，今日唔係刺身mood所以就婉拒左。老闆見我唔肯叫刺身，態度180度轉變，全程都無再理過我，茶飲完都無再斟過，淨係同其他有叫刺身嘅客敬酒同吹水，言談什歡。最後主要食左串燒，埋單都千五蚊，不過我諗對老闆太小數目了。串燒質素尚可，刺身就無乜特別，個心未100％解好凍硬硬地 （我最後都有叫一兩碟刺身）。店鋪環境唔係特別舒適，隔離枱講野大笑聲令你去左劈場咁。裝修亦都係好普通。總括而言係overpriced, 唔叫刺身會比老闆無視。

地方雖小，但食物超級有水準。首先服務態度非常好，和食客有交流有講有笑。魚類多不勝數，不至於市面上大路的。特別一讚就是魴鯡魚。非常新鮮入口超甜。再值得一讚的就是腐皮溫泉蛋，入口即溶加上有咬口，用來做前菜就最好不過。令到這一餐完美的就是魴鯡魚湯, 再加上彈口烏冬。個湯係用昆布同埋魚煎咗好耐，再加上時令嘅日本直送柚子，非常非常回味。店主會到日本購入不同嘅新鮮食物及日本清酒，小小一間舖真係唔簡單。值得推介。

特別鍾意食嘅生蠔同埋鰻魚飯啦！生蠔好肥美仲有食腐皮溫泉蛋，太好味，食得快得滯唔記得咗影相 今次仲試咗新野 叫咗魚刺身 清香鮮甜其實就唔係好識條魚名，因為係日本名，都係係老闆推介，佢會問你想要咩口味嘅魚刺身，可以慢慢同老闆講下你嘅口味，等推介 但係誠意十足，我未試過係日本餐廳，食刺身，仲成箱魚拎出嚟俾你揀想食邊款 最後就係饅魚飯 點綴返成個晚餐啦鰻魚好肥美再加上佢建議既四種食法，令到呢個鰻魚飯都令人食得好回味無窮啊

跟朋友慶祝來到了武藏山， 一進門老闆十分親切， 幾位朋友坐低後， 叫了新鮮的切魚， 口感非常好， 十分新鮮。 然後老闆推薦了一支日本酒， 幾位朋友邊吃魚生邊飲酒， 味道很配合， 非常正！ 之後再叫了一個腐皮溫泉蛋， 也是老闆推薦的， 我認為是必試的一道菜。 之後再叫了串燒及鰻魚飯，味道也是非常好。 尤其是鰻魚飯， 一試難忘。 串燒的話可以叫六款不同口味的雞串， 每款的味道都不錯， 就看你自己喜歡哪一款。 總括來說， 是很值得再去的餐廳， 比起很多日本餐廳的味道要好。

出席完朋友嘅行禮，夜晚就一齊黎呢間高質日本餐廳慶祝下。一全低老闆即刻出黎招呼我地，佢雖然係日本人但係啲廣東話都講得好好。因為都係慶祝朋友結婚，所以都想老闆介紹支酒俾我地，呢支酒叫咩名我就唔係好記得喇，但真係好好飲。之後我地想食魚生，老闆就拎咗個盒出黎，逐條魚介紹俾我地，啲魚真係超新鮮。一行五人叫咗三條魚刺生，加啲串燒同蛋，最後加多個真係必食嘅鰻生飯就夠食喇。呢個鰻生飯一味三食，老闆教哂我地點食，啲鰻魚燒到脆皮，我諗喺香港都好難食到咁高質嘅居酒屋。

發現佐敦一間日本🇯🇵小店，店舖老闆應該是日本人，聽到佢同客人都話日文，但佢都識講廣東話。我地一共4人，分別點了不同既餐。餐前點了雞皮餃子🥟，很特別我自己唔想食米飯🍚所以就叫左個拉麵🍜豬骨湯底味道跟出前一丁牌的味道很相似。五花腩好食我既最愛拉麵彈牙朋友叫的雜錦魚生飯好別緻，由於佢是男生比較大食，份量亦相對不夠飽。但價錢亦唔平宜。不過其實其他午餐既價錢都唔算太貴，係魚生丼會貴啲，有平有貴，禁就要睇下你想食啲咩自己揀啦！朋友既日式豚肉滑蛋飯都唔錯👍🏻下次去我會再試

成日係佐敦覓食 日日都要同同事諗食乜 都真係幾煩～之前經過呢間舖覺得出邊餐牌寫得唔錯好似幾吸引。於是記住咗 第二日便過去食～而事實又真係唔錯 又俾我地發現咗間lunch之地。連續去咗兩日 第一日lunch冇咁多人 入去陣時得一張檯。第二日比較多人，可能係因為星期五。但都有位唔洗等～前菜幾好味 好似係辣牛肉胡蘿蔔～ 唔知呢個有蔥 但好彩d蔥油bie過水 唔係太重蔥味。食落都ok由於第一日見同事嘅鯖魚都好味 於是第二日便食呢個～ 都唔錯 。相信之後仲會去食其他set餐。🤣

今日lunch同朋友出黎食飯隱約中記得有間日本野 門口menu ok 但未食過 就話不如試下啲未食過嘅餐廳Lunch menu 主要都係丼，定食同拉面 價錢上以日本餐廳黎講差唔多 但佢有加一朋友叫左個溫泉蛋牛肉丼飯 一上黎 牛味好香 溫泉蛋的熟度適中 撈埋飯食好滋味而我叫左個日本花魚燒定食 見佢有推介麻 條魚比我想像中大條 而且燒得金黃色 好香口 飯好綿 我幾鐘意食有人話佢service麻麻 但今日又冇明顯覺得嘅 可能因為lunch時間人唔係太多掛朋友同我都對呢間覺得幾滿意 下次應該會再黎食

不值一提，完全零招呼，只見d店員好欣勤咁同應該係熟客既人類傾得好開心舉極手揮手嗌唔該落order丫，都要睇到扮睇唔到哦下真心俾個真心講食物再好都無用啦，跟本唔適合外人進去

係我自己衰大時大節冇book定枱同女友食飯 , 即興走來以前叫遥嘅日本餐廳, 因為之前食過好懷念, 所以想重拾下嗰種情懷, 點知易咗手之後今非昔比, 我冇book枱所以只能安排門口嘅二人枱 , 本身餐廳內已經有一枱日本人喺度高談闊論. 本來呢d大時大節都冇所謂, 但係佢哋嘅聲浪真係越嚟越大, 而老闆同佢地飲埋ㄧ份(我唔肯定老闆係咪日本人, 佢識日文),佢地愈傾愈大聲,而對我呢個本地人真係零招呼. 而另外有ㄧ枱單身日本人係可以坐ㄧ張四人卡位而老闆也殷勤地招呼他, 感覺就覺得老闆只係招待熟人, 間餐廳好細又逼, 我坐係門口位等我女友黎, 當晚好凍, 門口ㄧ開ㄧ關真係凍到不似人形。加上被冷待, 及被嚴重聲音轟炸, 心情真係跌到谷底, 雖然我女友已經趕緊黎找我, 但係我真係太憤怒呀!!!! 一怒之下我就起身決定離開. 因為我相信我女友黎到大家都唔會開心! 本人都好熟悉日本人文化 , 也好明白日本人嘅居酒屋係好嘈㗎!!! 但係呢一間餐廳嘅環境真係太細呀, 日本地道嘅居酒屋形式真係好唔適合! 我感覺自己就好似入錯人地間屋咁！只有離開才是明智決定!

放假就緊係想食下好野 唔想再食平時既茶記喇知道佐敦內街學校附近有間日式小舖 就揀左呢個吉日去試下喇見到餐牌咦 幾抵喎 鰻魚飯都係148就要試下喇熱情既老闆就同我地解釋佢點樣去烹調講真148蚊我expect 係食交貨果種急凍鰻魚架咋點知老闆就同我地講 佢係自己每日去街市度買靚食材再自己調配啲鰻魚汁咁我就更加期待喇之前有食過香港有名既鰻魚飯 我覺得最多話佢地係抵食 都又未去到好驚為天人咁因為食得出係雪藏野一上個飯就見到條鰻魚係切左一舊舊再燒既所以係勁香口外脆內熱少啲功架都做唔到Highly recommend 呢度既鰻魚飯呀!!

佐敦的一間日本居酒屋小店，之前已光顧了很多次今次再去剛好看見新鮮刺身，剛到店，於是點了螺片，約四百元 一顆。切片之後發覺肉質很鮮甜。另外，那個腐皮溫泉蛋亦都是十分讚賞的，腐皮外脆溫泉蛋在裏面是流質的。十分好味！很好奇，於是問了店員是如何製作，希望可以在家中嘗試一下，但他們說原來是腐皮裏面有溫泉蛋，然後拿去炸，這個操作應該比較困難，還是去吃比較好，只是48元。他們off menu的清酒不定期供應，點了一個六百多元的試一試，這個味道辛口，有米味，配搭居酒屋的食品來吃，也是不錯，大家可以看看相片記一下名字。而另外想推介的就是雞泡魚乾，比出面一般貴，要百多元。但是這個雞泡魚乾比較厚身，而味道也是特別好味，燒得剛好，夠乾，不黏牙。

It was 12.45pm on a Monday, when I went into this restaurant, it was empty, only 2 students and another guy. The owner (I Believe) put me, and subsequently two other single customers, face to face and next to each other, cramping in one small table.And when I told him I understand the rational to want more business but when the restaurant is empty after 1pm, this is making the single customers sitting very uncomfortably. He wasn't even apologetic about it, and when I said then I will not come ba