44
2
2
影片
營業時間
今日營業
11:30 - 21:00
星期一至日
11:30 - 21:00
公眾假期
11:30 - 21:00
公眾假期前夕
11:30 - 21:00
以上資料只供參考, 請與餐廳確認詳情
-
網上訂座即將推出
相關文章
去開黃竹坑行街順便食晚飯，想食台灣菜真係要搵一搵，好懷念食正宗台灣牛肉麵這個THE SOUTHSIDE 有間台灣過江龍「段純貞牛肉麵」餐廳店內環境燈光舒適，佈置充滿中華特色 蒜醬青菜$48 油麥菜好新鮮，蒜香味好濃.滷水鴨舌好$68最愛食鴨舌仲夠入味 麻辣鴨血冬粉$88佢湯底香又辣，每條冬粉及鴨血都好入味 而且鴨血非常好滑闊條嘅手工麵，食晒都非常有夠飽肚. 招牌紅燒腱心牛肉麵（微辣）$86 牛肉麵湯底非常濃郁味道香濃，是用了牛大骨慢火熬煮多個小時 大大件半筋半牛肉入口好軟淋.燉濃湯雞麵 $88湯底感覺好鮮甜，有大大件雞脾，肉質好嫩滑手工麵質地咬落煙靭口感，好岩我口味純貞芋圓1號（凍）$48最愛有滑滑仙草、粒粒紅豆入口好咬口，同芋圓煙韌透明珍珠、黑糖珍珠同愛玉是夏天必食甜品芒果QQ $3250% 甜中杯500ml食完都好夠飽肚，份量都不少，食物味道及員工服務都不錯.📍段純貞牛肉麵 (黃竹坑)黃竹坑香葉道11號THE SOUTHSIDE 2樓205號舖
繼續閱讀
上次食完一次就念念不忘😋😋😋😋呢碗湯麵真係好味到不得了！湯底濃郁，帶有一種溫暖嘅雞湯香，啖啖都充滿鮮甜，感覺係用新鮮雞熬煮而成，口感滑溜又唔膩。麵條彈牙有嚼勁，煮得恰到好處，吸收咗湯底嘅精華，每一口都好滿足。當中最突出係雞件，肉質鮮嫩多汁，啲油花同汁水滲透咗入肉，咬落去真係享受。綠葉菜清新爽口，平衡咗湯嘅濃膩感，仲有點點蔥花提味，增添咗層次感。整體味道溫和但又唔失豐富，適合一啖啖慢慢享用。旁邊嘅炸物同小菜都好正，炸物外脆內軟，配搭湯麵絕配，小菜酸香開胃，增添咗用餐樂趣。環境同用具都好有氣氛，瓷器精緻，食起來有種家常嘅溫暖感覺。價錢同份量比例合理，性價比高，值得一試！下次一定仲會黎，推介俾朋友一齊享受呢個美食體驗！
繼續閱讀
嚟得食台灣野又點少得鹽酥雞，佢唔似平時係出面食開個啲細細粒，佢呢到份量多之餘，仲要大大舊又juicy，而且價錢相宜，只係$48👍🏻重點嚟啦，就係佢地嘅招牌紅燒腱心牛肉麵，佢有得揀幼麵/手工麵，但我個人係極力推介手工麵，我覺得食牛肉麵唔食手工麵簡直就係冇左個精粹🙂↕️鍾意食台灣甜品嘅我又點會放過，我地就嗌左個純貞芋圓2號，入面集齊哂我鍾意嘅野，佢用左桂花冰糖做底+黑糖珍珠+豆花+芋圓+紅棗杞子，個芋圓超冧，食完飽到上心口，超滿足😋
繼續閱讀
❣️ 正宗台灣菜「段純貞」直擊味蕾❣️今次同爸爸去黃竹坑呢間「段純貞」💟一入門口就聞到陣陣滷水香，即刻醒神！ 佢哋嘅台式甜品，同樣好有驚喜！蒜醬西生菜🥬西生菜爽脆到「索索聲」，蒜醬濃郁得嚟唔會搶味，仲有啲芝麻香吊味，開胃首選鹽酥雞🐓炸到金黃酥脆，咬落去「咔嚓」一聲，肉汁爆出嚟，九層塔香氣直衝鼻腔，同台灣夜市食到嘅一模一樣！蒜粒古早台灣腸，油脂甘香，夾埋旁邊嘅醃酸菜一齊食，酸甜脆口即刻平衡油膩感 ！一啖一個食到停唔到口🤗燉濃湯雞手工麵，個湯頭濃到黏嘴唇，雞肉嫩滑到離譜，手工麵吸盡湯汁，每一啖都係精華😍台式肉燥飯🤎肥瘦均勻，滷蛋入味，肉燥嘅鹹香撈飯，爸爸5分鐘清碗😆甜品楊枝甘露唔會死甜💛芒果肉爆多，西柚粒微酸平衡得啱啱好！濃醇豆漿豆花💖豆香超突出，綠豆泥同薏仁增加口感，紅豆煮到起沙，再加埋牛奶雪糕，為呢一餐畫上完美句號🥰
繼續閱讀
好耐無食過台灣菜，所以去咗黃竹坑「段純貞×日出茶太」食晚飯，依度嘅主菜、小食、甜品、飲品都好多選擇，琳瑯滿目。*此餐廳收取加一服務費。招牌紅燒腱心牛肉麵手工麵（單點$86），牛腱心好大件，肉質軟腍、帶有筋位，牛味濃厚，手工麵口感厚身，容易掛湯，紅燒湯底飲落帶有藥材味道、帶點微辣，配料包括有油麥菜、酸菜、香蔥。青花椒香手撕雞乾拌麵（單點$78），表面鋪有彩椒絲、花生、香蔥，手撕雞連帶着少許雞皮，所以食落不會覺得太肥膩，細麵口感條條分明，配以青花椒油食用，辣度2分，配料包括有滷水蛋、油麥菜、酸菜。滷水鴨舌（單點$68），鴨舌肉質皮彈肉滑，連鴨骨部位都醃得好入味。古早台灣腸（單點$58），採用台灣小香腸製作，肉質肥瘦適中，配以蒜頭、香蔥食用，味道辛辣。蒜醬青菜（單點$48），油麥菜口感爽脆，配以蒜醬食用，食落好香口。熱純貞芋園二號（單點$48），三色芋圓口感煙韌，黑糖珍珠口感Q彈，豆花食落入口即化，配以桂花冰糖、杞子、紅棗食用，味道清甜。大杯凍布丁烤茶拿鐵（單點$43），略嫌烤茶茶味偏淡，令整杯飲品飲落類似奶水味道，雞蛋布丁口感滑溜，味道香甜。
繼續閱讀