段純貞X日出茶太 (The Johnston)

營業中

休息中

之前食過銅鑼灣嘅段純貞之後好想再食，今日經過灣仔即去新開嘅灣仔分店 「 段純貞 x 日出茶太 」 ，就喺利東街入口出面、修頓球場對面，好方便～顧名思義係有台式茶飲，有得外賣仲可以堂飲！《 黑糖珍珠鮮奶 $38 》凍飲 大杯 700ml 少冰 少甜～ 黑糖甜甜哋又Q彈，奶又夠厚～《 百香QQ $45 》凍飲 大杯 700ml, 自選 少冰, 走糖 0%, +布丁$5,+蘆薈$6唔使加糖甜度已經夠～已有好多黑糖珍珠喺底，再加埋布丁同蘆薈勁豐富，比我當埋甜品～最中意佢個湯底，係用23種香料及中草藥材，再配搭牛油、香蔥、蒜和豆瓣醬等多種食材拌炒熬製，味道清香濃郁。牛肉都滷到相當入味又軟嫩，濃厚嘅藥材香味四散～牛筋經過長達兩小時的細心慢燉滷製，十分腍身同入味～段純貞牛肉麵有傳統的手工麵同幼麵選擇。手工麵寬身有口感，幼麵彈牙掛汁～口感各有千秋～《 犇牛四寶麵 細麵 $108 》四寶包括牛腱、牛肚、牛筋、牛嫩五花～《 紅燒腱心半筋半肉牛肉麵 手工麵 $88 》《 養生無骨紅棗黃酒雞 $84 》黃酒味道香醇，雞肉有少少韌，不過咸咸哋幾入味～

台式美食愛好者必到！兩間台灣人氣餐廳Crossover，食到牛肉麵的同時又可以飲到台式飲品，雙重滿足～🍜犇牛四寶麵 Beef Noodles with Shank, Tripe, Tendon & Sliced Flank ($108)牛魔王必點！一次過食到牛腱、牛筋、牛肚及嫩五花，十分豐富！牛腱及嫩五花軟腍，牛筋滿滿骨膠原，牛肚亦彈牙十足～🍜燉濃湯雞麵 Rich Chicken Broth Noodles with Drumstick ($88)大大隻雞腿切開兩份，肉質鮮嫩，完全不肥；湯底充分地吸收精華，香濃鮮甜美味！🌶️慢煮無骨囗水雞 Slow-cooked Boneless Chicken with Sichuan Chili Sauce ($84)雞肉同樣嫩滑，而且肥瘦適中；麻味香，辣味濃，十分開胃！🧋太極厚奶 Taichi Supreme Milk Tea ($38)🍵抹茶拿鐵 Matcha Tea Latte ($34)

💜 段純貞牛肉麵📍灣仔莊士敦道74-80號The Johnston 地下A及B號舖------------------------------1️⃣ 經典紅燒牛肉麵 $86推薦指數：👍🏻👍🏻👍🏻湯底濃郁 有淡淡的藥材味 還有些許紅油 有微微的辣味 十分惹味😍選擇了幼麵 麵身軟硬適中 掛湯☺️ 牛𦟌入味 切片上 少少柴🫣2️⃣ 燉番茄腱心半筋半肉麵 $92推薦指數：👍🏻👍🏻👍🏻湯底大同小異 番茄味不突出😂亦有微微的辣味😆 這一碗選擇了手工麵 很煙靭 有口感💕牛腱心入味 但突比教乾 而牛筋腍滑☺️3️⃣ 嫩五花牛肉麵 $86推薦指數：👍🏻👍🏻👍🏻湯底跟前兩碗一樣 五花牛肉偏瘦但嫩滑😆4️⃣ 滷水拼盤 $78推薦指數：👍🏻👍🏻👍🏻有牛肚 牛𦟌 滷蛋 豆干 鮮菌💕所有食材都很入味 牛肚爽口🥰滷蛋蛋黃流心 豆干多汁 ☺️------------------------------湯底味道普通 限時45分鐘 比較趕急 環境舒適☺️整體而言略貴 CP值不高總評味道：⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️

越來越多分店既段純貞，台灣過江龍，用心製作，湯底濃郁，經過長時間熬製嘅牛肉，齋睇相已經覺得好吸引。喺灣仔莊士敦道，同日出茶太Crossover，裝修非常高調，光鮮樓底超高，傾偈唔使怕嘈，座位較多非常開楊，可以坐得好舒服，價錢同其他分店一樣，去灣仔食真係物超所值。日出茶太好耐都冇飲過，係細個嘅時候必飲嘅台灣手搖飲品，係唔知幾時開始就全線冇晒，估唔到灣仔原來仲有，非常驚奇，不能不試。牛犇四寶麵一碗有齊牛肉牛筋牛肚，滿足幾個願望。湯底熬得十分香濃，好驚喜。牛肉有一大舊牛肉同牛肉片，兩款都好淋冇筋，牛筋軟熟淋滑，滿滿膠原感，牛肚都好入味紅燒半筋半肉牛肉麵如果唔食牛肚嘅人可以試呢個麵，都係招牌菜色，配上手工麵，闊身麵條好掛湯，煙煙韌韌，同湯底好夾養生紅棗黃酒雞雞件煮完都好嫩滑，仲要無骨，每一啖都係微微酒香同紅棗味，食完都覺得自己養顔咗太極厚奶特濃厚奶配上珍珠，雖然有啲甜但個奶味好重，忍唔住吸完一啖又一啖，每啖奶連埋黑糖珍珠，有得飲又有得咬，正荔枝紅茶 清清地可以揀飲荔枝紅茶，就算無糖都唔會無味，荔枝香味連埋紅茶好夾，可以中咗下油膩感店員非常有禮貌，同埋上菜係keep到熱，兩個人食，每人唔使$20

呢間開左好耐，都冇諗過要食，今次有人話要食夠唔知幾多錢，定係用OpenRice pay?🧐唔記得喇😂夜晚冇乜人，唔洗等位～🥳麵🍜有手工麵同細麵可以揀，我哋揀咗手工麵，係幾好咬口。牛肉麵湯底夠濃，不過冇我喜歡的甜甜的味道。牛𦟌超稔，入口即化，又好入味。排骨麵嘅排骨都算好大塊，幾稔。古早台灣腸配搭蒜片很香口，不過好似唔係黑橋牌🧐紅油抄手辣到我飛起😅已經食唔到抄手嘅味道，印象中台灣菜好似冇咁辣🤔好彩有叫飲品🧋，否則辣到食唔到😅

🥢 台灣牛肉麵同埋台式飲品可以話係台灣美食嘅其中兩大代表，深受港人喜愛，想一次過同時enjoy呢兩個美食？黎灣仔段純貞最適合不過！ 👍🏻 灣仔店空間感較大，樓底高，以木條風作主題比到食客溫暖嘅氛圍，而且灣仔店仲有日出茶太，食客可以一邊享受台灣牛肉麵，再配返杯台式飲品！ ⏳上菜速度: 🐄🐄🐄🐄🐄 ✨ 犇牛四寶麵 $108牛肉湯頭勁濃，每款牛口感豐富，軟嫩多汁，手工麵條更加係每一條都吸收曬湯嘅精華，啖啖滋味！揾食指數: 🐄🐄🐄🐄🐄 ✨ 紅燒腱心半筋半肉牛肉麵 $88牛腱肉經過長時間燉煮，肉質好腍身，入口即化，配幼麵口感又爽又彈牙，而家浸湯浸到好入味！揾食指數: 🐄🐄🐄🐄🐄 ✨ 養生無骨紅棗黃酒雞 $84雞煮得好嫩好滑，一啲都唔老，個底汁清甜健康揾食指數: 🐄🐄🐄🐄 ✨ 荔枝優格QQ $34優格本身嘅酸甜，配上荔枝清爽嘅甜味係絕配！揾食指數: 🐄🐄🐄🐄🐄 ✨ 草莓歐蕾 $38草莓沙冰甜度適中，沙冰質地打得恰到好處幾滑揾食指數: 🐄🐄🐄🐄

📍 段純貞X日出茶太 Duan Chun Zhen x Chatime (The Johnston)🌍灣仔莊士敦道74-80號The Johnston 地下A及B號舖Shop A & B, G/F, The Johnston, 74-80 Johnston Road, Wan Chai📝整體評分：８／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝❅燉濃湯雞麵❅ $88湯底好奶白，雞味好重，配幼麵會好match，好滑且掛湯~雞髀斬開２件，嫩滑而且唔會有骨碎。❅犇牛四寶麵❅ $108 (牛腱、牛筋、牛肚、嫩五花)牛筋Q軟、牛肚爽口入味、嫩五花瘦得黎好嫩，湯底好濃香厚實，手工麵寬闊又厚實，最重要係有咬口!❅紅油抄手❅鮮蝦豬肉雲吞皮薄，醬汁加埋炸花生碎，香麻而且挺辣的~❅荔枝紅茶 $32 ＆ 芋頭特調 $38 ❅ (L)荔枝紅茶不愧是ｔｏｐ５，超fresh超荔枝，勁夏日解渴~

好想去台灣😫可惜未有假，決定要食返餐台灣菜扮去咗🥹段純貞嘅湯底係偏濃，同埋有少少藥材嘅味道，個人就覺得幾啱口味🫢（重口味之選），同坊間港式啲嘅台灣牛肉麵有別不同，湯仲有少少紅油，令到成個湯底更香。面底有兩款選擇，可以揀細面或者手工粗麵，因為我哋本身鍾意食幼面，所以兩碗都揀咗幼面，個人覺得可以掛到多啲湯🤣犇牛四寶麵 — 有牛腱、牛筋、牛肚同埋嫩牛花，啱晒食肉獸😼 牛腱十分之淋，選材都幾上盛，冇好似其他坊間咁樣攝啲瘦肉，或者柴口嘅牛肉落去做送。我認為金錢肚係最出色😆因為佢好淋之餘，仲索咗好多湯汁✨紅燒腱心半筋半肉牛肉麵 — 牛筋炆得好淋，亦好有膠質。而每舊肉都真係睇到一半筋位，一半肉位，所以係好易咬得開，仲會滲出濃濃嘅牛味🐮紅棗黃酒雞 — 只要見到餐廳有黃酒雞，我都一定會嗌嚟食的🫢 雞超級嫩！唔知係咪慢煮嘅呢？而且仲好細心去咗骨，可以一啖放入口🥹不過略嫌酒味唔夠重，如果加重黃酒份量，飲完暖粒粒就仲正呢間分店同其他嘅唔同之處係，佢地同日出茶太合作，所以可以叫埋隔離嘅台式嘢飲。我哋分別叫咗兩杯拿鐵，抹茶拿鐵同埋鐵觀音拿鐵，都幾好味，同埋三十零蚊來講都抵飲。

城中熱門話題嘅段純貞，係灣仔開了分店。今日去完客戶公司經過附近，順便品嚐一下傳說中的二十三香炒製而成的牛肉。犇牛四寶麵嫰五花，牛肚，牛腱，牛筋湯底入口濃香，甜而不膩，是經過數小時慢火煮製而成。嫰五花，果然嫰滑，沒有多餘脂肪。牛腱軟腍得絲絲入味，化開。牛筋膠質豐富，有嚼口。牛肚爽口，滋味。選擇了幼身麵條，容易掛湯。養生無骨紅棗黃酒雞雞肉散發出酒香。紅棗嘅配搭，絕對係養生之選。葡萄柚 QQ清甜好飲。QQ彈。

《段純貞》呢間係正灣仔地鐵站斜對面， 行過對面5分鐘左右就會見到～ 平時Lunch time 見都幾多人，特然想食牛肉麵，所以入黎試下🤤我叫左😋🥢原味牛肉手工面牛肉同湯底好入味，好濃郁嘅，肉又冧，麵質滑、Q彈🤤🥢手工豬肉高麗菜雞湯水餃普通菜餃，但雞湯清甜🤤🧋太極厚奶（大杯）好香奶味，珍珠Q, 好味😋地方乾淨，最讚係樓面幾位都好有禮貌👍🏻👍🏻仲有樓上位置～啱哂人多聚餐😊下次一定再試其他🤤

我食開荃灣嗰間段純貞，覺得麻麻，不過同事提議食呢間，就試下灣仔段純貞去到已有一大堆人等位，要㩒飛先4人枱要等4張，喺出面睇住餐牌先不過等咗15分鐘左右就入難得坐到角落卡位好舒服😌，隔離玻璃睇到人來人往，要do QR code落單，我叫咗犇牛四寶面+太極☯️厚奶，同事叫咗麻辣蒜味腱心半筋半肉面、三寶面、百香QQ同泰式珍奶🧋犇牛四寶面有牛腱、牛筋、牛肚同嫩五花，口感好豐富，叫咗幼面，好食過手工面太極☯️厚奶，就咁聽名唔知乜，好彩我睇咗圖，有黑白色，黑色係珍珠，白色係蒟蒻，咁就似太極☯️，個底係奶茶🥤，成杯幾match,好飲同事話百香QQ太甜，雖然佢已叫零糖最後埋單要加一，日出🌅茶太有驚喜，下次想試樓上Ozakaya

傳統牛肉麵就食得多，麻辣火鍋口味嘅牛肉麵就第一次試，佢個老火鍋牛肉麵湯好特別，好好味喜歡食麻辣嘅朋友可以試吓，我覺得幼麵好味d，加上佢好味嘅台式風味小菜，小菜個冰糖花生好好味，可以中和麻辣湯辣味。對灣仔市區來講，我覺得有間咁好味嘅牛肉麵係令我覺得驚嘆嘅！

呢個台灣牛肉麵一喺香港開店已經好高人氣，只有一間分店個陣大排長龍，食唔到。宜家多咗分店，開業又耐咗，熱潮減退，終於試到，做會員有75折coupon，不過lunchset唔用得要單點。單點咗個犇牛四寶麵，$108麵可以揀粗麵/幼麵牛肚、牛五花、牛展牛肚有啲腥，不過都可接受牛五花算比較好吃，唔鞋，都香牛展算軟熟，有2舊筋湯底好勁香料味好似有啲辣咁，麻麻地，亦都好難繼續飲啲湯粗麵真係好粗又厚，咬落好粉，好飽肚好滯，覺得幼麵可能會好食啲小食台灣腸偏淋，個皮都好淋唔脆，肉都好淋，同埋肉質一般，唔香，冇乜味新做會員有75折coupon，不過本身價錢略貴，份量唔多，試一次就夠

今日行過灣仔經過見到呢間新開冇幾耐，有見佢啲宣傳片，見佢裝修都幾靚，又係台灣過江龍，咁就膽粗粗入去試吓。一入到去啲枱枱凳凳好逼，逼到好似放到幾多張枱就放嗰種….坐得唔舒服叫左口水雞拌麵+犇四寶細麵+紅油抄手。兩碗麵啲麵麵好淋，淋到係好似浸左幾個鐘湯既麵質！口水雞有好多蒜辣油，但神奇係一啲味都好，只係成口油🤢犇四寶麵個湯底就好苦，紅油抄手個汁都係好一般般😵仲有杯芋頭特調，真係好難飲！嗰啲芋頭好似攪拌機攪碎咁，唔係平時飲芋泥，好奇怪既口感🤮結論：難食，碗麵$40都唔值，希望大家唔好中伏😵‍💫

朋友介紹之下，去食段純貞。我本身想叫佢個雞湯麵，但係佢話要15至20分鐘先有得食，我比較趕時間，所以就叫返個普通牛肉麵，而我選擇嘅係手工面。牛肉非常之淋，並且入味，手工麵彈牙有咬口，非常之好味。紅油抄手係朋友極力推介，但係反而有啲失望，抄手只係一半蝦肉雲吞，我唔係特別鍾意，因為我鍾意菜肉雲吞多啲。個辣味亦都唔算入味，芽菜更係冇乜味，下次嚟會再叫其他小食試吓。