殿糖級 (已結業)

The service was very friendly! The soufflé was very good(eat it when it's hot) , Mille feuille was average but the waffle was bad because it was too tough and it seems not freshly made. The way to washroom doesn't look very nice but the toilet was clean.

無相, 但係都要講.叫左個朱古力 梳乎厘, 個樣同圖唔似都預左, 可惜係完全唔同, 灰色既 朱古力見過未? anyway, 食下先, 根本就係朱古力 + 泡, 無味同根本唔係梳乎厘, 唔識整不如唔好賣.仲有叫左個 waffle, 點解係淺啡色唔係深啡色? 再食落去, 以為食緊麥記熱香餅, 完全唔脆, 唔硬, 軟既? 最大鑊係熱香餅好食好多, 鬆軟好多, 點搞?唉, 叫 2 樣, 死 2 樣, 今次中伏了.

食完美味既Burger係附近行下, 點知見到甜品店又忍不住又想入去試下, 我地係店外俾佢地既poster吸引住見到有咩分子甜品咁鬼特別就決定入去試下...我地叫左個分子拚盤同埋芒果黑糖天使麵當晚唔知係唔係平日人客亦非常少, 但我地2個甜品都要等左10分鐘左右先到,真係有點奇怪..10分鐘後先來個芒果黑糖天使麵, 個天使麵充滿黑糖味道都唔錯, 但D芒果一D都唔得超級勁酸, 酸, 真係有點破壞左成個甜品.再來既分子拚盤就係我第一次食甜品會食唔清既一次, 所謂既分子甜品如果真係咁樣, 我相信以後都唔會想再食..2旁似雞蛋既甜品, 2個都無味道係一D甜度都無, 中間既蛋黃亦一樣無味食落似無味既jelly, 再來就係一杯綠茶mousse作底中層係分子甜品既魚子粒粒再加上一層厚厚唔似cream既cream, 整杯野一樣係無味再加上底層mousse一D都唔滑而且帶點硬身加綠茶既苦澀真係唔好味, 當我試到第3樣既時間對第4款甜品都唔會有期待之時, 幸好最後一杯既哈密瓜作面既甜品都算似一杯正常甜品.首先哈密瓜夠甜底部既似燉奶既甜品都算滑身同夠甜度, 這一個拚盤唯一一款甜品我係清晒之外, 其他都係食左一啖

前一日同個朋友行完街諗住食糖水，行過殿糖級見到幾靚就入去試下，跟手叫左個牛奶冰，蘋果脆脆同芒果腸粉。味道不錯，啲冰入口幾滑，蘋果脆脆都好香牛油味。但啲員工啲態度較hea，只係企係後面張枱，不過都有Service我地，但最誇張竟然有兩個員工為私事，大聲討論...實為有啲掃興。btw我應該會再去，因為真係幾好味

侍應一上芒果黑糖天使麵，起初以為上錯椰汁西米露，芒果得幾粒，纖維奇多，特別問一次有否上錯；黑糖天使麵結成一舊，相當不符照片所示，永不再光顧成碗都係椰汁，餐牌相當搵笨。同時也點了楊枝金露，同是一碗極少芒果味的幾乎純椰汁，真的冇下次

游完水之後一定係宵夜時間啦！！識食一定食天后殿堂級啦！！留戀西米露真心正，有大大塊榴蓮係西米露游水之餘，而且西米露都好香滑，唔似溝過水。綠茶雪山，好多料，雪糕都好滑，而且都無冰係入面。不過抹茶味唔重。

下雨天心情又不好, 最好搵個冷氣地方坐一坐, 嘆一嘆之前去過殿糖大圍舖, 街邊坐風味不錯, 呢間好似走中高調路線, 試一試啦感覺價錢都有番咁上下, 所以只点了木康布甸, 廿零蚊. 好快出有d驚喜, 食落好滑, 唔硬唔軟, 木康碎又啱啱好, 同澳門出名個間有得比. 食完心情ok旁邊枱有人叫左個魔鬼球, 伙計會臨上枱將熱朱古力淋上波面, 幾得意, 下次試下唯一有問題的是伙計, 一睇就知新黎, 有待改善

今日同朋友行完銅鑼灣, 諗住食晚飯!點知大家都唔係太肚餓!所以朋友建議去天后食糖水嚕^^ 經過呢間殿糖級門口,其實已經比佢既粉紅色裝修吸引住左啦!我地入左去之後,見到佢地既Menuv好colourful好靚!抵讚呀!入返正題!我地叫左份香蕉窩夫+雲呢拿雪榚同埋火焰雪山+雪呢拿雪榚! 啲窩夫好香蛋味同埋真係熱辣辣上碟👍 再加埋凍冰冰既雪榚!真係正!!唔同出面啲窩夫散(收)(收).... 另外火焰雪山, 雪榚包左係入面,雖然係冇火既!但啲蛋白有啲啲芒果味!好似食緊芒果味棉花糖咁!!好好味呀😋😋 食飽之後,我地都決定下次會再黎食咖!嘻嘻😉

昨天家庭樂，兩個囝囝想吃甜品，所以專程駕車往天后此店，吃甜品，看左餐牌，有囝囝最爱的朱古力新甜品，特此order一個魔鬼球和一個幻彩球，我就点了一客榴槤拿破崙，太太点了客牛油果三文魚沙律，魔鬼球唔錯，甜度剛好，而且每層都有不同味道的朱古力，另一幻彩球，朱古力碗加上雪糕，和新鮮生果，頗配，拿破崙很美味，夠脆，沙律很新鮮，配合得很好，今次家庭樂，頗開心，值得再三嚐試

一年前到，我同親戚黎呢到食，見又新又令，覺得又gd喎，心太軟同拿破崙令我同屋企人喪讚。今日，同朋友係炮台山慶生，諗住提意去天后食呢間野，食我中意果兩樣。一入去，有個長髮女仔係門口企愛理不理咁，我完全感覺唔到我既存在。諗住自己入去啦，好采做野既原來係入面唔係門口。我同fd叫左心太軟，窩夫，拿破崙，木慷布甸。但係當我好興奮既時候，遠遠比不上我想要既味道。心太軟成個味唔同左，窩夫係因為個fd係mk食過好食佢先叫，點知又相差好遠，拿破崙芒果又無味又唔脆，木慷布甸就無問題既，不過出面果層溶到好似乳酪咁囉。整體都中下，甜品唔得，服務態度又一般般，仲有我fd話去廁所見到有個人整甜品唔帶手套，隻手又濕拎e樣拎果樣，廁所又污糟，我fd仲話個人好似黑社會大佬，最衰我fd走先肯講，如果唔係我都想見識下。

和朋友吃過晚飯後慢步到天后搵甜品吃, 滿足第二個胃經過電器道, 清風街一帶甜品店多不勝數, 反正殿堂級還是未曾光顧過所以一試, 店內裝修有點像 ”五代同堂”, 店員以青年人為主我和了朋友分別點了 , 店員的態度極不友善, 很不耐煩的樣子, 問多句都唔願答, 另一場面更犀利, 有個女的店員坐在旁邊一角玩電話, 客人叫好她, 她看了一眼後, 扮睇唔到。繼續玩。。。唉。。。這些年青人 。。。紅豆涼粉配朱古力雪糕先上枱 , 賣相極不討好, 水溜溜咁, 見到都唔開胃, 我要倒去太多的椰汁花奶再影相。紅豆涼粉比較正常, 但感覺呢碗野 HEA 到無朋友。即焗Apple Crumble 配上云尼那雪糕, 這個賣相則可以, Crumble 己香又脆, 牛油味也挺Rich , 蘋果切的細細粒粒, 不會太濕, 云尼那雪糕則時平價貨, 味道淡淡的, 但平均合格。整體印象分極差, 攪到小妹心情都變差, Bad List for sure !

昨日下午5點幾, 去到餐廳食了一個芝士海鮮意粉, 西瓜汁...真係未試過甘難食....其實50元一個餐, 我都無咩要求, 點知...個意粉一D 味都無.....西瓜汁加水加到一D 味都無, 同飲水真係分別唔大。 

其實在大陸做事很久，始終香港最好，上一來是半年前了。下午六点到，人不多，可以慢慢食，在天后每次食飯後我也either去x姨姨or這，各有特色。其實連鎖店要维持不容易，坦白説，天后呢一間算不錯，當然不可跟酒店比，但見已頗盡力，尤其是食物包装，鄰枱見到的雞蛋布丁和心太軟可見下了一番苦工。我点了香芒雪香同雜果原味木康布甸，feeling也一樣。棉棉冰入囗一绝，夠香夠甜, 之前試過其他的食完會喉乾，這裏ok, 配料都足。木康布旬賣相一絕，也比較滑，但比較甜，各位要自己衡量。超飽，才發覺有新甜品menu......下次吧人也多了，但唯一問題是人手不夠，反應較慢，致清枱時不甚清潔，要留意留意。

I had been attrack by the Ad which sit on the Window.So I went to have a try on Napoleon, and Apple crumble.I expect to wait 15 minutes for all.But Napoleon came earlier, and I know it should have a problem.Once I taste it, it is cold, and not flesh make...otherwise it should be hot and warm. So it is not flesh..., the taste of custard is so sweet.Also the waiter with glasess is so rude, and he is just dropped the Apple Crumble to my wife on the table. It is bad attitude...and I see the other gi

呢間野真係唔掂佢有個All day breakfast 11:00-20:30 供應嘅個餐有waffle 有滑蛋我同我朋友夜晚叫左當dinner點知個waffle燶到個底爛哂佢就咁反轉左上就當我地睇唔到食落又硬得燶味之後啲滑蛋完全乾到好似得蛋黃咁冇味，一pat野好乾口之後諗住叫甜品會好啲 叫左個榴槤河粉 啲榴槤變壞左係又酸又似可樂咁...