影片
營業時間
今日營業
12:00 - 15:00
17:00 - 23:00
星期一至日
12:00 - 15:00
17:00 - 23:00
以上資料只供參考, 請與餐廳確認詳情
旺角🚇帝京酒店呢間「殿 大喜屋」🥢 絕對係每次來都有驚喜💖嘅高質日式放題🍽️。 入邊地方超大🤩，又光猛乾淨💡，加上大量雲石裝飾💎盡顯酒店氣派🏨。 呢度嘅自助區有🟠三文魚籽任你食😍，爆汁鹹鮮衝擊力十足💦，撈沙律/刺身/手卷🍣自行加料超正！ 刺身拼盤冰鎮上枱❄️，勁豐富🌟： 池魚王銀皮閃亮✨，爽脆甘香🍃。 油甘魚脂肪紋理好靚🐟，油香爆炸💥。 三文魚厚切鮮味🤤，腴滑無筋💫。 甜蝦糯黏🦐，蝦味甘甜。 牡丹蝦大大隻👍，啖啖膠質黏唇😋蝦膏甘香！ 松葉蟹腳肉質飽滿🦀，雪白鮮甜⚪️。 仲有拖羅任食🎉，肥美粉嫩💖魚脂甘香！ 煙熏鱆紅魚薄切🔪配咗少少三文魚籽🟠，煙燻香滲透晒入魚肉🐟，味道層次好豐富👏！ 呢度仲有幾多款壽司🍣，但係最深得我心嘅就一定係勁鮮味嘅🇯🇵日本海膽軍艦同埋☺️層次超豐富嘅海膽🐟拖羅鱈魚乾手卷！ 佢哋呢期有全香港獨有🧂油鹽焗奄仔蟹🦀任食，隻隻都爆晒橙紅蟹膏💥，鹹香帶鮮甜蟹肉香嫩✨正呀！ 另外仲有避風塘炒蟹🌶️，炸蒜金黃焦香🦀，辣度適中惹味送啤酒🍺一流！ 蠔控必食川燒珍寶鮮蠔燒🔥同埋酥炸桶蠔🦪，一款香辣惹味🌶️，一款鬆脆鮮甜😊。 泰式🇹🇭麻辣奶油蝦🦐蝦頭啲膏多到癲🧡，奶油香滑🥛加上香茅同埋檸檬葉調味，🌶️泰式風情滿滿！ 殿堂級鐵板🪿鵝肝厚多士外焦脆🔥內軟滑，入口即溶勁甘香🍞！ 佢哋仲有多款串燒🍢，全部任叫任食🎉都十分之唔錯👍。 自助區仲有多款冷盤🥗、熱盤♨️、中式點心🥟同埋多款酒類🍶任飲🍻款式極多元化🌈。 甜品櫃🍮入邊嘅甜品款式極豐富🍰，雪櫃仲有 Haagen-Dazs 同埋 Movenpick 雪糕添🍨真係大滿足啊💯！
繼續閱讀
餐廳地方好大，環境舒適，午市$338食足3個鐘，食得唔急唔趕，坐得又舒服👍。餐廳一部份以QR Code📱落單，另一部份係自助區🚶♀️，响自助區都有好多嘢食好多嘢飲。🚶♀️自助區👇🍺飲品區確係唔野少，好似我哋咁好酒嘅一定開心，有幾款大品牌嘅啤酒，嘉士伯、喜力、朝日等，連日本果汁酒及燒酎都有，當然有冷泡茶、果汁及汽水等；想清清地都有茶包例如玄米茶及煎茶可以沖；除咗雪櫃內，另一邊仲有酒鬼喜歡嘅有梅酒清酒、紅白酒等。🍲熟食區🍤有烤榴槤、炸雞、芝士西蘭花、 豚肉腸、辣酒煮花螺、麻辣小龍蝦連蝦餃點心都有呀，湯類就有蟲草花烏雞湯，熟食我哋覺得超正嘅係烤榴槤，超綿腍又夠香，添食之選。🦐凍海鮮水果🍒有青口、凍蝦及瀨尿蝦；水果有蜜瓜、蜜柑、車厘子及大大粒青提，最特別連人參果都有。🥗沙律小食🧆有成廿幾款餐前小食及沙律，有煙鴨胸、火腿片、煙三文魚及餸酒小食如餅乾及果乾等。🍦甜品區🎂有椰汁西米露、乳酪、豆腐花、大福、布甸、軟雪糕及雪糕配料等。最緊要當然有movenpick及häagen-dazs雪糕喇，另外仲有沖繩海鹽雪糕及日本巨峰雪條添😋。📱QR Code落單👇🥢創作料理 花雕醉鮑魚，鮑魚超軟腍入味；鱘魚子醬鹹香味鮮，牛油果蟹肉最終餅都好正，必然之選。🐠刺身類 松葉蟹腳、油甘魚、金槍魚腩、池魚王、北海道帶子、赤貝及海赤蝦，食過呢幾款都好新鮮及鮮甜，添食之選。🍘炙燒壽司卷物 連江戶前壽司都有，最鍾意就係海膽托羅黑松露帶子及魚子醬拖羅，口感豐富又肥美，不二之選。🍣軍艦有我最喜愛嘅日本北海道海膽軍艦及海膽拖羅鱈魚干手卷，有鱈魚脆片、三文魚籽、海膽及拖羅蓉，非常豐富口感，值得一添再添。🍲一品料理 金湯燴花膠、瑤柱扒豆苗、花膠海參瑤柱翅羹、蜜汁脆鱔、避風塘炒蟹及鮑汁鮑魚撈一口花菇飯，呢幾款都好有特色同時亦係回本之，我哋就最鍾意鮑汁鮑魚撈一口花菇飯，鮑魚超大隻，花菇飯味道超香，而蜜汁脆鱔亦夠香脆甜蜜。🍡燒物 西京燒比目魚、香草羊鞍、串燒牛舌及菠蘿，牛舌及菠蘿我哋都叫咗幾轉。🍤炸物及天婦羅榴槤炸彈及香芋丸，炸物中嘅甜品，夠哂香脆甜蜜。🥘麵鍋 清酒煮蜆及鮑魚皇帝蟹黃粥都好似好正， 不過已經食唔落。🦪蒸焗鐵板 🥥蒸扇貝及珍寶鮮蠔夠哂新鮮；椰皇燕窩燉蛋白，滑溜滋陰唔甜；鐵板鵝肝厚多士，鵝肝超厚；燒乳鴿王肉嫩味濃好好味，可惜叫第二轉已售罄，下次一定要叫多啲。雖然今日超多人，全餐廳滿座，但係都完全冇漏單，收碟速度又非常之快👍，三百幾蚊魚子醬任食，再加埋所有海膽菜式都係使用日本海膽，所以响呢間餐廳食buffet ，唔使擔心回唔到本😝。
繼續閱讀
之前已留意到【殿大喜屋】有新出品奄仔蟹🤩，終於同為食大佬夾到時間一齊去試試🤤~ 餐廳裝修雅緻，有格調，座位舒適。 自助區位置集中，好方便👍🏻~ 🐟刺身 款式選擇多而且新鮮😍 最鍾意北海道鮮帶子及金槍魚腩❤ 帶子柔嫩鮮甜👍🏻，金槍魚腩有滿滿魚油香，肥美香滑😋!! 🌟鱘魚子醬 可以任食魚子醬，真係奢華級的享受🥳 魚子醬粒粒分明飽滿，入口充滿鹹鮮味~ 🐟煙燻鱆紅魚薄切 賣相精美，有淡淡煙燻香氣，清爽甘甜有彈性~ 🍣壽司、軍艦及卷物有好多誘人選擇‼️ 🌟必食回本海膽軍艦🌟 用上日本海膽，濃郁鮮味，甘甜可口😋!! 一定要encore💯 🍣海膽拖羅鱈魚乾手卷一啖可以食到鮮甜海膽、富有魚油香氣嘅拖羅及香脆鱈魚乾。味道口感豐富有層次👍🏻 熟食款式琳瑯滿目~ 🦀油鹽焗奄仔蟹 爆膏奄仔蟹，超邪惡😈!! 蟹膏甘香濃郁😋，蟹肉鮮甜細緻有咸香味~ 喺放題食到奄仔蟹，相信係【殿大喜屋】先有呢🤭 🦐泰式麻辣奶油蝦 辛香惹味，奶油中和少許麻辣味🌶，令醬汁更滑順溫和~ 🦪花菇紅燒鮑魚原隻鮑魚肉質軟嫩Q彈👍🏻 🌟鐵板鵝肝厚多士 厚切鵝肝，外層香脆，油潤豐腴😍，超滿足~仲有串燒、天婦羅、炸物等等多款精緻料理!! 🌏自助區都唔可以睇少，竟然有三文魚子及蟹籽任食🤩，真係超正!! 而且仲有煙三文魚多士、港式燒鴨、凍海鮮、點心及生果等~ 🍦甜品雪糕區 Häagen-Dazs雪糕都有4款口味🥰，而且仲有回本之選嘅Mövenpick雪糕及Milk Top雪糕!! 甜品有可愛嘅花花馬卡龍，🌹玫瑰口味有淡淡花香~ 仲有不少精緻特式甜品，例如：焗榴槤布甸、焦糖意式布甸、造型糯米糍等等~ 🥤飲品區 🍑白桃烏龍茶依然係我最愛~ 青檸汁、珍珠奶茶🧋同港式奶茶都好正!! 除此之外，仲有好多果汁汽水及🍻酒精飲品任飲呢。 為食大佬同我都食得超滿足🥰~ 已經諗定下次再食過!
繼續閱讀
放假終於有時間午市去咗食放題，留意咗佢好耐㗎喇，一直都覺得好吸引，而且好多嘢食。🍽️😋我自己本身係一個刺身同海鮮嘅狂熱粉絲，呢度嘅刺身款式非常之多，鍾意食刺身嘅，叫都幾round刺身都已經值回票價，我每款刺身都有叫嚟食下，你話質素非常之高就唔係嘅，但係以放題嚟講，已經非常之好，都食到本身食材嘅原味。🥳另外其實都有好多其他嘅熟食食，我自己比較鍾意蒜蓉生蠔，同埋煎比目魚，味道好好。但係因為嘢食實在太多嘅關係，真係有好多都冇試到，我諗如果我想試晒咁多嘅嘢，真係要嚟多次。😆😆午市可以食三個鐘，啱晒我呢啲食得比較慢嘅人，食完熟食仲可以慢慢食吓甜品，佢雪糕款式都多，甜品都好食👍👍🤩差啲唔記得提，飲品選擇非常之多，酒類都有好多，一家人聚餐都非常適合。但係人比較多嘅關係，傾偈就要大聲啲🤣所以建議大家都係專心食嘢，享受美食。😆💕💕
繼續閱讀
呢間放題好多嘢食揀，嘢食都好好味，晚餐大約$400，個人覺得抵過去酒店食自助餐！款式多到食唔哂，有啲想encore 食多啲，真係太飽 。好滿足！最抵係食海鮮刺身，好新鮮好正！
繼續閱讀