殿·大喜屋

營業中

休息中

餐廳位於旺角帝京酒店2樓，地方相當大有種華麗感覺，座位闊落坐得舒適。自助區分飲品區、小食區、海鮮區、熟食區同甜品區：飲品有各式品牌飲料，自家茶飲、即磨咖啡、啤酒清酒、冷飲熱飲都有。小食區有多款冷盤、生果、杏仁條、蝴蝶酥。凍海鮮區有海蝦、青口、蟹籽、三文魚籽。熟食區有炸雞、炸雲吞、口水雞、蒸海斑、小龍蝦，多款中式點心。❗❗全港獨有日式放題有牡丹蝦及鹽焗奄仔蟹任食❗❗自助區以外食物以Qr code落單，食物相當豐富刺身除咗牡丹蝦，仲有赤蝦同甜蝦，鍾意食刺身蝦嘅天堂。除此之外仲有松葉蟹腳、刺身魚、北海道鮮帶子、赤貝，全部都食到新鮮嘅鮮甜味道。創作料理壽司有新品煙燻鱆紅魚、螢光魷魚溫泉蟹，脆杏吉列蝦卷，仲有仲有日本空運到港海膽製作海膽拖羅鱈魚乾手卷，即叫即製要即食，配搭超鮮味，鱈魚乾仲係脆。加上海膽軍艦可以食個飽。一品料理新品更加多，有金湯燴花膠、泰式金不換炒花甲、花菇紅燒鮑魚、泰式奶油蝦、避風塘炒蟹、油鹽焗奄仔蟹，全部都係酒樓級數，尤其是奄仔蟹好新鮮，少少咸多爆膏，蟹肉結實好鮮甜。最後唔少得甜品同Mövenpick 及Häagen-Dazs雪糕仲有日本版。

{殿。大喜屋放題}殿。大喜屋一直都係性價比極高之選，呢度係全香港獨有嘅牡丹蝦同埋奄仔蟹任食的日本放題餐廳！所有海膽食物都講明使用日本海膽，完全沒有異味！成件事都係三百幾蚊，性價比超高！去放題一定要叫個無敵刺身船！赤蝦、甜蝦、三文魚、油甘魚、金䱽魚腩、帶子、北寄貝，無論係每樣都超級新鮮厚切！比好多放題都更完美！呢期奄仔蟹真係任食，油鹽焗奄仔蟹淡淡嘅鹹味，帶出奄仔蟹嘅鮮甜！每一隻熱辣辣，而且係高真係超多，食幾隻都回本！更加估唔到嘅係呢度鮑參翅肚樣樣齊！花膠海參瑤柱翅羹，金湯燴花膠，鮑汁鮑魚撈一口花菇飯！真係傻的嗎咁豪氣，但講真食晒三樣都幾飽肚，好彩本麻甩今日勁肚餓！各款嘅燒物都做得非常之出色，外面可以拎到返嚟嘅熟食全部都幾好味，而且不斷refill!麻甩女人最開心，因為甜品任食，除咗雪糕之外，有海燕窩椰汁燉木瓜同埋榴槤千層糕！今次真係肥肥！美味程度：😋😋😋😋😋環境指數：🎇🎇🎇🎇🎇番食機會：🦍🦍🦍🦍🦍📍 #殿大喜屋 (旺角)旺角太子道西193號帝京酒店2樓

呢間位於旺角Moko嘅日式放題餐廳一直都係人氣嘅長龍店🤪，提供多款嘅食物選擇，連魚子醬都係任食😳，稱得上係豪華版嘅日式放題😜❣️平日自選時段（晚市2小時）$398放題種類實在太多😂，所以能力範圍以內試咗大部分嘅😜，有以下嘅總結🙂👍🏻📍北海道海膽新鮮📍椰皇燉蛋嫩滑📍帶子原粒上📍泰式生蝦新鮮，醬汁惹味📍 放題必食：北海道海膽壽司、鵝肝多士、榴槤、魚子醬、拖羅、酥炸桶蠔、海膽拖羅、鱈魚乾手卷👎🏻📍蟹腳無鮮味📍包海膽嘅紫菜腍晒，唔夠脆📍海鹽雪糕奶味蓋過海鹽味🏦是次消費總額 $875.6（人均消費 $437.8） 🍴須加一服務費👅好味度：9（10分滿分）如果論日式放題，呢間算十分高質🤪，食物種類超多同質素好，大胃王真係要挑戰吓🤣，雖然超多人，但係食物嚟嘅速度同準確率都十分高，呢個就真係要讚吓啦🙋🏻‍♀️，可以再Encore👍🏻🍽️殿·大喜屋旺角太子道西193號帝京酒店2樓

媽媽最愛三文魚刺身👍魚子醬👍所以日式放題啱哂其他家人口味👍👍任食魚子醬👍真係好豪😋鮑魚捞飯鮑魚真係有咬頭👍😋飯加埋鮑汁～好好味😍魚生媽媽話好新鮮😋鵝肝多士多士好脆！夾埋油香鵝肝！一啲都唔油膩😘香煎羊架👍鍾意食羊嘅真係唔好錯過👍蒜香焗生蠔一上枱秒清😜再加單👍焗帶子炸物燕窩燉蛋天花板甜品😋👍任食雪糕大、小朋友至愛❤️今餐日式放題～食物種類多～地方又大～真係啱哂一家大細😘😍🌟如果有埋長者、小童優惠就皆大歡喜🥰

最近去咗旺角酒店內一間重新裝修嘅日本放題專門店，環境煥然一新，樓底高，空間感十足，採用日式簡約高級風格，燈光柔和，營造出典雅又舒適的用餐氛圍。最吸引人嘅地方係 *全港獨有牡丹蝦 & 奄仔蟹放題* ，絕對係海鮮愛好者的天堂！🦐🦀 - *牡丹蝦刺身* ：蝦身晶瑩剔透，肉質爽甜，入口即化，帶有海洋的鮮味與微微甘香，極致享受。 *松葉蟹腳刺身* ：蟹腳肉質嫩滑，清甜無比，輕輕蘸上日式醬油，完美呈現原始鮮美。 -奄仔蟹肉厚鮮甜，加入香脆蒜酥及辣椒爆炒，帶有濃郁香氣，每口都是惹味的港式風味！ - *日本北海道海膽軍艦* ：嚴選日本海膽，細膩滑順，濃郁甘甜，與紫菜及醋飯搭配，入口即散發濃厚海洋氣息！ - *龍蝦沙律大蝦壽司* ：龍蝦沙律鮮甜滑順，與彈牙大蝦完美結合，口感豐富。 - *池魚王刺身* ：肉質鮮嫩，帶有微微油脂香氣，口感細膩回甘，極具層次。 - *海膽拖羅黑松露帶子* ：海膽的濃郁、拖羅的油脂甘香、黑松露的幽香，三者融合，極致奢華！ - *煙燻鱆紅魚薄切* ：帶微微煙燻香氣，魚肉柔嫩，煙燻處理提升風味，細膩高級。 - *川燒珍寶鮮蠔燒* ：蠔肉飽滿，燒至外層微焦，濃郁海洋

就嚟母親節提早同媽咪慶祝母親節， 朋友介紹呢間殿大喜屋性價比高今日專誠帶阿媽嚟試下。呢間放題地點超級方便 就喺旺角東站帝京酒店2樓， 地方好大，環境舒適座位寬敞。刺身新鮮甜美， 款式多選擇，海赤蝦、甜蝦、 北海道帶子、赤貝、 北寄貝、 油甘魚池魚等等， 仲有蟹肉鮮甜啖啖肉嘅松葉蟹腳， 令我最驚喜嘅係我最鍾意食嘅三文魚子同蟹子都係任食㗎， 淨係食刺身都值門票價。除咗刺身外，好多熱食都好有水準， 川燒珍寶鮮蠔， 大大隻肥美肉嫩， 加上超多蒜蓉， 鮮甜惹味。黑椒蜜汁 一口牛， 脂肪比例平均肉質嫩滑， 香口美味。海膽拖羅鱈魚乾手捲，海膽creamy 拖羅鮮嫩， 加埋鱈魚乾三文魚子，口感豐富有層次。自助區仲有多款冷熱飲品、前菜、熱食、生果、甜品任飲任食， 雪糕仲有häagen-dazs同Movepick 超豐富超滿足。

國慶節book咗旺角殿大喜屋嘅放題，聽講佢日日都爆滿，為咗食得盡興啲，我特登早半個鐘排隊入場。間餐廳喺帝京酒店2樓，空間大唔擠迫，令人坐得舒服，啱晒同朋友聚餐或者一家大細嚟食。呢間啲嘢食真係好高質！牡丹蝦、奄仔蟹任食，呢個應該係全香港獨有嘅日式放題嚟㗎。奄仔蟹爆晒肉又爆膏，牡丹蝦又大大隻，兩樣都啖啖肉，超滿足。特別推介海膽軍艦、海膽拖羅黑松露帶子，啲海膽鮮甜到爆，好似即開咁新鮮。刺身方面，三文魚、油甘魚、北海道鮮帶子、赤貝、北寄貝、海赤蝦、甜蝦都好鮮味，尤其係啲帶子，肉質又嫩又滑，口感一流。花雕醉鮑魚同松葉蟹腳就幾清新，食落去好舒服，唔會覺得漏。蜜汁脆鱔、牛油果蟹肉、清酒煮鮮蜆、鵝肝多士、黑椒牛柳粒、妙齡乳鴿等等嘅熱菜都唔錯，特別係妙齡乳鴿，入味又多汁，令人回味無窮。殿大喜屋真係個唔錯嘅選擇，佢啲嘢食咁高質，呢個價錢系算抵食！如果你鍾意食放題，呢度真係唔可以錯過！

呢次去咗一間高質日式放題餐廳試食，真係令人驚喜滿滿，絕對值得同大家分享！首先講下川燒珍寶鮮蠔，燒到啱啱好，外層微微焦香，內裡鮮甜多汁，入口仲保持住蠔嘅鮮味，真係一試難忘。芝麻雞翼亦係亮點之一，外皮香脆，內裡肉嫩多汁，配埋芝麻香味，食完一隻又想再食多隻。餐廳最吸引我嘅地方，絕對係佢哋使用嘅日本海膽！海膽拖羅鱈魚干手卷同北海道海膽軍艦當晚成為全場焦點，海膽真係極度新鮮，鮮甜濃郁，冇半點腥味，食得出係正宗日本海膽，真係好高質，拖羅鱈魚入口即化，手卷嘅紫菜仲係香脆，真係一流嘅配搭，食過一次回味無窮！ 而且，呢間餐廳最令人驚訝嘅係三百幾蚊就可以連魚子醬都任食！係咪超抵玩？佢哋嘅鱘魚子醬質素好高，配搭刺身或者直接食都非常出色，呢個價錢真係頂級享受，性價比爆燈！煙燻鰆魚亦都相當出色，煙燻香氣濃郁，魚肉質地嫩滑，入口有層次感，真係非常滿足。刺身方面，海赤蝦鮮甜彈牙，甜蝦更加係入口即化，鮮味突出。赤貝同北寄貝口感脆爽，帶子肥美鮮甜，每一件都係新鮮有保證。至於松葉蟹腳，肉質鮮美，略帶甜味，真係令人回味無窮。希靈魚亦係其中一個驚喜，油脂豐富但唔會過膩，係一道非常值得推薦嘅選擇。另外，皇牌燒乳鴿王亦係唔可以錯

♥️殿・大喜屋（旺角）間唔時又想食放題 呢間我地未試過但之前經過見好多人排隊所以黎食下～自助區好大 擺滿各式各樣頭盤 有炸雞、小龍蝦、點心等呢度除咗有一般嘢飲之外 仲有無糖茶、清酒、紅酒、白酒估唔到呢到人均300幾蚊連魚子醬都有得任食😱🐠刺身特別啲有松葉蟹腳、金槍魚腩個人中意北海道帶子又大又鮮甜 三文魚都好好食🍣壽司多款壽司選擇 個人中意海膽拖羅黑松露帶子壽司同海膽拖羅鱈魚手卷後者上面有三文魚子 中間夾左鱈魚乾 食落口感豐富仲有海膽壽司都不錯 係用來自日本嘅海膽🐮牛柳粒都係好出色鰻魚又點可以唔叫🥰✨燒物好中意食燒菠蘿🍍 好甜甜品仲有椰皇燕窩燉蛋白食 唔會好死甜又有椰香味！出面都有得拎Häagen-Dazs同埋Movenpick雪糕、yogurt、楊枝甘露、蛋糕、燒榴槤等好多野食 水果竟然有埋士多啤梨🍓

約左女朋友黎試下旺角東既殿大喜屋，價錢比平時食開個間放題要貴啲，但係環境同質素都要好唔少。環境好舒服今次好好彩兩個人都有卡位坐。而且侍應都好值得一讚，因為佢哋收碟收得好頻密，唔會搞到我成枱都係吉碟冇位擺嘢食。其實今次主要吸引到我地係魚子醬同埋海膽，不過發現其實兩款我地都冇特別鐘意食，魚子醬冇特別，叫左一次就冇叫，海膽都一樣，普普通通。但係有幾樣嘢食有驚喜，首先喺刺身方面，蟹腳同埋金槍魚腩都好好食，叫咗好多次。其他刺身都唔錯既，正常。鵝肝就真係大大件，好少見有放題係鵝肝大過塊多士，不過咁大舊真係有啲油膩。呢個海手捲，入面加咗鱈魚乾同拖羅蓉，食落口感好好，好食。呢個牛油果蟹肉最中餅，味道好奇怪，我同女朋友都唔鐘意食。我好鍾意食三文魚子，估唔到呢度可以任攞唔洗跟舊飯，超正。我差唔多食左成碗。另外佢仲有啲鮑魚花膠呢啲中式嘢可以食，不過我唔係特別有興趣，味道係正正常常既。最後食埋杯häagen-dazs彩芋味雪糕，隻蕃薯味幾出，估唔到幾好食。

張單就寫兩小時自選放題，我6點20分入座7:30就要人截單，八點就趕人走。邊到有兩個鐘？ staff話我係walk in係唔足食兩個鐘，咁我又奇怪，點解你張單同個app都清楚寫明我係食兩小時？ 收費 每人$428加一。張枱又細，每嚟一碟嘢就要個客手拎住另一碟嘢先有得食，員工就要好急咁幫你砌積木咁細要騰空到一個小空位俾你擺一碟新嘢喺枱。上一疊嘢未食完就要收走我因為下一碟嘢嚟咗。你急住截單我又冇辦法唔叫住。仲要急住截單，第一次食嘢食到好似投胎咁趕，食到人好大壓力，好唔開心。收得咁既價錢 唔做足兩小時俾人不特止，仲要趕住叫人埋單。 留意番，坐左一個鐘都冇就要人埋單。成肚火，冇下次。燒酒啲杯放喺毛巾度應該擺得太耐，又有up味，咁既價錢，咁嘅顧客體驗完全唔值。希望大家諗清楚先好嚟呢間殿大喜，除非你想體驗趕住投胎既食法。大家三思。

諗起好耐冇食放題放假book左位同男朋友食🤣原來除左用Qr code自助點餐之外近門口位置仲有自助區提供拎餐前小食、冷盤、熱盤、甜品、飲品等食物種類好多到花多眼亂🤩飲品仲有珍珠奶茶，清酒🍶等等🍣壽司、手卷方面幾吸引！鹽燒左口魚邊，肉質非常滑嫰，油脂感爆燈。香蔥芝麻拖羅小卷，拖羅蓉幼細香滑，軟綿綿。黎自日本北海道海膽軍艦好鮮甜，零腥味！！最誇張既係三百幾蚊連魚子醬都係任食‼️刺身方面有泰式虎蝦、冰鎮花海蜇、花雕醉鮑魚、松葉蟹腳、北海道鮮帶子、赤蝦、三文魚、赤貝等。印象最深刻係松葉蟹腳！蟹肉好鮮甜！ 帶子厚肉鮮甜，encore左幾次😂!皇牌燒乳鴿外皮燒到微脆，保持肉質鮮嫩多汁，簡單以鹽調味，好香口，要趁熱食！川燒珍寶燒蠔生蠔肥美肉嫩脹卜卜，超級多蒜蓉，蒜控愛了🧄。黑椒蜜汁一口牛🐮一口牛粒肉質嫩腍，脂肪分佈平均，油花細密，呢個男朋友最鍾意食。燒物、串燒🍡、煮物類有鹽燒牛舌、雞軟骨、燒菠蘿、比目魚西京燒、皇帝蟹皇粥、香草牛油煮大蜆、天婦羅等等，多到講唔哂!!!甜品有自家製軟雪糕！抹茶味唔錯❣️楊枝甘露好足料！仲有乳酪、雪糕、蛋糕、豆腐花、水果，飽到呢🫢happy

今日抱有好大期望嚟呢間好多YouTuber 都話好出色食放題嘅地方食飯去之前我哋已經book好位但係入去之前都係要排長龍好多人幫襯 真係好大期望入到去我哋編排嘅座位比較偏僻 要出去拎嘢飲拎嘢食會好遙遠 所以唔係好方便之後就開始叫嘢食魚子醬味道麻麻唔係想像中咁好食魚生出得好慢基本上出咗第一輪之後差唔多等45分鐘先出到第二輪基本上你係要催單侍應會叫你自己經apps 再撳過所以俾得呢個價錢你會覺得唔係幾舒服海膽壽司係出色嘅不過又係出得好慢之後海膽份量會越嚟越少得舊飯鵝肝多士係出色嘅咬落去滿滿嘅油分非常之滿足之後啲熱食都係一般般同佢其他嘅分店差唔多佢呢間除咗刺身款式多咗少少同有魚子醬食之外其實同其他分店真係差唔多不過價錢就收貴咗正所謂期望越大失望越大可能就係咁

由於朋友推介，所以一個星期前已經好想嚟食見呢間餐廳又要book枱，又唔係平仲要叫做喺酒店裏面朋友介紹完即刻仆到去book枱，結果都要book 19:45。入場前，見到有好多人喺門口等叫電話號碼入座餐廳19:40開始叫電話號碼，人就陸陸續續入去入到去見佢係用QR code落單即刻掃嚟睇吓結果見到有魚子醬、有鮑翅肚，無翅啫然後入面仲有自助區拎嘢食、拎嘢飲不過我戰力都比較弱，食咗一個鐘頭到就已經飽哂人生第一次食魚子醬都係今鋪同埋比較少，見到有放題會可以叫海膽壽司整體食物都係好味嘅，不過有少少比朋友捧殺咗以為係勁驚喜，就未去到囉..不過都會有機會encore ，可能就會揀試吓食lunch今次就$408另收加一@一位漏講一句，佢上菜整體都算快，同埋都冇乜甩漏

在這次的用餐體驗中，各式料理令人印象深刻。任食魚子醬，海膽刺身鮮美滑嫩，搭配醬油和山葵，讓人一口接一口。食多幾次已翻本卷壽司口感豐富，魚卵增添了層次感。炸天婦羅外脆內嫩，令人滿足。甜品方面，冰淇淋口味豐富，特別是草莓味，清新可口。整體而言，這裡的日式料理新鮮且有創意，氛圍輕鬆，非常適合家庭聚餐或朋友聚會，非常推薦！