每日

營業中

休息中

「每日」 每日都茹素我尚未可放下，今晚先同朋友一齊到山林道 「每日」來一頓素食自助餐，這家素食開業多年仍保持食品水準實在難得，就是座位會比較逼夾，勝在服務好，食材夠新鮮。素食都可以有很多花款，用合核做的山炒骨同炸菇及薑醋蛋，就是我食完想再添加食物，最後來一球雲尼拿雪糕為當晚晚餐劃上完美句號。

好少機會一班人一齊去食素，今次去咗試每日，名字改得好好，暫時未能每餐茹素，但每日至少一餐茹素也不錯！這兒係自助形式，自己取餐具拎食物飲料，食完自己清理餐具！大家都好乖好秩序！店子比想像中大，容納人數不少，而食物選擇也不少。有冷食區內嘅豆皮條超正，必食！熱食區也齊齊整整店中間就係取食物的地方炸物區，全部食物不斷添加😀熱飲區最驚喜係有拔絲香蕉😍$138一位，唔使加一，食品飲料CP值高，抵食！老闆好好人，我地餐後在店外合照，老闆主動幫我地影相

🌟 EVERYDAY 每日食素食自助餐🌟上星期五去了EVERYDAY每日食素食自助餐，餐廳裡面真是人山人海，差不多爆滿了！😅 好在餐枱之間有一定距離，感覺不會太侷促，讓人坐得很舒服。🍽️ 裝修設計也很舒適，和兩個朋友一起去都可以愉快地聊天，感覺不會太嘈。🗣️ 地點非常方便，從佐敦站走過去很快就到了。🚶‍♂️🍴 食物種類繁多🍴食物種類相當豐富，有不少特色菜，幾乎每樣都嘗試了一下，真的不錯！👍 餐廳使用的食材天然健康，很少味精，應該也沒有使用植物肉，這點非常難得。🌿🔥 推薦菜式🔥如果不怕熱氣，推薦你試試以下幾款：- 素腰果咕嚕肉🥜- 地瓜丸🍠- 炸素雲吞🥟- 金絲香竽卷🌀青瓜苗也非常特別，值得一試。🥒 龍眼冬瓜茶的味道比較淡，但也很清爽。🍵☕ 飲品推薦☕喜歡喝咖啡的朋友，一定不能錯過「純素咖啡」，配合炸雲吞和金絲香竽卷，絕對是完美組合！✨ 餐廳還提供植物奶，更加健康。🥛📍Everyday 每日 @everydayhillwoodroad 每日 (尖沙咀)尖沙咀山林道10-12號山林閣地舖#everydayhillwoodroad #everyday #buffet #veggie #vegan

當日星期六去，都幾多人，差唔多爆滿，好在餐枱間隔有啲距離，唔覺得太侷促，裝修設計舒適，同兩個朋友去都傾到偈，感覺又唔會太嘈。 地點算方便，由佐敦站行過去都好快。 食物種類繁多，有啲特色食物，樣樣都試吓，唔錯。 餐廳少味精，應該沒有用植物肉，食材天然健康，呢個好難得。如果唔怕熱氣，可以試吓素腰果咕嚕肉、地瓜丸、炸雲吞、金絲香竽卷。 青瓜苗都好特別。龍眼冬瓜茶比較淡。鍾意飲咖啡嘅一定要試「純素咖啡」、炸雲吞、金絲香竽卷。 青瓜苗提供埋植物奶，perfect!

成日做食肉獸，偶爾都要做一做蔬菜之鬼，呢間出名抵食，係素食自助餐嚟㗎，雖然係話全部係素食，但係都有好多唔同嘅花款，例如有咕嚕肉，同埋選擇好豐富，又甜品區去到主菜再去到湯水，樣樣都有！ 出街成日食咁油膩，又要食一餐半餐嘅素菜，對身體都好健康！ 另外最欣賞係佢哋嘅環境，好乾淨企理，周圍都有好多關於植物嘅佈置，令到自身喺餐廳裏面都感覺到好舒適自在。 同埋枱同枱之間都好闊落，食過咁多間素食自助餐，呢間係質素最高的。

第二次來這家素食餐廳，幸好今日訂了位，可以舒舒服服入坐。事隔一段時間，今次的素菜款式又更新了，最喜歡的莫過了青瓜苗，爽口、清甜，又解膩。爽脆、酸酸地的蓮藕片都是不二之選，還有一個是蕃茄釀眉豆，食落鹹鹹酸酸好開胃。鍾意的款式實在太多了，很難一一詳述，喜歡素食的朋友一定要試試，只此一間，絕無分店。

有片有相！自助餐一坐低大部份嘢食兜都已經空，亦唔再潻。自助餐用餐時間75分鐘我哋第二輪入座 3:45 坐低已經發覺乜嘢都冇晒咁滯，大約有七成嘅嘢食都係吉嘅。然後出counter俾條嘢食地區啲嘢全部吉晒嘅video職員睇（費事要佢行勻成場啦）。問職員佢話：係咪冇嘢食㗎喇？唔會再出送菜㗎喇？。職員話：係呀我：我話大佬我第二輪一早嚟到坐低講個時候大部份已經吉晒㗎啦喎啲嘢職員話：er er er… 答唔出？咁我費事俾人覺得我咄咄逼人係西客啦，咁我唯有話：咁冇辦法啦🤷‍♂️。呢番對話我喺收銀機附近同各位職員講嘅，相信收銀機附近一定有閉路電視，如果覺得我屈佢可以攞返條閉路電視片出嚟睇🤷‍♂️我係星期日着灰色衫，大概4:00走去counter提出問題嘅客人。而呢一個時間我亦都有拍低個鐘同埋日期同埋冇晒兜嘅一鏡到底video。其實佢啲嘢食水準唔差，第一輪坐到爆曬，應該賺唔到錢。你開得兩輪總共兩個半鐘咁長時間，唔該你就食晒加菜啦，唔好咁樣都賺到盡啦。。OK傻仔做一次，小小貴買個教訓，下次我減肥先至嚟啦，以後慳返

呢間以自助餐形式經營嘅素食餐館，以前經常都會過嚟食。 見好耐無嚟過，就搵咗日晚市時段過嚟再試下 。餐廳環境仍然乾淨企理。食物款式方面跟以前分別不大， 舊有嘅食物款式仍在， 另有增添咗一些新菜式。而呢到嘅素食食材絕大部份都是天然食材， 好少甚至唔見有用加工過嘅素肉等食材。 至於食物味道上，我個人覺得水準唔錯。 但員工服務態度就有待改善。涼菜，炸物等款式選擇夠多主食熱食款式唔算太特別， 我比較喜歡用合桃肉做嘅咕嚕肉， 及炒飯， 糯米飯等 沙津， 甜品

.🐷📌 #豬西食尖沙咀#豬西食九龍.見到呢間餐廳有全素食嘅自助餐 好似真係冇食過咁樣嘅類型嘅自助餐 所以就去試吓但係小編就覺得唔算好驚驗喎😂.🐷全素食自助餐呢個全素食自助餐嘅種類算齊全 有不同嘅沙律、前菜、咸菜同甜品不過全體嚟講 佢哋嘅食物質素都只能勉強合格😂有啲嘢雖然食落去冇乜味道 但有啲就反而咸到好鹹。食物嘅加熱亦都有待改進 有啲食物好似擺耐咗已經凍咗 😭 所以小編今次就覺得唔係咁滿意 覆桌嘅可能性比較低.每日📍尖沙咀山林道10-12號地舖山林閣.#吃貨日常#香港#茶餐廳#Cafe#麵包#西餐#中餐#日本菜#韓國菜#泰國菜#堂食#好西#食#香港美食 #hkfoodie #foodiehk #尖沙咀 #尖沙咀好去處 #尖沙咀美食

味道一般，重點係熱菜全部都唔熱，炸野全部都唔脆，去大排檔食個炒菜都好味好多因為就朋友食素所以來，但全部都好一般，湯無味，羅漢果水無味，選擇都算多但因為唔熱無穫氣所以好勉強，全場最好味係冷盤涼拌青瓜同溏心蛋，但178一個人… 唔抵囉

素食放題近年越開越多，質素參差，同如素嘅朋友上次星期五晚去咗試下，都幾多人，好彩預早嚟到，唔駛等太耐就有位坐。整體味道質素唔錯，價錢合理，選擇多元化，冷盤有沙律、水果。熟食就係一般蔬菜、大豆製品、粉麵飯，仲有湯水。炸物嘅椒鹽豆腐新鮮炸起，一口一啖嘅豆腐粒，好好食。甜品種類都好多，有傳統糕點，例如芝麻卷、紅棗糕做得幾出色，另外仲有糖水、雪糕。全部都係採用咗素奶製作的。

去到先知初一十五要收178，唔緊要一場黎到就入去試下，當時餐廳有好多空位，啲枱凳又奇窄，我地就放左個袋係隔離凳，職員即刻走過黎話一定要拎返開，我望下周圍重有勁多位，有需要咁樣嗎？我又望下隔離枱，人地又可以放架喎，咁又真係奇怪。食物款式好少，行一轉已經拎得哂，食物冇熱度，凍既，味道都冇咩特別，感覺上唔覺得呢間係咩素食，佢只係平時食開既餐廳，只係無肉提供咁解。最後走果陣係要自己執拾放埋去廚房，重要分埋類，差在未幫佢洗埋。兩條友咁就食咗356，以後唔會幫襯加極不推薦。

原形食物製作為主，款式唔算多同埋今晚fill得比較慢，但勝在好多菜式啲味道都唔錯。全晚比較欣賞依個波波，食咗好多粒😋 員工們啲服務態度態度都幾好，下次都會再嚟食。

羅漢果水，無味湯，無味鹵味車仔，無味另外職員安排座位混亂收90分鐘價錢未夠70分鐘趕人走職員解釋上枱客人未能交枱但入座時間照訂座時間計建議餐廳參考銅鑼灣素食自助餐服務及安排

有時想食素自助餐🌱都會諗起呢度，主要為咗佢的即磨咖啡☕，我估好少素食自助餐廳會有咖啡機架。今次食第一輪的自助午餐，1130-1245。可能係平日，所以未滿座，但食客都唔少，大家一開始就好快出去拎食物🍴，而食物都集中放同一位置，所以都幾逼。餐廳熱盤🍲、炸物🍤、蔬菜🥦、沙律🥗等選擇兼備，湯同甜品各有2-3款。不過，今次我想揀啲清清哋的嘢食，而當我放棄咗煎炸食物後，發覺餘下選擇就唔係咁多🥲。前後拎咗2碟食物🍽️，而部分嘢食都經已重複。另外亦試咗綠豆沙同攞咗1杯咖啡☕。上次嚟應該係幾個月前，果次斟咖啡的經驗幾好，咖啡出得快，而且有2款植物奶🥛供應。今次咖啡機只提供50/100毫升出水量，裝滿1杯要搞幾次，心很累😮‍💨（仲有其他人等，冇可能霸住部機連㩒幾次）。最後，勉強㩒咗3次，攞咗200ml咖啡☕，而植物奶🥛只有1款，係pea milk。整體嚟講，餐廳的清淡口味食物選擇偏少，而煎炸、油炒類較多（好似薄餅🍕）；飲品方面，想飲即磨咖啡☕就需要耐性。檯與檯之間距離幾接近，檯面唔大，座位亦窄，少地方可擺放私人物品👜🛍️。食物區集中，未客滿已經覺得幾擠逼。餐廳位於旺區，呢個係賣點，交通方便👍🏻。另外，呢度免