每日

營業中

休息中

想不到老婆會主動要求吃這家素菜餐廳, 真好! 夠健康! 這家餐廳就是素菜自助餐廳, 和傳統的齋菜舖提供的齋菜自助餐不同, 不但有中有西, 而且從沙律, 湯品, 煎炸類, 小炒類, 飯麵, 生果及甜品也有, 比傳統的全能得多. 餐廳裝修同樣以亮色木系為主, 感覺光鮮舒服, 當然人流洶湧, 基本上任何時間都是Full House的.有不少菜式我也喜歡, 像是口感爽脆有七味粉辛香的粟米條, 同樣香脆的炸雲吞, 外脆內軟的豆腐及蘿蔔糕也很快被清盤. 西式素菜除了沙律外, 也有素芝士, Pancakes以至是Pizza, 這些水準同樣不錯, 人均消費一百二十元樓下, 除了吃得飽又健康, 也提升了不少人對素食的興趣.Everyday is the vegetarian restaurant provide buffet. The dishes are fresh and well prepared with variety choice. The deep fried and pan fried items are nasty while the fruit and vegetables are

每日標明唔用素肉製品。值得一讚係每款食物都有食物牌清楚標明佢嘅名稱同素別，例如蛋/ 奶/ 五辛素。我覺得幾特別嘅係呢到有西餅 (例如士多啤梨撻、沙律牛角包同班戟) 同雪糕食，因為唔係間間素食自助餐都有得食。聖誕將近，雪糕杯嘅圖案印有聖誕老人同聖誕字句，幾靚，不過注意雪糕為奶素。沙律bar:雜果薯仔沙律、沙律菜、羽衣甘藍、枝豆、三色椒、滷滑豆腐、紅菜頭淮山、洋蔥沙律、水蜜桃、粟米粒、紅腰豆、鷹咀豆、椰果、橙、西瓜、哈蜜瓜……前菜:青蘋果紫薯球、涼拌青瓜苗、日式流心蛋、麻辣蓮藕片、皮蛋酸薑、反沙芋、手拍青瓜、杞子陳醋雲耳、涼拌竹筍、酸菜我第一次食涼拌青瓜苗，覺得幾特別、幾好食，口感爽脆，味道鹹鹹哋，帶有淡淡嘅麻油香味，我都出去夾咗幾次。日式流心蛋好夠味，蛋黃口感滑溜，真正做到流心嘅效果。反沙芋外脆內軟，表面層薄砂糖甜甜哋，而且芋頭嘅大細啱啱好可以一口食完，唔會好膩。小食:炸春卷、脆皮蘿蔔糕、黑椒薯仔、椒鹽豆腐、錦鹵雲吞、班戟、蛋散、沙律牛角包、綠茶芋泥餅、花生脆蘋果、氣炸椒鹽紫菜、有機自家製無花果、有機自製番薯乾、自家烤焗健康果仁、pizza、拔絲香蕉、薑醋蛋、紅油抄手、避風塘粟米、蓮藕餅

尖沙咀素食自助餐每次經過「每日」，都是人山人海，無論是午餐、下午茶，還是晚餐時段，都可以見到這間素食自助餐有多受歡迎。這次walk-in，因為已經比較晚了，可以立刻入座以素食自助餐來說，「每日」的選擇算是比較多的，有熱盤、冷盤、甜品、飲品、湯水，而且會清楚標明有沒有蛋、奶或五辛，讓食客可以放心食用。疫情期間，出去拿食物時需要戴手套。吃完後要自己收拾好餐具碗碟推介：核桃咕嚕肉、關東煮。咕嚕肉外觀及質感都能以假亂真。

同幾位朋友揀左呢間素食自助餐食，其中一位朋友之前都食過呢間，所以就推薦我地再食店舖面積算細，不過都有大約一半既地方放食物，款式都算多，我都食得太飽，試唔曬😅有d甜品類都幾精緻，影相好睇，不過食落就普通😇反而d菜就幾好食，如果係雙餸飯賣呢d就正🤪推薦蘋果，薯仔粒，粟米，蓮藕餅，pizza

注重身體健康，選擇合適的食物，已經必須的事情。這家素食店提供任飲任食以素食為主打，供應的並不是花巧製作的素食物，只是簡簡單單的素菜，雞蛋，豆腐和一些較為健康的食物。座位不太舒適，而且餐廳比較狹窄，不宜坐得太久和朋友傾偈。

每日 Everyday (尖沙咀)🥦午市（星期一至五）$98晚市（星期一至四） $138午市（星期六日）$108晚市（星期五至日）$168裝修靚靚🌾大量乾花，像打卡cafe店員服務態度💯❤️很多熟客跟店員談天螞蟻人一定喜歡的素食buffet，甜品選擇超多😍首選炸香蕉🍌、陳皮綠豆沙！💚好好味！紅棗糕❤️超煙韌！連蛋散都有💛雪糕亦有超多口味：玄米茶🫖、咖啡☕️、椰子菠蘿🍍、焦糖餅💛、朱古力🍫、沖繩海鹽💙⋯⋯（不推介偏甜的馬拉糕/芝麻糕😅）溏心蛋🥚薑醋蛋🤎椒鹽豆漿🤍外脆內軟🥳沒有肉都有大量蛋白質！！最愛蓮藕餅！🥰皮蛋！椰汁南瓜🎃餃子🥟控😍😍芝士蘑菇pizza🧀🍄🍕薯仔沙律🥔好味😋當然有大量蔬菜🥬，健康之選👍回頭率：✅✅✅✅（4/5）位置方便，一定會再去🥰🥳📍每日 (尖沙咀)尖沙咀山林道10-12號山林閣地舖

環境舒適既素食餐廳屋企人太鍾意素食會周圍試唔同既素食冇諗過素食都可以食得咁豐富選擇包羅萬有素食既咕嚕肉內裡竟然係用合桃做，好好食呀我第一碟拎左蓮藕餅、避風塘粟米、涼拌青瓜苗、反沙芋、糖心蛋、滷水豆腐、南瓜、芝士眉豆焗蕃茄、涼拌雲耳、紅油抄手、沖左杯蜂蜜菊花茶基本上每樣野都好有質素同心機去煮佢哋嘅甜品有綠豆沙、紅棗糕、馬拉糕、紅豆糕、班戟、蜜瓜西米露、素食雪糕….飲品有醒胃解滯既薄荷葉檸檬水、水果茶、蜂蜜菊花茶、冬瓜湯…咁多野揀已經成為我平日會幫襯既餐廳

今日中午行經山林道，見到有間舖頭出面排長龍, 嘩，好熱鬧，原來係排隊食素自助餐每位盛惠$118😬我同朋友都唔執輸排隊入去試下, 估唔到素自助餐都可以有咁多選擇, 其中最like 椒鹽豆腐、黑椒薯仔、蕃茄芝士眉豆、糊椒咸酸菜湯、紫薯波波同埋花生脆蘋果, 都係好好味, 多次添食😋😋😋整體食物都好有水準,加上餐廳做足防疫要求，每個客人夾食物前都要帶備膠手套，好注重衛生, 唔怪得知咁受歡迎，咁多人幫襯啦😄👍🏻

即興想食素食，諗起朋友以前帶過我去食晚餐 ，好似下午茶更加便宜，我就去食啦。平日都咁多人，週末就更加多啦上次食晚餐比較今次下午茶，除了沒有雪糕食之外，差不多一樣好多食評話侍應服務差，其實這間衛生比較嚴格，出去拿野食要帶口罩和手套，食完野就自己拿餐具去後廚放，其他都無咩問題，可能有些客人出去拿野食時忘記帶口罩或帶手套，侍應就會大聲提醒整體，這間系我想食多幾次的餐廳之一食幾多拿幾多，好多款菜式都好好味，有冷盤，有甜品，有湯水糖水，飯麵

早前媽媽的朋友推薦呢間素食自助餐，一早⭐️mark 定要試！我諗有不少食開肉類的朋友同我嘅第一個諗法都係一樣：素食係咪會食唔飽/無飽肚感/易肚餓？答案係：你個肚會好滿載而歸 🤪 (當然自助餐都唔建議為咗「抵」而毫無節制咁食，要以健康為前提 & 適可而止 😉)食物款式有生果、沙律、湯、涼菜、粉麵、小菜、小食、甜品...；中式、西式、日式、港式...；蒸、炒、煎、炸... 選擇很多, 某些款式都好特別，食物口感和味道都有驚喜！必食蓮藕餅, 椒鹽豆腐, 薑醋蛋 & 花生脆蘋果 🤤 唯一係飲品有啲遜色，幾款特飲都無咩味...假期下午茶時間$98/位，不需加一；隨意坐，食完才結帳～使用環保餐具，需自行收拾和分類，但收拾完後無員工抹枱 (當時全店只有一位員工)... 感覺不太衛生 🤭 因疫情問題食客需戴手套使用夾/羹取食物，但個口罩又要除又要戴, 而每次出去都用同一隻手套... 😑

前日同朋友去左呢間長期排隊既素食自助餐🌱，唔好睇佢鋪仔細細，但其實入面好多唔同款式既野食！🤩🤩我地揀左下午茶時段去，每位$78，款式好多，由其係❣️避風塘粟米，❣️素付皮卷，❣️炒番薯苗，❣️芝麻卷，❣️椒鹽豆付，❣️牛角包都好好食😋😋餐廳環境都好好，用素色同木系設計，令全個感覺都好soft😍如果大家平日有時間建議可以下午tea time來，因為唔太多人之餘，野食都會不停refill,原來餐廳都有外帶餐盒，一人可以外帶5個餸，加1個湯👍 $58@ 佐敦區黎講都算抵食

✨呢間素食自助餐我都已經嚟過幾次 最欣賞係佢地嘅食物都唔會用到仿製肉👍🏻佢哋有幾個時段 大家可以上網睇吓～😎平日最早開始嘅時間都係11:30am 每次黎親都爆曬場😂好多人～所以大家記得要預早book位～✨因為疫情關係佢哋都會準備左即棄手套 每次都記得帶咗手套先好去夾嘢食啊🫶🏻呢度嘅食物選擇都唔算少～不論沙律 水果 炸物 涼拌菜 粉麵飯 甜品糕點都有👅✨大部份食物質素正常 冇話邊款菜式特別伏 整體環境都幾舒服 雖然到75分鐘 但都絕對夠食 而且只係$98 性價比高 對素食自助餐有興趣嘅都可以試吓呢一間～🍴11:30-12:45 (75mins) $98/人📍 每日🔍 尖沙咀山林道10-12號山林閣地舖

最近好忙好忙 忙到唔想寫post了🥹 搵返之前食過嘅一間素食自助餐寫嗰度環境舒適有好多唔同種類嘅數菜式主要就係中菜為主 最好味有南乳齋 同埋椒鹽豆腐 大部份嘅食物都唔會過濃味 仲有值得一提嗰度有反沙芋頭好多地方都冇得食了 你話佢啲嘢食算唔算好好味～？ 我俾唔到一個確實嘅答案你地 😂 都係咁試下啦～Overall 我覺得嗰度坐得舒服 自助區唔算大 但係佢價錢夠平 如果咁啱嗰日想食素菜呢個絕對係好選擇👍🏻👍🏻環境：☁️☁️☁️抵食指數：🐷🐷🐷

屋企人生日嚟咗呢度食自助餐食第一輪需要排隊食物選擇好多食落去亦都唔似食緊素幾吸引亦都係食完之後要自己有手尾去放碟素食嘅雪糕都好好味好似某幾間素食店都係用呢個牌子仲有一啲好似炸香蕉咁嘅食物都幾好食甜品同埋鹹食都好出色

「每日」我諗佢既原意就係希望我地可以每日都食到好味嘅飯菜，同埋愛上素食，鍾意到每日都食❤️😋👍🏻呢間任食係我平時做yoga對面既餐廳🍴次次假期放學都會見到大排長龍😳唔單止係上左年紀既中年/老年人，仲有好多後生仔支持～我本身個人就幾鍾意食素食，不過依家好多都執咗笠😢或者係用植物肉扮肉😖我好唔鍾意⋯但「每日」係大大隻字寫住不用假肉，我欣賞👍🏻👍🏻一入去，餐廳中間就係拎野食既地方，周圍都坐滿人，位置比較逼夾🙈但好衛生，因為佢地要求所有人拎野食要帶手套🧤👍🏻👍🏻啲碗碟不準重用，自動波拎去回收箱🥰食物種類繁多😍我最鍾意食水果🤣蜜瓜好甜，西瓜好爽，橙都好甜🤤次次都食幾盤😛佢嘅楊枝甘露勁正！甜品區包羅萬有👍🏻👍🏻次次都食唔停😆最誇張仲有杯裝雪糕任食！晚市先$138@ 冇加一 食2個鐘（但多數都唔會趕人，任你食❤️唔好浪費呀記住）有咁多野食真係好抵🙈🙈🙌🏻主菜有好多，refill 得好快，所以啲嘢食都保持到溫度👌🏻椒鹽豆腐最好味😋仲有關東煮🍢羅漢齋、炒麵炒飯，真係講唔曬🤣拎到成枱野，勁滿足😆😆食完記得要執枱，拎去回收站就得👍🏻🥰好鍾意個老闆娘，好温柔，會問你好唔好食，夠唔夠，所以我都幫襯左好幾次了😛✌🏻