民初家傳食譜 (已結業)

上星期在灣仔區辦7O人的到會，因颱風關係两日前先聯絡小店，他們效率很高，用心設計菜單，除了招牌菜南洋風味咖哩雞，鹵水蛋/腩肉，還有特別安排的健康炒時蔬，咖喱豆付及秘製醃菜。招牌咖哩含有濃郁的椰汁香味外，偶有一絲絲炒香了的椰絲，另人陪感驚喜！鹵水色香味俱全，配搭五層的花腩肉，蛋及雞翼，味道一绝，不油不膩。健康炒時菜是家的味道，配搭清新健康。 選購食材尚盛用心，雞翼好大隻，雞腿肉厚，時令蔬菜。讓我們最感到他們的誠意是每一道菜式都好似酒店自助餐一樣預備了名牌，很有水準的食店，下次會試試他們的秘製咕喱茶及乞衣雞，很期待！

經過這個小店，見店裡只賣幾款食物，叫了外賣家傳思鄉雞。吃的時候發現份量很足夠，一大碗飯和一碗雞，還送了一小盒酸菜。他們的雞很香，很好吃，但一碗雞裡面有一、兩舊雞胸，雞胸就完全不吸引，因為口感很老，無奈雞胸“鞋”是不可避免的問題，除非老闆不計成本完全唔用雞胸部分。但喺灣仔賣40幾蚊呢個價錢，真係唔可以要求太多。除了那一兩舊雞胸之外，其他雞嘅部位一流，豆卜、木耳、薑絲口感都不錯，餸汁很香，整體係好滿意。這店標榜自己不加味精，用的米是金象米，家的口味，在外面很難找到的。這種社區小店，實在值得支持，希望他們生意會越來越好，能一直堅持下去。

夏天慎入‼️唔係因為唔夠冷氣，而係因為食完好暖胃，成個人㷫晒🤣位於灣仔摩理臣山道附近的小店，成條街有不少較隱蔽的小吃、食肆。夜晚9點幾係附近，諗唔到食咩，淨係想飲下湯，無意中入到嚟呢間南洋mix港式餐廳。位置唔多，只有四五個左右，應該係專做打工仔外賣生意。招牌咕嚕茶 $68以外賣店來講價錢略貴，雖然藥材味唔重，但飲完非常舒服。好肯定，真係冇落味精，就算飲多幾碗都好可以。飯量好夠，但湯料就只有排骨同金菇，比較單寡。

呢個滷水腩肉蛋飯真係不得了！值得我為佢開個Account留個好評！我其實係因為要去文具店先見到有呢一間小店，門口掛住支旗仔寫住咕喱茶，我先注意得到佢，聽阿姐（老闆娘？）介紹個滷水係用自家靚豉油煮，特別香，同潮州滷水唔同嘅，咁我就試吓啦，畢竟靚嘅豉油都唔平。一打開個盒，成條腩肉排到靚靚仔仔，分量又足而且勁香，食落係帶有少少甜，同潮州滷水真係唔同，肥膏入口即溶，腩肉又入味，個汁用來撈飯超正！佢哋用金象米，淨係要個汁嚟撈白飯食都值回票價啦～灣仔有好多地方都有滷水野賣，但好多都粗製濫造，唯獨呢間小店用心製作，我一定會介紹朋友嚟幫襯。

鋪頭係小本經營，得四五個吧位。我見坐得唔係咁舒服，於是就買咗外賣返去。黃包車豬手飯酸甜惹味醬汁加上彈牙豬手，配上熱辣辣嘅白飯簡直係一絕。 豬手有成五六舊，每舊炆得好冧好入味， 仲可以吮到少少骨髓，食到醬汁嘅精華 。配埋新鮮菠蘿，酸酸地零舍開胃。

黃包車豬手：黃包車豬手是以新鮮菠蘿炆豬手，醬汁酸酸甜甜的，最後有少少辣，非常開胃又唔膩，豬手夠腍，分量夠，送飯吃真的一流！自家製滷水腩肉雞蛋一層一層肥瘦夾住的肉， 入口即溶， 讓人非常驚喜！ 滷水蛋入味， 而飯更是甘香， 因為用了金像米！他們的皇牌咕哩茶， 咕哩意思是苦力 原來是以當歸黨參等名貴藥材煮成， 非常滋補， 養生又好味， 真是物超所值！ 後來跟店主傾下計， 他說這都手是家中食開的餸，所以叫家傳食譜，沒有使用味精或雞粉，真是真材實料，而紙包飲品$4， 真係很抵！

又係 ”民初家傳食譜“ 店主誠意推介 乞兒雞半隻，原隻用錫紙包裹奉上，只要輕輕一拉就解體，肉質滑滑的，有濃濃的藥材味及沙姜味，如果趁熱食更加好。😋😋😋😋記得一天前預訂喎。

店舖少少，但驚喜十足。至like鹵水腩肉蛋飯，應該算係招牌菜 腩肉好入味，肉質鮮美，配埋白飯簡直係完美組合。既然舖頭標榜咕哩茶，咁就嗌一杯試吓啦味道非常濃郁，如果你飲過肉骨茶，咕哩茶同佢有啲似，有種去咗新加坡嘅感覺

今日工作好忙，決定lunch買外賣返公司食，怕午膳時間人多，所以11:30已經用whatsapp落單，去到等咗兩分鐘就有得拎，慳返好多時間！我叫咗黃包車豬手飯，再加$10要咗個咕喱茶。返到公司一打開蓋就聞到好香，同事都走嚟話想試下，豬手忟得好入味好淋，最鍾意個汁酸酸甜甜帶少少辣，撈飯一流！個咕喱茶都好有驚喜，加$10都好足料，有肉有金菇，見得到係好用心嘅小店。一定會再幫襯！

今日喺灣仔見到有間叫做🤓民初嘅餐廳出面寫住咕哩茶☕，見到個名咁得意，決定買個外賣試下。喺等外賣嘅時候，我問咗收銀姐姐係邊個國家嘅菜式，原來係廚師媽媽👵🏻的家傳味道，但帶有點點的✨星馬風味🔥，同絕對唔會落味精，全部真材實料🥘。原來咕哩茶味道好似肉骨茶嘅易入口版😋，湯是深啡色入邊有幾嚿肉排🐷，但係藥材味冇咁濃比較適合香港人口味🥰。因為我唔太鍾意濃藥材味，但這間的咕哩茶味道啱啱好😋，藥材味唔會太濃，開頭飲頭幾啖，覺得味道偏淡，但越飲覺得越濃越夠味，最重要係飲完一啲都唔口渴，證明真係冇落味精🤩。而靈魂嘅肉排🐽唔鞋而且有濃濃嘅肉味數量亦不少，點埋辣椒豉油真係一絕👑。我好期待食埋佢哋其他菜式🐷🐔，因為佢哋真係貴精不貴多全個餐牌都係得四五樣選擇，我會搵機會試曬佢，呢間小店值得支持💪👍我一定會再嚟幫襯🌈。順帶一提，我個日係閒日夜晚7點幾鐘，已賣淨一碗咕哩茶，其他啲嘢已經賣曬，如果想試嘅記得早啲過去買啦！🔥👍

我好鐘意食豬手!但出面夠冧又好味嘅豬手唔多！呢個黃包車豬手嘅味道好獨特，甜甜酸酸最後有d辣，好似品酒咁，味道有先後層次!豬手忟得夠火喉夠冧，入面有埋新鮮菠蘿粒，成個餸嘅味道都充滿驚喜！正如佢個舖頭名咁：民初家傳食譜，係佢屋企先有嘅菜式，出面冇，單單係用料配撘，食譜設計已經一百分！第一次食冇影相，今次我要外賣三份同朋友開心share!我仲自備個煲黎拎，老闆好好人，好歡迎我自備容器。呢間小店十分有心，d野食不加味精，服務態度又好，一定再幫襯

之前食過一次滷水腩肉蛋飯，個滷水係佢哋自己煮，勁香，今次一於外賣同媽媽食晚飯！由灣仔拎到入大西北仲暖既，但阿媽堅持要翻熱，估唔到個「思鄉雞」仲咁滑，一啲都唔鞋，d薑絲切到…可能係世界上最幼既薑絲，連埋d木耳，雞汁一齊撈飯，真係好好味😋個「咕喱茶」係佢哋個招牌菜，用湯骨同藥材煲既，又幾足料，鮮甜香濃，唔似出面d肉骨茶得個鹹字，肉骨岩岩好，一扯條肉就出黎了，正！2個餐加埋都係$103，成碗湯飲晒，d雞汁又清埋，但一d都唔口乾，老細話冇味精又冇雞粉係真既，完全真材實料。