民舍甜品 (已結業)

抵食芋圓甜品！本身唔係比芋圓吸引，而係如果叫呢個系列嘅甜品會跟埋椰子雪糕，我本身都幾鍾意椰子味嘅甜品，所以想試吓。結果每樣配料都出乎意料幾好食，唔錯！芋圓芋泥仙草$26- 椰子雪糕另外放，就咁食又得，倒落去同芋泥仙草一齊食都得，非常方便。芋圓口感幾煙韌，不過冇乜芋頭味道。芋泥口感幼滑，偏甜咗少少，不過同淡淡地又滑捋捋嘅仙草一齊食都好夾。幾樣材料加埋一齊都好大碗，性價比幾高，推介！

嚟葵廣掃街 幾推介呢一間甜品店 價錢抵食而 且仲好大份💕招牌仙草除咗有仙草之外 仲有芋圓、地瓜圓、包餡芋圓、芋泥球同芋頭雪糕🍦真係超級豐富！最鍾意就係佢個包餡芋圓 煙韌嘅外皮再包住綿密嘅芋泥 超正！

招牌愛玉芋圓 ($30)聽過好多人推介民舍嘅芋圓大碗又抵食，所以就買咗嚟試😎真係好足料，愛玉係裝滿成大半個碗，仲有大大舊用芋泥整嘅雪糕，一啲都唔慳皮👍🏻芋圓都煙韌😙整體甜度係偏少甜嘅，中意食好甜嘅朋友可能會覺得好淡😂佢仲有好多款招牌甜品，下次再嚟試先😋

去親葵廣掃完街無論幾飽都會心思思想食返碗既甜品，今次唔自私食，外賣自取返屋企分擔下卡路里。每次被吸引既係睇到已經夠開心既芋圓，因為每碗都係勁多，務求你食得飽飽。以呢個價錢，的確無投訴。叫左招牌愛玉同招牌仙草，鐘意佢地唔會太甜，芋圓細細粒夠Ｑ有咬口。今次小小失望無包心圓，唯有等下次。喜歡芋泥多過芋頭食物質素OK，只係店員態度有待改善。

其實依間嘢佢開舖到依家我都有keep住食佢全部食材都有種真材實料嘅感覺而且都有個共通點就係食一碗都好撚飽味道方面, 佢啲芋頭蓉真係超濃味 地瓜圓都好似真係食緊蕃薯咁但係又會好煙韌仙草黎講都算滑溜,幾清甜。配合埋芋頭蓉/地瓜圓/芋圓就啱啱好無咁膩～認真講佢味道算係表現芋頭/蕃薯原本嘅甜味多過平時甜品舖個種重手甜如果你係重口味之星, 應該會覺得個甜度差少少不過如果你超級鍾意蕃薯,我擔保佢個地瓜圓真係幾正 ==不過啦, 雖然我係超級鐘意佢地個地瓜圓但係佢地啲店員成日都好似好無精神服務方面真係差少少而且掃街黎講一碗又對女仔黎講太大食完一碗都似食咗個正餐無論點都好啦! 如果你好鍾意蕃薯同埋芋頭bb認真同frd試一次佢個招牌仙草係真心好味的!

***********************葵廣掃街甜品系列‼️招牌芋圓仙草🍡***********************<招牌仙草> $30芋圓控見到有芋圓即刻心心眼，叫返個招牌仙草試下，以甜品黎講真係好飽肚，女仔可能當正餐食都無問題😂配料方面非常足料，有仙草、芋泥、芋圓、地瓜圓、包餡芋圓同埋芋頭雪糕，不過球芋頭雪糕冰感欠奉，同埋芋圓嘅口感同味道都只係合格水平，唔算特別出色，想過口癮嘅話都ok嘅🙌🏻

🇭🇰 民舍甜品·特盛芋圓豆花$29因為我哋喺九份茶舍嗰芋圓一般般 所以我哋就決定試埋呢個 睇吓會唔會好食啲😂佢呢個芋圓個口感同埋味道都好啲嘅 不過佢個豆腐花就比較水汪汪 而且個豆腐雪糕有啲似沙冰 所以食到最後有啲奇怪🙊🤣🤣下次都係唔好喺葵廣食芋圓😂·📍葵芳葵富路7-11號葵涌廣場3樓TOP世界3069-T1-T2號舖)·#rby💛#rbyeat #rby好去處#rby台灣菜 #rby甜品飲品 #rby港式#rby葵涌

Follow🐷 @chuchu_hkfoodietag埋你啲朋友仔like下我啲po♥️需要你的支持喔🥺🙆🏻‍♀🐷💬每一篇食評都好認真打架—————————————————————📍 民舍甜品葵廣就係🐷嘅地頭，但自從佢開咗好多食街之後就冇乜點去，因為好大油煙味好臭🤢葵廣啲食店流失都好高，幾個月就唔同左！之前行開見到都想試，不過朝早未到timing食甜品所以次次都冇食，嗰晚就嗌左🐷媽買嘢翻黎食，又唔算餓就試呢間—————————————————————❣️ 招牌仙草 $30超！級！大！碗！🐷係冇食晚餐情況下都食唔晒（嗰幾日都冇乜胃口嘅），但佢份量都真係多，兩個人share就差唔多！呢碗有好多材料，有仙草、芋泥、芋圓、地瓜圓、包餡芋圓、芋頭雪糕！用仙草做底，🐷覺得佢仙草好好食，啲芋圓、地瓜圓好煙韌，好有彈性！包餡芋圓包地瓜餡的，芋泥係有咬口嘅，有少少芋頭粒！芋頭雪糕好特別，外賣另外盒仔裝，好香芋頭味，唔係假芋頭味個種，屋企隻貓仲同我爭食雪糕🥲overall唔太甜，好食！—————————————————————不專業評分👅好味指數:4.5/5💰性價比:4.5/5 👍🏻推薦:4.5/5—————

今次外賣左個熱芋圓芋茸露（$33）芋圓份量都多 細既都10粒起 另外有3粒包心芋圓 包心芋圓個皮幾厚 好多咬口 而其他芋圓就食啊出地瓜味/芋頭味 但口感都唔錯個芋茸露好香芋頭味 濃稠度剛剛好可惜舊大芋頭口感係爽口嗰款 唔係泥既口感 少少失望🤥

見過好多次間舖，今日第一次記得佢，試 招牌芋茸露，味道可以，但份量欠佳，一塊大芋頭、約10粒芋圓、西米粒寥寥可數；2/F有間味道一般，但材料分量足夠，扣除液體，最少超過半碗料；而價錢相差不多。

今日帶妹妹去打第一針復必泰，經過30分鐘就搞掂，打完休息期間，佢話有啲眼瞓，所以我諗住帶佢返屋企休息。點知佢話難得嚟到葵芳呢個美食街，就話要上嚟葵涌廣場3樓食啲好嘢之後佢就同家姐嚟到呢間甜品店好快佢就點了一個奶茶牛乳芋圓 ＄32妹妹未等家姐，就急不及待飲了幾口牛乳，好味到唔再講嘢，完全沉醉呢碗甜品中芋圓口感煙靭，而有餡的芋圓香甜，好味到停不了口最開心係學生穿校服或有學生証會平2元所以放學行過真係要帶一碗返家

自己本身鍾意食芋圓，經過見到呢間舖頭，價錢相宜 ，所以叫一個試下。抹茶愛玉芋圓芋圓都算煙韌，但唔係好食到本身嘅南瓜、芋頭味。 紅豆配綠茶雪糕，絕對係絕配，再加埋愛玉好清新 ，味道不錯。

抹茶牛乳， $32抹茶雪糕有抹茶味 好欣賞有好多地瓜芋頭、紫薯、同埋紅豆有時大粒嘅芋圓 入邊仲有芋泥餡芋圓好煙韌糖水就冇乜味啦奶茶牛乳芋圓 $32雪糕同糖水係分開上食到咁上下將個雪糕放喺糖水入面成碗牛乳都有奶茶味

葵廣有好多間芋圓，但呢間芋圓係最出色嘅！😋😋除咗有好好食嘅芋圓之外，佢地仲有好多特別嘅芋圓食品！見到個餐牌樣樣都想試，次次都選好耐😣招牌仙草$30材料有：仙草、芋泥、芋圓、地瓜圓、包餡芋圓、芋頭雪糕呢款係用仙草做底，然後再加其他配料係上面。佢地嘅分量都幾多，可以兩個人share食。啲芋圓、地瓜圓好煙韌，好有彈性，而且包餡芋圓喺呢度獨有，好似湯圓甘，唔會太甜又唔漏！呢度最吸引我嘅就係芋頭雪糕😋好香芋頭味，唔係假甜個種。雖然佢唔係好滑個種雪糕，但食落好有口感，好似食緊芋頭蓉咁。佢地個芋頭雪糕同芋泥味道同口感相若，但係一樣都好好食😍

【葵廣3樓Top世界🍨🍡🍧芋圓店】葵廣芋圓店選擇唔多，舊年年尾開到依家，3樓top世界都想試下價錢20尾至30蚊頭有豆花、仙草、愛玉底選擇又有芋茸露、抹茶/奶茶雪糕等組合今次揀左食雪糕，有抹茶/奶茶雪糕選擇。跟雪糕牛乳、豆花、仙草及愛玉底四個中，選擇左愛玉______________________________【食評篇👇👇👇】🤓🤓評分benchmark參考🤓🤓✏10分 - rare heaven😇✏8, 9分 - 屬高分之作✏7分 - 正正常常，同平時食到嘅差唔多 ✏6分 - 有d失望，expect佢會好食d✏5分 - 伏野，零分重作奶茶愛玉芋圓 (💝7/10)- 先講奶茶雪糕，店員冇問我喺度食定拎走，會雪糕分開一個盒另上，要自己將雪糕放返入去芋圓上面😂- 雪糕既奶茶味一d都唔濃，無乜茶味，只係食到凍凍雪糕嘅口感，唔食都得- 成碗愛玉做底，再加上紅豆、芋圓、地瓜圓做topping- 紅豆粒粒都好大粒- 芋圓夠煙韌，但其他芋圓店會食到芋圓同地瓜味，呢間食唔到______________________________【環境篇👇👇👇】- 好快有，唔洗等好耐...✏✏✏✏✏✏✏👅味道：7