氣噗噗

營業中

休息中

以前牛魔位置開了這間新的台式火鍋，早前看見很多人排隊，一直沒有試，今日6點多排隊人數不多，便一試。選擇了鴛鴦鍋，選擇十全排骨湯及養生藥膳鷓鴣湯，兩者湯底均有藥膳味道。十全排骨湯味道較濃郁；養生藥膳鷓鴣湯味道較清甜。肉類(牛肉、雞肉、羊肉、海鮮等)透過手機下單，上菜的速度很快。自助區有各式各樣的台灣腸、炸物、丸、菜、飲品和雪糕。台灣腸放在香腸機，有兩款款式，切至一口香腸的大小，十分細心及可以嘗試更多美食。尚品以上套餐包一杯指定台式飲品，單叫一杯 $8 / $12，價格相當便宜。服務方面待應十手充足，上菜速度快及常常幫手加湯。

今日朋友帶左我去馬鞍山新開既台式火鍋店，裝修有台灣夜市feel，掛左好多五光十色既燈籠，我哋果日早去仲被安排坐卡位。晚市火鍋吃到飽有3款選擇，我哋揀既精選吃到飽，包括精選牛五花、上等豚梅花、嬤嬤花雕醉雞、地瓜薯條，另外仲有任食自助吧超過50款台灣經典小食、滷水、關東煮、熱葷、鍋肴、飲品及甜品。湯底有8款選擇，中華豚骨湯、酸菜白肉湯、滋味牛骨湯、香濃蕃茄湯、台灣麻辣鴨血湯、十全排骨湯、健脾鹿茸菌湯、養生藥膳鷓鴣湯。湯底可以選鴛鴦鍋：麻辣鴨血湯：湯底顏色濃郁，帶有紅油，配合辣椒乾和辣椒籽，香辣可口，麻勁十足，但溫潤不嗆喉，令人食慾大增。中華豚骨湯：湯底加左舊大豬骨、粟米、蘿蔔，用料豐富，味道鮮甜。記得留肚食埋個牛乳雪糕，有多款配料供選擇，夠晒透心涼。

今日朋友帶我嚟馬鞍山食嘢 佢話開咗間新嘅台式火鍋店想試吓 叫做氣噗噗 夜晚六點幾一去到門口見到咁多人都嚇一嚇🤣 好好彩都有位😬 入到去坐低就揀湯底 同埋揀食邊個套餐 咁我哋就揀咗食100分鐘嘅 尚品·吃到飽 仲有送指定嘅台式飲品一人一杯😍 揀好湯底同埋手搖 我哋就出去自助區拎嘢食啦😋配菜有好多選擇 熟食都有好多 有關東煮、滷水豆腐、可樂餅、章魚小丸子、麻辣鴨血、台灣腸、滷肉飯等等 好多呀🤩 全部都好有台灣風味😇 揀完自助區嘅嘢食個鍋就嚟到啦😋咁我哋揀咗鴛鴦鍋 台灣麻辣鴨血湯啱啱上枱已經聞到好香 等佢滾咗嘅時候更香😍 入面仲有好多鴨血 辣度啱啱好 十全排骨湯入面有幾舊排骨全部炆得好入味 有少少藥材味 感覺好足料好補 即刻飲咗幾啖湯🤣 除咗自助區嘅嘢食之外 仲有其他肉類、小食、海鮮 就用QR code落單～ 海鮮方面 推薦爽脆水魷魚 真係爽口彈牙👍🏻 墨魚滑都好好味😗 小食有迷你生煎包、地瓜薯條、黃金雞球 仲有私心推薦黃金流心芋泥球、冰烤蕃薯🍠岩岩烤起熱辣辣既芋泥球 芋泥綿密 同埋真係流心架😍 凍冰冰既蕃薯真係好少食 食完辣湯底食返舊凍蕃薯 真係爽！ 肉類都有好多選擇呀 牛肉有 尚品嫩

抓住冬天尾端，仲有少少涼意，熱底人表示即刻去打個邊爐🫕 好耐無嚟馬鞍山，去到新港城中心有間新開嘅台式火鍋，即去食！門口勁多人排隊😳唔通居民餓咗有新店好耐🙈排到你個時，係門口入座前要揀定邊個餐同飲咩湯，要介紹係唔同餐有幾款台式飲品送，排隊時記得睇定😉排骨湯已經賣哂！我哋點咗麻辣同藥膳，一辣一清，飲品就仙草奶茶同埋檸檬愛玉蜂蜜綠茶，入場前店員會直接幫你落埋牛，確保煲上左無耐，出去拎定醬料同蔬菜返嚟就ready，正😄店內勁有台灣感覺，卡位用咗唔同嘅台灣火車車站，拎嘢食就係「夜市街」🤩任食區有好多特色嘢拎，甜不辣、米血糕、麻辣鴨血、特色貢丸，熟食仲有烘住嘅腸仔、關東煮🍢等👍🏻去到醬料區，出現腐乳，最驚喜有黑白芝麻，好開心😁牛豬雞件新鮮，碟碟都好豐富，建議大家可以先點一碟食咗先，唔好按人頭點，鍾意先再點，珍惜食物😉仲有勁厚切午餐肉😲我自己鍾意藥膳湯底，幾濃，煮米粉好夾。菜類新鮮，中間食一下隔一隔，再嚟過😝麻辣都唔錯，唔算過辣，食鴨血麻辣齊哂😋最後要有一杯雪糕，即刻清哂😁新店一般開始時都會多啲事故，職員處理得好好，好有禮貌。聽到有老友記客人唔識QR code落單，職員好有耐性解釋餐牌同幫手點餐👏🏻

馬鞍山朋友終於等到有間台式火鍋店一開業即叫我去食。食最平個餐，食90分鐘7點半前離座仲有優惠叫左個十全排骨湯底同養生藥膳鷓鴣湯底湯底幾濃，而且幾足料未打邊爐前都飲左碗。外面自助區仲有唔少台灣火鍋料有我最鍾意甜不辣同豬血膏有大量蔬菜同丸類罐裝飲品，熱茶，另外加錢仲有手搖飲。熟食有關東煮，麻辣鴨血，滷肉等等。牛五花賣相都幾好，食落有肉味另外仲有豚梅肉，醉雞仲有熱辣辣地瓜薯條任食。下次有機會再試吓貴啲餐。

見呢間火鍋店新開張諗住食吓，入到餐廳職員同我地講會嚟定啲牛肉比我地先，其他野食qr code落單就可以，當我地18:18 scan qr code落單叫第一轉嘢食既時候，初初等左20分鐘野食都係未嚟初時覺得餐廳多人可能等多陣就嚟，點知等左30分鐘都未嚟開始覺得唔對路，同左職員講野食等左好耐都未嚟叫佢幫手跟跟張單，職員懶懶行幫左我跟單，但等多陣差唔多40分鐘左右都仲係未嚟，我開始燥燥地點解可以等咁耐都仲未嚟啲野食，之後等左差唔多45分鐘一啲嘢都未嚟，已經搵左經理跟進同佢講，原來係要同經理講先至有用！同普通職員講係無用架！服務態度真係差🙂 我俾錢食120分鐘火鍋放題，同我嘥左45分鐘時間完全唔知間餐廳係點安排，一定要改善下囉，如果其他食客都有同樣情況發生就唔好啦，真係貼錢買難受，唔會再有下次！

同一間公司，雖說火鍋風格轉變成台式 但火鍋食材跟原先牛魔一樣味道相約，湯底偏鹹 需要加水才有更好味道，醬油也偏鹹員工服務態度尚算可以 室內環境一般 有稍微裝修價錢偏少貴