水門雞飯 (裕民坊YM²)

營業中

休息中

喺瑞和街打完波，趕得切5:30前去裕民坊間水門雞飯叫下午茶同dinner，真心抵。佢$38有一個煮食，再加小食，再加$5有杯嘢飲。成單嘢都係43。我叫咗呢啲覺得幾好食：泰式船粉嘅湯底對我嚟講都算有啲surprise，原本以為泰國嘢會好鹹，但係呢個船麵嘅湯底都算鹹淡適中。食完都唔會覺得好口乾嘅水門雞飯基本上都係正常發揮，佢下午茶就輕量裝，打完波都唔想食正餐太飽，所以啱啱好OK跟餐嘅小食有得揀兩隻香茅雞翼，拎外賣返屋企途中聞到香噴噴☺️ 仲有佢涼拌牛舌（四塊）都真係整得幾腍身，加少少泰式辣汁食起嚟會更加有風味。因為自家炆牛舌真係一件好煩嘅事，有得揀都揀買返嚟食。老婆鍾意飲椰青，就加咗$40 order咗一個。都包裝得幾企理，椰青下面仲加個膠兜裝住，有啲椰青水漏咗出嚟，但都裝得住。而且椰青嘅份量真係好大個、兩個人都係勉強飲晒甜品我哋仲叫咗個芒果糯米飯（$58）芒果糯米飯都係幾煙靭口感，拎到返屋企仲可以有一熱一棟，凍嘅芒果再加埋暖身嘅糯米飯入口。雖然我只係坐喺度等外賣，但係阿姐都俾個袋我裝住個書包，都算幾有服務態度

今日嚟到觀塘裕民坊 好耐冇食過水門雞飯 一於入去食！估唔到接近八點都仲要等位 等咗一陣好快就入咗去～ 坐低睇睇餐牌 就自助落單啦 好方便～ 水門雞飯 $54必點之選！每次一耐冇嚟食就會好掛住佢嘅雞飯😬 就算食雞胸都唔會柴 雞皮爽滑 雞飯粒粒分明 味道啱啱好 配埋佢嘅醬料 真係好好味😋 話梅茶 酸酸甜甜好開胃 食埋粒話梅肉 好滿足😌 泰式奶茶好正宗嘅泰式奶茶 好滑同埋以香港人口味嚟講 算係偏甜😆 海鮮冬陰功湯金邊粉記得上次試過佢嘅船麵不錯 今次就想試吓佢嘅冬陰功湯 海鮮有魷魚、青口、大蝦 全部都爽口彈牙 好少會食湯嘅金邊粉 配埋冬陰功湯底 酸酸辣辣都幾好味😋 脆炸香茅雞翼香茅味好香 炸得外脆內軟 咬開仲有肉汁😍 泰式燒腩仔真係燒完就即刻上枱 熱辣辣要攤一陣先可以食🤣 外脆內軟 有啲似豬頸肉既感覺 配埋醬汁酸酸辣辣 好味😋 炸雲吞香脆嘅雲吞皮 入面係蝦滑 醬汁係酸酸甜甜 不錯👍🏻 串燒即叫即燒 燒得岩岩好又好香 叫咗兩串雞肉一串豬肉 雞肉好滑 估唔到豬肉都唔會柴 配埋沙嗲醬 真係好食😋 整體嚟講 水門雞飯 食物質素不錯 店員服務態度好 為左個雞飯 間唔中就會黎再食😬

水門雞飯係觀塘開左分店，終於有分店開係我屋企近少少🥹。今日買外賣返屋企食，發現外賣質素唔差。餐廳設有外賣專區，非常方便。- 脆炸香茅雞翼放到屋企用左20分鐘，雞翼仍然好香脆，每一隻炸到金黃色，香茅味道好突出。追加小食只係叫$20，一共有4隻。- 水門雙拼雞飯餐廳用既白身走地雞脂肪比較少，肉質非常嫩滑，好有雞味，無骨最啱唔鐘意lur骨既我。同埋一定要點祕製雞汁，酸酸甜甜好好食。雙拼另一主角係炸雞，雞件炸得恰到好處，仍然juicy。雞飯粒粒分明，香但唔知油膩。雞飯仲會附送雞湯，每次都會飲到一滴不留👍🏻- A5和牛泰式船麵麵底有五款咁多，我揀左蛋麵，掛湯能力一流，和牛有三大片，味道好出色，油脂甘香。湯底好濃味但唔會太甜。外賣既話，餐廳會將湯底分開👍🏻- 泰式炒通菜通菜脆嫩，可以揀少油少鹽證明即叫即炒，- 泰式奶茶奶茶唔錯，最緊要夠甜🤣食物水準一如以往地高，即使唔同分店，雞飯依然係香港第一🙇🏻‍♂️

今次午餐我同朋友去咗「水門雞飯」呢間泰式餐廳，餐廳位於觀塘港鐵站，商場裕民坊地舖，真係好方便！🇹🇭🍜小食方面，我哋叫咗一碟泰式生蝦，總共有五隻生蝦，蝦肉好新鮮、啖啖肉，擺盤又靚！伴隨住泰式酸辣汁，再加上苦瓜片、蒜片同紅椒片，口感層次豐富，味道真係一流！🦐🌶️小食我哋仲叫咗一碟香辣鳳爪沙律，配搭芹菜、生洋蔥同埋芫茜，清新又開胃，辣度啱啱好，無骨啖啖肉、都好過癮！🥗兩碟小食都係冷盤，炎炎夏日食完真係透心涼！🧊🧊😋😋主菜方面，我哋叫咗一碟泰式炒鳳尾蝦金邊粉，熱辣辣嘅酸甜金邊粉，加上鮮甜嘅蝦肉，搭配埋櫻花蝦、炒蛋、芽菜、蔥段同青檸汁簡直恰到好處！🍋‍🟩🍤 飲品我哋叫咗杯菠蘿冰，清涼消暑，菠蘿味濃郁，仲有塊鮮甜菠蘿食，真係好正！🍍

之前係尖沙咀同銅鑼灣分店都食過覺得味道都唔錯今日經開觀塘裕民坊又一個人食飯就試吓呢間位置處於商場麥記出面條街再行過d***** 生酮系列-椰菜花蝦飯$68*****首先好有鑊氣椰菜花飯用咗雞蛋、豆、同椰菜花炒味道好香好夠味蝦肉新鮮亦好有肉*****秘製泰式生蝦沙律$88*****去咗旅行好掛住亞洲野食所以忍唔住自己一個食都照叫生蝦共有5隻生蝦配有青瓜片中間就放上秘製醬汁少少辣好新鮮好食😋*****椰青$40*****大大個椰青冰涼解渴最適合炎熱的夏天其實新出呢兩個菜式都好吸引我但今日只係一個人食下次有伴先黎試吓無黎一排多左好多新菜式呢度都幾多野食選擇下午茶就好抵食星期一至六15:00-17:30都有整體餐廳服務態度都好好有禮貌同好主動值得再次幫襯👍

以前食過旺角嘅分店，去開觀塘，搭巴士個陣見到裕民坊都開左，除左最出名嘅雞飯，見到有其他新出嘅野，忍唔住試一試。呢個和牛串燒味道濃郁，肉質鮮嫩多汁，燒烤香氣同泰式醬汁完美融合，旁邊嘅醬料帶微辣同酸甜，增加咗層次感。冬陰功湯麵湯底濃郁，令我諗起曼谷好出名嘅麵，加入海鮮同蛋，海鮮種類同份量都好多，分別有蝦蜆魷魚，口感豐富，微辣帶香，令人回味。而且麵嘅份量亦都好多，可以兩人一齊share。跟餐嘅龍眼冰清涼解渴 ，唔會太甜。

水門雞飯是一家主打泰國風味海南雞飯的餐廳，以價錢合理且質素穩定的泰式海南雞飯及相關泰國菜聞名。水門雞預先去骨，肉質嫩滑且帶有雞皮和脂肪，但口味偏淡，需要沾醬汁來提升風味，附送雞血、雞腸、雞腎等，雞雜味道鮮美，為整體雞飯套餐增添風味。蒸雞油飯是用雞油煮的油飯，粒粒分明香氣十足。水門炸雞飯：炸雞外皮酥脆，內裏肉質嫩滑且有肉汁，搭配的特製酸甜醬汁酸酸辣辣，非常開胃。配香味足的雞油飯，味道鮮美、層次豐富。餐廳附送的雞湯味道帶有香濃胡椒味，飲落非常暖胃。

今日經過觀塘裕民坊就食左水門雞飯～今次就買咗外賣拎返屋企食來到水門雞飯當然要買佢最出名嘅雞飯，而且我仲買咗泰式無骨豬手、泰式乾炒辣牛河和烤麵包。水門雞飯雞肉嫩滑，雞皮非常之薄，而且不帶脂肪，配上獨特嘅醬汁特別開胃。呢個套餐仲會包埋一個雞湯，個雞湯雞味好香濃仲配上冬瓜泰式無骨豬手呢個豬手醬汁香甜，帶有微酸嘅醬汁，令到成個豬手唔會太膩，而且份量好多，一家人食都岩晒泰式乾炒辣牛河呢個辣牛河炒得好乾身，配上泰式嘅醬汁去炒令到成個河粉更惹味，而且唔會太油，所以食完都唔覺得太肥膩烤麵包呢個麵包仲會配上咗一個沙嗲汁，可以點綴個汁嚟食麵包真係唔錯整體嚟講，成間店舖嘅食物質素都很高，而且份量十足，下次可以再食試吓其他唔同嘅款式菜式✨水門雞飯 (觀塘)觀塘協和街33號裕民坊YM² 1樓101號舖#水門雞飯 #觀塘美食 #觀塘 #雞 #美食 #美食分享 #hkfoodie #hkfood #hkig #hkkol

在協和街的轉角遇見這間小店，外面有一隻隻雞吊住，看見啲雞皮又薄又靚已經好吸引，再見到menu咁平咁抵食，二話不說叫個外賣返屋企嘆先。🐔 水門雙拼雞飯雞肉嫩滑得不像話！白斬雞皮爽肉嫩，加上炸雞，雙重享受，油雞醬香入味，搭配靈魂雞油飯，粒粒分明又香氣逼人，蘸上酸辣醬更是一口接一口停不下來。 🍜 泰式船粉湯頭清澈卻濃郁，暗藏魚露和香料層次，河粉吸飽湯汁，有魚蛋魚片芽菜通菜等各種材料，好味多口感。🌶️ 香辣紅咖哩牛肉飯咖哩濃稠度剛好，牛肉燉到鬆化，辣度是「微微冒汗但忍不住繼續扒飯」的程度，哈哈，薯仔吸滿咖哩精華，邪惡又滿足。 ✨仲點了小食都好吸引：香茅雞翼外脆內多汁，醃得夠透；雞雜處理得乾淨，爽脆蘸辣醬超正，仲有涼拌牛舌，超好食啊。整體非常滿意，即叫即整，價錢又平，會在encore，值得推薦。

收工去咗食水門雞飯，我就食咗雞飯，唔轉雞髀要雞胸可以減肥，雞胸都好嫩滑，點埋醬就夠晒味，仲有個冬瓜湯濕濕口。晚巿加$30就有個無骨豬手小食，好大碟好抵食，炆到好腍好入味。洛神花茶酸酸地唔甜，唔肥又解渴。朋友食咗泰式肉碎煎蛋飯，叫咗少辣，加埋流心蛋好送飯。大推個串燒，都係加$30，我哋叫咗豬肉，另外可選雞肉，大串又燒得香，加埋個甜甜哋嘅沙嗲醬，勁好食。再加個炒通菜補充膳食纖維，可以叫小辣小油，食到japjap 聲。

今天我和老婆一起前往觀塘裕民坊的水門雞飯，享受了一頓美味的泰式外賣晚餐。這家餐廳以地道的泰式風味和實惠的價格而聞名，是我們的最愛之一。我們點了一份招牌的水門雞飯，這道菜以白切雞為主角，雞肉鮮嫩多汁，搭配特製的醬汁，讓人垂涎欲滴。每一口都充滿了香氣，讓人感受到泰式料理的獨特魅力。此外，我們還選擇了水門雞雙拼飯，包含了白切雞和炸雞。炸雞外酥內嫩，口感層次豐富，為這頓晚餐增添了不少風味。除了主菜，我們還點了兩道泰式小食，首先是泰式豬肉餃。這道小食的餃子皮薄肉嫩，裡面包裹著香濃的豬肉餡，搭配酸辣的醬汁，讓每一口都充滿了驚喜。另一道是泰式酸辣雞腳，這道菜的獨特香料和酸辣味道，讓我們的味蕾得到了極大的滿足，口感彈牙，讓整個晚餐增添了不少風味。最後，我們還選了一個椰菜花蝦飯，這道菜的蝦仁新鮮，搭配椰菜花的清甜，飯粒吸收了所有的鮮味，口感十分豐富。整體而言，水門雞飯的菜品不僅美味，而且價格實惠，讓我們在享受泰式美食的同時，還能不心疼荷包。這次的晚餐讓我們感到非常滿足，期待下次再來品嚐更多美味！

水門雞飯（官塘）講到香港平靚正的泰式雞飯，「水門雞飯」分店開遍港九新界，絕對是熱門之選。今次試的是官塘分店，無論午市晚市，門口總見外賣人龍，店內更是長期座無虛席，受歡迎程度可見一斑，性價比確實高！招牌水門雞飯 ($68)不愧是招牌！雞髀肉去骨處理得乾淨俐落，肉質爽滑不柴，啖啖肉簡直是懶人福音。油飯粒粒分明，甘香而不油膩，亦不見人工色素痕跡。點睛之筆是那秘制醬汁，酸辣開胃，與雞飯是絕配。再呷一口熱騰騰的胡椒雞湯，辛辣暖胃，整個組合食落相當暢快滿足。惹味配搭燒雞翼：外層燒得微焦帶香，內里肉汁鎖住，惹味！通菜：清爽脆嫩，正好平衡肉食。凍泰式奶茶 ($22)：誠意推薦！茶底香濃醇厚，奶味順滑，甜度適中，解渴又解膩，地道風味十足。

嗌左個泰式乾炒辣牛河，但係無扣底個份量仲少過人地扣左底，唔知係唔係調轉左張單。完全唔夠食。味道可以接受，不過不失，對得住個價錢。侍應就企定定係到，無乜打算招呼客人

第三次食呢間水門雞飯😂之前在另外分店已食過😛食過番尋味😝實在太好味了😋正宗水門雞飯～雞肉細嫩多汁,以特製的醬汁醃製😋油飯粒粒分明,帶有濃郁的雞油和薑黃香氣 😝配一碗雞湯😉好惹味😚 鳳尾蝦泰式金邊粉金邊粉質地滑嫩有彈性😎蝦味鮮美～泰式豬肉餃外皮薄韌有嚼勁～餡料多汁豐富🤓搭配青瓜調味芒果糯米飯芒果甜美多汁～糯米軟糯香甜～椰奶香濃醇厚～淋上椰漿甜度適中😉套餐可跟飲品凍泰式奶茶茶香濃郁醇厚～奶味香甜滑順😉是泰國特色飲品😌凍泰式檸茶茶不會太澀☺️檸檬清新酸甜😜糖漿的甜度適中餐廳環境

今日黎到官塘又想食雞，見到水門雞即刻入左去食首先，我地就叫左個牛肉湯牛丸生牛肉金邊粉，呢個組合無敵啦！牛肉湯好濃郁，牛丸口感彈牙，生牛肉新鮮，個湯夠熱浸一浸，搭配上金邊粉，好順滑另外仲叫左個魚蛋船粉，呢個就普通D，魚蛋都彈牙，船粉都好順滑，個湯底就清淡之後就當然係主打既水門雞飯，雞肉一如概往咁非常嫩滑，加埋醬汁，好夾，配埋油飯，真係一個完美的組合，每次食都一粒飯都冇淨另外就都叫左2個小食，分別係雞肉串燒同埋春卷，串燒外焦內嫩，肉質多汁，搭配上少少鹽和調味醬，味道非常好。炸春卷亦都好好味，外脆內熱，裡面包住新鮮的餡料，食落去香脆可口飲品方面，當然係泰式奶茶，另一杯就係鮮檸梳打。泰式奶茶香濃，帶有一點甜味，飲落去非常舒服；凍鮮檸梳打則酸酸甜甜，清爽解渴最後，仲叫左個芒果糯米飯作結！糯米滑嫩，搭配上新鮮的芒果，味道香甜總括來講，次次食水門雞飯都覺得有種去左泰國既感覺，野食真係好出色