水門雞飯 (裕民坊YM²)

營業中

休息中

食過返尋味，之前都食過水門雞飯，覺得幾好食。今日見附近都有間，又走左入去食下泰國野。餐廳有兩排高枱，中間細枱泊埋，唔算太大但座位都足夠。做完運動好肚餓，叫左主食，串燒同椰青。第一樣到嘅係 椰青，喺出面都聽到廚房劈椰青嘅聲，炎炎夏日加上出完一身汗，飲啖椰青真係好refreshing! 清甜解渴，好啱配泰國菜。鳳尾蝦泰式金邊粉 一樣仲係咁好食，份量都大碟，鳳尾蝦4大隻，咬落爽口。金邊粉調味帶土少甜，配上青檸，食落酸甜開胃，加埋花生碎，口感十足。金邊粉炒得乾身，條條分明，咬落唔會太碎太韌。泰式和牛串 冇燒至全熟，仲可以望到d紅色嘅部份，目測七成熟，幾有牛肉香味，肉質鮮嫰。配上酸酸地嘅醬汁更帶出牛嘅香濃。豬肉，雞肉串燒幾推薦呢到嘅串燒，調味唔會太鹹，保留到原有嘅肉香同肉汁。豬肉彈牙，但唔會韌，咬落充滿肉汁。雞肉大件，咬開唔會過熟而變乾。配埋沙嗲醬超好食。離開餐廳都已經過9點半，但都keep住有客人，睇黎街坊都好鐘意食~

經歷了一周工作的疲累，想早一些回家休息，於是到觀塘裕民坊YM²的水門雞飯外賣晚餐回家享用。水門雞飯配雞汁和湯：這是一道經典的東南亞風味快餐，以嫩滑多汁的雞肉和香醇的湯為主角。雞肉保留了原汁原味，搭配簡單的飯菜，營養均衡，口感清爽。作為主食，這道菜既能填飽肚子，又能帶來怡人的用餐體驗。雞汁濃郁香醇，湯頭醇厚，為主菜增添了肉香。而湯則帶有一絲胡椒微辣，能夠調和雞肉的鮮味，令整體口感更加協調。鳳尾蝦泰式金邊粉：這是一道色香味俱全的泰國食物。鳳尾蝦與柔軟的金邊粉交織在一起，在泰式酸甜醬汁的襯托下，呈現出迷人的風味。口感爽脆又不失嫩滑，是一道開胃下飯的絕佳選擇。馬拉盞西蘭花炒魷魚鬚：這道富有東南亞特色的炒菜，融合了清脆的西蘭花、鮮嫩的魷魚鬚以及濃郁的馬拉盞醬汁，色澤誘人，口感層次豐富，能夠為整個用餐體驗增添趣味。作為配菜，它突出了東南亞飲食的精髓。凍話梅茶和凍泰式奶茶：這兩款冰涼飲料為這頓東南亞風情餐增添了清新消暑的氛圍。話梅茶帶有微酸的話梅味，清涼解渴；而泰式奶茶則有淡雅的奶香，口感細膩順滑。它們為整個用餐過程劃上了完美的句號。總的來說，這份菜單在東南亞風味、營養搭配、口感層次以及視覺享受等方

休閒的星期六，瞓飽起身，同老豆落樓去食隔籬屋Auntie推介嘅「水門雞飯」🤣去到見到高朋滿座，我同老豆都知應該好食😆唔好食應該唔會keep住咁多人！定係個個都好似我哋咁，瞓到黃朝百晏先起身食飯？不過好Lucky地，都仲有少少位俾我哋坐，唔使等位！佢星期六都有午市套餐可以嗌，好Yeah！我同老豆都係嗌咗個午市套餐再加咗一款小食❤️最後仲忍唔住加咗個甜品！1.✨水門雙拼雞飯✨（我+10轉咗雞脾🍗）滑捋捋嘅雞髀肉，加上佢特製嘅醬汁，配上一啖油飯，真係好完美！炸雞都好好味，外層炸得好酥脆，唔會覺得厚粉，入面仲保持住雞肉的鮮嫩，加上醬汁嘅酸甜，更加增添咗另一種風味！佢個飯仲跟咗個雞湯，入面有冬瓜肉，飲落好重胡椒味，我個人係好鍾意嘅😝2. ✨牛肉湯牛丸生牛肉湯河加豬粉腸✨河粉彈牙有口感，牛肉湯的濃郁竟然唔會遮蓋住食材本身嘅原味，反而可以帶出生牛肉、肉丸嘅鮮甜。我哋仲加咗豬粉腸，老豆話佢處理得好好，大條靚仔🤣笑死我！3.✨馬拉盞肉醬芥蘭 ✨芥蘭熟度剛剛好，加上馬拉盞肉醬，小小惹味，但係唔會太濃👍🏻4.✨豬肉串燒✨豬肉嫩滑，而佢搭配嘅沙嗲醬真係精髓，好好味！不過唔鍾意沙嗲醬嘅人，佢旁邊仲有一個比較清新嘅

水門雞飯其實我真係成日食但好似大家主要都係去食雞飯其實其他嘢都勁好食觀塘呢間分店比起其他分店裝修更新更靚不過就唔算好多位，繁忙時間我估都要排隊其實大部分我都嗌過嚟食泰式炒通菜、烤魷魚、泰式鳳爪呢啲全部都好好食俾大家睇睇我今日嗌咗咩嘢食先但今日主要想推介佢嘅炒牛河同埋下午茶首先係牛河呢個牛河暫時覺得係喺香港食過最好食牛肉係用靚牛肉、有牛味、又唔鞋！同埋可以揀辣度！我嗌左中辣又有鑊氣如果你鍾意食牛河，我覺得你一定要試吓你睇上面張單都應該見到呢兩張相係下午茶餐！有迷你雞飯（其實份量都唔少）仲有冬瓜雞湯、包一杯餐飲再加兩隻香茅雞翼！！大癲！先$38 雞翼必須讚、炸得非常好、夠香脆、香茅味突出呢個係泰式牛舌跟餐先加$10勁抵食，都幾辣下另一樣我鍾意食嘅嘢就係泰式生蝦啦好鍾意佢個泰式醬同其他舖頭有啲唔同同埋佢有苦瓜

今晚同朋友黎到水門雞飯食晚餐😋見到新產品：A5和牛船麵😍😍送到面前之後即刻撈d和牛落去湯度，和牛就立即轉色。和牛油脂豐富，幾乎入口即溶😍高質！份量都唔少！仲送飲品！正😋水門撈麵好惹味！有好入味既雞腳、豬紅同豬腳！正餐仲可以用優惠價加小食！泰式燒腩仔 $30做到外脆肉嫩！正！泰式檸檬茶原來泰式檸檬茶係呢種味！茶底香甜。😍❤️話梅水酸酸甜甜咁😋😋芒果糯米飯芒果好甜 作為呢一餐既結尾非常好😋

位於裕民坊商場嘅外圍，有一間大大舖位的水門雞飯。我幫襯咗其他區的分店無數次，論上菜速度、鑊氣、份量、職員態度，這間分店暫係我心目中排首位^ ^泰式乾炒辣牛河勁有鑊氣，炒得好乾身，又入味！薄切牛肉大大塊～水門雞飯轉雞脾肉雞肉超嫩超滑 配以調味醬料 真的好吃~ 脆炸香茅雞翼 單骨 好香口 加單叫小食只是$20馬拉盞西蘭花炒魷魚鬚這碟是我最愛 好多魷魚鬚 條條都好肥身又爽口 佢既馬拉盞調味真係好得飲埋飲品：芒果冰 泰式奶茶 就perfect ~

今日過咗嚟觀塘，諗咗好耐都唔知食咩好，經過裕民坊，就見到呢間水門雞飯，裝修都幾好，就入咗去試一試！呢度餐牌超級多嘢食，我都揀咗一陣先至揀到，好多嘢都想試！今次就試咗水門雞飯，佢啲雞都幾嫩滑，個飯嘅雞油味都唔錯，唔會太油膩，又夠香，味道剛剛好！之後我仲食咗生牛肉湯河，個湯好濃郁，牛肉嘅份量都唔少，都有啲牛味，唔係啲低質牛肉！見口渴就叫咗杯蘋果雪梨水，都幾潤喉，都有啲雪梨肉，飲落真係幾足料！之後仲叫咗雞肉串燒，有兩串，仲有一個燒烤醬俾我點，都幾好食！如果呢個價錢呢個質素，真係冇得輸，如果我屋企附近都有呢間水門雞飯就好啦！觀塘真係越嚟越多嘢食，真係花多眼亂，每次都要諗一陣先諗到食乜嘢！！！！！！！！！

今日又過咗嚟觀塘食好嘢，超級肚餓，所以就約咗朋友嚟食泰國嘢，知道呢度出名大件夾抵食，價錢又抵，所以收工即刻衝過嚟。呢度裝修都幾簡潔，喺裕民坊嗰度，位置上都尚算方便。首先我哋叫咗串燒，一碟兩吋，兩個人分啱啱好，唔係好乾味道唔錯。之後我哋仲食咗雞翼，有好多小食呢度，真係好正！因為我哋嚟嗰時仲有下午茶，所以價錢仲抵，每樣試少少，可以食到勁多嘢！我哋食咗細嘅海南雞飯，同埋細嘅生牛河，又飲咗湯又食咗牛脷！仲有杯雪梨水！好清甜又唔會太甜！生牛河個湯底都唔錯，好濃郁，啲牛肉嘅份量都唔算少！nice! 呢間嘢真係極力推介，希望可以開好多分店喺屋企附近，咁就最好！下次要再叫更多朋友過嚟食，咁可以試晒全店嘅嘢食，諗起都開心！

由泰國返嚟之後，經常好掛住泰國嘅美食，今日姐姐又假期，Mina爸又要OT，得返我同Mina兩個人食飯，所以我就近近地，去到觀塘裕民坊商場嘅～水門雞飯食晚餐，呢度可以堂食或外賣真係好方便，今次我就外賣返屋企同Mina一齊食🥰🌟水門雞半隻水門雞肉質鮮嫩，雞味香濃，搭配特製的醬汁一齊食，味道更佳🌟泰式豬手飯豬手的肉質非常嫩滑，滷汁香濃，白飯吸收了豬手汁，非常下飯好開胃，涼拌青木瓜能夠平衡豬手的油膩感🌟雞肉串燒雞肉串燒醃製得非常入口，即叫即燒，烤得外焦裡嫩，配搭沙嗲汁一齊食，風味更佳

今日同朋友去咗裕民坊嘅水門雞飯食dinner。餐廳門口有2張枱，店內亦有座位，可以容納三十幾人。餐單有好多款式選擇，有飯、沙律、串燒、泰式船粉等。我地點咗一份招牌水門雞飯，可以加$10轉雞脾肉。另外點咗一份鳳尾蝦泰式金邊粉。小食點咗3串串燒（豬肉/雞肉），串燒3串起叫，可以合拼。飲品點咗1杯泰式鴛鴦同1杯泰式奶茶。最後仲點咗一份甜品(斑蘭大菜糕)。水門雞飯 $64水門雞飯配一碗湯同泰式醬汁，雞脾肉好嫩滑，配泰式醬汁食好夾。鳳尾蝦泰式金邊粉 $75金邊粉份量好足，有4隻鳳尾蝦，好彈牙。旁邊有花生碎、辣椒粉、青檸汁等配料，可以根據個人口味拌勻食。串燒（豬肉/雞肉） $42 (3串)我地點咗2串雞肉串燒同1串豬肉串燒，可以配沙嗲汁食。泰式鴛鴦(左)/泰式奶茶(右) $22斑蘭大菜糕 $321份斑蘭大菜糕有3件，上層係斑蘭糕，下層係大菜糕，配埋淋係上面嘅椰漿一齊食，味道唔錯。

今晚同朋友聚餐，買點外賣在家輕輕鬆鬆吃也不錯！水門雞飯有不少分店，但裕民坊這間是第一次吃，一於試試🥰餐廳的位置方便，就在裕民坊的地下🫶🏻非常容易找到。水門半隻雞來到主角水門雞，雞肉鮮嫩，超有雞味，還配上少量雞雜沾點特製雞汁和醬料味道更豐富和有層次，喜歡辣的我大愛呢！泰式無骨豬手在泰國，我最喜歡吃就是豬手，水門雞飯的豬手鹵得夠入味，而且豬手軟綿綿，份量不少！再吃點白飯加點豬手汁，完美👅 我同朋友都大愛這菜式香辣鳳爪沙律香辣鳳爪沙律的份量頗多，配菜有甘筍、芫荽等等，夠惹味、又開胃👍🏼泰式炆雞腳雞腳夠入味，軟腍腍，充滿骨膠原，有泰式香料味道，值得一試！最重要的是，$18有八隻，好抵😚😚

觀塘協和街一帶都有好多嘢食，自從裕民坊開咗之後就多咗更加多嘢食，聽朋友講呢度有間水門雞店幾好食，今日經過裕民坊轉車返屋企就順便買咗個水門雞外賣食，整體食物質素同份量都幾合理。餐廳喺裕民坊嘅地舖，喺大陸馬路就會見到，雖然座位唔係好多，但係都好新淨闊落，不過亦都有外賣自取服務。水門雞半隻加油飯叫咗水門雞半隻加咗兩個油飯，半隻雞份量都幾多隻雞都幾大隻，而且整得好滑，雞油味特別香，配埋佢提供嘅醬汁食更加惹味。食水門雞，梗係要食油飯！所以另外加咗$20加咗兩碗飯，每碗$10，兩個人食一定夠飽。香辣肉碎沙律香辣肉碎炒得好香，唔算好辣，但係肉味好香配一啲新鮮生菜食口感爽脆又豐富。芒果糯米飯一個經典嘅甜品，芒果份量都好多！而且芒果都好甜～糯米飯唔會太硬，呢個價錢都幾抵食。下次有時間一於試吓堂食其他菜式！

好耐冇去泰國掛住啲水門雞，今日經過見到就買外賣返屋企食！水門雞飯我自己轉左雞髀，啲肉都非常滑同埋嫩。仲有好香雞味添，雞來講唔會算好肥，薄薄地嘅白雞皮，好食！而且佢嘅香油飯都幾香，唔會太過油！冬陰功海鮮湯河好細心有分湯，裏面有青口蝦魷魚。 佢嘅冬陰功湯底比較奶，椰汁比較多，好適合又想食冬陰功，但係怕辣嘅人，酸酸甜甜幾開胃！馬拉盞肉醬芥蘭菜芥蘭菜同馬拉盞肉醬配合得好好，冚咗芥蘭菜本身嘅草青味。 而且佢個肉醬流流地鹹鹹地好好食。 斑斕大菜糕斑斕味唔算太重，而且好有咬口嘅大菜糕！ 佢仲配咗啲椰汁俾你，雖然食完好有罪惡，不過都冇辦法，個大菜糕配合椰汁太好食！🤤洛神花茶 龍眼水平時對於泰國餐廳嘅飲品覺得都會偏甜，我自己另外嗌咗少甜。感覺飲落去又真係唔係好甜。洛神花茶就酸酸尾尾好開胃，要龍眼水佢嗰種甜味係來自龍眼乾嘅甜味，唔似係自己加糖漿。而且下面有好多龍眼肉添！餐廳食物質素都好高，而且價錢都好親民。值得encore。

觀塘裕民坊地鋪一間溫馨舒適的泰國餐廳,裝潢清新簡約,營造出輕鬆的氛圍。無論是商務團體還是三五知己,這裡都是一個良好的聚會場所。首先推薦他們的水門雞飯。這道菜看似普通的海南雞飯,但店家用的卻是嫩滑多汁的雞髀肉,配上香濃的白飯,簡直美味無比。另一道非常推薦的是泰式豬手飯。豬手肉質軟嫩,帶有泰式調味的甜辣滋味,與清爽的涼拌青木瓜相得益彰,營造出不同層次的口感。接下來是店家的必點之選 - 雞肉和豬肉串燒。肉質鮮嫩多汁,入口即化,佐以泰式香辛醬料,令人回味無窮。飯後,來上一碗清新爽口的雞湯,幫助消化,是再好不過的選擇。還有店家的招牌菜 - 原隻燒魷魚。外表焦香酥脆,內裡鮮嫩多汁,搭配泰式蒜泥醬,吃起來爽口又開胃。最後,不能錯過他們的兩款特色冰品 - 芒果沙冰和菠蘿沙冰。清甜可口,是炎熱夏日的絕佳解渴良品。總的來說,這間泰國餐廳不僅環境舒適,菜品更是正宗美味,值得一試。期待下次再來品嘗更多泰式美食!

陪阿媽去觀塘裕民坊買嘢，之後經過協和街，見到水門雞飯開咗分店，見到廚窗掛滿美味嘅水門雞，阿媽即話去買外賣回家作晚餐。水門半隻雞：水門雞雞身相對比較白。但雞皮爽脆肉質鮮嫩，醬汁用咗辣椒和蒜頭以人手切粒，令味道更突出，配水門雞味道更佳。冬瓜湯胡椒味道極重，辣辣哋幾好味。雞油蒸飯：選用正宗泰國香米，加入雞湯煲，飯軟硬適中，香而不膩。鳳尾蝦炒金邊粉：炒得好夠鑊氣，又有泰式風味，金邊粉軟硬度適中，鳳尾蝦大隻爽口，加埋附上青檸、辣椒粉及花生碎一齊食，味道和口感都好好味！下午茶套餐泰式船粉（豬肉丸、肉碎）：外賣會將湯分開上，保持食物質素，麵底和食材都有得揀，怎樣配搭由客人自選，今次揀咗豬肉丸配河粉，豬肉丸好爽口，仲有肉碎和扎肉，河粉滑溜，配合清甜嘅湯底，十分美味！炸蝦春卷即叫即炸，香脆可口。跟餐雪碧汽水係免費。