永利茶餐廳

營業中

休息中

今日勁肚餓，見間茶餐廳大大間、幾有懷舊特色，就入左去。其實就黎lunch hour，但又不想食早餐/set lunch，所以叫左個全日都有既 干抄牛肉繪意粉由於係即叫即炒所以等左一陣，但係十分值，因為熱辣辣先好味佢其實即係干炒牛河，但意粉炒出黎冇咁油膩意粉條條分明，不會痴埋一舊味道好夠，而且牛肉新鮮，大大碟好有心。雖然接近$50都幾貴，但食得出係大廚出手

永利茶餐廳真係幾成日食，因le 頭真係唔多茶記，而最近係佢，成日食唔記得映下寫下食評同大家share下，今日突然勁想食炸豬扒沙律，平時係早餐食既、我都唔記得下午茶係係咪有、一見到原來有咪入去食lo~~下午茶2點開始！都有d飯麵做下午茶既下午茶餐牌、想食佢可以睇下而今日突然口痕想食豬扒沙律，雖然件豬扒睇落乾左d,但味道都ok 架！所以先想再食，而個玻璃杯奶茶要加兩蚊，但茶同奶味都濃郁岩岩好，我連糖都唔落！真係幾好飲！連我熱愛凍野都竟然叫佢！但講真環境同衛生都係好有待改善，個地下成日都太dirty,可能裝修較簡陋都有影響，真係好有歷史既茶餐廳feel

今早黎柴灣的新戲院睇早場十點到附近諗住找間茶仔食早餐可能太奈無黎柴灣發覺選擇唔多永利茶仔應該都有十幾年歷史細過係附近讀書有食過裡面都幾大幾多人裝修有d 舊叫左個金牌早餐鮑片火腿通粉多士走油腸仔炒蛋炒蛋無味的多士幾脆口火腿通無咩味道最好係杯熱檸檬茶茶味夠唔苦anyway 柴灣區選擇少水平係咁上下架啦

一天次計在於晨！食過豐盛既早餐，才是美好一天既開始此家餐廳評分需不多不過負評比例比較高。老實說，在收銀位置的阿姐確實是較有氣勢外。其他倒是沒有太大異常。先說一說食物，豬扒出前一丁連熱奶茶$31。如有看過我寫過的食評的朋友。先不看價錢、呢度既出前一丁暫時未能超越，要繼續努力。豬扒都算大塊，有稍為煎過既香。奶茶都很滑飲到有茶味。套餐嘅種類尚算繁多。價錢尚算大眾化。呢度有部分懷舊嘅綠色卡座。環境尚算整潔，乾淨。

晚上遲收工肚餓約十點去食宵夜，坐低選好食物，叫極唔應，好似唔休做咁...服務態度十分惡劣！食物等好耐，而且好油...那次食飯留下不愉快經歷。所以不要貪地點方便而後悔啊！我唸下次免得再光顧了。

「球場上唯一的長髮帥哥」強力推薦咖喱，於是專登由工廠區行過嚟試。咖喱餐有成版紙，成三十款配搭，豬牛魚菜雞翼脾餐腸腿蛋咩都有，散叫$45無嘢飲，有點少貴。上圖係是日午餐$44有嘢飲，可配飯或意。賣相似泰式加咗蛋嗰種咖喱，厚身，椰香唔辣，送飯一流。內有薯仔，三隻雞中翼，一片火腿同三片已切片的司華力腸。

特餐係炸雞脾跟個自選麵同杯野飲。我叫左五香肉丁麵，肉丁份量多，但有d 辣辣地同似麻辣味多d。同事個碗係五香肉丁米，落少條菜。雞脾雖然唔太脆，但熱辣辣又多肉。加埋杯凍飲$41。

地道屋村茶餐廳，當然地無咩期待佢有非常好既服務同環境啦！但呢間餐廳啲阿姐算幾好人架啦，唔會黑面神同龍耳陳,HAHA!!下午茶點了最喜歡的炸脾同炸薯條, 係熱氣既, 但好味! 炸脾算炸得不錯, 唔會好乾身同鞋口, 咬下去仲有肉汁出來~~ 炸薯條都OK, 起碼不是凍同翻炸, 正常合格!再配埋奶茶, 滿足的下午茶!

筆者對茶餐既要求一向不多，但今次真係食到生氣了！呢間茶餐廳筆者一向食開，見佢40蚊左右有湯飲，平時啲菜唔太差所以都keep 住食佢。但今次點左個生炒臘味飯，我真的生氣了！基本上：1 飯唔知係隔夜定咩原因，好硬！！2 豉油一達達 炒得唔平均 一啲完全白色，一啲黑色3 極鹹！！！ 4 啲臘味有腥味== I really don't know why T^T總之係可怕既一餐 T^T以下係食到最後終於忍唔住影既一張相，可以清楚見到係硬到痴曬一舊舊咁，啲肉完全唔敢食…

今日約左班舊街坊打牌，早到了，便到去開間茶餐廳食住等，見到$49便有整條魚食，咁抵食，即刻唔洗諗就叫……清蒸紅，入口嫩滑，豉油有用葱花爆香過，所以很香口，用來送飯很好叫左合掌瓜排骨湯，都幾甘甜，飲完不會口渴，應該冇落味精

與母親去食lunch，即便是夏天不是坐風口位都覺得好涼。想點食物的話，有時候要叫好幾次才有職員理會，看彩數吧。愛食乾粉牛河的我們，當然有十次有八次都會叫每次吃的時候都覺得好有"獲"氣，調味非常夠，不會太過咸，但美中不足之處，是下得太多油啦！另外，去食下午茶等時候，曾食過雞腿沙律答雞腿薯條。薯條和雞腿都是即叫即做，雞腿外皮很脆，雞肉不會很"鞋身"，很滑。薯條外脆內軟和本身已有一丁點的咸味，加上茄汁更好食。

一直都很想幫這間茶餐廳寫返篇食評，這間永利茶餐廳位於柴灣公共圖書館對面，是一間十分港式的平民茶餐廳~不知何時開始，永利在隔離開多了間煲仔飯專門店，專做煲仔飯和粥粉面餐的，同一個老闆~前年因為讀書的關係，經常會到柴灣公共圖書館溫習，餓了就到這裡吃個煲仔飯，方便快捷，而且不多人，可以靜靜坐在卡位邊食邊看notes~不要看這裡好似好簡陋，出品既煲仔飯十分惹味，呢個係我意料之外，飯唔會癡底之餘，又軟硬適中，而且料又足，唔會食到最尾得鼓油撈飯👍平時最鐘意食呢兩款:鳳瓜排骨煲仔飯$46雞脾菇蒸滑雞煲仔飯$46熱辣辣的煲仔飯淋上豉油，撈兩撈，果種美味法真係令人停唔到口呀，而且蒸滑雞又夠滑，甘既價錢仲包一杯野飲，我覺得絕對超值!!!!!除左煲仔飯，啲粥粉面都有水準，我見好多食評都批評啲服務唔好，其實呢度講到明係一間平民茶餐廳，啲野食好ok得來價錢又平民，其他就將就一下吧，又冇收你加一，難道你想人家給你五星服務咩😏

午餐去了離公司遠一點的地方覓食，經過幾間也人滿為患，這裡剛好有坐位不用等候，便隨便坐下了。叫了一個臘腸滑雞煲仔飯，又要了一碗湯。雖然餐廳裡很忙，但很快便上桌。先來的是湯，是椰子雞湯，用料豐富，椰子味濃郁，味道不錯。過了一會，煲仔飯也到了，打開鍋蓋，香氣撲鼻而來，而且看到飯上鋪得滿滿的臘腸和雞，頓時胃口大開，立即起筷大快朵頤。臘腸和雞的大小切得恰到好處，雖稱不上特別鮮美但至少不是味如嚼蠟，只是飯有點失色，煮得偏硬。不過對於午膳繁忙時間來說，算是速度取勝吧？

圖片中的食物:凍檸茶，熱奶茶，上海粗炒！ 這個是椒鹽炸鮮尢，同白飯！😊味道：就比較油膩同唔得香口，同凍冰冰仲有D飯都好硬，好難消化！這個能夠反映出，上海粗炒雖然係夠煱氣！味道方面：是喊左D同比較油膩！環境都總算Ok la ，不過不失！又夠光！侍應服務方面:就有点改進既地方，例如可以對客人笑多D同唔好黑面！這個分別是熱奶茶同凍檸茶！ 味道：熱奶茶雖然奶同茶既比例是適中，但係熱度此中都唔夠！凍檸茶就比較淡冇咩茶味！而可能因為他落左好多冰！

二叔兄弟情重，從廣州來探老爸，中午探病時間過後，家人都要離開醫院，等待晚間的探病時間再來，知二叔每天都要游泳，所以在這段空檔約他到柴灣泳池做做運動，然後邀請他吃個提早晚餐，以免他一會兒探病後又要為晚餐籌謀。大家有大家的忙碌，兩叔姪已有多年沒有在一起飲茶食飯，遑論一起游泳，今次的重敘，多少意味著會發生些不尋常的事，但世事如此，誰能逆轉？人生在世，有若浮萍，最重要是珍惜每一天，行應該要行的事，便問心無愧。請叔叔吃飯，想找間好一點的，但時間尚早，酒樓仍未開晚市，而樸實無華的叔叔更叮囑隨便一間也可，我們便隨便入了此茶餐廳。約五時，仍有下午茶餐供應，但未有小菜，我建議二叔點碟飯，他喜歡時菜斑腩飯，我則點了三文治，吞拿魚加番茄，還有一杯咖啡。二叔的斑腩飯有小棠菜、秀珍菇，看來多蔬菜會較受歡迎，斑腩樣子不錯，但我沒有試過，不知味道如何。我的三文治看來也對辦，豔紅的番茄，肥美新鮮，而吞拿魚混了沙律醬也見可口，咖啡味道略濃，但我無特別要求，照喝可也。與二叔飽餐後，他不想乘車，兩叔姪又徐徐步上東區醫院了。