永合成餐廳餅店 (已搬遷) 新店位置

閒來無事來吃個午餐，好像又比往常熱鬧，不問不知，原來竟是這店的最後一天營業！幾個阿姐忙到踢嗮腳，服務自己拿碗筷就很正常的。這裡從來都不主打服務或價錢便宜，只賣真材實料的食物。這次叫了個沙爹牛肉湯米，一食就知鑊氣夠，牛肉質素夠鮮，蔥又甜，哪有不好吃的道理。窩蛋牛肉煲仔飯是這裡的拿手菜，熱辣辣的飯，細心剁碎了的牛肉，立即撈勻蛋黃再加醬油，不顧熱快口吃完。加一杯有水準的凍奶茶和一個奶醬多士，要七十多一個人，茶餐廳食物卻不便宜，可是每一次總飽得滿足。這店服務了上環街坊多年，別了，謝謝多年來有水準的午餐，以後在新店再會 。

聞名已久的煲仔飯，每次放工去都已關門。難得星期六經過上環，點都要試一試。今天試了豬排煲仔飯同窩蛋牛肉煲仔飯。估唔到豬排同煲仔飯係分開上嘅。。。。豬排豉油味香濃惹味，但同煲仔飯冇synergy。。。叫普通白飯應該冇乜唔同。至於窩蛋牛肉飯味道唔錯，正正常常，可以再試。

今天和家人又來吃早餐，星期六上午真好，不用等位，不用逼。次次必吃的炒麵，即叫即炒，麵炒得均勻鬆化，加埋牙菜和䓤，天衣無縫，依然是我的首選。另外叫了窩蛋牛肉飯，十分難得此店堅持用新鮮牛肉，窩蛋在熱飯上剛剛熟，煲仔飯非常出色。跟老闆寒暄一番後，得知此店在年底將要搬遷，雖然由上環搬到西環，但光顧多年，那份濃濃的人情味實在可貴。希望搬遷後，仍可吃到過年時自製的芋頭糕（外脆內綿，一吃難忘！）。

來了這家應該無 40次都有30次~~ 係我嘅飯堂number 2  因為好近我屋企~ 通想病 睇原e 生就去叫個 熱檸樂+ Ginger亦同老闆娘熟咗  有時外國朋友來都會帶佢哋嚟try try講真 佢我鍾e 佢個牛肉飯 第一 因為無飯焦 我唔好飯焦第二 佢d牛肉真係好有口感 唔洗加豉油都夠味仲有仲有 佢哋最正我覺得係個老火湯..... 100% 無味精媽媽不在hk 的我 只好去呢度飲下湯~~sandwich 都好好食  但係講真 係有dd 貴但係真係落足料  同老闆娘傾開 佢問 點解佢地咁惡死我都仲嚟食因為佢地lunch time 好興點人去同人搭檯 我話其實最重要係 d野食值唔值得人哋come back or not 啫再睇下 廟街d X 記 compare 一下  真係天同地嘅差別多人去嘅可以試埋個 芋頭糕.... 唔係成日有  但真係好好食老闆娘話佢哋好似 7月就搬去西環啦聽講kitchen 會轉人  想食好快d 去食喇

在永合成, 煲仔飯食過, 湯飲過, 早餐食過, 鮮油多都食過, 但最近發現一樣好好味既小食, 就係雞仔餅。雞仔餅常常在街邊檔見到, 但好味既雞仔餅真係好少見上個星期有日食完煲仔飯到收銀處付款時見到有一大個玻璃樽 (好似葯材店那些咁大) 裝住一袋袋雞仔餅, 每小袋10 蚊, 每袋大概有6-7塊, 10蚊試下都無壞, 就買包試下, 點知一試就鍾意左, 這雞仔餅係好鬆脆, 唔會好厚, 裡面既餡好香, 唔算好油, 其他同事都覺得好味, 係比其他一般雞仔餅好味相信佢每日製作量有限,  賣完即止, 有時1:30PM去買都賣哂, 好香口野既朋友,路過真係值得試下

My favourite claypot rice has always been minced beef with egg. This time I added preserved Chinese sausage in it, giving a kick to the overall flavour! A really lovely claypot rice, remember to ask for crispy rice for an additional hKD5!

冬天通常想食煲仔飯，煲仔飯首選永合成，要飯焦一定要落單時講先，而且一家人店好鬼大聲，但又想食好味嘅窩蛋牛肉飯和臘味飯就不要太介意，食物味道重要D，哈哈！窩蛋牛肉煲仔飯最正，牛肉切成細細粒夠味又方便食，加隻蛋和醬油，D飯真係特別好味；臘味煲仔飯沒有特別，只是臘腸和潤腸再加上臘肉，簡簡單單就是冬天的味道，唔食下點得，正正正！

一朝早，心血來潮想食煲仔飯，當然第一時間諗起依間野。窩蛋牛肉飯加臘腸潤腸，一直係最有保證的名菜。今次入場落單等出爐，近乎二十五鐘。無計，好味都值得。牛肉夠味，飯焦又多又夠香。臘腸潤腸酒香十足，簡單一句，好味！

上一次去永合城是10個月前的事情，好久不見，有沒有變呢？有！首先變的是價錢，鳳爪排骨飯加了10蚊，窩牛飯加了7蚊，嘩，乜都愈來愈貴了。 4個人，叫4煲都好正常，窩蛋牛肉、鳳爪排骨、北菇雞還有黃鱔飯，有兩煲加雙腸，4杯飲品，一碟蘭介一埋單每人＄105，同個平字無關。 食煲仔飯熱辣辣本身已加分，不過又好似欠了少少火喉，唔知點解呢？排骨太肥，雞好肥美，又夠滑，最好食係個黃鱔飯，惹味，豉油都唔駛落，煲煲都有飯焦，刮到手軟。 地道小店買少見少，係呀，佢哋話做到6，7月咋 ；雖然，之後會搬去西。區，係繼續有得食，但正所謂年年月月花常在，歲歲年年人不同， 要食呢種風味好快啲去。

今天放假，特登走到上環試一試好多人都話好味的煲仔飯。十二點前坐下了，等了差不多40分鐘才到，其間全部坐位坐滿人。同一枱三個日本人拿了介紹這間餐廳的書，㸃了同我一樣的「窩蛋牛肉煲仔飯」。終於等到了，但沒有飯焦，牛肉很碎而沒有牛肉味，好在有隻鮮蛋，令到整個飯香和滑起來。但以服務態度，清潔度，價錢和味道加起來，自覺不用排隊才對。有待進步呢！

冬季一定要食煲！！！！！永合成係罕見冇晚市既煲仔飯（通常入夜先多人食聽講係香港幾出名同埋好好食但因為地理位置真係唔多就腳唔近我，一直都冇緣一試今次終於的起心肝趁係4pm打烊前快食一餐煲仔飯xd窩蛋牛肉飯　$60個人喜好就咁呢個配搭拿拿臨點左煲仔飯，話咁快上枱食得！ 牛肉係另外炒好調哂味既，帶嚼勁又不黏牙入味又唔會過分掩蓋肉香，一望好似好疏落好少料，但都夠撈飯上枱時窩蛋已經變左溏心，有點可惜飯底粒粒分明，飽滿鬆香，熱力幾平均不過冇咩飯焦:^(，同埋我個人比較中意硬身d排骨煲仔飯（加臘腸）　$72排骨肉質稔嫩，滑身香口雖說是脂肪位幾多，但不韌不黏牙，仲有肉香，都叫肥得過既其實我本身已經唔多中意排骨，加埋豉椒真係頂唔蒲不過佢地豉椒既味道香濃而不粉，我就好憎黏笠又要帶粉狀果種感覺，好彩呢個唔係飯底同剛才牛肉版本同出一轍，冇咩飯焦真係有d遺憾/___佢地既豉油不甜，但唔係淨鹹味仲帶香既，重口人士忍唔住狂落份量偏少，一般食量既屋企人食左一煲都話覺得唔算飽肚整體黎講佢唔係難食既，只係唔太啱我個人口味價錢又唔係話好平，時間同地點不太方便，我都係試過就算

叫左二煲(煲仔飯)，等了45分鐘，隔離遲嚟亦快過我地，原來係留單，留單唔緊要，仲要話係牛肉煲仔飯會快啲，雞同排骨會奈啲，但隔離遲我地很多坐下的男士，竟然會同我地一齊上煲仔飯，燮爆 價錢又唔平，亦無乜特別！唔會再嚟 !!!!!!

昨天的一肚氣, 今天要好好補償 ~ 窩蛋牛肉飯!$60 有牛肉味, 不會淋晒, 加上生蛋, 飯香, 味道一流 .. 火腩飯!$58 芽菜仔炒火腩再放上熱飯煲上, 耐熱, 芽菜爽口,火腩不會過咸.. 無味精的例湯!$18..蓮藕湯, 足料, 住家FELL....  回味中~~ 價格可以算貴, 服務很好(因為是常客), 但食物用料, 製作認真, 今時今日的香港, 這類食店買少見少  物有所值!

今次想介紹既唔係煲仔飯，而係一碗貌似寂寂無名既例湯，今日既例湯係鯪魚粉葛湯，呢到既例湯同出邊既唔同，呢到啲湯不旦足料，而且不含味精，飲落去就好似屋企人煲既湯咁，唔會令你飲完之後充滿味精既口，完全好似屋企媽媽為你熬既老火湯咁，每一啖都充滿愛，令我一試難忘。

啱啱係美國番黎，即刻要食上環呢間煲仔飯，今次食最出名既窩蛋牛肉飯，雖然係炎熱夏天，但有冷氣提供，所以都唔係好熱，窩蛋同牛肉簡直係絕配、牛肉不太咸，但又好入味，所以真係食到停唔到口，係絕對推介俾大家黎呢到食。