影片
如果唔係同事帶我來！我一定唔識來呢度食飯！地方普通茶餐廳格局！比較殘舊！除了室內，室外仲有座位（不過天氣咁熱，梗係坐入面涼冷氣喇！ ）已經係下午茶時候，下午茶選擇都多！而且有炒粉麵！叫咗：蝦醬叉燒粒炒飯：食物上得好快，份量對我剛好，剛剛食晒夠飽！蝦醬好香，咸香，飯粒炒得鬆！唔會一舊舊，叉燒粒夠大粒，唔會硬！連炒蛋同爽脆生菜一齊食，好好味！熱檸水正常！店員好勤快！有笑容！不過廁所夠大但比較殘舊！
繼續閱讀
繼續我的新田探記, 是日早上, 又回到了新田郵局. 再次行入大夫第入面. 試埋呢一間漏網之魚. 打正呢條村村名的茶餐廳. 永平村的永平茶餐廳. 同同德隔離鋪, 兩者是最直接的競爭對手.此店其實佔兩個鋪位, 不相連的, 早上人不多時, 一邊鋪半捲閘. 門口, 有腸粉魚蛋賣. 入面, 一張大長檯, 幾張細方檯. 賣的, 不就是日常茶餐廳的東東. 而早餐, 我又來一個日常的五香肉丁麵, 不過今次我加了豬扒.套餐22元. 仲送多一塊牛油方包. 同區來說, 這一家算是比較經濟的. 而食物質素方面. 奶茶味道尚可. 夠熱但奶不夠, 雖是滑涌香香的, 但始終覺得差了少許.麵, 普通的光身麵, 豬扒, 是一般的雪藏豬扒. 沒什麼特別. 五香肉丁, 浸得夠熱, 味道夠香, 肉粒方正, 夾雜少少肥肉. 總不能說是差吧. 慢慢的食早餐. 磨一磨時間. 早上不少村民光顧, 大多是出面的腸粉檔, 食食下, 覺得我應該剪一碟豬腸粉再加奶茶, 感覺應該會更好.
繼續閱讀