永年士多 (寶城洋樓)

營業中

休息中

本人是一個「麵」迷，所以有名的麵店都想一嚐。今天約了個朋友入元朗，辦完點要事後，便商量午飯的好去處。當聽到元朗有四大車仔麵，就想試一下其中一個老店 - 永年士多。記得很多年前，我也曾經幫襯過永年士多，但那時卻是十分古舊，今天重臨舊地，卻發現物是人非，它已翻新得改頭換面，食物種類多了，價錢也貴了，但還算宜人。點了一個三餸配油麵，魚蛋、蘿蔔及豬腸，要了個中辣及一罐可樂。它的油麵比較淋身，辣汁鮮味徧甜，魚蛋普通彈牙，豬腸較韌，蘿蔔太甜，應該用了太多冰糖去腌製。總括而言，還值得一試，只是比裝修以前的老味道失色了。

今日經過元朗，一直都想試吓呢間嘅車仔麵，見冇乜人排隊就去咗試吓佢嘅三餸車仔麵由於聽人講小辣都幾辣下，所以我就揀咗未啦，三餸方面我揀咗魷魚、蘿蔔、牛筋味道方面的確係幾特別，但係我覺得車仔麵方面可以多少少！因為對一個女仔來講都唔算話特別好飽另外叫咗一杯抹茶紅豆冰，真係好正值得一試

中學時代經常食既車仔麵秘製既湯底真係好正，小辣已經好過癮我每次食車仔麵都會叫油麵因為唔似河粉浸耐左會發脹油麵麵質彈牙又掛湯-食左甘多年，每次過黎必點既係羅白、豬肉、雞翼唔知點解，呢邊既羅白同豬紅都特別甜而且索曬個湯汁之後，甜中帶辣，好好味雞翼本身已經用滷水餣過豬腸濃味得黎有趙勁

中學時期係元朗讀書，所以成日都會食永年架～～～～由當時係要買外賣去隔離鋪位食，到而家成裝修都吾同哂，仲要有分店，話冇變味都真係呃你既～但係變左係好左定壞左就見人見智啦～～～～～真心，食既野都真係多左餸既款俾你揀～～～～～而家我都一定會食既係：雞翼、雞翼尖、米粉，同埋重點。。。。。。。魚皮～～～點解魚皮係重點，因為佢真係好match個湯～～～～浸左陣拎出黎食就真心perfect！同埋另一重點係佢既辣醬～～～～十分出色，佢係中式少少既醬～但係吾會有辣椒粒既～普通食得辣既都應該少辣就好了，因為都真係有啲辣。。。。。。。。。。。。

車仔麵界唔係第一都第二既元朗永年車仔麵😋😋中意食辣既朋友仔真係唔可以錯過我呢d 廢既😅剩係食到微辣 試左一啖中辣真係唔講得少好在叫左杯抹茶紅豆冰解辣一流😚好味又抵食 兩個餐都係百二蚊埋單 十分推介👍🏻👍🏻👍🏻

聽聞永年車仔面好出名好食，一心走入元朗試吓，今日去到就排隊有10個客人係我前面排隊，到我時門口叫order 收銀員好有禮貌😊👍🏻呢個時期有疫情入去同人搭枱無問題，安排坐係洗碗地方側邊枱都算了，坐喺到又要等叫號碼，又聽唔到叫，唉🤦🏻‍♀️等左15分鐘，見唔對路走出去睇吓我碗麵有未啦，問吧枱女職員，佢超寸，我問她係咪68號,她竟然答張單有號碼自己睇，心諗睇到就唔使問啦，服務態度好差😡終於羅到碗麵啦，食落去湯無咩湯味、車仔餸麻麻，失望🤭真唔會再去幫襯囉！講真反而尖沙咀間永年車仔面店我都食過，服務態度、車仔面質素幾好，都食過幾次👍🏻

又嚟元朗啦😆今次試元朗名物—-永年士多嘅車仔麵鋪頭嘅營運模式似快餐店 客人喺門口收銀枱落單+俾錢 跟number攞車仔麵 我就唔太中意呢種style☹️我嗌左冬菇豬紅溏心蛋油麵 中辣~餸嘅味道ok 不過不失 溏心蛋冇我想像中咁好食 可以唔使嗌 最大嘅問題係兜麵 油麵份量超少 夾幾下就冇哂😥順帶一提 中辣真係好辣 辣到我好爽 食完之後嘴唇仲有啲痺 如果唔食得辣就要量力而為啊🤗overall:自助服務+麵份量少+價錢貴(三餸一麵$39) 下次唔會再去👋🏻

今日有朋友分享，醫戶可以$5享用永年三餸一麵，因為有一段時間無光顧，所以都好想去食下！今次仲有醫戶人員福利，更加想去呀😍收工去到，見都不段有人排隊買餐，因為店內都多人，所以叫外賣加$1回家食，叫完即俾錢，入店量體溫是基本吧！之後等左一陣就有👍🏻👍🏻👍🏻返到家，仍然係原汁原味嘅永年呀，好正呀！多謝支持醫護👍🏻👍🏻👍🏻PS 店內冷氣十分足夠，大熱天時都一定入到去都好feel good👍🏻,而且出餐好快

未有位就要人喺門口排隊先，舖面已經細，仲要玩快餐型式，企都無位企，門口排緊隊嗰啲人客，又無餐牌比人睇定，行到埋去都唔好意思諗耐啲，門口收銀女仔態度又差見人講到咁好食，咪即管試下囉！辣汁得個辣字，蓋過嗰湯底味，豬紅太淋蘿蔔好多渣，唔會再去

星期三下午去元朗永年士多食午餐，排隊時間不算久，人不算多。當日選擇三餸車仔麵和抹茶紅豆冰堂食，店內人流不算多。可以體諒於抗疫期間，食客與店家需要互相理解，共同實行抗疫措施，但是永年對抗疫措施的實行令人咋舌。在旁邊連住3張4人枱完全無人坐的情況下，店員強迫我們與另外兩名食客4人搭台，並且不允許換枱。經過多次反映、多次提出需要隔開坐保持距離亦無人理會，服務態度非常惡劣，對抗疫工作非常隨便，完全不理會食客安全，所謂食客座位的安排離譜。雖然食物質素尚可，但依然差評。

永年可以話係我最鍾意食嘅車仔麵細細個就已經覺得好好食佢個辣汁係好出色的所以我每次食親都會叫小辣呢日我就叫咗魚蛋豬紅牛筋豬腸幼面飲凍奶茶..拎左碗麵埋位諗住食嘅時候先發現佢竟然冇俾豬腸我😱😱明明我最鍾意食嘅就係豬腸點解係要比少左佢bor😖所以我厚住面皮 拎埋碗麵去廚房要佢比番我廚房個姐姐check 左收據之後就比番我了.呢間野好多人食所以佢哋都好忙比你漏咗一啲都唔出奇所以大家記得一定要check清楚齊唔齊餸呀.個豬腸真係必食的洗得乾淨冇異味而且滷得入味睇相都知唔會有太多肥膏所以我每次都會叫呢個餸.佢哋用嘅魚蛋係陳皮魚蛋細細粒又彈牙比起一般的炸魚蛋呢隻配車仔麵真係一流.牛筋呢我諗我下次就唔會再叫了唔係話佢唔好食只係我覺得佢同車仔面ge湯底有啲唔甲牛筋都係配番潮州粉麵湯底好啲.豬紅又係好食的唔會一夾就散.下次再黎食過🙈

在元朗讀書長大的我，對元朗的一份情是不能解開的，每次再回來都對每條街道每個位置有熟悉的味道，而伴著不少元朗人的老字號的永年車仔麵永年士多，原來它已經五十年歷史的，記得每次經過都見到大排長龍的，今天早到仍見隊尾在舖側身，可以再品嚐到又有驚喜滋味了！1: 腐乳生菜🥬 腐乳是永年自家再調配出來的，而且非常足夠，伴著新鮮蔬菜絕配！（這刻通菜賣光但生菜配都美味可口）2: 車仔麵我選烏冬是爽口的，配上入味的豬紅菲菜、豬腸豬皮蘿白、冬菇豆卜、流心蛋🥚，樣樣食得出新鮮，這樣對於我來說很重要，比什麼調味料更重要！由於飽了未能品嚐新出一口多士，期待下次再吃啊！永年士多 wingninnoodle

永年，元朗無人無識。小弟住天水圍，我細個記得跟我姑長食第一次，嗰陣我仲係小學，永年仲未裝修，仲係比較簡陋，鋪位淨係枱櫈。之後佢發啦，咁多人食生意好，裝修左，以新貌示人。今日自己黎到，先order左，再入去等攞麵。記住，落order係有個次序，要講左喺度食定外賣先，唔係佢會不斷問你堂食定外賣豬腸、溏心蛋、豆卜，中辣，佢個辣汁好辣，小辣都唔惹少架，自己睇路加杯凍檸茶，解辣用首先個油麵，唔會痴埋一pat咁，煮得啱啱好，彈牙煮得過稔就一定唔合格永年最出名嘅料一定係豬腸，剪得適中，太細舊會冇咬口加上腸肥，有油份咁先香配埋個辣汁，膽固醇行埋一邊啦溏心蛋貪得意叫，其實就好普通$51，三個餸，加杯凍飲，今日今日唔貴囉，咁嘅質素可以接受

最近經常入元朗 終於可以去食永年車仔面武肺仍未過 間舖頭仲係依然客似雲來，舖內坐無虛席 入正題 講反間舖頭 同車仔面1.買餐需要在舖外排隊 點餐比錢 拎飛 然後水吧位出餐 （大家樂快餐店果種模式）（p.s 記得拎餐果陣 拎埋餐具）2.面質—今次簡左幼面，入口一般般 平談無奇 談唔上彈牙 3.湯汁—簡左小辣，初入口 湯底甜味十足 （吾知有感覺錯 似有股「蒜」甜味）而辣味上 係一種甜辣 吾算好辣好惹火果陣 是果種會纏住口腔 凝而不散架甜辣（建議一定要叫定杯野飲）飲得2啖試味 暫時食完都無口乾 4.配料面上 簡左大碗面 貪佢配料多。認真味道 真心好食 如果有反咁上下年齡 可能會食到一種味之回憶 （係以前果種係街邊走鬼檔小販架味道）主要推介A大腸 夠「淋」夠肥夠入味 👍🏻🤩B豬紅 入味之餘 夾起唔散👍🏻🤩C羅白 勁甜！無絲！一口一件👍🏻🤩其他魚蛋 雞翼 雞翼尖之流 吾差 吾浸湯應該更正！入元朗有時間 不妨一試 （扮野講句 我食架吾止係車仔面更係一種味道上傳承）🤣🤣🤣

元朗永年士多喺車仔麵界入面係數一數二咁出名，終於有日同朋友去元朗一嚐美味，果然係名不虛傳！！永年士多係自助形式，首先去收銀處到叫嘢食，然後喺出餐處等攞餐，位置都係自己等嘅。同朋友分工合作，一個去攞位一個去叫野食！我叫咗一碗三餸車仔麵- 豬紅，豬腸，牛筋米粉。好足料又湯底一流嘅車仔麵豬紅入味又實淨，唔會一夾就散豬腸夠淋又夠味，唔會好膩牛筋入口即化，唔會硬掘掘總括嚟講，正！好食！掂！我哋叫咗個好邪惡嘅一口奶油多士，啲醬多到滿瀉，好好味😋椰汁紅豆冰，紅豆煮得又淋又化，同椰汁好夾！如果冰塊可以再細粒啲就好啦！永年士多真係不得了！碗車仔麵真係好好味！一定會再返黎食永年有指長壽有指長久，希望永年士多長做長有！