永年士多 (寶城洋樓)

營業中

休息中

永年士多， 聽就聽得多，但食真係第一次黎食。一入門口就要揀左餸落左order 先，然後再搵位。因為佢都幾多選擇，所以企左係門口諗左一陣食咩！芝士丸豬紅溫泉蛋油面我試左鋪頭推薦既豬紅同溫泉蛋，但個人認為味道真係普通，對呢兩樣野有愛既都可以叫既。墨丸雞翼蘿蔔油面雞翼同蘿蔔入味，呢個配搭食上黎感覺好d.紅豆奶茶冰見佢推薦，就叫左黎試，老實講。味道真係麻麻，奶茶同紅豆冰兩隻味夾唔到，試過就算。菠蘿冰菠蘿冰唔錯，尤其係食車仔面食到熱辣辣，整返杯咁fresh 既凍飲，好爽！

今日買左永年外賣😆未加湯前👇🏻叫左3餸（豬腸、墨魚丸、豬皮），中辣油麵😋食永年一定一定要食辣🌶🌶🌶！！！辣汁係精華所在啊🤤個人覺得中辣剛剛好，辣得惹味又過癮，仲帶少少甜味最愛呢度的豬腸，份量多，無臭豬味🐷👍🏻滷水入味😋豬皮同墨丸就正路野啦麵質個人就不太喜歡，太淋🙁自從裝修之後，不論堂食定外賣，每次麵質都係太淋👎🏻可能廚師不同了？一直都喜愛食永年的車仔麵，坦白說個人比較喜歡裝修前的永年，味道亦是以前的好🥺

係元朗長大既我對永年士多有種情意結☺️以前人龍好長會外賣返學校食依家人龍依舊咁長，但環境靚左👍🏻多左位可以堂食😌食永年車仔麵首選梗係 油麵+ 秘製辣醬😋我哋點左微辣😙 食得辣既朋友可以試下再辣啲😆個辣醬配合埋個湯底香濃又惹味🍜三餸麵我叫左最鐘意既豬腸、雞翼、紫菜+油麵😍鐘意食豬腸既朋友真係極力推介你哋試吓豬腸厚身得黎有啲爽滑，鹵水味好出，真係無得頂😋😋😋而鹵水雞翼大大隻，肉汁鮮味，仲有兩隻tim！腩爸就叫左牛肚、魚皮餃、紫菜+油麵☺️牛肚比預期炆到較淋身同入味送埋魚皮餃非常開胃😙我倆都鐘意油麵送紫菜，夾埋一齊口感唔錯！跟餐我飲左懷舊紅豆冰😌紅豆大大粒有咬口😋腩爸就試左新出嘅樽仔奶茶奶茶嘅奶味同茶味比例恰到好處👍🏻茶味出得黎又唔會太甜鐘意試新野嘅我地有點埋斑蘭咖央多士包身烘底鬆軟，較為香口入面既咖央唔太甜，同碗車仔麵夾又幾特別😙

行山大棠 我和老公就嚟呢間傳聞出名的車仔麵 試吓。 我本身不大喜歡吃大腸 豬紅 但為咗想試吓咩叫大碗麵。我就跟了老公叫了每人一碗大碗麵。一杯話出名嘅紅豆奶茶。出奇地我以為好大碗（ 因為收 $62）其實一個是可以吃得完 裏面有豬紅 豬腸 紅腸 魚旦 豬皮 雞翼尖 尤魚 蘿蔔 每様小小木概 兩件湯底十分濃 我可以話蘿蔔魚旦和豬皮好有童年回憶好入味豬腸我冇吃老公吃好入味紅豆奶茶 夾埋幾得意。紅豆好好味二人消費了$139 我諗下次我會叫三餸麵因為平好多

永年一向都係車仔麵名店，每次經常都想食返碗，我嘅最愛係雞翼、蘿蔔同豬皮，雞翼超入味，蘿蔔係有甜味嘅，豬皮好爽，另外佢個韭菜豬紅都係我必點既，湯底好好味，食完唔會覺得口渴，樽仔奶茶都係高質之選

每次經過都見到好多人排隊，故決定試試。點咗微辣湯底的豬紅，牛肚和山根。豬紅爽滑，牛肚和山根亦夠軟，三樣都好食。但它的湯底偏鹹，雖然是微辣，但只感覺到鹹味和麻油味精的感覺，個人不太喜歡。蠔油生菜也很鹹。沒有叫嘢飲失策，但加十幾蚊先有野飲，性價比不高。總體上不覺得有什麼特別，要等太耐的話就無必要來這裡了。

本人好中意食麵，平時諗吾到既時候都會食仔麵，永年周不時都會去食。嗌左三個餸，有豬紅，流心蛋同芝士丸，麵就揀左烏冬，辣度就小辣。就咁睇圖已經覺得退步左，平時食都有一兩條菜，而家菜無左，賣相就好普通。而湯就無平時咁濃，辣醬都望不到，可能撈左落個湯到。食落味道不過不失，不過就不太飽，如果男仔或者好肚餓既時候可能就吾多夠食喇。

小時候已經很喜歡吃車仔麵，永年是很值得去的車仔麵，但如果你不是食得很辣就不要點太辣，因為他的小辣本人已經覺得非常辣，但一定要加辣才好吃，他的配料都非常好吃，我喜歡他的豬紅和豬腸

這家店我由細食到大 這次再去到元朗分店食裝修已經變了 變了現代風格的裝修 挻漂亮吧在收銀附近還有元朗舊店的面貌 很懷念的感覺除了裝修變了 價錢和人事上都變了很多🙄以前是老闆一家人打理 到了現在只有陌生的店員·自選三餸一麵 HKD$38價錢加價了 我知道物價上漲是無可厚非的🤔🤔但食物素質已經沒有以前的好食 湯底很咸🙄麵質一般沒太大分別 選擇了豬腸/豬紅這人氣配菜味道與以前的差了一點 可能廚師不同了所以差了沒有了以前食開的味道 人情細暖物事人非與我一樣從小細到大的朋友們 你又覺得如何呢???

今日行過永年，見好耐無食過車仔麵，就幫襯永年。永年士多anytime都有人排隊，今次平日去食所以無甘長龍。一個人叫左個三餸一面都接近要$40蚊，不過食過既人都知永年車仔面既湯底出面濃味，所以賣貴小小都值得。另外跟餐加左杯檸茶，另外再要左支樽裝奶茶，同佢呢度有賣既杯裝唔一樣，唔會比d冰溝稀左奶茶，所以推介如果要飲奶茶，最好叫樽裝奶茶會好飲d!環境方面，舖面唔算大，好多時都要搭台，不過其實食個車仔麵黎講都算唔錯，裝修都好有懷舊特式!

又是一間出名的食店，又是老公介紹。可能是新界區吧，他說的好幾間我都沒聽過，不過，從沒令我失過，好食到不得了！大碗麵 - 湯底超正！選的少辣，少少辣，少少甜，味道濃厚；米粉點辷湯，真的好正！說好大碗麵，配料是大雜會，不過就是普通又平價的配料，雖則如此，每樣都非常入味；豬紅、豬皮、雞翼、豬大腸、菜心、蘿蔔、魚旦，每樣都好好吃！凍檸茶 - 超好喝！超讚！清甜，茶香又不太甜，茶底和檸檬都新鮮，才會這麼清甜。必點！

入元朗必試的嘅車仔麵， 稱元朗人氣最強。 如果你係第一次幫襯有四大名物……必食。 第一樣豬大腸， 鹵水味濃郁，絕無豬臭味，爽口。 第二樣豬紅， 好入味醃得好入味，冇腥味，較實彈牙。 第三樣雞翼尖， 炆到好冧好香。 最後一樣係蘿蔔，爽口清甜冇渣。 鍾意食辣嘅朋友可以點小辣(已經屬好辣的)。補充一句：佢哋嘅魚蛋係果皮魚蛋，同埋食完會好口喝的

作為麵控的我，當然不能放過永年，雖然只是普通的車仔麵，但它卻發揮的淋漓盡致，湯底簡單但與麵配塔得十分好，麵條有口感，環境雖小但十分骨子，與食物型成配合，如果想吃較高級的車仔麵，這間絕對推介。

多年無去，諗住經過，已經排隊買飛又要排隊拿食物。用了差不多半個鐘。買食物時話辣汁可否分开上，因小朋友吾食我食辣，佢話辣汁叧上要$18，如要大就$38， 跟住話可拿食物時叫前枱加小小比你，跟住等了半個鐘拿食物時，那些臭串服務員話辣汁要另買，問我要大定細，我又重覆收銀嗰番話，跟住佢話吾得要收錢。好，我就要細，個臭串即刻啤住我話細得兩滴炸喎，好，我都要。以上是我幾十年去光顧餐廳嘅一次非常印象深刻的餐廳服務經驗，亦希望是最後一次。希望此餐廳管理人感受到你此餐廳給我及其他客人的非常服務體驗。另㚈，除此不快㚈，詚白講食物質數非常一般。

走到元朗梗係要食永年正店啦，話曬佢係元朗起家。不過帶住小朋友唔方便出去，佢嘅座位都唔太適合帶住小朋友去坐。住係元朗嘅親戚話用外賣app叫嘅質素都好好，同堂食無乜分別，咁就試吓啦！由落單到送到只係20分鐘，重點：係個餐仲非常熱辣辣的！真係同堂食差不多👍🏻今次點咗豬紅、豬肚同紫菜。紫菜份量都幾少，好唔抵下次唔會再點。豬紅同豬腸葉左滷水，味道好香。豬腸同之前喺銅鑼灣分店食嘅一樣，煮得好淋一啲都唔韌。今次試咗樽仔奶茶，同太興嘅冰鎮奶茶味道都好似，茶味夠濃。個份量都幾少，幾啖飲晒。三餸一麵加嘢飲$59 ，車仔麵來講價格都算中上，不過質素都對得住價錢。