永年士多 (Wetland Seasons Park)

營業中

休息中

本身今日諗住食銀咖喱但唔見間舖，雲川都有諗過下，諗左好耐食咩好，最後決定去買永年車仔麵。住輞井個邊，所以都特登遠水路過去買個晚餐黎食，但點知食食下，食左一半都未有，就見到有隻黑色有翼嘅不知明嘅昆蟲😵‍💫😵‍💫😵‍💫諗住拎上黎再望清楚啲肯定下，點知真係蟲，即刻打冷震停手唔食～少嬲，特登去買仲要有蟲，仲有好多餸都未食晒，價錢已經又唔係平，但咁嘅衛生真係搞唔掂，短期內我都真係唔會再幫襯，真係好驚下次食食下下又有～

你做得88拆，又要選擇性優惠，私人楼住户先有88拆， 出事住戶證，公屋或其它天水圍住户冇優惠，咁你即係選擇性揀客 ，我哋都選擇性揀食肆，這段文字 絕對沒有針對天水圍任何住戶， 只是覺得餐廳優惠做得太過苛刻！

我只是walkin講明無住戶證，唔洗優惠，店員仍然迫人用手機點餐，現場付款，非常不方便，令人討厭，人地做唔到迫人重覆上網點餐，都不願下單，差勁，有個疑似店長出來就扮下單，好差呀

估唔到濕地公園附近都開咗元朗最有名氣嘅車仔麵 — 永年士多，環境乾淨，落單方便，略嫌出餐較慢～雞翼牛丸蘿蔔油麵💰HK$56湯底加咗微咖喱辣同豬腸汁，味道濃郁香甜！雞翼都算入味，牛丸個口感同味道都勁似貢丸，唔知係咪個職員比錯！蘿蔔最優秀，煮到軟腍腍，味道又夠香甜，冇苦澀味～豬紅流心蛋牛腩米粉💰HK$76朋友呢碗揀咗微麻辣，湯底嘅味道比較失色，冇咗嗰種鮮甜味！豬紅與別不同，食落甜甜哋！牛腩都好入味，而且肥瘦均勻！可惜流心蛋一啲都唔流心！跟餐追加咗抹茶紅豆冰，味道唔錯～

去完濕地公園玩後搵野食，向屋苑方向行，發現都好多食店！最後簡左元朗名物之一既永年車仔麵😋😋新開張無耐，所以好多野都好新淨，坐得舒服！最後外賣左一堆食物返去慢慢食雞翼牛肚魚蛋幼麵雞翼同牛肚好入味，炆到好稔，好味道！魚蛋係細細粒既陳皮魚蛋，唔係度度有得食，好食好滿足！魚腐牛腩豬腸粗麵牛腩入味又有少少筋，有咬口！豬腸唔會太肥，夠晒稔！魚皮餃蘿蔔牛腩米線魚皮餃夠晒彈牙！蘿蔔無筋又入味湯底夠濃又唔會太咸，唔錯。小食加左酸齋甜甜地，凍凍地夏天食開胃又爽！韮菜豬紅個底好多韮菜，豬紅份量都多！個湯甜甜地，好香蒜蓉味，好食！個奶茶底好正，夠晒濃又滑，值得一試！抹茶紅豆，抹茶味好濃，加埋甜甜地既紅豆好夾，好飲！整體上唔錯，食到好飽！

永年元朗店是陪伴我長大的車仔麵，元朗店裝修好也經常去！正正三個星期前也去了元朗店！自己住在天水圍區，雖然天水圍分店開左好耐，但今次經開濕地就過嚟試下！沒想到同元朗店分店太大！首先份量已經同元朗不同！豬腸會不會太大件呢？還有，我選擇左米線，但米線太硬，要在湯內放耐啲先得！在天水圍區內這個價錢有更多選擇！

#港式茶餐厅探店 #美食打卡 #平价美食 #美食探店 #全球吃喝小分队 #吃货日常 #美食合集 #自助 #下饭神器 #这一碗好过瘾#元朗美食 #港式鸡蛋仔 #好吃 #每周美食打卡 香港的味道 要在香港吃必定要叫豬紅 通菜是家常小時候的味道濃濃的滷水 淡淡滋味這是香港的老字號 大家一定要來吃！雖然價錢越吃越貴！但是味道依然

元朗永年係童年回憶，以前同同學放學去食🤣而家連天水圍都有分店，喺附近做完嘢過嚟食非常方便👍🏻印象中記得個辣汁係好辣😂所以隔咗咁耐再食，唔敢太進取，淨係叫小辣先👍🏻豬腸蘿蔔非常入味又好食，必點👍🏻👍🏻油麵非常彈牙！豬紅韭菜花 好好食😋另外再加咗腐乳通菜食到超級飽🤣不得不提佢哋杯凍檸茶好好飲🥹茶底非常香濃，仲有好多塊檸檬🍋朋友叫咗樽仔奶茶，都覺得好好飲！喺濕地公園好方便，想食車仔麵又可以過嚟啦

今日好開心同我屋企人行街，經過濕地公園，見到好多人排隊食嘅車仔麵，真係好受歡迎，於是上網一搜尋，見到好多人大贊呢一間餐廳好好食，於是入去試吓，好有驚喜，食物質素好過，服務質素都好好，真係實至名歸，所以一定要睇吓啲朋友仔食呀，第一間餐廳位置濕地公園，輕鐵站一樓，行兩至3分鐘就到，非常方便，而且裏面嘅環境優美，好寧靜，衛生程度整潔好高，所以食得好舒服，我有信心嘅保證，而且呢度嘅車仔麵嘅湯底都好濃郁，好好食，分量十足，而且價錢經濟實惠，所以吸引咗好大批人嚟食呀，真係好啱情侶同埋一家大細嚟食飯，而且呢度嘅餸菜選擇都好多，有魚皮餃，肥牛，豬紅，蘿蔔，墨魚丸，午餐肉，好多選擇，仲有一個小食係蠔油菜心，真係必叫呀，而且嘢飲都係大大杯，超級抵飲🤩🤩👍👍👍

呢間永年士多，位置與天水圍濕地公園診所非常近輕鐵站，行3分鐘好快搵到，真係好有驚喜，一定要你試吓，所以一定要推介俾朋友呀，而且環境優美，非常寧靜，附近一望都係植物，好舒服，而且呢度出名係辣，所以我覺得真係好惹味啊，我朋友叫咗個三餸麵，我哋揀咗魷魚，鳳爪試吓，仲有豬腸，牛腩，個牛腩非常有咬口，同埋冇乜肥膏，真係好啱食呀，而且個魷魚都好有驚喜，非常彈牙，而且我哋仲叫咗份雞翼尖同埋多士，再加埋蠔油菜心，分量十足，真係好好食呀，而且價錢經濟實惠，好抵食呀，呢一間車仔麵嘅品牌都做咗好多年，所以鍾意食港式嘅車仔麵朋友，真係可以去試吓呀，而且呢度自助式，真係好先進啊，唔會怕落錯單，客人仲可以慢慢睇，而且衛生程度好高，所以食物有保證👍👍👍

呢一間車仔麵餐廳係香港人的最愛，好受歡迎，呢一間餐廳係老字號，菜單好豐富，非常多選擇，亦都非常方便香港人去食，位置方便，在輕鐵站一落車，行兩至3分鐘就會搵到，我見到門口已經好多人排隊，特別係外賣真係好多人食啊，呢度嘅面都好多種類，而且麵條口感彈牙，湯底濃郁，同埋佢好多配料可以選擇，例如新鮮嘅蔬菜，有海鮮，餃子類，唔同嘅遠慮，最特別嘅係飲品都好多選擇，我覺得一定要叫一個港式紅豆冰，或者抹茶紅豆冰，都係非常獨特，同埋好涼快，真係配埋個熱辣辣嘅面，真係好好食呀，而且佢哋嘅蠔油菜心都好推介，因為菜心真係好大碟，真係好啱鍾意食菜嘅人啊，而且服務質素都好高，有笑容有親切感，我特別推介佢哋嘅至尊面，有麻辣湯底，特別啱鍾意食辣嘅客人，一定唔好錯過呀，幼麵好滑身，而且個辣味好刺激到舌尖上嘅刺激，真係好好食呀

大碗麵總共有10樣餸，好啱有選擇困難症嘅我哋🤣～豬腸、魚蛋、蘿蔔、豬紅、豬皮、雞翼、雞翼尖、魷魚、紅腸、菜心我哋估計份量多所以我哋3個人叫2碗麵，再加啲餸（魚皮餃、牛肚、牛柏葉、墨魚蝦卷），同埋生菜魚肉，就啱啱好😊，又可以試到好多唔同款式嘅餸。最鐘意係 豬腸、蘿蔔 同 生菜魚肉（加配）豬腸 軟滑無腥臭味，蘿蔔十分清甜，多汁，又無渣，而魚肉唔會粉，幾彈口，胡椒粉香，生菜好甜，食落口感唔會過淋，整體有以前旺角街邊車仔檔嘅味道。一碗係勁咖喱辣，食開譚x 4小辣 都覺得辣。另一碗係小咖喱辣，麻麻哋食到譚x 10小辣 會覺得辣。對於唔好食得辣嘅人嚟講，d 咖喱 好有後勁辣，食落肚，個胃有滾嘅感覺。對於食得辣嘅人嚟講，d 咖喱 辣得過癮。凍咖啡 味道👌裝修好年輕化☺️

我本身都有食開元朗個間永年，係我屋企附近開左梗係幫襯下至尊麵（另加雞翼尖）至尊不愧至尊入面得料豐盛無比，豬手、雞翼、豬紅、豬腸、豬皮、魚蛋和蘿蔔的組合絕對讓人食指大動。而當中的豬手夠哂入味又清理得好乾淨。大碗麵（另加炸魚皮和墨魚蝦卷）大碗麵餸的份量十足，有豬腸、魚蛋、蘿蔔、豬紅、豬皮、雞翼、雞翼尖、魷魚、紅腸和菜芯，如果唔知揀咩食可以試下尼個，特別一讚魷魚🦑，好易咬斷👍🏼魚皮好脆牛筋腩蝦籽撈麵：牛筋和牛腩各有4-5塊，肉質好軟林，加上蝦籽，口感更加豐富。自選三餸撈麵（雞翼尖、蘿蔔和魚腐）我家姐覺得雞翼尖， 蘿蔔好入味，撈面份量尚可，佢平時無食開辣就覺得咖哩微辣都好辣蝦醬通菜是一道經典的家常菜，通菜的清脆口感搭配著咸香味濃郁的蝦醬，仲有得揀多醬，多醬好滿足😍樽仔奶茶和凍檸檬茶樽仔奶茶濃郁香滑，而凍檸檬茶則清新解膩，茶底唔澀，外賣杯黎講都算大杯。

「永年」可以話係元朗傳統老店，但住天水圍咁耐，一路都未有機會去元朗食，近排得知佢地係天水圍開咗分店，仲要係屋企附近，趁住今日落雨唔想出街，一於買外賣返屋企慢慢嘆。自選三餸車仔麵 :三餸揀咗豬皮、蘿蔔及牛腩，麵底要油麵，餸嘅份量都幾多，蘿蔔鮮甜無渣，牛腩亦炆得好入味，微咖哩辣食落相當惹味。自選三餸蔥油撈麵 :餸揀咗魚蛋、冬菇及墨魚春卷，再加麻辣豬耳，粗麵爽口彈牙，食落無鹼水味，蔥油令撈麵充滿油香味，再加上豬耳嘅麻辣，份外開胃。麵加$21有一份生菜，太太喜愛清淡，所以揀咗全走，入口新鮮爽脆。咖哩三寶 :有豬皮、蘿蔔及魚蛋，全部煮得好入味，雖然只係叫咗小辣，但辣味後勁十足，辣得好過癮。蝦籽菜芯 :菜芯鮮嫩唔老，蝦籽份量都幾多，鹹香味更能帶出菜芯嘅鮮甜味。紅豆奶茶冰 + 樽仔烏龍茶 :滿滿嘅紅豆加上港式奶茶，比傳統紅豆冰更有風味，奶茶嘅苦澀味配上紅豆嘅甜，味道好有層次。而樽仔烏龍茶茶味甘香，有助減輕飽膩感。

① 三豬麵（豬腸、豬紅、豬皮)豬腸、豬紅、豬皮：入味，大件米線：軟硬度適中（加餸）牛肚、牛柏葉：厚身，軟淋得嚟有口感，入味（加餸）魚蛋：爽口彈牙（加配飲品）凍咖啡（少冰）：咖啡啱口味，唔錯② 牛筋腩蝦籽撈牛筋腩：軟淋，入味蝦籽：好多，提升味道層次粗麵：軟硬度剛剛好配湯：鹽鹽地，好有清蔥味（加餸）魷魚：厚身，有口感（加餸）豬手：軟淋，骨膠感滿滿一份2件（加配小食）蠔油生菜：外賣都好味，有蔴油香味（加配飲品）抹茶紅豆冰（少冰）：紅豆份量多，又起沙，不太甜，小小抹茶味環境：主要綠白色，清新，明亮，年青