永恆豬雜粉

營業中

休息中

外賣送到餃子皮完全係脫離狀態😂😂食肉丸剩餃子？唔明點解會咁一直食開豬雜面仲ok的（係啲料少啲）但餃子真係從來未試過咁，仲衰過自己煮，不如直頭叫肉丸加餃子皮啦，啲肉都正常，啲皮都正常，只係唔係包住狀態😂😂😂真係搞笑，不過咁幽默都係唔太啱我，無下次了

招牌豬雜粉 $48★★★☆☆豬雜份量都幾少，大概係每款一件左右，某啲部位有啲鞋，某幾舊內臟有小小味。個湯底幾清甜，有味道得黎飲落好順口，配麵一流，飲左亦唔會太口渴。自選雙拼 $48★★★☆☆豬肺加豬潤米叫左米線，另外加左花甲$10，話個湯底會鮮甜啲，飲落就覺得差唔多，花甲都有10隻，加10蚊算OK。雙拼餸嘅份量會多啲，豬潤有幾舊唔太熟仲幾粉紅下，做唔到爽口但滑溜口感。豬肺唔係洗得超乾淨，口感可以再爽脆啲。🌟總括：個人對豬雜要求高啲，所以呢間整體一般，味道普通，但唔會好差。

本身好鐘意食牛雜，第一次見有豬雜就試吓。Order咗個三併米線，我要咗豬心，豬肺，豬腰 /（腰心腰肺🤣）豬肺真係好好食，好新鮮，份量都好足之前淨係飲豬肺湯嗰陣食過少少豬肺，今次食覺得好有驚喜 之前我好鐘意食牛肺，經過今日之後應該會轉會但係就略嫌豬腰太過薄切冇咩口感同埋第一次食唔知道佢會落蒜同芫茜，職員都冇問我需唔需要，對於唔鐘意食芫茜嘅我就大打咗折扣但係呢度啲姐姐好好人，我自言自語話個位有啲大風佢就即刻拎個遙控出嚟想㩒熄個風扇，好細心

响舖頭初初開業時試過一次，覺得味道幾好，隔咗幾個月，今日叫咗一碗細豬雜粉之餘，仲叫咗一碗豬腳薑，好耐無食過豬腳薑，於是試下呢間嘅出品好無味一碗豬腳薑盛惠$58，價錢唔平，細碗size，打開蓋，份量係裝滿嘅，有兩隻蛋，有啲薑片，無渣，薑片同醋汁味道係唔錯，有辣味，豬腳同平時食嘅唔同，係斬開咗一件件，唔係平日完整嘅豬手/腳，食時係方便啲嘅至於豬雜粉就少咗蒜蓉，雖然加咗$10有花甲，但味道仍然失色咗總結黎講，$58豬腳薑味道同材料係唔錯，碗內大部分係切開咗嘅豬腳/手，無咗食到豬毛嘅擔心，如果好喜歡食豬腳薑，可以一試

有驚喜！叫左個增量豬雜河，湯底好清甜落左芹菜芫荽炸蒜呢啲吊味，已經好香好足夠。喉夠爽膽，膶就又香，大腸同粉腸又洗得乾淨又怪味，豬肺見得到有用心處理過，值得一讚！最最最令我有驚喜既係瘦肉，唔un之餘仲好滑，仲有好耐無再食到既肉味好濃。原來佢係我最唔期待，點知變成我最讚既。另外，我叫左滷水豬大腸，好難得地有一間滷水係晤會勁咸！滷水又好香，大腸又夠入味。因為鋪頭飲品得汽水同罐裝咖啡，所以食完先去買野飲。食完唔會勁口渴，湯粉黎講真係贏左，仲要豬雜做得出色！係好出色！

呢間一向都好乾淨, 所以經常買. 今日去買外賣, 簡直係中伏!豬肺豬腸河, 其中,一件豬肺顏色好疼黑色, 好明顯同其他白色的不同, 攪到我都唔敢食; 仲有豬腸滿載肥膏(見圖), 我自己就好唔中意食呢種。 最重要係煮比我個姐姐, 新來的, 一邊煮, 一邊用條頸夾住個電話係度傾電話, 我幾驚佢電話跌,  真係頂佢唔順! 

今次叫咗兩份瘦肉，因為上次叫一份覺得太少，所以今次就叫多咗一份瘦肉。上次食過豬潤同埋豬腰都OK，清清淡淡咁，啲豬肉無臭味，幾好食。唔算話好平，但係對得住個質素。應該會再有下次