永發茶餐廳 (已結業)

昨晚放工, 叫了一個晚餐, 包括一客忌廉蟹柳湯和鹹蛋肉餅飯.湯來了, 很鹹, 蟹柳沒有味, 很難喝, 如果稍有誠意, 加少許粟米也還好些.肉餅等了差不多四個字, 等到想走, 最後來了, 肉餅肉質極劣, 混有非常多肥豬肉(咬不爛的), 而且中間看上去肉未蒸熟, 也吃得出味精很重, 鹹蛋黃硬硬的一塊在中央, 吃了不夠一半忍不住結帳, 這是最差的茶餐廳其中之一. 這種食物竟要$39元! 環境普通, 一般不太乾淨的茶餐廳, 侍應態度差, 個個低頭疾走, 想叫也難!

平時想晌港島區搵蛋撻食, 第一時間就會諗起灣仔, 因為有 "金鳳" 同 "檀島", 見有版友話 "永發" 都唔錯, 決定捨棄平日兩大選擇一次咁多啦~ 撞正奧運既週日, 坐無虛席, 好難得先搵到個位搭一搭, 適逢蛋撻出爐, 當然第一時間黎個 "黃金組合" - 凍奶茶 + 蛋撻 啦~凍奶茶 ($14) - 叫 "少冰" 係我既習慣, 因為可以品嘗濃一點既茶味, 唔會俾過量既冰溝淡.... 但係唔知點解杯茶上到檯既時候竟然仲有大半杯冰!!! 茶味好自然被大量溝淡, 水味仲要比茶味濃..... 蛋撻 ($3.5) - 色澤比一般蛋撻較淡, 味道亦沒有一般蛋撻那麼甜, 尚算合格.....總結: 無下次了.....

2008年7月23日早上7:10 本來想同沙牛男友去牛頭角下村食, 點知等等下巴士, 計吓條數唔係幾夠時間, 沙牛男友重要返荃灣返工o麻. 好啦! 橫掂未食過呢間咪試下囉!1) 沙嗲牛麵 – 好鹹, 味道普通2) 火腿炒蛋 – OK! 不過都係普通果隻3) 雪菜肉絲米 – 勁多雪菜, 勁少肉絲, 罐頭貨, 普通!4) 多士 – 馬芝蓮, 無香味5) 餐包 – 唔好食, 無味, 入口似塑膠 6) 另外再賣剛出爐 甜餐包, 係另一嚿塑膠, 食咗兩啖就比咗垃圾桶 男待應態度差, 無下次!

16 June 2008 (一) 2:30pm今日行去灣仔，唔知食咩好，因為就快夠鐘番公司，所以就是但找間餐廳來試，亂打亂撞下就入了此店。原本打算叫個炸脾公仔麵，打已賣晒，可能真係好好食喇，不用半小時就無得賣(下午茶2點開始)，所以我最後叫了叉燒腸仔螺絲粉及凍檸茶。叉燒腸仔螺絲粉味道唔錯，螺絲粉都幾爽口，唔淋，奈何叉燒都幾黑，賣相好差，好似放了很久。而凍檸茶的檸檬係即切，無雪藏都硬硬的感覺。總體上都ok架，值得一試。

步向目的地前路經此地,門前那盤剛出爐,蛋漿仍是漲卜卜的蛋撻($3.5)像在向我招手,以我沒甚定力的月巴人又怎能抗拒呢??趕快向售餅阿姐要了半打,熱呼呼的它們被安放在有點土氣的玫瑰紙盒裡,讓我帶回家中。回家打開己被蒸氣弄致軟趴趴的紙盒,蛋撻己回復正常面貌,但仍然飽滿吸引。外皮是我喜愛的酥皮,層次也算分明,但牛油味道不太濃,也許是品牌關係之故,雖知道它是用上大量牛油所造,但吃不到濃濃牛油味道之時,心理上又似乎好過一點 蛋味也不算很濃郁,不過新鮮關係,質感仍是滑溜溜的,而且甜味偏低,不會太過濃甜,多吃一個也不會很膩,要是配杯熱奶茶,的確一絕!!這裡還有無冰凍奶茶/咖啡供應,下次再看看其質素如何,以我來說,來這裡會比到金鳳方便。

一向好鍾意食茶記麵包,永發豆沙酥係我OT過後回家前之選.晚上7,8點豆沙酥唔係新鮮出爐,唔熱,不過依然好食,酥皮酥香鬆化,面芝麻香口,飽滿,豆沙充實,好食過X島多多聲.PS 老婆餅,蝴蝶酥,十字包都幾得.

上周日一行三人本想去檀島飲架啡，但撞着六四紀念遊行，過馬路可能要等很久，就入到這間就腳的茶記喝下午茶，有多款下午茶餐供選擇，要了紫菜魚旦河加奶茶($25)、西多士跟熱架啡($20)、炸雞翼拼薯條跟架啡($20)。紫菜四寶河很大碗，但配料不是很多，主要是碗底有很多河粉，所以大佬都吃不完，我的雞翼薯條很香口，有三件細小的雞中翼，很易一啖一件攪掂，薯條是粗身的炸薯條，比老麥的輭身和口感豐富些，老竇的西多士看來一般，放了一大塊牛油在面，極高胆固醇的食物。架啡味都算香濃，合格啦，門外冷櫃內有十二元一杯的外賣凍奶茶或架啡，跟金鳳一樣不放冰塊以免冲淡香味，相信這店都很重視飲品的質數，理應較普通的茶記好一些。

所謂的超乎你想像係食物的份量和價錢的正比例家住的東區茶記通常貴夾唔飽,但住左十幾年都習慣了和朋友相約去看舞台劇,出發前先來醫肚兩人都被他的晚餐西檸雞所吸引,一人叫了一份,中湯粉葛豬骨,西湯粟米忌廉,各一份雖然等了差不多10分鐘,但賣相和份量都把兩人嚇窒了,可能上班族會覺得見怪不怪,但自問食量大的我們最後都食剩幾件雞投降了(手指公大,一碟大約10多塊)沒有蘸醬的雞件是脆的,肉也很多,唔會畀人呃秤係西檸粉團....真係食得幾滋味餐飲奶茶遜色了一點,茶記的奶茶可說是行內較量之處吧,這裡的奶茶老實說和average還差一大截呢....但人總是把好的記憶留在腦海裡,那份西檸雞真的回味無窮.......=Pps: 隔離檯的亞叔叫了杯菠蘿冰,實材實料成杯菠蘿,色水也很吸引,見餐牌寫$15,有機會都會來試一試

家住灣仔，有時都去下呢間打躉．ｄ野勝在夠大碟，尤其係ｄ小菜，一碟兩個人食都夠．．有自製ｏ既麵包同蛋撻，早上返工時會有"小"人龍．．．我就鍾意紅豆酥．貪佢３蚊大大件．．咖啡一般，同其他茶餐廳一樣有ｄ酸味．．

外賣叫左個下午茶餐，金菇榣柱炆米，＄20打開飯盒，唔好話榣柱，搵黎搵去都搵唔到一條金菇！成盒都係普通既炒米粉！！！！加幾條芽菜！！隔離鋪既炒米粉只係＄8！我諗＄20一個既茶餐廳下午茶可以有更好既選擇一路食一路"炆"，錢唔係一個問題，但有被騙既感覺！

不少展覽、通頂過後的歇腳點。不論吃早吃晚吃宵，仍是那「兩件頭」- 是因到這的時候，總是精神欠佳，食慾不振的時候，請諒。也是因為這樣，到這成為至少一年一度的「習慣」- 雖然貨色甚是普通，但畢竟是自家焗製。座上客中有吃過冬瓜湯飯的，也有吃過羊肉煲的，飯後感也是一樣- 不值此價。倒是過兩三個街口的頌興來得超值...只是且不值跟抽筋中的腳鬥氣而已。那麼近地鐵站、巴士站的茶餐廳，不單沒有食評，更沒有listing，奇怪。