永華燒臘家

營業中

休息中

疫情關係，最近真的少左出街食飯，今日突然想食燒味飯，去左屋企附近嘅燒臘舖，見到乳豬好新鮮，於是叫左盒乳豬飯$60，價錢都合理，突然眼前一亮，竟然發現有燒雞潤，宜家真的不容易搵到，當然要買黎試試返去慢慢歎，膽固醇都要放埋一邊先，食左先算，乳豬夠瘦又脆，份量都算多，至於燒雞潤……，有驚喜，完全系食返兒時嘅味道，吾好意思掛住食幫記幫佢映相，燒雞潤難找不特止，還要好食更加難搵，原來系每日下午5~6點先有提供，大家想食的話要留意

我明明叫左個燒肉拼油雞飯 ,好啦，睇住佢整 跟住佢攞起舊叉燒，我話唔係叉燒，係燒肉 個師師就叫我揀定就唔好轉心水 ,我見佢都有比番岩就無解釋，跟住隔離個師師就話，我明明聽到你叫叉燒。。。都算，仲要係我面前講我壞話點點點咁，態度惡劣，我自己都做飲食業，都知間中會有難搞嘅客，係都唔好係個客面前講 ,更何況我冇叫錯，我原來想叫個燒肉油雞飯 加條叉燒 比你咁講兩講 叉燒都唔加。咁就比你地搞到我放工想買個飯返屋企放鬆嘅心情破壞哂啦 ,以後都唔會再幫襯，寧願買美心翠華

半隻豉油雞，索價 $110, 但可惜不乎合性價比，平平無奇，可說是難吃。叉燒更是奇差，肉質不能再差，黴一般的質感!店員態度也差，整體的令人失望。不會再幫襯! 老字號自毀招牌!

食米吾知米貴的我，賴係野斬料返屋企食，買一條骨仔都90大元！！！！！（求解答是不是咁貴的？）小小的發泡膠盒盛載着的是一條腩骨，盛惠＄90元老實講，皮不是件件脆，肉都算嫩身不過咸，只是份量太少

這間所謂老牌燒味店在土瓜湾，员n工服務態度甚劣，食品亦名过於实，舉例，要買义燒，义燒在最上面，其员工說你自己攞，你攞倒我便賣給你，那有如此做生意，奇怪，致於白切雞，亦冇雞味，賣300.00，燒肉平平無奇，不見得比别店好，但价錢则是最好，劣，劣，劣

由小學到大學畢業出左黎做野...都成10幾年喇~即係話永華開業已經唔止十幾年喇...細個既時候每薘初一,十五先幾日都會幫阿媽黎訂燒肉拜神(因為媽媽係北帝街開製衣廠)個陣d燒肉要排晒隊訂...不過就唔似永合龍 (永合龍係砍到邊就邊, 無得選擇買咩部分)d 燒肉又香又脆的確好好食前兩日經開土瓜灣 (其實目的係去譚公道慶發食粉果,又係由細食到大!!)去左永華買左近燒肉, 當然價錢比以前貴左不過對上一次訂...都成5,6年前師傅們都唔認得我lu價錢尚算合理皮仲係好脆, 燒得好香不過賣相差左d砍到皮肉分開晒~

夜晚有波打,搵野食,又唔想食快餐(又貴又唔好食)咁o岩見到有間燒臘舖,好耐冇食過.就要一個雙拼啦($19)叉鴨飯----咁o岩切到鴨批位.正呀~~~可能見到係鴨批皮脆肉滑,師傅就拉上補下係咁意切左舊叉燒仔叉燒相對有d失色,顏色好鮮,亦唔夠味同埋唔夠燶..唔似叉燒,搭兩條菜.去到球場打開飯盒先發現有個大問題..........冇叉用...個friend冇羹用.....唯有叫個friend班隻返黎....結果班左隻凍飲羹...原來食飯盒隻羹唔match係咁大鍜嘅.好難"不".19蚊雙拼,算幾好傢啦~~

回家弄炒飯吃，到這裏買一點义燒回去作料...人多得很，多到要在門口排隊，好不誇張。買了十五大洋瘦义，見放在盤上的鹵水雞翼頗吸引，又買了兩只，當作加餸...回家準備，邊切時偷了一小件吃，蜜味足又不覺嚡口，比龍城買開的那一間好多了。下次試試買一點半肥瘦的，可能更妙...鹵水夠味，連帶令件雞翼更美味。雞翼當然是雪藏貨，但勝在鹵水不錯，吃得過...

家中附近燒味檔不多,自己在後欄燒的更少,在馬頭角近工聯會附近的"永華",可算是區內少見.光顧多次,每次也是斬料,油雞鹵味樣樣都要,斬大舊叉燒,不過並不是配玉冰燒.很少外賣飯盒,寧吃燒味吃到飽,都好過比澱粉質逼飽.$17一盒單拼,偶一試之也沒壞.要得飯盒,自然不會斬些靚料比你,平時的外層焦香位,半肥瘦的肥瘦交融感覺,也不能在飯盒找到.可是白飯上的叉燒,肉質鬆化.外層都燒得香口,也可收貨.斬$20燒肉,就是如此雜亂無章的賣相,在晚上黃金時段剛出爐,燒皮脆到"啪"一聲,但下面的肉質就偏瘦.沒有皮同肉之間,甘香可口的肥膏.在土瓜灣好的燒味難尋,這間由早到晚都有燒味的永華,應該暫時沒有對手.