永隆正宗潮州滷水

營業中

休息中

這裡的卥水是出乎意料的好,以前知道這店,但是未有幫襯過,只因這裡鄰近街市,有不少老店名店賣相同的東西,水平也很高,無意中看OR,知道這裡的評語很好,今天專程駕車前往.基於這類店參差不齊,不想買太多,見到下午五點鐘,食物才剛剛出爐,種類不太多.有些其實是午巿賣剩的,其實看店面的價錢牌,應該有很多選擇,也不算貴,決定先試乳鴿,廿五元一隻,個子不大.樣子不討好.回家一試,郤驚為天人,味道偏淡,肉味的鮮香郤給卥水完全帶出來,皮爽脆,肉有豐富的汁液,連骨也入味.這般的水準,連很多名店老店也比下去.這店雖然不就腳,也必會再幫襯.大家要記著,這店只做外賣.對味道我從來未給過5分,這次要給5分.

早两日去friend屋企开枱,路过此店.见到有人排队,即管买些少.其实我对卤水野兴趣不大,但系废事两梳蕉上去.买咗卤水鹅,大肠,etc,一共九十几蚊.上到个friend度,佢话呢间野佢有买开,一个月总会食两三次.好正咁话wor.好,开枱前食一件试吓先.wow,真系好好味.个卢水好过平时果D,好入味,而且肉质好好.于是我地牌都唔打住,食晒先算.我仲学蔡澜讲咗句"好满足,好满足".真系诚意推荐.

前日去左長沙灣見個客，好少去長沙灣的我梗係在出發前，找找OPENRICE，睇下長沙灣有咩好食啦，找找下見到有幾間潮州嘢食，鍾意打冷的我，當然抄底地址，去睇睇邊間好食啦!!好彩個幾間都好近，轉左一個圈後，就決定去呢間永隆啦(因為門面干淨)，呢間嘢得外賣，咁我就斬料返屋企!!我買左1/4隻滷水鵝，大腸。滷水鵝味道剛剛好，唔咸，有鵝味，色水都好，最主要唔""硬"，我買左下半(老細話下半好食D，滑D，但較肥)，果然如下面個食家一樣，成家人好快消滅左1/4隻鵝了!!!!大腸都好食，入味，可惜全家人無咩人食內臟，都係我食晒，總的來講，唔錯，而且唔貴，鵝比外面平都幾多!!下次去長沙灣都會再買，可惜未必有機會再去，因為我住馬鞍山

上朋友屋企食飯，無理由兩梳蕉咁去，禮貌上都斬ｄ料上去。又唔想買叉燒燒肉等燒味，毫無新鮮感，塑性就斬半隻滷水鵝上去。半只滷水鵝份量其實都唔小，滷水汁和醋分開上，避免隻鵝上到去時已經浸到淋晒。鵝本身幾靚，肉質唔會太韌，仍算有肉味。滷水汁調味也可以，色水及咸味都對辦，成為全晚最搶手的一道口餸。朋友都大讚呢間潮州滷水野，可惜店鋪太小不設堂食。下次一定要外賣其他的滷水產品回家試試，邊睇波邊品嚐實是樂事。

潮州滷水好以係老人家的食品，時下年青人都無咩人食，但係我就係一個鐘意滷水的年青人。滷水鵝片，鵝翼，大賜都係我至愛。今年新年去親戚屋企拜年，經過青山道呢間潮州滷水店，鐘意食滷水嘢的我，就去買左的外賣去親戚屋企當"禮"入到去，種類都好多，我最鐘意個幾種都有，於是我就買左鵝片，鵝翼，大腸。首先，給我最大驚喜是，這間滷水店的滷水汁很不錯，我食咁多潮州嘢，最怕係個d太咸，或者滷得好黑的滷水，好以食鼓油咁。但係呢間食到有大酒樓或飯店的水平，味道調得好好，唔會大咸，而且色水好好，唔會黑麻麻。一個字"正"食物方面，鵝片係水平之作，不會俾d滷水蓋過的鵝味，不"梅"，有時真係食到d"梅"的滷水鵝片鵝翼都好正，最緊要係離骨，最怕個d用盡全力都食唔到的鵝翼。總的來說，這間潮州滷水很不錯，值得一試是喔，這間只有外賣，沒有堂食的