永騰潮州鹵水鵝店

營業中

休息中

之前食完間豉油味鹵水，網友話附近有間發哥食開，仲要每日收七點，賣哂可能再早，行完山都想食梗大件事，貴貴地都試返次。鹵水鵝，聞說每日得八隻，仲好搶手，中午飯盒一點去都未必有，所以紅日都早咗去，望到仲有幾隻，都要排吓隊。牆上貼哂價錢無單位，全部用件計，唯獨鵝係用斤，不過門口有寫。隻鵝超大，最低消費1/4隻都要半個大盒，二百大元！切完都好大件，皮下脂肪好厚，但唔會油到反胃，食到。口感亦可以，肉質滑，但鹵水味偏淡，調味醋都較一般清，每樣都只作輔助，無搶到肉味，同一般強烈鹵水味嘅做法明顯有分別，但肯定到無變味。好處係唔洗下飯，壞處係下酒唔夠味，以現代嘅角度，無梗鹹係好事，排隊嘅都有一定年紀，証明味覺較弱嘅一輩都接受到。整體是可以，尤其肉質確是出色，但再考慮價錢，未去到我短期想再食嘅程度。

每次經過永騰都會見到小店內人頭湧湧。星期日一點到此店，也有一條小人龍，主要是買外賣。我也馬上排隊，店員很有效率，不用多久就到我了。看著店內掛出來的滷水鵝，擺放著的各式滷水食物，我每次都會選擇困難症發作，要努力的控制貪念，這次買一個滷水鵝飯（$55）、再加上鵝翼（小的）（$14三隻）、鵝肝（$25），另外要了碗粉葛排骨湯（$12），合共$106。回到家與媽媽分享這個飯盒加滷水食物，我的至愛是鵝肝，很香很滑，伴飯一流。湯價錢低，但也很甜，不是味精湯，還有湯渣，真材實料。整體來說，此小店的食物是很合我門胃口的，所以不時都會光顧的，主要我都是買外賣的。

我到荃灣行街，忽然想起同事跟我說過，如果有機會到荃灣， 記得去幫襯呢間滷水鹅店，他一家都很喜歡吃的。我到了，看到店舖並不大，一邊賣外賣滷水食品，有滷水鵝，鴨，鵝腸，鹅翼，豆腐…………等等，另一邊可以堂食，但店內只得幾張枱櫈，座位非常有限。一埸來到，便坐下，叫了一碟滷水鵝飯加一個例湯 。 滷水的味道不太重， 鵝肉嫩口， 南北杏西洋菜煲猪骨湯， 不油膩 ，好像媽媽煲湯的味道！唯不足之處是店內地方太狹窄。 而覺最有趣的地方，邊食邊聽到，客人來買外賣滷水食品，每要一款食品，店員就講價錢及馬上計算總數， 琅琅上口 。

寫過很多次 , 筆者是極喜歡吃潮州食品的 , 鹵水鵝更是筆者十分喜愛吃的食物之一 , 鹵水鵝大多數不會給負評 , 不過今次例外 ~ 這盒外賣的滷水鵝 外觀看似不俗 , 但其實相當有問題 , 吃下去就是很鹹 , 這一種鹹 , 大概是非一般人所能承受到的鹹度 , 這味不是濃厚而是鹹 , 滷水味很攻很搶 , 就是吃一口便會感覺到這種滷水搶得扯上頭的感覺 , 而且鵝肉原有的味道完全被滷水蓋過 , 幸好鵝還不是乾巴巴的 , 否則就真的難以嚥下 ~若然說這種鹹是這間食店的特色 , 那麼 就真的不合我口味了 ~本篇完 ~

下午四時多返回荃灣，還未進食午餐的我們，肚子在咆哮，目標正是對準居於荃灣食友 Issac 的推介 — 「永騰」而進發。來到「永騰」，本來已不寬闊的門口塞滿了人，強行細步進入店鋪內，發現餐檯已被收起，職員稱堂食因人多而暫時取消，老公和我頃刻呆住了，回頭一看鋪外的人龍，我決定不堂食也得買走。「永騰」的外賣共有四位師傅同時運作，三人負責斬切等工序，包裝及收錢由另一名職員處理。廚房另有一至兩人。 雖然等候的人龍不短，但總算人手充足，十五分鐘左右便能抵達落單的位置。看到一排懸掛著的肥美滷水鵝，肚子敲得更響，胃液好像在激烈地滾動！「永騰」雖然是街坊小店，但價格並不街坊！最平宜的梅菜滷豬肉飯也得47元，要吃得矜貴的話，可選90大元的滷水鵝髀飯。我們要了1/4隻滷水鵝 (最低要求的份量)，加上其他幾款滷物，還有例湯，將威士忌備妥，來開餐吧！例湯是粉葛排骨湯。色澤深濃，內附粉葛、排骨和赤小豆等湯料。一呷，味道厚穩、甜香自然醇美，感覺沒有化學調味，喝後喉部特別暢快舒服。湯料的排骨更是軟腍綿滑，非常好吃，一件湯料也不留！鵝肉的油脂不算澎湃，但嫩滑的肉質帶著緊緻的口感，加上鵝味鮮香，足證鵝質優良。而至關重要的

去親荃灣～我同老公必買呢間鹵水鵝加餸～因為真係好香好香好好食!!今日假期～更加要買番屋企加餸啦～好在我地早黎～唔算太多人～排左一陣～點左想要既鹵水(今次買左好多)拎左牌仔就可以企埋一邊等～或者好似我地咁～行一陣再回頭拎～我地必買既一定係鹵水鵝＋咸酸菜＋豆腐鹵水鵝肉真係好鬆軟～好入味!!咸酸菜就好醒胃～多數餐前已經食晒～可能係自家製～出面好少食到咁好味～最重要都係食完唔口喝鹵水豆腐好大件～軟硬適中～正!!我地起車道已經嗅到好香～D味真係供晒出黎～所以當晚真係清晒～一件都無淨～不過老闆教左我地個好方法～就係食唔晒第二日加番少少水蒸番熱～一樣咁好食～哈哈～要下次先再試下

自從睇過明星介紹之後, 幫襯過永騰既鵝掌2次得確吾錯, 鹵水夠入味, 再次幫襯原本都係想買鹵水鵝掌, 6點左右去到已排長龍, 只係得返鹵水鵝, 所以叫左一份鹵水鵝下庄, 都要$150, 拎左個號碼牌仔就要企出門口等, 斬好就會拎出0黎比你, 中途其實係睇吾到佢比左d咩你, 返到屋企一打開, 嘩. 血淋淋, 生既. 見到都反胃, 4分1隻成百幾蚊, 都吾好咁過份啦! 負責斬既師傅無理由睇吾到掛, 明知吾熟仲比人, 拎反個良心出0黎做生意啦, 真係第一次買到生既鹵水鵝, 全部都吾食得, 唯有自己炒返熟佢, 真心講味道得確吾錯, 鹵水夠入味, 完全吾需要再加任何醬料. 下次有機會仍然會幫襯, 不過只會買鵝掌, 比較有保證.

來到荃灣買餸, 一定要幫襯永騰鹵水鵝店!! 1/4隻鵝$160, 大大隻, 起片後多多肉!!! 勁抵食!!! 香濃鹵水汁加鵝的鮮味! 絕配!! 個點鵝醋也超正!! 鹵水豆腐也相當大件, 軟硬適中!!! 贊! 鹵水豬利也好味, 肉質又淋!!! 我們一家非常enjoy!!!!

21-10-2012(Sun)朝早,陪爸爸去藥房問應該買咩o野煲畀大哥飲,然後都去買餸,因為我今晚唔去醫院睇佢.行經呢o度,不如買滷水鵝返去食啦,研究o左好耐,決定要$22.00一隻o既滷水豬手同$140.00o既滷水鵝片(例).返到屋企,雖然未係飯,但都心急即打開睇同試先試鵝片, 鵝片唔肥只係瘦,滷水味唔算好夠,仍食到鵝肉本身o既味道,肉質都有少少實.爸爸都食吓,佢欣賞師傅o既刀功,將鵝片切到靚一靚.而滷水豬手呢?皮好夠味,但厚膠質冇乜味,呢個要蘸滷水汁食.墊底有好大件o既滷豆腐,都食吓先,呢個一定要蘸滷水汁食啦,而口感正常冇問題.

在雜誌上看到妳，又勾起了我的滷水鵝癮。這一天的午飯時間，想了一下，就和老婆來了這裡。店裡位子不多，剛好有兩個位子，馬上坐下。叫了一碟滷水鵝飯，一碟梅菜滷豬肉飯，馬上就到。滷水鵝飯鵝肉嫩滑，不是冰鮮鵝的肉質能比較，鵝皮下帶點肥，是很靚的鵝肉。如果鵝片不是太貴了，我真想要個鵝片飯吃過痛快！你還可以另外要求加多一點滷水汁，這裡的滷水汁偏濃，可說是重口味版，撈飯真的一流，可能因為這樣，這裡的滷水鵝是較易入味的。梅菜滷豬肉飯，老闆娘很自豪地說是用新鮮豬，才會如此好味。三層的豬肉，肥瘦分明，那層豬皮最得我心，滷過後有點東坡肉的感覺，吃下口不覺肥膩，當然心中知道是甚麼一回事了，哈哈。也很喜歡那些梅菜，也甜，撈飯也是一流。也不是沒缺點，飯不夠熱，如果可以熱一點會更好。但如果是外賣回家斬料，還是很不錯的。後記小插曲：開始時的舉機拍照，忽然聽到後面傳來老闆娘的聲音：「係呀，咁樣影個角度靚ｄ！」有點呆了，實在沒想過這裡現在會這麼親民。結帳時和老闆娘聊了幾句：「老闆娘你知唔知你地上左雜誌？」「知！梗係知啦，無預約架，你知我地好忙架啦！好在佢地剩係要求我地係門口影張相者！」說的時候咀角泛起微微笑意，旁邊那位哥哥

今日(4-5-2011 Wed)男友放假晏晝過o黎,我就叫佢o係阿鴻買滷水鵝o黎畀爸爸食,點知佢已經o係地鐵站入o左閘.咁冇法啦,我又醒起呢o度有間滷水專門店,就請男友到o左荃灣o係o度買返屋企.佢搵到呢間喇,亦買o左例牌o既返我屋企.我返到屋企睇,有兩包汁,打開個盒睇,好似幾多喎.影完相試吓先,我又係唔蘸汁食,佢肉質鬆軟,冇羶味,唔算好鹹,講味道同口感,同阿鴻差唔多,但佢冇羶味,就嬴o左阿鴻啦.然後都蘸吓啲汁食,我覺得醋就偏辣;另外o個隻就提升肉o既濃味.但我都係鍾意唔蘸任何汁食.食食吓至發覺,原來下面好多都係有骨o既.男友唔記得買o左幾錢,佢話$8X.00.PS: 阿鴻食評: http://www.openrice.com/restaurant/commentdetail.htm?commentid=2163613

是日回老婆家吃飯，外父話去陳記斬半隻燒鵝加料，心諗不如食滷水鵝啦，燒鵝幾時都有，呢間滷水鵝，經常人龍長長，而且早收工（七八點就收），既然時間配合食到，就決定買滷水鵝。滷水鵝既好處係，拎到返去唔會因為時間而令到個皮唔脆。燒鵝，還是剛燒好脆皮最好味，不是剛燒起，起碼也不要軟皮吧，長車程我真係覺得搏唔過。是日都係咁長龍，呢間野態度一般，街坊都知，食得就預左，今日可能因為小ｄ對話，態度反而很好。此店有滷水鵝和滷水鴨兩種賣，滷水鴨當然係平ｄ，賣法都係一隻隻計，滷水鵝則是段斤計。從窗已經看到，滷水鵝明顯地大隻過滷水鴨，佢係你面前斬俾你，照計都唔會攪錯掛。除左滷水鵝，仲有滷水鵝腸、滷水蛋、滷水豆腐等等，只要你唔抗拒滷水，應該總有一樣岩你口味。斬半邊滷水鵝，要$200，我地計過，燒鵝半邊只係$130度，其實係貴的，但呢度既滷水鵝真係好大隻，裝得滿一個大飯盒有凸，其實計番斤兩，可能同燒鵝價錢唔差得好遠。師傅切都要ｄ時間，返到屋企就知原因，原來件件都係薄切。之前食過深水步鵝之極品，不禁作個比較。永騰既滷水味明顯比鵝之極品濃及入味，刀功也是永騰切得更薄，永騰的鵝比較大隻，未知是否獅頭鵝，肉多自然吃得過癮，鵝

首先地方幾狹窄下..得幾張台..近滿口位明明有3張chair..但得1張係唔近走廊..另外兩張..一張就一坐就即刻迫到走廊只能企一人..另一個位仲嚴重..係正門口..一坐..即係叫入親黎既客唔該睇住黎入...所以唔建議堂食如果多人..好..講返野食..35$一碟 鵝飯..份量適中..有7件左右..有件係成舊肥膏..搵笨..味道係有..但唔濃..勝在肉瘦瘦地..有肉食下..但唔覺比出面特出優勝..又貴..算啦ok~~~

我很喜歡去荃灣吃野, 很多好餐廳都好正. 但有一間服務態度係最差的. 就係這間永騰潮州鹵水鵝店 . 前幾日堂食一碟鹵水鵝飯加一件鹵水豆腐, 但來了碟半隻鹵水鵝, 廚房很不友善講粗口才肯換過一碟正確的. ....真的不想吃!!.......先吃件鹵水鵝, 又老又鞋, 鹵水豆腐成件有臭味但又吾脆的"叔"豆腐.......頂, 這就是老字號!!

This is probably the best 潮州鹵水鵝店 in Hong Kong, not only in Tsuen Wan Region.Went to 永騰滷水鵝 rice for $ 30滷水豬肉 rice for $ 28Then we have ordered 例湯 for $8Can't describe the taste with words, here are the points:滷水鵝 is fresh ( you can taste it and see it) , large and juicy in pieces, 骨入味滷水 is not too salty with great smell.滷水豬肉 is fatty and also tasty. One of my favorite , 啖啖肉例湯 is impressive!蒜頭醋 can enhance the taste of 滷水 food as wellYou can't beat that taste , while the price is reasonable! ( Im