永騰潮州鹵水鵝店

營業中

休息中

一月上旬小店滷水鵝要早來的鳥兒才得吃，偶試過六點來，只賣剩豬頭肉。碰了釘子後學乖了，三時許到來，但仍排著人龍，佔了一席位叫下鵝肉飯，再來例湯。例湯是青紅蘿蔔瘦肉湯，清潤甜美，夠熱沒下味精，$10／碗著實滿意。而鵝肉雖然滷得略為熟了半分，然而胸的部分不韌，有著薄薄的鵝臊味，滷水膽雖不如滷八般醇厚，卻香而不嗆，在區內難找到同級的對手。更多汕頭當地滷水鵝的故事分享@http://foodxfile.blogspot.com/2010/01/blog-post_12.html

呢間鹵水鵝店~ 我行過幾次~ 都好鬼多人排隊~今次終於忍唔住~ 點都要同人迫下!!而今次既目標~ 就係少d人識食既鵝頭頸~哈哈~ 因為個frd介紹~ 話呢間d鹵水鵝好食~ 如果想買鵝頭頸果d仲要早d黎~ 因為好快就賣晒!!所以我今日~ 未到買餸時間~ 已經黎到~果然~ 好多人... 不過都比我買到一條鵝頭頸!!今晚加餸~買番去~ 連老爸都話我識食~ 老爸都係潮州人~佢話呢間鹵味好~ 而且又入味~ 鵝下巴最正!!我就鐘意意頸~ d皮好好食~ 又唔肥~ d肉又夠滑~下次真係要再試下佢d鵝肉!!仲有~ 記得拎醋~ 呢間d醋真係幾o岩我口味~而且食完之後~ 完全唔會口渴~

睇到食評後一試,失望.地方淺窄,女店員把跌在地上的一包醋執起再用,滷水豬脾及鵝不外如是,滷水豆腐死實,無滷水香,豬腸勁臭,同老闆講,佢話無理由,因為都賣晒,我答:我心諗係洗得唔乾淨,咪使我再幫襯.

前兩日行經此鹵水鵝店, 見多人排隊, 本著香港人特有的精神, 多人排隊的地方, 通常的野食一定唔錯.所以個日就買了一盒98元既鹵水鵝片番屋企食.嘩, 不食尤可, 一食就停唔倒, 同我個囡囡同老婆大人鬥搶, 一陣間就食晒.個兩包醬汁, 更是劃龍點睛, 一個字, 美味.可惜的是, 在鵝片下面的不是鹵水豆腐而是鵝肉, 雖然很好味, 但我買的是鵝片, 不是部份鵝片部份鵝肉啊. =.="

有次斬料回家~嚟到~都係得返豬手....冇晒豬脾~估唔到都好好味wo~再試多次先~今次朝早去~唔會冇啦掛~星期日的中午時份~一樣多人食左個豬脾飯~好神奇呀~點解真係一D都唔油............加埋我最愛的咸菜~真係冇得彈~而男友的鵝飯亦很不錯~其後發現如果想少D飯~可以唔叫一碟~叫一碗的又或者叫米粉都得~~~正!!!!!

實在慚愧，土生土長咁多年，都係早排先去。真係逼到背貼背，肥到似佢隻鵝既真係唔使入。叫左滷水鵝片飯，上檯靚仔到不得了，鵝皮深色又滑，好死香，唔止肉，連骨都入埋味。呢間鋪都幾均真，例湯酸菜都要收錢，唔似得其他滷水鋪任食。

終於食到啦~次次行過唔係賣晒就山左門....今次終於食到~老細話要7點半前去到最安全~不過我7點去到都冇晒滷豬脾已經冇晒~d人嚟買滷鴨又話咁快賣晒....一個人點左滷鵝米~咸菜真係好好味~5蚊抵俾~一個人食~又唔可以叫豬頭肉....點食得晒姐~12蚊大大塊頭肉連豬耳.....豆腐就麻麻~滷味泡左米粉的湯~冇咁好味~下次要改叫飯先得~下次一定要再早d食先得~仲要叫埋多1,2個人食~先可以食得晒~

阿爸去完荃灣搞野，見呢間野好多人買，所以又買了一大盒番屋企加"食送"。買了半隻鹵鵝、掌、翼、豆腐。鹵鵝：好得呀，d肉都入味，好香滷水味，肉滷得好淋，又唔算好肥，帶點甘香。點埋d醋簡直perfect~掌、翼：呢兩樣就反而爭少少，可能因為厚肉，所以無咁入味。豆腐：都幾硬吓，實得得，麻麻地入味。最鍾意就係佢包醋，夠酸，食完又無頸渴。下次要試鵝腎、鵝腸同腩肉！

經過一日的瘋狂吃喝玩樂，今日累極了。完全唔想郁，只叫爸爸幫我買個飯盒。以為是一般茶記的外賣飯盒，怎料，今次來的是潮州鹵水鵝店的鹵肉飯，驚喜不已。打開飯盒，單看外觀已經知道這店是有水準的。一如所料，鹵肉肥瘦適中，亦唔怕硬，仲好入味，吃啖啖的肉已是樂事。鹵水汁和梅菜送飯更是絕配。而且飯和餸的份量也不小，夠吃有餘。好耐都冇吃過咁滿意的飯盒。

去姐夫度睇出世4 天的bb 女，順便係度食飯，佢地o係呢度買左半隻鹵水鵝，大家都食到好飽，但仲剩小半盒。嘩！鹵水味重，鵝肉本身又肥又飽滿。味道很不錯。而家刀功也好，不會有好多碎骨。低下放左豆腐，豆腐鹵水汁味不算太重，硬身，味道也可以。但醬汁，橙色那種，過酸。唔知幾錢 但果羊隻鵝好似2 斤幾。

同學聚會完畢,由馬鞍山出番荃灣順便買野, 行過呢度好幾次都見幾多人買,今次都買d試下。時間關係,只賣剩少量鴨、鵝、豬腳、蛋。見到有位叔叔堂食鴨肉飯都好似幾好味,一於買。鹵水鴨半隻($35):鴨肉幾肥美、厚身但唔un,鹵水味道唔係偏甜,味道唔錯,難怪七點零鐘已經賣得八八九九;平時買鹵水食品會有一包蒜頭醋,通常食完之後真係生人勿近,呢度又唔會bor,仲甜甜地添,呢樣幾好。鹵水蛋: 蛋仔細細但新鮮,面頭唔係太深色,但又係幾夠味,一試無妨。