汀角路茶座

營業中

休息中

星期日食個下午茶餐，場景全日落大雨都冇乜客人。問有冇下午茶，才拎餐牌出嚟，唔問咪要食正價餐？叫咗叉燒腸仔公仔麵+冷奶茶。承惠$50。真係冇諗過大排檔格局茶餐廳要咁貴。大尾篤又唔係隔涉山長水遠？如果門口有價錢牌，我寧願去隔離食泰國嘢，反正食公仔麵都咁貴。食物都老實講唔係好食，界乎普通<->難食。凍奶茶冇甜味，好似冇落到糖水咁。腸仔正常，公仔麵係cheap麵，麵質唔好食(大光麵就好食啦)，叉燒好似D炒飯叉燒粒咁大細不一。真係可一不可再吖。餐廳似係家庭式經營，幾個人座埋一邊傾偈講粗口。一係出外面煲煙。冇客，都要等10-15分鐘先煮到碗面出嚟。其他食評都有提及：真係唔優做咁，員工對食客黑口黑面，講嘢粗聲粗氣，打開門口賺人錢做生意都亳無禮貌可言。(之但係咁，我留意到佢對認識/幫襯開既街坊，態度好好多，起碼會講多句，及笑。)呢間嘢都唔當客係客既，你估你係佐敦澳牛咩？起碼澳牛個餐都煮得好食吖，入去被受氣都係自願吖嘛！

今早帶同小狗在新娘潭行山後，在汀角路附近搵嘢食早餐，見呢間有戶外座位，歡迎帶狗。於戶外找到吉枱，完全無人招呼，夥計態度散漫，愛理不理，鬧神鬧鬼。環境衛生欠佳，食物質素一般，又貴又唔好食。戶外座位遮光不足，太陽曝曬。最後自己入去攞咗中式點心，燒賣用雪藏肉，雪氣味都未過，粉果餡真係好似一舊粉，排骨真係得舊骨。除咗叫做戶外可以帶狗，真係一無是處。最難頂係其中一個阿姐，黑口黑面，不斷與客人嗌交，其實做得咁唔開心，不如唔好做。

次次去都食，不過原來無常餐無快餐，食物全部係要單點，由於呢頭無乜選擇，食飯時間有d餓，所以都5計較咁多。五香肉丁面35丁量不弱，面食不一早煮定，都5係淋，成會紅色有微辣，索價合理。乾炒牛河50牛肉唔少，入味，唔靭，河粉色水靚，成碟唔太咸，也唔是好油，唔會食到成咀油。咸魚肉粒炒飯48大家都話雖然雪藏雞但都唔少份量，好少咸魚，什豆炒，顏色不差，但相比河粉，有d普通，所以無點食。檸茶17無得跟lunch平d飲，感到都唔平，但天時暑熱，硬食，凍飲係必須的。有大風扇吹室外座位，我就都還好，另一半食到好大汗，攪唔掂。

食物完全冇心機煮咁，自己煮既公仔麵都好過佢。D湯完全冇味道，公仔麵煮到淋曬發曬漲。另外d炒粉麵飯好似做到兩餸飯咁，一早整定好曬。職員服務態度又差，唔會再有下次。寧願餓住返出市區食都唔會幫襯。唔明點解咁嘅質素都仲可以有人幫襯。

同小朋友去大尾篤諗住開開心心，諗住食完野先玩。見周圍都係泰式野唔岩小朋友食，就揀左呢間咁既野。本身都唔會寫食評既人，但係今次實在想叫大家小心選擇，就算入左舖唔對路都一定要走！首先，衛生環境仲差到無得再差。張餐牌同食具污糟不特止，係門口張枱坐低落左單先發現張吉既大圓枱十幾隻大烏蠅飛黎飛去。一兩隻都算， 點知成十幾隻！一路食個頭上面d麻雀烏蠅係咁飛，就咁睇完全見唔到間餐廳放烏蠅紙！其次，食物連普通茶餐廳都不如。我地兩大兩小去，諗住都叫左野拿拿林食完就去玩。黎到個豬排面執豬扒係凍既都算，個餐旦治好多黑色點點好明顯明知之前煮燶底都唔洗！其三，我地一大一小當晚返到去發燒兼肚痾！另外2人咩事都無，問番我地當日樣樣野都有share，唯獨呢間野個餐旦治得我同個細既有食！極度懷疑！！！大人都算小朋友發燒痾左左4-5日真係嬲到震！！！疫情期間，呢間野只係識做門面野叫你量下體溫有鬼用？ 毫無衛生常識！執左佢啦唔該！唔好再害人喇！

Food is not particularly good and service is poor. Their waitress have very bad attitude to customer. We took a seat outdoor. I ordered a beer of a particular brand which is on the menu. It is fine that they are out of stock.  When I ask what brand is available, the waitress reply in a very impatient tone, you go inside to find out. I was shock on her response. The situation spoiled our appetite. We ordered some snack and leave once we finish. 

星期日揸車入來，雖然疫情嚴重，但是停車場都滿曬，好彩等一陣都有位，第一次入來食嘢，以往太多人了，根本都唔敢來，第一次試就揀咗汀角路茶座，乜餐都冇，得一個散叫餐牌，還好價錢尚算公道，兩個人餓底咁叫咗3樣嘢：XO醬叉燒炒公仔麵$68：有鑊氣、叉燒算多、XO醬味唔算突出、辣味我覺得來自辣椒、份量夠、而且唔油，算唔錯！鮮牛肉雞蛋三文治$27: 真是鮮牛肉，沒有醃製過的鹹味，雞蛋仲有蛋漿流出來，份量十足！炸雞亦（8隻）$48: 本來呢個係沖住價錢抵食而叫，怎知道喜出望外，太好食啦，係椒鹽雞亦吖，食得出係即炸，入口鬆脆，不是那種乾爭爭的油渣，椒鹽唔鹹，與雞肉非常對味，肥仔食到唔停口，一口氣就幹掉4隻了！菠蘿冰$25: 用新鮮🍍真是好有心，顏色很白，竟然唔酸，小小甜！見到隔離台叫炒貴刁（$50），堆到幾寸高，看到我地O嘴，佢地三個食一碟😅，紅豆冰貌似唔錯，下次試😋

大美篤適合踩單車的地方，風景優美，沿途有很多餐廳和茶座，我們最選擇茶座，三人行，叫了3款套餐，價錢也公道，餐廳特色之處，很多小鳥飞進，真有點怕牠在我頭上大便「洋蔥豬扒」不錯 豬扒夠淋「粟米班塊」不夠熱，班塊粉多「星州炒米」夠辣，夠香

打風前夕 天氣又焗又熱 真心無乜胃口一行5人在大尾篤想搵個地方坐一坐 抖一抖 今日好多錶位 車仔有位泊而今次去汀角路茶座 因為多圓枱 又唔駛等位睇下有咩食 星期六日無下午茶餐 野飲要另外叫侍應人數唔多 相信係家族生意 （個人覺得 未經證實）餐牌同一般茶餐廳 差不多先叫杯凍飲 涼一涼西多士 新鮮熱辣 估唔到原本話無胃口嘅我都食咗幾啖 呢啲係咪就係 嘴裏說不 但身體很成實鮮牛肉蛋三文治牛肉分量足夠 加蛋汁一齊煎抖一抖 可以繼續行 難得嚟到緊係踩下單車啦 gogogo

呢日去左大尾篤踩單車，感受下大自然～有時放假黎下郊外都真係幾寫意舒服，咁岩天氣又未到好熱，真係黎得岩時候！踩到咁上下，４點左右就攰攰地想去醫下肚，不過又唔想食到咁飽，因為仲有夜晚個餐，所以入左去呢間食少少野算餐牌都有唔少選擇＃腸仔雞蛋湯公仔麵雖然叫得呢個都覺得頹頹地，不過食落味道又真係麻麻地。。要３５蚊真係唔多抵食。。＃奶醬多士朋友就叫左個奶醬多，呢個就正常啦～不過都係為左填飽個肚～不過下次就未必會黎喇，會試下其他新野

由04年開始經常參加車會聚會。熱點大多是鹿頸。所以理所當然飯堂就係附近的大尾督。先不論好唔好食。當時最小一圍。多可以多成廿人。叫小菜除平均都係廿幾蚊。碟頭飯都唔得啦！咁多年每到新年她們都有自家製年榚。無防腐劑。所以放的日子不能太耐

性價比低，難食，低端。唔怕伏自己黎試，呵呵。下午、周末、蜜燒鴛鴦骨，結果是煎豬扒切開加紅辣椒炒。78蚊。白飯另加10$。水都無杯、每張大枱都無餐紙巾、衛生欠佳。懶得影相。

玩完艇，諗住黎醫下肚，問下款麵辣唔辣，回答態度極差。點餐飲時又極其串，先是同佢講唔需要，佢回應一句「而家點埋，個餐有跟，餐牌有寫你哋又唔睇」，我唔係無錢比，但唔一定要哩刻叫埋 ，又唔係客多！老闆個女大晒咁，唔想做生意就關門啦。若果不是同行友人點了餐，早就走人幫襯其他。點了乾炒牛肉公仔面，淡而無味，炒得又唔均勻！又唔好食，又受氣，若果想同人鬧交先好幫襯！諗住食餐無要求，只係維持生命嘅飯我都唔會再入黎。忍唔住要即刻登記上黎比個負評

香港的單車徑以大圍至大尾督段較長較適合一天玩樂。喜愛踏單車的我，每次踏了兩個鐘單車來到大尾督時，都非常疲憊。可惜大尾督餐廳選擇不多，今次來到汀角路茶座。看看餐牌，價錢不貴，$38一個午市套餐(連汽水)。點了火腿蛋麵及菜遠班腩河。所有食物都是即叫即整，所以上桌時，仍熱，配菜份量蠻多， 班腩有7-8塊，算是抵食。餐廳坐位多，方便疲累的我休息。

自小就知道這裡＜大尾篤＞，大埔～最尾～最篤的位置。以＜大尾篤＞來形容位置偏僻，十分貼切，故此至今仍改不了口。只是不知何時改了如此美麗的名字＜大美督＞。已經很久已没有到大尾篤遊玩了！相隔多年，終於重臨此地，不過就多了豆丁。那些年，一人一架單車，多麼的自由自在。當時望著有蓋的四人家庭單車，總覺得這種帳篷車很大隻。 現在變為一家三口，乘坐在這種４輪車，在車上悠閒地望著別人的單車。　五點交單車後，有點肚餓。看到這家茶餐廳，估計價格會較為實惠。店內地方寬敞，有戶內戶外座位。現在天氣秋涼，即使坐在戶內，也覺得很舒服。就座後，細看餐牌，原來周六周日是没有下午茶套餐，即是要散點。大家只想淺嚐，點了二個麵及多士飲品。豬扒湯公仔麵 厚粉豬扒没有肉味，味如嚼蠟。腸仔雞蛋湯公仔麵　　荷包蛋有溏心，好正！而邪惡的香腸也很吸引。公仔麵很有麵味。奶油多　估計這是罐頭的人造牛油。光顧茶餐廳，就不能要求太多。熱奶茶嚐過較甜的奶油多後，可能影響了味蕾敏感度，感覺不到奶茶的茶香或茶味，總之唔知自己在飲什麼。今天全家到大尾篤，踏單車，呼吸新鮮空氣。最重要係：豆丁喜歡到大尾篤踏單單。