汀角路茶座

營業中

休息中

不知有多久沒踏單車了，其實平衡力不佳、又怕跌的我，實在不宜玩這項活動. 不過與舊同事無聊傾起，說很久沒去大尾督，他說 既然如此，可以一去喎! 於沙田租單車後，我們沿吐露港瘋狂咁踩，不用2.5hrs就來到大尾督了，中途還停留了2-3次，買下嘢飲，因為酷熱天氣下踏單車有如玩命!! 來到大尾督本想到芭堤雅小廚吃tea，但未到5:00pm 已沒有下午茶了，開始晚市時段，既然如此，唯有下次再會~ 見到汀角路茶座人不多，就進去涼冷氣，不過原來冷氣有點不夠，阿姐開了風扇給我們，卻仍然很熱! 熱到無胃口的我們，只點了2份三文治就夠了~ 鹹牛肉雞蛋三文治/ 蕃茄雞蛋三文治 ($20) 麵包幾鬆軟，再加上惹味的鹹牛肉及雞蛋，簡簡單單都幾好食~ 蕃茄蛋三文治就過於清淡，我就不太喜歡. 坐了45mins，休息夠後，同事話上大尾督看日落，哈哈，有無咁浪漫呀! 日落係幾好睇既，不過悶熱的天氣實在不宜戶外活動呢，除非係水上活動啦~ 無論如何，多謝你出錢又出力，秋天時可否再載我去其他地方玩呀，哈哈! 大埔汀角路龍尾村25號A 26626962

搬左黎大尾督成兩個星期，今日終於第一次走出黎搵野食,平日同假日真係超大分別，假日成條街都係單車，平日係完全兩個世界，人都不多行下行下決定去呢間汀角路茶座，貪佢夠近又無咩人一入去睇咗下午茶個餐牌 真係嚇一跳，因為超級平，全部都係30蚊以下， 而且凍飲全部唔使加錢，我揀咗餐肉雞翼湯米粉及奶茶雞翼有兩隻，餐肉都有兩塊， 真係意想不到咁豐富，而且雞翼係脆皮夠熱又好味，午餐肉都算幾厚!奶茶味道不過不失講真三十蚊嘅價錢唔需要太大要求，抵食就夠!

難得紅色假期去大尾督郊遊，隨便就揀咗呢一間汀角路茶座，揀呢間茶座嘅原因只有一個，只因租單車嘅地方就係對面可能因為今日假日， 所以完全冇下午茶餐，全部食物都要散叫， 價錢都比較貴!點左一杯凍檸樂加，冰底檸檬得幾天就收20蚊一啲都唔抵西多士又係20蚊,應該算係餐牌中比較抵食嘅選擇, 西多士庶無overcooking，算好味!淨係一隻熱狗已經要38蚊， 味道不過不失，腸仔好大條，食熱狗最緊要夠多醬!茶座聽聞系家族生意，沒任何招呼可言， 只能高是鄉村風味吧!

今日下午約左同男朋友係大圍踩單車入大埔，未踩到去大尾篤時已經好肚餓～沿路啲士多又冇開，所以就諗住踩到入大尾篤先搵野食入到去見到好幾間舖都有開，但太肚餓啦，唔想左揀右揀就衝左入去汀角路茶座坐底左睇餐牌，我地每人叫左一個茶餐，我就食左個雞翼午餐肉公仔麵個麵出奇地好食，個湯好濃，不過午餐肉就爭少少而男朋友就叫左個多士，比我想像中細碟左，佢話如果再揀過，會揀個麵食會飽啲不過整體上我地都覺得ＯＫ既！

作為生活在繁忙都市的城市人，每天上班、下班、食飯、訓覺都生活在石矢森林之中，週末放假都希望暫時離開市區去遍遠郊外的地方吸收新鮮空氣和舒緩下壓力。週末難得約到三五好友結伴去大尾督踩單車，雖然陰天，但踩了幾個小時下來仍然大汗琉璃。希望找個地方休息下。剛好經過茶座，正好也肚餓了，沒考慮太多就決定進去了。茶座有部份是室內，有部份是室外的座位。適合不同時期的需要而入座，朋友怕室外有蚊，於是選擇了室內。這時候已經午飯時間，但這茶座沒有一般茶餐廳的午餐套餐。粉麵飯及飲品分別收費。侍應們好像都很繁忙，舉手幾次都沒有侍應見到。只好耐心等待，繼續舉手，終於成功不負有心人，有好眼力的侍應來招待落單了。很快，我們叫的湯麵已經制作好。湯米要好吃，湯占重要因素，所以先喝一小口湯，淡而無味，本能反應向侍應要醬油，侍應不耐煩地說：美極無喎！魚露無喎！鼓油要吾要呀？面對侍應的不爽語氣，膽小的我不敢麻煩她了。想想也許牛肉可以增鲜，混合米粉自己解決算了。寄重望於牛肉身上，細看牛肉的確鮮嫩粉紅，緩緩放入口，想不到仍然保持一慣作風，淡而無味，因為咸味不足所以沒有帶出牛肉鮮味，本來的希望頓覺失望。忍耐是中國人的傳統美德，今天我也

假期來臨，安排由沙田踩單車到大尾督，雙腳已經好累，隨便找了一間茶餐廳休息一下，順便醫肚。把單車放在門口，就進去找個位置坐下來，先看看餐廳，是有分開半開放式及室內兩個部分。再看看餐牌，因為肚子不算太餓，所以決定食個湯米粉。侍應看似很忙，舉手幾次才終於有人來到招呼。下單時語氣粗魯，並不斷催促。感覺很差。所以就決定了餐蛋米。等了很久，米粉送到，看上去很好，蛋煎到半熟，趕快食一囗，發現米粉淡而無味，煎蛋也淡而無味，像是清水煮米粉，難食到不得了。失望⋯⋯

一個茶座，可以通粉無味，公仔面難食⋯⋯其實都真係好難⋯⋯絕無下次！炸雞翼可以出到黎，炸粉同雞翼皮分開！今日食客已經少之有少，但依然漏單！閣下如果勁勁勁無所謂，可以黎試下既！

踩單踩到大美督，累到就死搵間茶記坐下食返個下午醫下肚先！對效外的茶記環境裝修同食物本來都冇期望，但環境真係比較差，而且仲有熟客喺到食煙添！食物賣相同出品都喺只算一般茶記要求，服務態度都係咁上下。叫左碗腸蛋公仔麵，加坏凍檸茶！真係普通煎隻雞蛋同兩條香腸，真喺無咩特別！唯一可取喺個公仔麵唔會煮得太淋，有口感！整體上，食物出品無咩特別之處！腸蛋公仔麵 20 蚊，凍檸茶 14 蚊！唔喺好抵囉！

遊過大尾督的水壩，回程吃個下午茶才離開，在單車徑旁的一列食肆，這間的食物較平民化，選了熱狗配咖啡，西多士雜果沙律配奶茶。約等了十多分鐘，兩杯飲品才送來，說是要煲咖啡，然而，咖啡的味道只是像即溶咖啡，咖啡粉份量還下得不恰當，不喜歡，奶茶則不過不失，此外，糖包欠奉，要追問才有。等食物則是幾檯客同樣做的事情，時不時有客追單，等了十分鐘，先來西多士雜果沙律，西多士內有花生醬，但糖膠欠奉，要追問才有，味道尚可。再等十分鐘，熱狗才送來，條腸頗巨型，上面唧滿茄汁和芥茉醬，有番茄片和生菜，可惜包不夠熱，麻麻地！

工作上嘅忙碌令我缺少咗喘息嘅空間....最後決定自駕享受一個自在嘅週末, 久違嘅大尾篤, 發現咗呢度. 一個悠閒嘅茶座! 雞翼沙律 - 雞翼係即炸既, 而且皮脆肉嫩, 帶有淮鹽味, 唔錯. 沙律除咗罐頭什果重加咗青瓜, 幾好.香蔥薄餅 - 唔太特別, 因為同某個急凍牌子嘅薄餅係一樣味.涼粉冰 - 天氣熱, 食涼粉冰簡直係透心涼, 而且涼粉爽口又唔太甜, 好味!

今日去大尾督，六點幾，諗住食少少野先出去，原來汀角路呢邊有條街有幾間食肆，想食個茶餐，於是揀左呢間...叫左兩個茶餐- 奶醬多 + 華田- 餐蛋治 + 咸桔蜜其實係好普通的食物，諗住填下肚，但係有驚喜，個餐蛋治個蛋，係疊左幾層，應該係一塊蛋皮，摺埋一細塊，所以有幾層，個蛋同埋餐肉，係岩岩煎好，仲有一種煎香的味道... 又熱又新鮮...材料係好普通，但係幾樣野加埋就變成美食，面包皮新鮮，蛋塊，餐肉熱刺刺... 就令人好滿足...呢一間地道的茶座，好街坊 feel... 我覺得佢係好有 heart... 呢一類的食肆，係應該要俾D 鼓勵佢...雖然只係一件餐蛋治，但足夠見到佢地整食物的誠意...另外，奶醬多遲左到，個侍應姐姐都好有禮貎，話會幫我地跟單.. 奶醬多亦係好多料...題外話，我地見到有其他客人叫餸食晚飯... 個炒蜆同個啫啫雞煲令我地口水流，臨走都忍唔住問下個侍應姐姐個煲叫乜名，下次會去試晚飯...

上星期我和十多個朋友到大尾督"汀角路荼座" 食飯.一間好家人FEEL既餐廳 , 叫菜時 , 這裡的姐姐友善和搞笑 ..好像一家人在食飯.. 十分開心..食物水準不錯 , 尤其是" 蜜燒鴛鴦骨 " 和 " 黃金蝦 " 十分好吃 ..鴛鴦骨是豬排和牛仔骨 , 個汁係十分好味 , 我的朋友連汁也全部吃掉..^^黃金蝦炸得很乾身 , 不太油膩 .. 很好!!還有羊腩煲也不錯 , 因為小小"SO"味也沒有.. 另外有一個 " 汀角路特色炒飯 " , 是一個蛋皮包住個飯 ..飯面有肉鬆 ... 好好味呀...最開心是 : 我的朋友用這個飯當作蛋糕跟我唱生日唱 " 餐廳姐姐也配合 , 在旁跟我們拍手... 好開心的....最近 .. 我們蒸了一些點心作甜品 ( 馬拉糕 + 流沙包 + 奶皇包 )這裡點心是自己師父手做的...全日供應... 下次可以和家人飲茶呢~~

放假實行單車之旅, 回程途中要充充電加加油, 泊好車即叫個茶餐, 趕緊之後既亡命之旅...煎薄餅($18) - 即煎, 來到仲好熱辣辣, 餅面煎得好香脆, 加埋好香既蔥味, 唔錯腸蛋出前一丁($25) - 蛋煎到半生熟, 合我意, 一丁煮得過火, 太腍只係幾個普通茶餐, 但都要等好耐下, 另見阿姐對其他食客態度麻麻, 好彩只係路過, 如果屋企樓下個茶餐廳係咁就真係MY吉

這晚叫了四個餸,吃得不甚滿意霸王雞連微溫也沒有面頭的蔥段理應被滾油淋熟,然而還是生得可憐用的是新鮮雞,不太肥亦算滑;魚也是冷的,因此懷疑是否預先一碟碟弄好成功令人倒盡胃口;涼瓜炒牛肉是梳打牛,剛上桌時整碟餸已死氣沉沉欠鑊氣;可幸白灼蝦尚算新鮮甜美記得上次的炸豆腐做得頗出色,究竟所謂何事?

d野又貴又唔好食, 仲好污穢.... 一碟炒野都要幾十蚊早知去食泰國野...上次同朋友去水壩後去個到食野點知去到見到d野食有好多蒼蠅係上面好似加左豆豉咁...好恐怖, 我以後都唔會去食野...