求奇點

營業中

休息中

其實一D都吾求奇咖好耐無食車仔麵的餸，系長沙灣哩間有D特別，吾系普通車仔麵底，系蕃薯麵。下午茶時間無人買，老闆幾好人，本來平時都只賣酸辣粉，無齋蕃薯麵賣，但今日我買左好多餸，只叫了齋麵。蕃薯麵（$8蚊）真系好鬼滑，早知道買大碗D.豬腸系排第二位好食，好滑，吾靱，無臭味。豬皮好爽，但吾好地方系煮的時候已經同魚蛋一起煮同落左咖喱，都有小小辣。牛百頁同豬紅正常味道，但算吾錯。魚蛋系比較差的一種，無乜魚味，吾爽。另外買左一碗勁辣牛百頁同魚蛋比印尼姐姐，佢都話超辣同國音，食到流鼻水。

📍 求奇點 (長沙灣)長沙灣東沙島街171-175號富華閣地下D舖求奇點，你係店內見到咩都可以任以配撘。雖然姐姐係泰國人，但佢既酸辣薯粉真係好川式風味，食物選擇多，可以係路邊食，別具風味，已經回頭超過20次，間唔中就會心心念念佢，絕對係我既comfort food 🥘 仲有隔離有間泰菜可以叫下串燒，又可以叫埋泰菜😆👉 醉雞中翼💰16😋😋😋😋/5雞翼勁香酒味，雞皮爽口彈牙，每次必叫😀😀大腸韮菜豬紅蘿蔔💰23😋😋😋😋/5蘿蔔勁諗甜，大腸肥瘦適中，加埋豬紅韭菜，Lam Lam 脷👍🏻👍🏻麻辣牛栢葉💰31 😋😋😋.5 /5配上大量青瓜絲，同香口既花生，麻辣味香，牛栢葉爽口😆😆回頭: yes!!價格親民，姐姐友善，份量又多。糧尾都食到☺️☺️☺️，想講佢所有野我都鐘意食，絕對係長沙灣名物😆😆#kermit食在長沙灣

每次來都吃麻辣牛肚或酸辣粉，配料足，口感豐富老闆娘好好人。喜歡她用花生而非黃豆做酸辣粉，同埋仲用緊粗木薯粉，而非幼那一款。路過實會去買野食，加多一杯凍飲，大滿足😎

我好小寫食評，但呢個我真係不得不提，小食店我食得多，係未遇過甘好的小食店，雖然我成日唔經長沙灣，但一經過長沙灣一定要幫襯，佢度好細，只有一個檯仔食，所以眼見係外賣多，入正題，腸粉。。魚旦。。涼伴。。米線。。雞脾，豬腸。。另外仲有好多款小食，尤其係魚旦同豬腸。。魚旦咬落唔會好浮好鬆，好有彈牙感覺，豬腸有滑得泥好好趙口，涼伴食物好夠味，腸粉夠滑！仲要係唔貴，份量足，有人情味同親切，所以我經過一定會食，如果香港有多d有人情味又平又好食的小店就好嚕！！

天氣凍嘅時候，會特別想食辣嘢，再加埋唔想去太遠買，係呢啲時候，我就會揀求其點。事頭婆好親切，親力親為，一手包辦，感覺就似阿媽煮野比你食咁，好溫暖㗎。主打都係酸辣粉㗎啦，單售＄23，可以自己再加其他小食，而佢本身都有好多豬肉碎、芫荽、花生同埋榨菜，都好豐富架，辣度自由揀，多麻小辣，你講得出嘅，事頭婆都做到俾你而我最推介嘅就係呢個涼拌皮蛋，事頭婆偷嘅汁，又稠又惹味，個人應為好食過三哥譚仔多多聲，食咗之後實返唔到轉頭最後就係呢個大腸豬紅紅韭菜蘿蔔，同酸辣粉一樣＄23 ,湯底冇味精，胡椒夠香，大腸肥瘦適中，加埋蘿蔔豬紅韭菜，真係冇得彈誠意推薦家庭式小店，夠風味又夠人情味

看著這個舖位轉手好幾次，經營時間最長是這位泰國姐姐開的求其點，開張了近二年，眼見這原本這冷清清的小街變得客似雲來，皆因食物求其點都禁好食！呢度的酸辣粉是小妹的至愛，幾日要食一次，真係食上引，辣得好過引！涼拌菜式也做得出色，如水煮麻辣雞翼尖（限時供應），涼拌雞翼尖，涼拌海帶絲，醉雞翼等買回家送飯送酒一流。還有懷舊小食：豬紅蘿白大腸，大腸非常乾淨，味美，比街頭小吃買少見少！用心小店，向大家推介，一齊去求其點吧

有時求其行入一間，無人介紹、無睇過食評而食到好野既餐廳，係會好滿足好開心架!今日星期六十二點放工後，本想食車仔麵，點知太早未開門，唯有喊住肚餓一邊搵有咩食啦!呢間舖在十字路口旁，我被牆上紅紅的辣椒菜色相吸引，但始終係街邊舖，猶豫咗一陣，太肚餓唔理喇，食左先講。一人一碗酸辣粉 (兩碗都走花生唔該):好大碗，小辣同酸味都岩岩好，好濃，有好多芫茜&肉碎，正!!男朋友加大腸，啲大腸好乾淨，爽口但唔靭，一路食流曬汗，但真係好好味! 叫左兩個小食:涼伴皮蛋($17)，嘩，街邊檔都有個咁靚既碟，溏心皮蛋，個汁甜甜地，辣辣地，非常開胃，不過太多芝麻少少影響左口感。******************************麻辣白肉($30)，都係辣既肥瘦岩岩好，白肉好爽好入味!! 呢碟既汁同墊底的青瓜好夾，同男朋友搶住吃******************************食到我地兩個攬住個肚走，埋單$99，好抵!!如果唔介意坐街邊兩個位，真係值得試試!

今日經過長沙灣，見到有酸辣粉食，口痕就叫左一碗，相比傷心酸辣粉黎講，求奇點既酸辣粉更加地道，更加好食，價錢仲要好平，只係$20蚊，係$20蚊！加上開放既廚房，令食客更加安心，食到一半見到寫住秘製咖哩汁，就試下有幾秘製，點知出奇地好味，辣得黎帶啲甜，唔似方間既辣汁，加上老闆娘禮貌好，笑容好，不過地方窄，冇冷氣係唯一敗點。

食完串燒，行過隔離鋪"求其點"，見到有賣正宗重慶酸辣粉、麻辣牛肉、涼拌青瓜、韭菜豬紅、燒賣、腸粉、魚蛋等，太多選擇，真係求其點咗串魚蛋($6)，要辣的，杰杰的辣汁在魚蛋上，魚蛋是細粒、實浄的，無乜味都真係幾實浄，又是靠辣汁........完事！