影片
港鐵太子站 D 出口, 步行約5分鐘
繼續閱讀
電話號碼
94581195
開飯介紹
主打鐵板燒套餐及廚師發辦的日式餐廳，鐵板燒晚餐供應時令海鮮，如鮑魚及澳洲龍蝦等，肉類則必試油脂豐且牛味香濃的日本A5和牛。
繼續閱讀
營業時間
今日營業
12:00 - 15:00
17:30 - 23:00
星期一至日
12:00 - 15:00
17:30 - 23:00
以上資料只供參考, 請與餐廳確認詳情
有關獎賞計劃
汝 鐵板燒，位於深水埗汝州街71號地舖。星期日全場爆滿的一間鐵板燒店，當晚氣氛好好，師傅專業地為我們做鐵板燒。 鐵板燒套餐的食材以海鮮為主，時令鐵板海鮮，另外我們加了鵝肝， 厚身入口即溶的鵝肝超好味。 四個人埋單三千蚊內， 仲有一支1.8L 清酒， 價錢平民，埋單每位數百元就有交易，性價比高，加上味道和手勢正宗， 值得一試😊。 🏷️溫馨提示～ 整個用餐體驗均屬個人分享意見， 只作參考😊。 汝 鐵板燒地址: 深水埗汝州街71號地舖
繼續閱讀
本身經優惠訂購平台 book 呢間餐廳。去到門口打俾佢，佢話無我booking。之後出黎解釋話：因為你優惠訂購平台個電話contact 唔到你，所以我無confirm 你booking。我問佢：我有留email 架wor，點解唔send email? 個老闆就話：我地淨係用whatsapp。本身都算，當自己唔好彩。而點解最後我要出呢個post 呢？就係聽完個老闆所謂嘅解釋，唔洗一分鐘就收到email 俾人cancel 優惠訂購平台嘅booking。咁既然無辦法同客人confirm booking，點解唔一早經優惠訂購平台cancel booking 呢？客人特登去到餐廳，你先一句“我confirm 唔到你booking，所以做唔到俾你”，仲要一句唔好意思都無，講到自己完全無責任咁，要人一定接受佢嘅解釋咁
繼續閱讀
今日朋友生日，陪朋友去深水埗整啲野，順便搵吓附近有咩鐵板燒，點知搵到一間，好抵食，最平有$399 /位，當然仲有幾個餐牌價錢選擇🎉今次我地揀左$499/位刺身新鮮茶碗蒸熱辣辣，即叫即整鵝肝，帶子，時間煮得啱啱好外脆內軟，份量都好多燒魚，個皮脆卜卜蔬菜澳洲M5 5 成熟好有牛味❤️❤️蝦炒飯.. 太飽，食左幾啖😊😊整體嚟講性價比超高👍🏻👍🏻👍🏻平時食鐵板燒啲師父好cool ,但呢度師父又好好傾，人情味好… 支持💪🏻💪🏻💪🏻時間好彈性6點-12點都得🤣🤣🤣
繼續閱讀
去到先知係新開張，book 咗食lunch 變咗包場師父風趣幽默幾好傾，並會耐心講解食材，煮法等等咁多款菜都好食，個人比較最鐘意個清酒煮蜆同北寄貝，個湯汁清清地帶小小甜味和牛師父就一份煮到3成熟，另一份就5成熟，個人就鐘意三成熟多啲個炒飯就食起嚟粒粒分明，仲超大碗仲有臨尾麵豉湯（唔記得影）加埋蝦頭入去煮，無死鹹，好飲，應該暫時係我喺香港飲過最好飲嘅唯一要挑剔就係冷氣唔係好夠好耐冇試過食新開既餐廳有咁大驚喜，$699/2位完全值得去，有機會會再幫襯
繼續閱讀
經過深水埗想搵間日本餐食，上網見有間新開嘅鐵板燒，價錢好實惠699兩位，膽粗粗做吓白老鼠。同師傅傾開偈發現佢都係開咗兩星期，所以裝修都好新淨，環境坐得舒服，全程播住日文歌感覺自己想去日本一樣。師傅好有心機介紹每一道菜，每一道菜都好有特色，一般前菜就唔特別講都係正常水準到北寄貝個汁教得幾好味煮得啱啱好又唔會太熟，清酒煮蜆，虎蝦，鮑魚， A5和牛都係高水準，另外再叫多一份煎鵝肝，份鵝肝好厚好有口感，最後食多份炒飯真係飽到上心口。新開期間價錢優惠， 10分抵食👍🏼用心做嘅餐廳值得幫襯👍🏼特別推介：煎鵝肝 必食🤤
繼續閱讀