影片
更多
2006-10-29
50 瀏覽
下班後，再出動買大閘蟹，本想去好吊腳的九龍城肥仔，奈何今天無駕車上班，結果乘MTR 到Granville Road 江記。江記舖面唔細，有成五、六個大型冷凍櫃，店內員工過十位。價錢亦豐儉由人「平價（$100 / 三隻）」到「高級蟹皇（$580 / 斤）」都有。老媽再三叮囑，記得買大隻D，於是把心一橫買了四隻「高級蟹皇」（$580 / 斤），盛惠$840。如一般大閘蟹專賣店，紫蘇、醋、薑、紅糖，都附送，最厲害就係有印上店名和地址的收據！（心想：開公數！？）呢度可以用EPS 附款。提住呢四隻綠色甲殼動物，走路回彌敦道的MTR 站，好重好累！！！呢四隻野跟我部note book 差不多重量，手都酸痛！回家路上，呢四隻野好活躍，在紙袋裡起哄，跟擠迫的MTR 車廂相比，不禁暗自偷笑。返到屋企，它們仍然響度玩，仲要玩到呼呼聲，好嘈吵！水滾大火蒸十八分鐘，由綠變橙，蟹味和蟹羔超級多和濃，真係不得不說：「一分錢一分貨」呢六字真言！呢次食到靚大閘蟹，雖然貴D，但質素正好多。
江記舖面唔細，有成五、六個大型冷凍櫃，店內員工過十位。價錢亦豐儉由人「平價（$100 / 三隻）」到「高級蟹皇（$580 / 斤）」都有。
老媽再三叮囑，記得買大隻D，於是把心一橫買了四隻「高級蟹皇」（$580 / 斤），盛惠$840。如一般大閘蟹專賣店，紫蘇、醋、薑、紅糖，都附送，最厲害就係有印上店名和地址的收據！（心想：開公數！？）呢度可以用EPS 附款。
提住呢四隻綠色甲殼動物，走路回彌敦道的MTR 站，好重好累！！！呢四隻野跟我部note book 差不多重量，手都酸痛！
回家路上，呢四隻野好活躍，在紙袋裡起哄，跟擠迫的MTR 車廂相比，不禁暗自偷笑。返到屋企，它們仍然響度玩，仲要玩到呼呼聲，好嘈吵！
水滾大火蒸十八分鐘，由綠變橙，蟹味和蟹羔超級多和濃，真係不得不說：「一分錢一分貨」呢六字真言！
呢次食到靚大閘蟹，雖然貴D，但質素正好多。
張貼
