池記

營業中

休息中

最近成日都喺尖沙嘴行街，諗住食個快lunch，見到有間池記就走入去食啦～特色餐：金衣蟹皇粥 （配甜酸蘿蔔、迷你油炸鬼、凍檸茶）呢個粥真係足料又好味，蟹份量好多，而且粥除左有瑤柱之外仲有大量一粒粒嘅蟹膏分佈喺粥入面。份量黎講兩個人share 都好夠食，飲落去暖笠笠好正～上湯菜芯菜芯好夠冧，而且配左杞子都幾夾，個上湯亦好夠味，唔錯唔錯。蒸腸粉腸粉蒸得好軟熟，醬料份量啱啱好，上面仲有芝麻粒，簡直同腸粉係perfect match

牛筋腩撈竹昇麵，牛腩有少少脂肪，配埋滑嫩口感嘅牛筋，夠哂入味！撈麵麵質好爽滑，鍾意佢無鹼水味，幾惹味牛筋腩海蝦雲吞竹昇麵湯底好濃郁，牛腩份量都足夠！牛筋質地軟滑，好入味，而且都炆得幾腍！雲吞好飽滿，入面有大大隻蝦，新鮮彈牙爽口，好有蝦味！！！紅油孖寶皮薄餡靚，都幾大隻！紅油醬汁又香又辣，辣度啱啱好，食落口好惹味，幾好味！！酸甜蘿蔔好開胃！桑寄生蛋茶好滋潤，真無要補一補，甜度啱啱好，啱晒我飲啦！！凍檸茶

著名的香港美食莫過於雲吞面我個人很喜歡尖沙咀 池記因為他們的面底採用了竹升面所以面質彈牙🥰而雲吞可以選擇海蝦雲吞新鮮又好吃他們最近還推出了蟹粥濃郁嘅蟹味再帶上淡淡嘅咸蛋黃味太好吃了😋😋😋

📢發現當最肚餓嘅時候最想食嘅係雲吞麵，幾十年嘅老子號都結束嘅同時，除咗雲吞麵之外，仲有蜆蚧鯪魚球都係同樣招牌菜式 。不過，其實池記都係一樣有水準，同樣都係「麥」字派系列 。雖然遊客幫襯居多，但間中都係會去一試🍜———————————————————————————.🥢雲吞麵🍜、蜆蚧鯪魚球🍡💬一碗細蓉，即係一個竹昇麵，四粒雲吞，蝦子同大地魚熬煮嘅湯底，加埋韭黃，都係食慣嘅味道。套餐配三粒鯪魚球，炸到好香口，要蘸蜆蚧醬食先至叫做鍾意同識食，唔係度度出色又好味🍜

池記@尖沙咀樂道平日星期二6:30 PM到達，全場約八成滿，有多款晚餐set選擇，有飯、有麵、亦有粥。套餐包括主食、小食及飲品一份！豬軟骨雲吞麵+蜆蚧鯪魚球+薏米水 $98主食豬軟骨雲吞麵，雲吞有四粒，彈牙入味，豬軟骨夠腍，味道亦好，麵煙煙韌韌，有咬口⭐️⭐️⭐️⭐️⭐️（⭐️5/5）小食鯪魚球有三大粒，附上蜆蚧醬一碟，鯪魚球熱熱辣辣，食到又果皮味，足料，沾上蜆蚧醬份外美味！⭐️⭐️⭐️⭐️（⭐️4/5）餐飲選擇了薏米水（熱），大大杯，薏米亦多，冬天飲完暖笠笠！⭐️⭐️⭐️⭐️（⭐️4/5）

星期二晚睇戲前去醫下肚前，好彩唔係好多人，第3張枱就有位，店內面積唔算細嘅，姐姐落單好快手，而大部分都係國內遊客。雲吞麵、水餃麵上枱時都好熱㷫㷫，千奇唔好心急，一啖就放粒雲吞入口呀，真係㷫嘴架！炸鯪魚球真係超正，反而碟冬菇就唔夠熱，即刻打折扣。散叫雲吞麵 水餃麵係$45，淨雲吞 淨水餃$50，套餐$81底食D喎，可選一個小食，一杯熱飲。

$79至$99的套餐，包含有主食、小食、饮品，在尖沙咀这个地方性价比算可以啦。当然也可以单点，粥、面、饭都有。薏米水的姜味太重了，减少些姜吧，晚上喝了影响睡眠。

點了雲吞面雲吞皮薄蝦肉彈牙面質爽口但湯底好似唔係大地魚湯，係一般嘅醬油湯薏米水反而相當好凍薏米水係雪凍嘅冇冰！足料薏米用薑及麥米一齊煲所以彈牙有口感份量多唔會太霖

📍地址：香港尖沙咀樂道52號地下池記♟️附近景点：维多利亚港，西营盘等等🚎交通：从香港西九龙步行1.5公里或者坐地铁🚇到尖沙咀站 #香港美食✨鲜虾云吞面+牛腩面。鲜虾云吞个头大味道好。汤面味道咸鲜。✨牛腩软烂，味道层次感强，萝卜很入味好吃哦。

落咗尖沙咀行街shopping, 夜晚諗住Hea 食，真係搵唔到啱，d 茶記又大多有國內人排隊，想行去美麗華那邊搵一搵啦，但當晚又熱又焗，途經間池記就是但啦，衝入去快食完就走…. 叫左2 個set , 有碗麵有飲品和一個小食，叫左2個雲吞麵，一個上湯介蘭和一個鯪魚球咁，凍檸茶….但感覺唔差，雲吞ok 中細size 易入口，冇乜肥豬肉，好食… 個介蘭和鯪魚球也唔差，冇乜Hea 做….啱我依d 快食快走之食客，又有啲要求的人.

今日去食 午餐， 滿海蝦雲吞麵食到最後發現一團小紙巾， 初時我認為是雲吞皮所以吃下去， 咬不開吐出來， 因為碗麵已經快食完， 我只是 細細聲 通知服務員一聲， 並冇任何要求， 她話畀返一碗麵我也說不用。 服務員看了紙巾一下， 說不好意思， 拿走同廚房講一下。 幾分鐘後 有另一個服務員阿姐出來， 大大聲 嗰個不是紙巾是雲吞皮， 佢出示我的雲吞麵， 我見到碗內已經沒有紙巾。 服務員自顧自大聲講完後就走了。 我跟他解釋你們拿走了紙巾她也當聽不到。 真是無語。 旁邊的 顧客 小姐， 都忍唔住說了一聲， 我剛才見到你 碗內的真是紙巾因為你咬不開吐出來。 一放落口紙巾的味道和雲吞皮的味道餐咁遠，我點會搞錯。 這樣的態度真是無語。 我又不是要你賠 又不是要你免費贈送，細細聲通知一聲等你有改善也這個態度。 你自己拿走張紙巾出來就說這些是你食淨的雲吞皮，說什麼嚇死你啦以為真係有紙巾的話，這些說話冤枉顧客，態度差。 我一個女士懶得同你爭執。 你哋自己冇改善，間餐廳又不是我，我有乜所謂

這家店的裝潢滿有現代感，食客以遊客居多，主打雲吞麵，但也供應粥品。皮蛋瘦肉粥$50這皮蛋瘦肉粥口感幾綿滑，皮旦有少少溏心，而瘦肉帶少少咸味，唔會好柴，粥的稠厚度適中，可惜吃到大半，有少少水狀，但味道是幾ok的。

夜深餓了, 想吃宵夜, 很多食店已準備關門, 見池記仍在營業, 格價是在可接受的範圍, 套餐的飲品有糖水可選擇, 簡簡單單一餐, 想速戰速決, 便入座了。超值套餐 - 古法竹昇麵餐 $571) 雲吞竹昇麵2) 海底椰雪耳糖水 (熱)雲吞竹昇麵份量不多, 作為宵夜份量剛好。竹昇麵爽身, 無鹼水味。雲吞有4粒, 蝦肉滿滿。湯底清澈, 整體不錯。海底椰雪耳糖水雖然點了熱的, 但不會燙口。糖水以杯上, 料多, 雪耳爽口, 紅棗滋潤, 甚是養生。

算不错，云吞面好食，好食，汤底也很好。以前他们价钱更贵的现在减价了很抵食。算是在尖沙咀。好食的云吞面， 还有他们的薏米水也不错呢， 热的好喝比较香，冻的比较爽。值得出推荐给大家。

從前也喜歡來尖沙咀這間池記，但已經很久沒有去過。今天剛巧經過，一個人，未吃午餐，我就一人走到裏面點了一個下午茶。我點了一個豬軟骨米粉及熱薏米水。豬軟骨味道不太濃，但也挺好吃的，米粉質地有驚喜，跟一般外面的粗米粉有分別，好吃👍🏻 但我忘記了拍照片😅 熱薏米水的size也很大，有姜味道，也不太甜。服務正常不過不失。但店內如果坐在裏面，我用的電訊公司是不收不到電話的，所以我把枱轉了在近門口的位置坐。會再過來幫襯，合口味，且價格很合理。