沙嗲王 (MPM文華商場) (已搬遷) 新店位置

禁晚市堂食前成個旺角可以食晚飯嘅地方都迫滿人，由旺角向油麻地方向邊行邊搵食行行下就到咗沙嗲王為咗食飽d兩個人點咗六款食物再加個朱古力沙冰！最驚喜係呢個紅酒牛肉飯，個蛋唔會太油，咖厘汁好好味個牛肉出奇彈牙，誠意推介

好耐無去食過沙嗲王食白咖喱豬，琴日啱啱好經過，就入去重拾當年回憶 同太太一齊去，我照舊白咖哩豬，太太話想試下個「滑lu lu 蛋沙嗲牛 more 王」+ 是日餐湯 & 蒜香烤餅。唔比較就無傷害，一比較，都係白咖哩豬好味

今日同朋友一齊嚟食沙嗲王，因為佢從來都未食過🤣🤣✨✨, 咁我呢就提議去食沙嗲王啦🙈🤣集體回憶黎架麻！咁啱就到下午茶時段，我哋分別叫咗沙嗲滑牛米線，同埋吉列魚柳咖喱米線！吉列魚柳啱啱新鮮炸起，好脆好熱。沙嗲滑牛就係平時沙嗲王嘅味道。呢度用手機下單會減兩蚊，但網絡接收唔到，上到嚟嘅時候想要求阿姐幫手落單，但等10分鐘又未見有人招呼，只係想人手落單啫，仲要收+1服務費！其實全餐飯個阿姐除咗上菜，係冇接觸過我哋，基本上冇服務可言，唔明點解要收+1服務費！等吓等吓，個網絡又load到入頁面落單，落完單之後，阿姐終於行埋黎問係咪要落單。

好耐冇食過沙嗲王，星期六原來都有午市優惠，而且價錢唔算太貴，所以行過旺角就去食下，方便快捷，旺角呢間分店位置好多，所以都唔係等咗好耐🤪❣️午市套餐：冬陰功海鮮拉麵配凍檸茶 $62+3呢個有驚喜，冬陰功湯底味道濃郁，而且配有頗多嘅海鮮，大蝦青口新鮮，仲有魷魚同蜆，溏心蛋有流心感覺，今次選擇左配拉麵，都好掛汁，拉麵口感煙韌，會回頭再食😜❣️椒鹽雞軟骨 $33呢個感覺上似食緊麥當勞嘅脆香雞翼，而且上枱嘅時候係熱辣辣，椒鹽味好夠，唔錯❣️芝士焗年糕 $32芝士味唔係好夠，反而白汁味好突出，年糕質感煙韌，對於芝士控嘅我有啲失望🥸🏦是次消費總額 $70.4（人均消費 $140.8） 🍴須加一服務費👅好味度：8（10分滿分）對於快餐來講呢一餐都算滿意，而且用手機點餐仲有兩蚊折扣，嘢食選擇都夠多，如果有時想食個快餐又諗唔到食咩，沙嗲王就幫到你啦😎

我是在七号的时候去吃的这家店，点的菜是：滑lulu咖喱猪扒饭。服务态度：按了好多次缺水，她们都自己听不到，虽然当天店里面挺多人，但是我们等了好久都没有人来帮我们换🙃不过她们愿意把我的咖喱另上我觉得挺好。味道方面：咖喱很好吃，滑蛋很好吃，猪扒朋友说好吃但是我不喜欢。重点❕❕：吃完之后的第二天早上，我肠胃炎了。我可以百分之一百确定那天我吃的其他东西没有问题，因为我朋友和我一起吃（她没问题）那个饭，只有猪扒和咖喱她吃了，滑蛋没吃。所以我非常欢迎这个滑蛋的质素到底见不见得光！肠胃炎难受了三四天，有了这次经历，我已经把这家店拉黑了。🙃🙃

相信大家對沙嗲王一啲都唔陌生係好多人嘅兒時回憶 😊適逢沙嗲王30週年 推出咗好多優惠👍今日就同大家介紹二人餐😊❤二人餐包：兩份前菜 兩份主食 一份小食 兩份甜品好豐富呀🌟😋下次唔貴 性價比好高 ＄238⭐ 蟹粉豆腐鍋配飯豆腐好滑😍上面有好多蟹肉蟹粉味唔算好出 味道偏鹹不過送飯一流❤本身鍾意食豆腐嘅朋友一定要試呀😝推薦指數：⭐⭐⭐⭐⭐⭐ 沙嗲肩胛肥牛粉絲香濃嘅沙嗲味粉絲索曬沙嗲汁鍾意重口味嘅朋友一定唔可以錯過😜🙌推薦指數：⭐⭐⭐⭐⭐ 鮮芒椰汁沙冰配寒天波波好香濃嘅芒果味沙冰口感夠滑好似飲緊甜品🤣入面有幾粒果肉配合寒天波波可以中和飲品既甜味👍❤推薦指數：⭐⭐⭐⭐⭐ 特濃朱古力沙冰濃沃嘅朱古力味上面仲有朱古力脆脆鐘意朱古力既朋友一定要試下🥰推薦指數：⭐⭐⭐⭐⭐ 牛油雞翼雞翼外面炸到好香脆雞肉嫩口不過未到唔算好驚喜🤣可能因為係原味有興趣嘅朋友可以試下其他口味😛推薦指數：⭐⭐⭐價格：⭐⭐⭐⭐⭐環境：⭐⭐⭐⭐味道：⭐⭐⭐⭐衛生：⭐⭐⭐⭐整體：⭐⭐⭐⭐⭐

幾乎每次嚟都食白咖哩， 但今次轉口味吉列咖哩豬扒飯， 豬扒大塊脆亦 juicy，芝士條好似炸春捲裏面包芝士，不過芝士唔夠香，但ok。牛油雞翼每次必食，水準依然。 朱古力阿華田沙冰非常濃有漏感覺。 戲肉嚟喇， 蟹粉豆腐煲， 上枱時個煲仲好滾， D湯汁豆腐仲係熱到起 Bubble， 我建議即刻撈勻成個煲啲湯肉豆腐， 我食第一啖估唔到啲蟹粉味即刻佈滿喺曬我個口度， 豆腐都好滑， 不過鹹咗少少， 但都忍唔住撈曬成個煲啲飯食。 店員帶位，清潔，落單都好快手，如果價錢能调低D就好。

熱辣辣出開嚟旺角，好多地方都要等位，所以唔使諗咁多一定係去呢間沙嗲王，呢到地方寬躺同就腳，加上位夠客人流轉得快有位。兩個囡一人一個經典既白咖喱豬扒飯同烏冬，每份都有三脆口大大塊既豬扒，配埋濃厚既白咖喱汁真係一流，食咗好多次都唔厭。我自己唔咪太肚餓，所以跟餐加了湯同蒜香烤餅，同加一份小食厚切薯條，咁樣已經好足夠。天氣咁熱，我哋點左兩杯鮮芒椰汁沙冰配寒天嚟冰，絕對係解暑一流既飲品，清甜又好有囗感，寒天又彈牙，阿囡都仲想叫多杯。整體來講，份量足料又抵食，環境寬敞又多位。😍

第一次食白咖喱，感覺唔錯，食到好重奶油味(聽聞係落椰汁而非奶油)之餘，咖喱味亦好出，正!豬扒唔會浸曬落d汁度，幾脆。不過個人想碗飯再多d，d飯食曬，都仲有餸剩！

今日係朗豪坊行完街，打算去街邊睇下有咩餐廳啱食，點知一出到去就見到沙嗲王既牌。我相信唔洗我唔洗再點介紹沙嗲王，因為只要做過學生既都會有食過，冇試過既都一定聽過，沙嗲王真係稱得上係我既兒時既回憶。所以同朋友二話不說就決定左今晚既晚餐係食佢啦！坐低之後，聞到好香既蝦醬味，原來係對面枱叫左蝦醬炒通菜，於是我地都唔執輸嗌左😋⭐️石鍋蝦醬炒通菜依然係好香蝦醬味，份量好足夠兩個人食！食到最後幾條浸住左啲汁就咸左少少⭐️椒鹽脆豆腐豆腐味道略淡，所以會加埋佢提供既豉油會更好味⭐️滑lulu蛋黃咖哩吉列豬扒飯肚餓得滯，所以食到得返少少先記得影相🤯份量好足，仲有大大件既吉列豬扒，咬落去又唔會太乾，再加埋咖哩汁，真係好好味，撈飯一流👍🏻食完真係好滿足🥰🥰

沙嗲王·中學兒時回憶當香港回憶慢慢逐漸消失時，有時候我都幾掛住沙嗲王嘅招牌白咖喱豬扒飯！而家餐廳響應環保用QR code 落單，可減$2 沙嗲王間唔時都仍會推出新餐牌 今次就試左新推嘅特濃沙嗲牛肉粉絲沙嗲王嘅沙嗲湯底的確非常濃郁，濃厚香滑花生味，粉絲掛滿汁。牛肉無俾鬆肉粉過度處理，合格。最開心仲有隻溏心蛋添另外有個時光倒流餐牌小食倒流番十幾年嘅價錢都幾抵食。每次必點炸蝦棒$19 炸雞軟骨$33酥脆唔厚粉，份量可以。味道其實已經好過好多日式餐廳白咖喱香茅豬扒飯$64由細細個食到而家除左價錢貴左好多之外，味道依然無變，每時感覺都係一樣！濃稠creamy又惹味嘅白咖哩，配3塊外脆內軟啖啖肉嘅豬扒，最令我欣賞就係佢地係用珍珠米。

白咖喱豬扒飯，個白咖喱有水準，唔會好淡，唔辣，味道啱啱好，豬扒份量都好多，但係略嫌有少少硬，軟身少少會好啲，點埋汁食，都算唔錯，個飯軟硬度適中，撈汁食飯好開胃。生炸雞翼值得推薦，炸得好香口，裏面好多汁，仍然有雞味。可以揀要兩隻定四隻定係六隻。炸饅頭新鮮炸起，唔會硬身，個皮好脆，內裏鬆軟，配合埋煉奶，小朋友大人都啱食，價格合理，份量又OK。餐廳係用app自助點餐，環境好大，有好多枱，但係侍應唔多，服務一般。

經過沙嗲皇，諗起細細個成日食既白咖哩豬扒飯😆回憶味返黎🤣🤣宜家裝修靚咗以前好多！乾淨好多！又唔洗排隊！宜家仲有分小鳥派同滿足派，小鳥派既白咖喱豬扒飯份量岩岩好，岩曬細食既人士。味道保持一貫水準！豬扒同白咖喱都好好味！😋椒鹽軟殼蟹都係keep得到水準！👍🏻

一直都係沙嗲嘅熱愛分子🤩咁岩經過突然心血來潮就行咗上去食沙嗲肥牛粉絲，一直都保持水準，勁重沙嗲同花生嘅香味，正避風塘鮮魷，鮮魷炸到好香，連埋啲蒜蓉溝埋一齊好夾😍好惹味

依家已經要自己落單，地點又收得差又冇WiFi ，冇咗嘅食物又唔事先講，落單個下先發現，但本身就係為住呢個嘢食而嚟。樓面勁少人，有事要舉勁耐手先有人幫到你，講真食物價錢都唔算平，仲要收加一嘅服務費，但係一啲服務都冇，收餐具嘅時候又推成架污糟餐具車周圍走，為方便就成架車放你隔離，依家咩時候？一啲衛生常識都冇