沙嗲王 (樂富廣場)

營業中

休息中

午餐白咖喱香茅豬扒飯$65好耐無食水準依然👍🏻豬扒有四大塊 個飯亦都好大應該有成碗半飯 佢嘅咖喱汁一如既往咁好食好好送飯🤪女仔可以share食 一個女仔食嘅話真係會食唔晒白咖喱香茅豬扒烏冬$68 朋友唔想食飯但又想食白咖喱個汁 所以佢嗌咗呢個烏冬 不過烏冬用湯煮所以白咖喱會稀啲🥲無咁濃味 如果佢可以做到好似飯一樣咁濃就好啦可能整個撈烏冬(?)😂豬扒真係好厚好大塊😍蒜香牛油烤餅(兩件)+4蒜香牛油雞翼(兩件)+20呢兩個都普通 唔係特別好食 兩樣都係唔熱嘅 而且無咩蒜香味 有啲失望

🇭🇰｜沙嗲王📍樂富聯合道198號樂富廣場1樓1101-1102號舖——————————————最近又到左畢業禮嘅季節 參加完朋友嘅畢業禮 話咁快又入夜係時候係附近搵下有咩食如果係學生/附近打工仔不防可以參考下～～ 🔖白咖喱香茅豬扒飯 HKD68🌕🌕🌕🌕🌕佢 個 豬 扒 超 級 軟 林 😍😍平時有得揀肉 都唔會先揀食豬扒嘅我 收穫驚喜 香茅味好出 而且豬扒經過油炸 好香口加上白咖哩個汁 甜而不辣 成件事好啱送飯🔖鐵板雞扒飯🌕🌕🌗🌑🌑非常之一般嘅一個鐵板飯雞扒只係得黑椒味 肉質都還好唔會話雞扒鞋晒 但配菜有啲少 顯得成個鐵板有啲寡🔖牛油蔥餅（2件）HKD4🌕🌑🌑🌑🌑雖然佢係4蚊 但我無expect過真係咁普通一食就知係平時係超市到嘅蔥油餅😂一塊仲要得1/4 但4蚊真係唔好expect咁多 算係咁

最近去咗樂富廣場嘅沙嗲王食飯，真係好正啊！試咗佢哋嘅滑lulu蛋黃咖喱厚切吉列豬扒飯，份量好足料，絕對夠食！豬扒好嫩滑，肉質好好，搭配上啲蛋黃咖喱汁，真係好香濃，啖啖都係滋味！🤤要特別一提，佢哋嘅滑蛋真係好滑好軟，好好味！但overall又唔會太膩，仲要平靚正！👍絕對會再嚟食多次！除咗食物之外，沙嗲王嘅環境同服務都好好。仲有濕紙巾提供，夠晒貼心。會話佢哋嘅滑lulu蛋黃咖喱厚切吉列豬扒飯係一定要試嘅菜式，不過當然其他嘅菜式同埋餐廳嘅環境同服務都幾出色啦，未食過嘅話絕對值得一試

不嬲都係沙嗲王捧場客 但係鍾意落荃灣多啲 呢間試過幾次 真係”唔會唔令你誤失望“ 佢啲豬扒真係好隨意唔同分量咁畀你 今次得一塊好薄好細嘅豬扒加一舊一蚊咁大舊嘅豬扒我見其他嘅人一係一塊大豬扒 一係兩塊小豬扒 明顯我呢碗 求求其其👎👎之前嘅豬扒米線有跟溏心蛋 而家要加錢變相加價 12蚊多一隻糖心蛋同兩片薄餅 早餐已經過50蚊 服務員態度亦唔見得值得讚賞座位呢間比較迫夾 經常要搭枱 成日喺app叫人反映意見 但係你有你反映 佢有佢唔理 有乜用呢😢😢😢

打完波 總是餓沙嗲王 選擇多今日同朋友打完波去食飯白咖喱豬扒飯 $69白咖喱微辣 豬扒肉質嫩滑 －碟有三塊沙嗲牛肩胛粉絲沙嗲味濃 粉絲爽口 鮮茄焗豬扒飯香濃蕃茄味 厚切豬扒 唔鞋石鍋烏冬熱騰騰 份量十足仲叫左炸薯條 同豬頸肉 真係大飽口福😋😋

價錢唔平，但係味道唔錯嘅午餐🥲🌟附近返工表示 冇咩選擇，呢間算係幾好🤣🤣((沙嗲就真係係麻麻哋，其他黃咖喱白咖喱就幾ok))🌟黃咖哩鐵板Grill嫩巨髀飯 $78呢個雞髀飯，我起碼食咗三次(⁎⁍̴̛ᴗ⁍̴̛⁎)滑lulu蛋黃咖喱厚切吉列豬扒飯 $75白咖竰一口炸雞飯 $62📍地址:樂富聯合道198號樂富廣場一樓1101-1102號鋪⏰營業時間:星期一至四,日 07:00-21:30星期五至六,公眾假期 07:00-22:00

一家幾口👨‍👩‍👧‍👦食dinner，星期六的晚上，附近都不用等位，反正這夜寒風刺骨🌬️，就吃點熱的🍽️。永遠不令人失望的是白咖喱豬扒飯。🤍白咖喱汁香而不辣，豬扒🐖三件，熱辣辣、香脆炸起、肉質淋軟⋯⋯讓人輕易食晒一大碟。$69再加一，稍有點貴啦⋯⋯但水準是穩定。👍🏻加$18可配薄餅兩片，香脆、溫熱，用來「索汁」一流呀😋滑lu lu蛋飯跟沙嗲牛肉，小孩覺得微微辣，下次食番同系列的吉豬好了

今日早咗放工，就即刻去咗樂富嗰間食沙嗲煲，去到6:30真係即刻可以入去唔使排隊🤭沙嗲王好耐冇食啦，以前細細個就食白咖喱，上兩個禮拜行過見到唔同晒，咁啱最近又好想食沙嗲牛，跟住入去就即刻叫咗個石鍋沙嗲，哇！好似好惹味喎，跟住見其他人上載啲相都好正，我就叫咗個爆茜石鍋，佢啲沙嗲香味好勁👍🏻香噴噴勁多花生粒🥜撈埋粉絲食真係好夾，不過唔知係咪因為加咗湯，我覺得薄咗少少，但係朋友食沙嗲撈就完全冇呢個問題，下次大家識叫啦！😋

琴晚去咗樂富商場嘅沙嗲王，排咗大概10分鐘，就可以入座喇。叫咗一個二人套餐，有青瓜，煙肉娃娃菜做前菜主菜就係白咖喱烏冬，和石鍋沙嗲牛肉白咖喱湯正常發揮，都係好食嘅，但係欠缺白咖喱飯嘅白咖喱汁，所以如果佢配埋白咖喱汁就會更好啦。去到石鍋沙嗲牛肉，就出事啦，沙嗲比較稀，牛肉完全冇味，好似湯浸牛肉咁，真係幾唔好食。加左一個越南炸春卷，正常發揮，幾好食嘅最後都好飽，甜品都要外賣拎走，有兩個Häagen-Dazs雪糕，都幾好。

以前中學嗰陣時成日食沙嗲王最鍾意食白咖喱豬扒飯果時都好平都係40幾蚊一個而家已經加晒價囉普通叫一個白咖喱豬扒飯都已經60幾蚊仲要冇嘢飲所以就選擇左一個二人餐有小食有嘢飲同埋有甜品

首先奶茶叫多奶,但飲咗之後個味係好似無加到奶,只有水和茶的味道。然後石鍋蟹粉豆腐,蟹肉少不說還有點腥除了表面少少一的蟹肉底下全冇,服務費還貴幾乎不是吃飽而是嬲飽

沙嗲王的白咖哩在香港已有數十年歷史，在很多人心中已留下此味道的記憶。每次心中想回味一下，大家自然光顧沙嗲王。白咖哩是用一些簡單食材在家中也可以煮出的味道。主要食材有乾葱、咖喱粉、香茅、薑、香葉和椰漿。相信不少朋友在家都能煮出稱心滿意的白咖哩，但同時又要吃到其他食物，都務必大費周章。不如走出家門，到沙嗲王一次過飽餐一頓。今日與太太到樂富店回味一下白咖哩，加一客印度薄餅，以解思念之愁。將印度薄餅和白咖哩一齊放進嘴裏，香茅、香葉、椰香淡淡地滲進口腔內，加上新鮮的薄餅，感到非常幸福。蔥油雞扒飯的蔥油份量太多，令雞扒和飯都變得油膩，有改善空間。白咖哩吉列豬扒飯蔥油雞扒飯印度薄餅牛油烤餅加粟米湯

之前食開尖沙咀嗰間，但執左之後冇再食過，咁啱經開樂富有沙嗲王咪同朋友食左個二人餐，點知質素差左咁多，難食到嘔，服務態度極差，以後都唔會再食沙嗲王。首先個涼拌小黃瓜雪到結晒冰，凍到好似雪條咁，味都又淡，調味唔足。蟹粉頭腐鍋飯同個香茅豬扒飯叫正常但唔算好食，同一般去大家樂食個碟頭飯差唔多味。最伏係個雞軟骨，食落竟然係甜，味道好奇怪，難食到嘔。我同侍應反映，侍應一味詭辯話係咁既味，因為係咩陳皮雞軟骨喎，但我真係完全食唔到有陳皮味囉，只食到甜味，好似食糖咁甜。而且，張單都寫明係鹹。佢地既態度就係難食你既事，又唔係我食，闊佬懶理，敷衍了事。仲有2杯Häagen-Dazs，一係唔好包，包就包大杯啲，得嗰75ml，到喉唔到肺，雖然餐牌有寫明。疫情底下百業艱難，尤其飲食業，如果唔係咁過份我都真係好少會特登花時間寫負評，但今次真係太離譜，從野食到服務態度都差到一個點，冇服務要收服務費，仲差過M記大家樂，好似唔想做咁。樂富既朋友，樂富大把野食，免得過真係唔好揀沙嗲王，但如果你想試伏可以試下。2個人食差唔多三百，真係仲有好多其他選擇，呢餐一啲都唔值呢個價，貼錢買難受。

已經唔係第一次, 對佢哋非常失望, 外賣白豬扒粉絲, 由樂富攞到返沙田屋企, 先發現豬扒粉絲走豬扒, 唸住喺佢哋apps返映, 點知打完篇野send出後apps顯示error, 看來只接受高評comment

之前食過沙嗲王早餐，覺得都幾好，見 join咗 member生日月有＄50 coupon就同媽咪去試下。以前去嘅沙嗲王裝修都係黑黑暗暗，我唔太喜歡，樂富依間夠光猛，坐位都坐得舒服，但冷氣就大咗啲，去食嘢記得著褸啊！焗豬扒飯，唔會焗到乾晒，豬扒夠軟滑👍牛柳粒焗飯，阿女好鐘意食，入面仲有流心蛋，好味！鬆餅好鬆脆，超好味！但個頭盤拼盤就差啲，$69唔太抵。生日有coupon減$50另外有張焗飯coupon減$5,仲有一張$2 coupon, total減$57。