沾仔記麵食

營業中

休息中

15/12/2024 星期日大概下午十二時許，我在該店買雲吞麵外賣。在海外多年後回港不久，本人不常以外賣形式光顧，更是首次在本區這店買外賣。付款後不久，想到想要醋和辣油。小小一碗食物，自問我已很自律，為免要麻煩職員以小容器盛載醋和辣油給我(在同區另一粉麵小炒店，老闆完全做得到，亦很樂意)，我禮貌亦歉意的對職員説，”唔好意思，唔該我想落埋醋和辣油”。這位屬阿嬸年紀，黑曲髮，沒有戴眼鏡的”極品”，聽到我的要求後，立即以惡劣態度大聲回答，”你唔早啲講!!!!!?????”。天啊，我犯了大罪嗎？她只是正為塑膠碗蓋蓋而已，開一開也許令她覺得是比登天要難的一個動作。站在其一桌子旁的我就説，”咁我自己落呀”，以免令她太辛苦太手痛。她在出食物位回頭行到桌邊，繼續高聲的呼喝我説，”你出去，唔好阻住我做嘢!!!!!”。最後食時發覺，她只落了辣油無落醋。現在是2024年，近乎所有大小連鎖或獨立小店都會注重顧客服務。即使土瓜灣是舊區，但食肆多不勝數，沾仔記仲要係有品牌，這位阿嬸竟然可以這樣對客人。店中有幾個客人不能在網上做我證人，我自問好好態度作出要求，即使遲了幾十秒，都不至於要受她這樣對待吧。食物固然重要，

本人非常鍾意吃雲吞，但在香港好吃的雲吞店五隻手指數得晒！這間屬我所喜愛的，每粒雲吞也充滿原隻蝦肉，蝦肉爽蛋鮮味，屬真材實料，一碗雲吞麵只是$33，讚！😍😍😍

每次工聯會興趣班落堂經過都見"沾仔記"坐滿人,今次剛啱有卡位😄就隨意進內試試喇。坐落叫咗$32/1碗嘅雲吞面。果然名不虛傳!1)面底爽滑彈牙👍👍2)湯底純粹大地魚清甜味,無食到其他味道。3)三隻大雲吞足足有匙羹咁大🤩4)辣椒都好正

分量真的很足，鲮鱼球很大个，一人份吃到撑。都是街里街坊在光顾，也有很多人打包，确实实惠。服务员大姐很热情，招呼客人就像在自己家，虽然店面不大，但是温馨。不过可能不会再去，味道没有什么记忆点

今晚食碗麵🤣鋪頭細細麵餸只有4款😛包括牛肉🐮鮮蝦雲吞🦐鯪魚球🐟及墨魚丸🦑我就鍾意鮮蝦雲吞😍一碗有兩粒成個乒乓波球咁大嘅全蝦雲吞🥳大大粒好彈牙😍兩粒有啲唔夠喉🙈墨魚丸🦑好足料🤤食到有墨魚肉係中間😍又彈牙又鮮味😎鯪魚球屬於正正常常冇魚腥味👍

小店較狹窄，大約可坐十位顧客。但勝在性價比高，試過魚蛋、墨魚丸、鯪魚球，但都是覺得雲吞最為岀色。蝦肉滿滿，而且內裡非常juicy，肉汁鮮味非常，一碗雲吞米有三粒大雲呑，外賣價格為$31，真是無可挑剔。

成個湯淡到不得了。完全唔好食 冇下次 店內姐姐又話自己間野有幾出名 仲諗住有幾出色。點知 太失望 仲要得個幾樣野揀。唔會再食….附近大把選擇⋯⋯食雲吞麵想加D腩汁都冇 9588

夜晚叫咗雙拼撈麵外賣，牛肉雲吞，竟然都可以俾漏雲吞，呃我十幾蚊，返到屋企打去佢話閂咗舖，第二日俾返我。第二日去到竟然話冇得退錢，個收銀女人唔戴口罩，態度惡劣，話淨係可以俾雲吞我。50蚊買碗撈麵最想食雲吞，竟然十幾蚊都要呃人。我已經唔想再食呢間冇良心店。真係好嬲，返到屋企見倒冇雲吞已經好嬲好嬲，第二日仲要玩我，真係好奸，未食過一間咁冇良心嘅食店，你話即刻叫我落返去攞都算，第二日我仲駛食你啲嘢？真係呢世唔會再食！

今日唔係好肚餓所以就選擇平平地嘅沾仔記, 雖然話就話平平地, 不過其實都貴過一開始食好多喇。🥢墨魚丸麵麵嘅份量偏少, 如果比較肚餓就應該會唔夠食, 不過麵嘅軟硬度適中, 係好食嘅 。墨魚丸好爽滑, 唔會覺得好粉一舊舊。🥢牛肉麵新鮮牛肉好嫩滑, 肉質軟腍, 牛肉嘅份量亦都好多, 足夠平均分配由頭食到尾。🥢雲吞麵沾仔記嘅雲吞好出名, 因為大大粒, 雲吞皮好薄, 不過煮完都唔會穿/ 散開。裡面 d 蝦好新鮮, 用幾隻蝦包埋一齊, 所以好有口感。值得一提嘅係個辣椒油, 夠辣亦好惹味。整體食物都 Ok, 如果唔太肚餓係可以一食。

今朝一早起身出咗門口，見到間好似老字號既麵家，諗住入去食個早餐。餐牌都係普通麵家會有嘅粉麵。呢間嘢個服務極差，基本上由入門口到坐低，都唔會有人理你。舉手叫侍應都掂行掂過，同佢叫嘢食都唔會應人，有冇聽到我都唔知。最後都成功叫到一個麵餐，墨魚丸加魚片河粉。加杯熱奶茶。點知上左個麵，唔係河粉。我都算，趕時間照食。墨魚丸得嗰三粒，細細粒，仲衰過超市買急凍嗰啲。魚片得嗰兩塊。冇其他配菜，蔥都冇一粒。呢間嘢標榜佢嘅魚湯，碗湯望落係魚湯嘅顏色，但係一啲魚味都冇。剩係得浸辣辣地嘅白胡椒味。杯奶茶就普通茶餐廳質素，冇咩特別。之後都唔會再返嚟食🙁自己屋企淥個即食麵仲好

沾仔記有好多分店！但我覺得最好食係土瓜灣分店，它的鮮牛肉比其他分店美味得多！水準平均，冇失手！鮮牛肉米/麵鮮牛肉，極之美味，只要有叫鮮牛肉，湯味即刻變成香濃美味，加上獨家辣椒油，豉油及紅醋！成碗麵湯非常好飲，不能停口！當然，湯本身帶有味精的！飲後非常口渴！不過，真的值得一試，其他分店沒有此功力！鮮蝦雲吞，出名大粒，又彈口！以前雲吞內的鮮蝦，沒有去蝦腸，不好香也不衞生！但近年已經改進！蝦腸沒有了，使雲吞更好味，食得更放心！

這間沾仔記，食物種類不多，只有四種：雲吞、牛肉、鯪魚球、墨魚丸。其中以雲吞、鯪魚球最美味。今天我叫了雲吞河$26，雲吞大大粒，每粒都有飽滿的蝦肉而沒有瘦肉的。而湯頭清甜。

i just walk by the place and remembered in Toronto has the same restaurant name on 雲吞麵， so I went in check out if it's the same one I like in Toronto.雲吞面Well, not exactly. the soup is as flavorful as the one in Toronto.the 雲吞 is big but that good. I would not go back.

沾仔記係我由細到大都係好鍾意食嘅一間麵舖, 咁事源今日我喺度諗我食咩嘅時候,就突然醒起我好耐冇食過沾仔記,好懷念佢嘅味道, 所以就突如其來去咗沾仔記買外賣。 咁我就嗌咗個雲吞牛肉麵, 而且價錢都唔算太貴 35蚊。咁我第一啖直落去嘅時候,就覺得好有回憶, 因為可以食到小時候嘅味道,所以成個人都覺得好開心, 而且嗰度啲姨姨都好nice, 喺你等緊外賣嘅時候佢都會同你傾下計, 所以喺等緊外賣嘅期間我都唔會覺得悶。總括呢間嘢係好抵食, 如果有住喺土瓜灣嘅朋友仔都可以嚟試下。

我經常光顧這間少店，因為離公司不遠，所以趕時間的時候，都會來這裡，這裡座位不是很多只有十幾個位。這裡亦提供火鍋配料，全部都是未熟的，有雲吞、鯪魚肉、墨魚丸、牛肉。這裡只有幾款食物提供，雲吞、鯪魚肉、墨魚丸、牛肉、油菜。我吃過全部，個人稍為喜愛雲吞，因此今日我叫了雲吞米$26，雲吞不是傳統鳯尾雲吞，是沒有豬肉的，反而蝦是全隻的，所以吃落非常彈牙，而且鮮甜，至於湯底亦不是大地魚湯底，而是比較清甜的湯底。