泉章居 (已結業)

在銅鑼灣街行到腳軟....附近行左幾個圈都唔知食乜好剛剛樓下有阿姐派傳單。仲話對面街口樓上就是！下午茶兩點十五分開始。價錢唔係貴，仲有幾位鐘開始，就上去試吓啦。我們點了乾炒豬扒公仔麵同呢度最出名的鹽焗雞飯同埋菜肉雲吞。先講乾炒豬扒公仔麵炒麵炒得乾身又不太油豬扒切條而份量不少, 肉質算是嫩。但是沒有煎香去炒令人有點失望講番個雞飯，都真係幾唔錯，雞肉帶咸香！幾滑幾重雞味雞唔會太肥，皮唔會痴住好多油，加埋個沙薑醬，幾好味！唔怪得睇食評咁多人讚。菜肉雲吞，雲吞非常皮薄又滑，咬落去好多汁呀...滿口都係蔬菜同豬肉汁吃得實在滋味入面啲菜竟然是爽口的, 有菜甜味兩點十五分左右坐到五點半都無人趕

星期六帶埋爸爸媽媽、姪仔一齊入海洋公園，扶老攜幼真係唔係一件容易嘅事，同佢哋喺園內行咗半日、加埋推BB車，仲辛苦過擔泥😅 不過難得出嚟玩，梗係要盡興而歸啦。媽媽提議食埋晚飯先返屋企，爸爸當然舉腳贊成，仲話要去「泉章居」懷舊吓。嚟到「泉章居」梗係要叫雞啦🤣 我哋叫咗個二人餐... 唔係孤寒，而係怕食唔哂啫，因為個套餐已經包咗一碟 #霸王雞、#例湯，之後我哋仲可以自選兩個餸，媽媽就揀咗 #蒜蓉蒸開邊蝦、而我就幫爸爸揸主意要個 #枝竹炆斑頭腩😄霸王雞肉質好嫩滑，不過就咸咗啲，一定要跟白飯🤪 蒜蓉蝦個醬汁好野味，不過啲蝦就迷你咗啲喇👉🏻👈🏻 至於個 #例湯 都唔錯吖👍🏻 成晚係得個 #斑頭腩 差咗啲，食物唔夠熱對 #小秘書 嚟講係大忌🥴 不過不得不提嘅係佢嘅 #魚湯米線 ，湯底好鮮味、米線質感都好好！個套餐話就話係$328，不過加埋啲飯、茶錢、加一都接近$500埋單👀 好在我哋飽飽無再加嘢啫🤣

1. 味精超多2. 除咗味精之外，所有餸菜完全無味！3. 客家菜梅菜扣肉差過罐頭再用微波爐打熱4. 招呼絶對無禮貌5. 價錢與質量絶對係反比決定絶對唔會再去！各位顧客小心！

已經喺🙅🏻‍♀️發誓list差不多2年... 今日因為Uncle去完瑞典返嚟好想食.. 於是決定俾多一次機會大家再遇🔙今晚菜單📋如下⬇️鹽焗雞🐔😍好開心能夠重拾愛你嘅感覺💟金銀蛋浸時菜🥬今晚個時菜係白菜仔..煮得夠淋..雞湯好入味鹹魚雞粒豆腐煲🍲油咗少少不過鹹魚同雞粒都好香

記得小時候爸爸媽媽時常帶我們出外吃飯，我們常常光顧的酒家就是「泉章居」，喜歡吃那裏的金牌鹽焗雞。但已很久沒有光顧了，昨晚趁去工展會之前專誠去銅鑼灣廣場一期的那間分店懷緬一番。以前一期泉章居有兩層，原來依家只剩返8樓一層，依然座無虛席，還要等位入座。金牌鹽焗雞泉章居最出名就係金牌鹽焗雞，齋看隻雞髀已經知隻雞有幾大隻，但沒有太多的肥膏，皮薄又滑，肉厚且嫩，好好味，但如果雞件斬得細件啲就更加好了。枝竹火腩豆腐煲用鐵鍋上以保存熱度，靠煲邊的枝竹和火腩熱辣辣，但豆腐只是微暖，應該是煮好了才放入鍋內就上枱，材料入味，但蔬菜稍為少了一點。這裏還有很多客家菜式也很出名，由於今次只得兩人，能食的款式比較少。基本上這裏的水準不過不失，但喜歡的是一份昔日的情懷。

平安夜約朋友黎泉章居食晚餐，味道保持一貫水平，可惜服務質素都依然係侍應們仍然係黑口黑面😩😩叫左1個辣椒醬，嗌左3次都無黎過😢😢明白依家飲食業難請人，但係...我都只係想要個辣椒醬姐😭😭3個女人仔嗌左個2人餐$328,有霸王雞＋牛仔骨煲＋蝦仁炒蛋＋例湯，再加一個蒜蓉炒豆苗，盛惠$480個大洋霸王雞真係好滑，又唔會太多肥膏，淋上蔥更加無得頂；的確係名不虛傳...蝦仁炒蛋送飯一流，蒜蓉豆苗＆例湯有家的感覺牛仔骨個人覺得有少少咸 ，下次未必會再嗌

是日冬至，訂位在銅鑼灣泉章居。本來節日飯局理應開開心心，但今次卻是一肚子氣。這店食物質素沒大問題，但服務態度真的不敢恭維，難道真是店大欺客？大時大節，晚飯旺季，要做多幾轉不是問題，訂位說是一個半鐘，我認為可以，便訂位。原本訂7點半，到8點才有位入座，吃了45分還未到，便有部長來問，餸是否齊了，可否先埋單。我表示還未吃完，但可以先埋單，反正遲早也是要埋。怎知，這個收我信用卡，那個就來執檯。唔係嘛，我們還在吃呀，筷子還未放低，如果不是喝止得快，有大半碟食物就浪費了。真係希望這些老店除了食物質素外，亦應注意待客的態度。

同家人一行9人到銅鑼灣分店食下午茶，平時係上環幫襯開泉將居，食物同服務質素一向好，但無諗過銅鑼灣呢間服態度差到咁，特別係某位男部長，唔想做咁既款，問佢可唔可以換張大枱免得阻住通道，佢直情理都唔理我地，真係未食都已經一肚氣！下次我一定唔會介紹人黎銅鑼灣呢間分店食，就算食物質素好，但服務態度咁差就真係唔值得介紹人去😡😡

上一次去銅鑼灣泉章居已經成10年前，當時上下兩層。每次都要排隊排成粒鐘嘅。今時今日已經完成唔同。一行4人點咗同4人套餐，另加3隻蟹拑⋯⋯蟹拑$60/集＋10%，冇味冇道，可以話不吃也擺。其它套餐選咗霸王雞，尚算及格。應該N年之內都唔會再去

11月28日預約12月1日(星期六)下午六時五人食晚飯，當時侍應在電話確時間是六時至八時，下午八時前交枱。當日(12月1日)下午五時四十五分我們到達取枱，有位侍應小姐說你們要七時十五分交枱，我們問理由，竟然是你們巳取枱，要立即起鐘。我說朋友未到，她說這是你們的問題。我們因有老人家，不想再去別處找位。我們叫部長來，他只重覆女侍應的說話，一句唔好意思也久奉。幸好我們的朋友六時巳到。我們即時點了一個六人套餐，六時十五分巳上齊所有食物，但全不是熱的(包括湯及白飯)，還有那隻鹽焗雞被偷了四分一有多。我們知道再向他們說甚麽都是多餘的。我們只有怱怱食完離場，時間是六時五十分。走時巳有量內地人在電梯口等位，我們終於明白這間老店巳不是香港人的酒樓。順帶一提，我們入坐時，隔鄰一枱剛拉隊走人，他們對我們說這間酒樓是趕客的。

一星期前預約星期六八點。過了幾日致電加人數，竟然話無記錄。接聽員說無問題，可以做回記錄。已流汗（之後發現有沒有記錄也沒關係）。星期六大約7:45到達，人山人海，詢問太約幾點有檯，接待處竟然告知訂了檯也要排隊，不知道幾時有檯。請問究竟訂檯意思何在呢？當然即時離開，亦不會有下次。

很久沒去泉章居食飯自從佢裝修完之後都冇去過 今日特登去光顧 好快已經坐滿 我哋叫咗個四人套餐加一碟菜 啲餸嚟到 碟碟餸好似畀人偷咗一半 啲湯又凍嘅 超難頂 好失望 服務 又 差 侍應個個木口木面好似行屍走肉咁我唔會再去呢間幫襯 我本人喺泉章居嘅超級fans而家都要諗一諗 我希望其他泉章居分店唔係咁嘅水準 如果唔係搵鬼去食呀🙄🙄🙄咁嘅質素花咗721蚊真係超唔抵 又冇糖水送

泉章居的鹽焗雞一定是必食的選擇，這次來到也不例外。今晚的京都骨出奇的好食。環境一般。檯之間距離太近。感覺生意沒有以前好了，八點左右有很多空檯。家人聚會不錯的選擇，特別適合老人家的傳統胃口。

今日同家人食飯做節，已經比原定訂枱7：45提早到達，到達時見門口人山人海，已心知不妙，之後講左booking number後便耐心地等待安排坐位，因為在訂枱時職員話要等到8點第一輪完結後便會安排第二輪的，誰知等到8點45還未能安排到，原因是第一輪客人未食完，未能還枱，追問下先知大枱的客人7：30才入坐！！天啊！這是怎樣的安排呀！之後再細問下，大枱只有2張，客人7點半入坐的說是第二輪，那我們真正的第二輪還要等多久呢😔😔！在眾人開始鼓噪下（當時已經8點半了）職員才開始安排第一輪食客埋單，之後眼見她們正在安排一張大枱，心想應該到我們吧！（因為當時職員話我們是大枱的第一位，一定會按次序安排不可打尖的），誰知她們竟然是安排坐位給在我之後排隊的客人，原因就是她們不停的投訴！天啊！這是什麼道理啊！投訴就可以先入坐嗎？我們這樣按規矩排隊的，難道有錯嗎？真叫人氣憤呀！這樣的服務真是要不得！！

我們好耐無食泉章居，裝修完剩番一層，過來試下有冇退步先好香雞味，爽肉多汁食落不似鴨肉，好似叉燒西芹味香濃，肉類太淡甚至無味燒肉好香，豆腐大大块，枝竹吸味好香炒飯，瑤柱碎好多，配埋蛋香，粒粒飯爽章魚湯偏鹹好多人啊