泉章居 (已結業)

這間老店的招牌菜就是霸王雞，想吃正中的霸王雞，就會想起泉章居。晚餐點套餐最抵食，一道主菜，配上，兩道小菜及一窩老火湯，就是兩人餐了。梅菜扣肉，肉的質感及梅菜的味道，都是絕佳的組合配搭！蟹肉扒豆苗，是一碟受歡迎的小菜。

同屋企人食中秋飯 就book左泉章居食叫左d小菜椒鹽豆腐炸得好脆口 但略嫌唔係太入味 d椒鹽好有味 但一夾就會跌哂😂所以送入口嗰陣 真係得豆腐味 加少少咸咁椒鹽鮮魷都係炸得好香脆 好好味 鮮魷入味d葱油雞葱油好香口 雞本身都夠味 兩煮夾埋好好食 雪味都唔明顯 lamlam脷溫公齋煲好香南乳味 d粉絲索哂d汁真係冇得彈🤪🤪🤪茄子都煮得夠淋好好味 又有娃娃菜 粟米芯同好多菇都足料既瑤柱蛋白炒飯佢唔至面頭d乾瑤柱碎 佢個炒飯入面都有好多瑤柱碎 基本上食既每啖飯都有瑤柱既咸香 加埋菜粒有d唔同既口感整體上佢菜都ok既 係略嫌d staff既態度有大大改善空間😪

數數手指🤲🏻 #小秘書 已經唔知有幾多年無上過嚟 #泉章居 食飯喇！以往大排長龍嘅日子，呢晚變得 #水靜河飛👉🏻👈🏻 飯店裡面大概只有一半嘅食客... 都好🤪我哋再唔使被避食快餐喇😅 呢晚以為可以慢慢嘆啦... 點知隔離坐咗成班中佬👱🏻‍♂️🧔🏼成晚喺度大叫大嘈😖 想飲酒啫，可以落bar㗎... 真係好想走過去問佢哋嘈夠未😅🤣不過為咗保持儀態，我忍佢哋🤪 話哂呢晚係 #老大 嘅生日飯。我哋成班大胃王，5個人居然叫咗個 #6人餐 再加個 #冬瓜盅，咪以為會食唔哂呀，最後都清得七七八八🤩 #小秘書 就最欣賞 #霸王雞 上面嘅 #蔥☺️ 咁當然隻 #雞🐣都做得好出色啦，雞肉好滑又唔會太生、係咸左少少囉😉 個 #冬瓜盅 就大到無論，我哋幾乎每個人飲咗三四碗都未食晒😅 不過唔緊要啦... 夏天食多啲 #冬瓜 #消暑 呀嘛。至於其他 #餸菜，#梅菜蒸鯇魚、#京都焗肉排、同 #豉油王煎蝦 都ok㗎☺️ 其實 #小秘書 都幾鍾意食 #中菜 㗎，大家有興趣嘅話，遲啲再約我嚟食 #冬瓜盅 啦😋

很多foodie中意試新派菜，或者係一d有綽頭有爆點既野食，但我地美食偵探就只會以味蕾去分辨出菜色的好與壞，只要一間餐廳用心弄出好味既菜色就會介紹。 #泉章居 係一間老牌中菜館，上一個年代既人好多都會聽過，餐廳不論係裝横到環境氛圍，都好有老香港既味道。黎度呢度我會真心推介呢個豆腐鍋，看似平平無奇，但餐廳採購的豆腐極新鮮，整個鍋充斥住豆香，加上裡面的鑲魚肉跟清湯底真係好夾。每個豆腐都是大大份，份量絕對十足。佢地既霸王雞亦都係必試。雞肉嫩口而味鮮，選用的雞不太肥也不太瘦。雞油配上葱油真係要配幾碗白飯撈飯先夠。流口水速度： 7.5/10

父親節前後， 隨街搵一間酒樓食餐中菜都要三四千蚊起跳， 仲要食埋嗰啲例牌菜式， 所以我哋見泉章居喺父親節前一日都可以散叫， 就決定再去會一會佢。我哋一行十大三小， 叫咗一個六人餐同四人餐，都已經夠哂食。叫咗啲咩食大家可以參考下下面張單泉章居嘅食物質素不嬲唔差，全部都係可食用範圍。喺度講返我當中嘅推介：1. 霸王雞： 嫩滑有雞味， 另備有沙薑汁， 鍾意重口味嘅可以點嚟食。 我自己鍾意連埋面頭d蔥點沙薑一齊食2. 梅菜扣肉： 送白飯最正， 但亦都係最肥最邪惡嘅講完嘢食，要提返大家泉章居不嬲啲座位都係比較迫，加上我哋嗰晚係父親節前夕，爆曬場，啲侍應個個都已經做到黑口黑面，完全零服務，但我一早有心理準備，所以我係體諒既。但追求舒適好服務嘅朋友仔就諗清楚先啦。

我們一家二十幾年來，每逢做節和慶祝食飯，都來這間泉章居，由波斯富街食到這裏銅鑼灣廣場一期，但經過昨晚的一餐，大家都異口同聲說，以後都不想再幫襯了。最近一兩年，都發覺泉章居的套餐價錢越來越貴，但餸菜就越來越細碟，連羹類也要額外付款。由於食物水平比較平穩，所以都有繼續幫襯。昨晚我們如常來做節，坐下來後就看着點心紙點餐，突然全間酒樓開大冷氣，冷風直吹我們的頭部，連紙張的被吹動了。我們有禮貌地要求關細一點或其他安排，但女侍應則很大聲說：「冇辦法了，是這樣的！」並不斷用凌厲眼光望着我們這圍。我們再叫另一位男侍應幫忙，他完全沒有理睬我們，直行直過。餸菜來了，我們點了金銀蛋覓菜、咕嚕肉、粟米班球、蝦球炒西芹和炸魷魚酥，本來都應該很好吃，有着應有的水平，但由於太大風，不用五分鐘全部都變凍了，連白飯也變凍了，很難吃。我們吃完後，就急急腳埋單走了，全程不用一小時。本來是開開心心的一家人做節，變了全家人都凍到不想多說。如果他們想用冷氣趕客，希望客人快些吃完就走，他們是成功的，並將我們開心做節的氣氛也趕走了，以後不會再幫襯。

今天午飯朋友提議去銅鑼灣廣場一期的泉章居，唔講晤知這間客家菜店在香港已開業七十年了。一出電梯便見到有一隻雞的金牌，早年泉章居的鹽焗雞賣到街知巷聞，當然要保留這個金漆雞牌。另外還有是草書寫的招牌，據說是由譽為近代草聖的於右任先生題字。這兩樣東西都可以列入食物博物館了。霸王雞飯，霸王雞上有切絲的姜䓤，賣相不錯。此雞夠雞味帶點咸，加點沙姜汁更增加其咸香味，令食慾大増，怪不得要配上一大碟白飯。排骨炒麵，油炸過的面很脆口，可以加醋吃，大件排骨配上紹菜和味濃的芡汁，有著懷舊的炒麵味道，很不錯。$56一碟無需加一無需茶錢，坐得舒服又有熱茶水供應，在銅鑼灣的確是價廉物美。怪不得可以引來上班族藍白領食客。

在泉章居吃晚飯就是一件很”佬”的事情, 但偏偏這是我和女朋友其中一個最常吃飯的地方, 某情度來說, 這是件有點不可思議, 但又很舒服的一件事. 她因工作關係, 很多時也要晚一點才收工, 開到十一點多的泉章居就變成了我倆的福地. 儘管很遲才開飯, 但端上來的菜也是熱呼呼的, 作為Comfort Food, 首先是能溫暖自己的腸胃, 所以沙津就不會是我的選擇. 霸王雞的蔥油香, 梅菜扣肉肥實相間的層次感, 豉汁蒸鱔的彈牙以及蜜燒骨的油甘甜美, 全部加多一碗白飯, 就成了我倆每晚, Down-to-earth的小浪漫.

之前一直都食開旺角個間，但今日路過又心思思想食下所以就同朋友衝左上去食。對食物的信心是有的，但食完之後大家都決定不會再光顧了，原因是伙記的態度真 的 很 差！成個就係睇唔起我地，覺得我地專叫平野食一樣！其實本身晚市價格都唔係真係特別平，我地都係點啲好大路既野食，唔明點解伙記有需要咁對我地，有朋友話過我知老牌的中式餐廳的服務都唔太好，未有見過一間好的，總知今日成個用餐過程都唔係太開心，但如果大家覺得受下氣都無咩所謂既推介大家去一試。

打電話去book星期五晚食飯，打去個時對方話有兩個時段，頭圍6:30,第2圍7:30. 好啦，我地3位book 左7:30。 7:25到達，門口已經有好多人等緊，但其實已經心知不妙，因為睇好多枱d餸都啱岩到. 諗住15-20分鐘都okay啦，點知一路都淨叫大枱，由6位起叫，最嬲係明明張細枱(頭圍走個時人地得3個) ，但佢地照塞6位落去，都唔俾我地，個6位仲要係約左7:45. 不停skip晒d 細枱，有幾枱人已經嬲到同個知客講，個知客話無辦法無細枱😡。話再等等，到8:25忍唔住我地同個知客理論，終於8:35先有得開飯！其實佢地係咪淨做大枱生意，咁就唔好book少人枱啦，頭圍6:30. ,話第2圍7:30, expect 人地1個鐘食完？！我未試過book左位都要等成個鐘囉！一定唔會再去！

話說星期日路經銅鑼灣，遇到街邊一位婆婆派發傳單給我。收下以後正好肚餓，於是乎女朋友就話一齊食佢。"泉章居"個名就聽過，但真係有眼不識泰山。本來諗住平平地食個下午茶就繼續陪葉妃娘娘繼續shopping。點知葉妃娘娘話呢間好出名。然後就兩個人開開心心咁走上去食。2：15pm先開始下午茶，葉妃娘娘提我金牌霸王雞份量較少。於是乎我點了一碟鮑汁炒牛河。而葉妃娘娘則點了一碟霸王雞飯。鮑汁牛河的鮑汁香甜，最重要的是牛肉並非就咁掉落鑊炒，牛肉非常"林"。葉妃娘娘點的金牌霸王雞，雞肉結實而不老。比起一般用黃油雞的雞更有咬感。香蔥用麻油爆過，非常香口。特別一提，葉妃娘娘點的熱檸檬菜蜜異常香，比起茶記以前曾經飲過的檸蜜，更加香濃。檸檬與蜂蜜兩者味道香醇，完美咁融合一起。而本將軍點的"朱古力"，廚房實太謙虛。明明就係一杯"唂咕粉"連奶沖出。街邊不少用柯x田沖出黎交貨就話叫自己朱古力，或者買盒吉x利就沖杯朱古力出黎。唯獨此店用上唂咕粉，重新將朱古力由原始的味道調配出黎。此店甚多驚喜，滿心快樂。享受完美味的下午茶，又充滿力氣繼續陪葉妃娘娘"做牛做馬"(Shopping)去。

大大隻霸王雞，鮮味雞味淡淡肉口感滿足粟米魚塊～滿滿既粟米汁送飯，唔洗擔心要點汁食，每件魚塊已被美味既粟米汁包圍了金銀蛋莧菜～清淡無乜味精夠哂健康豉汁蒸鱔～對於愛好食鱔既我見到一定會有心心眼，大大件，啖啖肉，汁不搶鱔既鮮味， 套餐有得揀，目測都有半條鱔份量，抵食套餐加錢可以將湯改為蛇羹，味道偏淡，無乜料， 比較稀，我覺得還是出去正式食個蛇羹比較好…唔值得加錢轉嚟試…雖然銅鑼灣泉章居有兩層，但都非常Full, 預早一星期訂位去到都要等10分鐘左右先有得入坐，所以建議預先Book位先去食就唔洗等甘耐

上次因為服務態度唔好，所以食得唔開心，隔左幾個星期，又心思思想黎食，好，一於俾多次機會佢先今次最出色嘅係梅菜扣肉扣肉入哂味而且好淋，肥膏同肉嘅比例好好，食落去唔會感覺成口油，我呢個大食積就係因為呢個餸食左2碗飯今次明顯服務態度比上次好，希望可以keep繼續努力

香港七八十年代出名的客家菜食店都是醉瓊樓和泉章居天下，時移世易，現今年輕人喜愛的食肆都會集中西餐廳和日本料理，今天中午和太太來到銅鑼灣一期八樓的泉章居，懷緬昔日的味道，今次點了二人套餐，包括木瓜雪耳煲鷄腳、霸王雞和豉汁蒸大鱔，例湯都算夠火候，不肥膩，霸王雞配上大量薑葱，烹調入味，肉質嫩滑，不慚為招牌菜式，蒸鱔的豉汁相當冶味，加上鱔新鮮，火候適中，如果蒸得太久，鱔的脂肪會散佈在碟上，味道會大打折扣，總體來説以$222吃到昔日的懷舊菜式，算是不錯的收獲！

老細請食飯，問食咩好，一班八九十後同事話放題或打邊爐，上咗年紀嘅我，腦海中閃出「泉章居」三個字 ，加上不自覺衝口而出，老細一位聲唔出自已走咗出去訂位，今次出事啦！睇一睇各社交綱上嘅食評都喺麻麻地，又話員工無禮貌、梅菜扣肉似罐頭、D嘢無以前咁好食、訂咗位都要等。當晚食咗咩：鹽焗雞、金銀蛋菠菜、炸大腸、咕嚕肉、龍躉兩食、酥炸魷魚和糯米飯（甜品唔記得叫咩）。最後老細和同事都覺得不過不失，喺呀！無叫梅菜扣肉，因為大家都唔想搏，驚失望，其實我對上一次食泉章居佢仲喺波斯富街舊舖，我自己就覺得都唔係網上講咁差，可能個日樓面同廚房都係狀態中，不過隻雞仲係咁正。