法國小屋 (已結業)

這店都吃過數次，雖然知它有提供主食餐牌，但來的話都是吃甜品多（出名Crepe同Waffle)。但近來朋友講起佢4月便結束營業。然而已聽其菜式不俗，便同朋友們一起品嚐可能是最後一次的法式小品。為怕售罄，朋友一早訂好枱同菜式。第一，烤羊架，點了五成熟，個人認為這熟度襯羊肉最好。羊架煎烤得非常好，焦烤顏色很美，肉質好嫰肉汁好豐富。別遺忘那薯泥，幼而富牛油香，非常邪惡。第二，是酥皮牛柳，點了五成，目測以為是威靈頓牛柳，其實不是，我會說是簡易版吧。酥皮焗得香脆，但牛肉便遜色了點；比較老同乾，像熟過頭的感覺（七成的肉質），但味道同配菜都不俗。最尾當然要來份甜品，要了香蕉窩夫，加配了雲呢拿同綠茶雪糕，窩夫香脆但不算重蛋味，熱辣窩夫配冰凍雪糕，絕對是不敗的組合。除了食物質素，最令人欣喜的是其親切的服務，幸運我仍有機會試過那可能是最後一次的法式小品。

為左同女朋友仔慶祝拍拖兩週年嘅日子 佢話一直都好想帶我黎食呢間 咁一於就喺呢個重要嘅日子到試下佢啦呢間小店位置唔算方便但都唔係好辟 都唔難搵 而且裝修都幾有特式 雖然位唔多 但野食選擇一d都唔少 我地叫左個兩人餐再加碗湯 試下呢間小店嘅質素如何！首先上枱嘅係湯同沙律 沙律我地額外加左十蚊加d煙三文魚 呢樣真係必加 令到成個沙律個味道更加多層次 開胃首選個忌廉蘑菇湯都好creamy 好香跟住黎嘅係雞翼拼盤，分別係醉雞翼同瑞士雞翼！！醉雞翼真係一絕 充滿花鵰酒香而且冰震嘅做法令雞翼肉質保持爽口彈牙 好正呀瑞士雞翼都好入味 唔係淨係得層皮上左色 係連入面都好好味呢個焗薯皮真係世界級 大家就算唔係叫餐都一定要散叫呢個黎食 新鮮熱辣辣焗出黎一上枱已經聞到好香 食落第一啖除左好香嘅薯仔味之外仲可以感受到佢一層一層嘅口感 係真係一塊一塊薯仔片疊成 雖然應該加左唔少牛油先令佢咁好食（好邪惡）但真係食到停唔到口 好好味呀！真係未食過咁好味嘅焗薯！特登影一張橫切面俾大家睇下佢點樣一層一層呢個係主菜 黑松露帶子卡邦尼意粉 因為係二人餐所以呢碟係二人份量黎~~咁大碟其實都幾難控制個火候 好易太濕或者太乾或者煮

今日工作到元朗，當然又去食好野喇！煙三文魚、牛油雜菌、滑蛋鹹窩夫這個是我的是日午餐，夠特別 、低熱量最適合不太喜歡食飯的我！法式芝士焗飯配龍利柳面層軟軟芝士辣辣香噴噴正啊！柚子蜜跟餐免費當然選擇佢喇！

小店細小，好彩朋友訂左位，否則又白行一次啦。叫左個pizza同蘋果pie, pizza 皮薄脆口乾爽，蘋果pie 脆口鬆化。隔離叫左個朱古力心太軟同埋窩夫，望落好似好好食 可惜食得太飽，唯有下次要再試過。

TGIF食乜好～多年前都試過法國小屋～印象不錯！是日老公想黎初體驗一下～好！就等我睇睇係咪繼續咁好味咁warm先訂座8半 和老公早到了 窩心的店員馬上安排我地先坐在門外座位等候 仲附上餐牌添好！夠鐘入座！我地亦揀好晒 馬上點餐熱柑桔話梅蜜（左）熱柚子蜜（右）- 兩款都OK 不會過甜黑松露帶子雜菌意粉 $88 店子的招牌菜之一 黑松露控表示推介！意粉不會過淋 汁料配上洋蔥減卻飽膩感 帶子亦煎得香 好味煙三文魚PIZZA $128 內含水牛芝士、法式芝士同煙三文魚，加上新鮮車厘茄等，簡單既材料已經做出香噴噴好滋味 PIZZA底不會過乾過厚 好快就KO了！雞肉蘑菇批 $25 熱辣辣上桌 好可愛的碟子啊批面夠香酥 雞肉嫩滑 蘑菇香 整個就是好味道啊法國皇帝批 $42 起香港 法國餐唔係度度有 仲要係平價而好味既法國餐 更難 呢度真係好選擇 皇帝批價廉物美 賣相同味道都正 老公都心心眼了食物份量夠 肚子飽足温暖 臨行時 老闆娘一句「多謝鄧生！」真心心頭也暖了 雖然店子枱數不多 但要記得每枱訂座人的姓氏 也要用心 才能記著吧！喜歡這店子從食物到待客態度的窩心 一定會再來的

每次跟家人聚餐, 媽咪總愛建議到法國小屋! 所以早已光顧過好幾次了!而令我有衝動寫下食評的原因, 正是他們認真的態度, 十分難得地食了好幾次, 味道都跟第一次一樣好!(要知道, 香港很多餐廳都是, 開始時用心經營, 味道一流, 後期卻粗製濫造......)到這間餐廳, 必點二人套餐! 價錢不貴, 但真是樣樣精品!!! 他們做的前菜絕不媽馬虎!!!首先, 有田園沙律及我最愛最愛的醉雞!醉雞醃得又入味又滑又彈牙! 超推!!!!之後有千層芝士薯片, 味道都是不得了! 超多芝士跟忌廉, 整邪惡之選!(令我每次食完都想回家DIY呢")主菜就有即製法式PIZZA和香蒜牛油蕃茜煙肉意粉!PIZZA超香脆, 芝士又多! 而意粉控的我都十分欣賞這個意粉呢!因為炒得又香又不會碎! 喜歡炒意粉的一定會滿意的!最後, 還有甜品----咸牛油焦糖窩夫!法國小屋中其實還有很多HOME-MADE的甜品, 套餐亦可加錢換其他甜品~但每次我都鍾情於套餐中的咸牛油焦糖窩夫!牛油味十分香, 而咸加甜的碰撞, 跟我一樣愛甜品但不愛太甜的人必試!!!另外套餐有跟飲品的! 所以, 我推薦住/到元朗的人可以一試啊!

已經多次光顧、順然食物種類不多、但每次吃完都很滿足😋尤其喜歡窩夫及Crepes 👍🏻意粉都不錯、其實元朗很多小經營的店舖都有出色的表現、希望再多類似的小店讓元朗人大飽口福😉

The location of this resturaunt was a bit hidden, so even though i've been in Sai Ching Street many many times before, this was kinda the first time coming. The food here was very delicious. It smelled really great and the appearance the same.

我跟先生在星期日晚上致電留座，女職員禮貌提醒餐廳幾近滿座，會盡量安排。鄰近油站的法國小屋，相較附近Mr. Right餐廳及學習中心，裝潢並不起眼、餐單字體並無「法式情懷」，但卻洋溢家庭式的親和。到埗時約８時３５分，食客多為三數知己或小孩家庭。由於位置與廚房最近，點菜時已聞到陣陣芝士香，開懷之餘亦慮及菜色太膩。我著實被窩夫吸引，只特別要求吃甜的窩夫，其餘均依先生意思。職員提醒窩夫會在我倆吃最後一道菜時才準備，需時約１５分鐘。舖面雖小，但該位女待應的溫婉、有禮態度確實可嘉。先上盤的是法國海鮮龍蝦湯，味道不俗，口感雖不上綿滑，但絕不稀爛。除了攪碎的菜蓉，輕撈碗底則見精致的配料，蝦肉、帶子、蜆肉、切碎的魷魚等。甚厭魷魚的我，卻十分欣賞熬湯者的心思，讓乏味的魷魚在這道湯上帶來不同的口感。同時上菜的是千層煙肉薯片和法式芝士焗飯配龍脷柳，兩者亦是親嘗不及耳聽。薯片層次分明，但口感不脆亦不稔，甚似中式炒薯絲的質感；芝士味不濃郁，沒有如千層麵般拉絲。煙肉亦只裝飾之用，搭配這道菜未有驚喜。或許是家人廚藝不俗，自己也吃慣了軟稔的薯菜。至於法式芝士焗飯配龍脷柳，飯粒顆顆分明，龍脷柳魚肉亦有稍腌，均見心思。可惜

這裡的窩夫真是我的至愛, 今次叫了一個榛子窩夫和意式咖啡, 連加一小費$82, 價錢睇落有點貴, 但食物是有質素的, 搸子醬食到一粒粒的小果仁, 而甜忌廉是自己調, 又用了比利時朱古力醬, 因榛子醬已太甜所以可叫小忌廉, 那些就不會太甜; 而意式咖啡是用意大利咖啡豆, 好香好濃, 比Cappuccino更有咖啡, 這個可以一試.

這間小店由一位熱愛廚藝的年青女子主持, 最喜歡她的窩夫, 鹹牛油配甜忌廉, 恰到好處, 味道好有層次, 只略厭窩夫被"索"淋唔夠脆, 但都相當味美. 這裡裝飾雅置, 適合三兩知己小聚, 但地方略為細了小小,  如要晚餐最好先訂位. 另外食物價錢唔算太貴, 但有加一收費, 請留意.

小店環境,裝潢ok, 生日party 會有播生日歌食物味道標準!不過不失!店舖不在大街,價格比同區較相宜!蘋果批好好食,推薦x10!原片蘋果蓉好有蘋果味,不過甜,不過酸。批底酥脆!瑞士雞翼,瑞士汁好入色入味!蘋果批 推薦!

早前呢間餐廳做甜品放題嘅時候，好多blogger都介紹，我都有留意到，不過當時未有即刻黎食。4月踏入生日月，感謝朋友一早相約我食晚飯，佢提議黎法國小屋，難得又係我本身想食嘅小店，舉腳讚成啦。原來朋友都係佢地常客，經常幫襯，話水準不俗，而且佢有vip卡好似有折。是日都幾黑仔，一落輕鐵，就落起雨來，但見時間唔早，唔想朋友等候，都冒雨急步行過黎，原來小店就喺富達廣場。店內位置唔多，想食嘅朋友都最好預約。當日雖然落住微雨，室外座位有一家大小都照坐~牆上貼左好多甜品嘅照片，裝潢簡單，帶點小溫馨。餐單選擇就唔算多，以甜品為主，另外有小食、意粉、全日早餐、薄餅等，定價合理。除此之外，都有一人/二人套餐，會包括飲品（特飲另外加錢）田園沙律 $38普通沙律，生菜、蕃茄為主，份量唔算好多。瑞士雞翼 $32作為雞翼控，就真係覺得呢款雞翼一般般。瑞士汁唔強烈，幸好雞翼都入到少少味，可惜肉質偏硬，唔係太好食。煙肉芝士薯片 $42呢款小食有少少驚喜，薯仔做成片狀，加入芝士、煙肉焗。薯仔口感唔錯，唔係薯蓉咁一patpat，而且會幾飽肚，可惜芝味有點不足。黑松露帶子雜菌意粉 $88意粉有五款，定價 $58-$88，唔

元朗既甜品店有啲係來去如風 但依一間都開左一段日子啦 不過竟然我甘耐都未去過 今次係朋友推介我去 話啲甜品質素高既 甜品控既我之所以就蠢蠢欲動啦主要係想食佢地既crepe 聽聞係必食既 就揀左焦糖花生味既 個crepe薄富蛋香 又帶少少嚼勁 加上係即整 所以熱到啲cream都要融掉啦 另外朋友推介佢既蘋果批貌相已經同平時見到既截然不同 特別既 食落蘋果片既味道仲係好足蘋果既原味 仲無平日蘋果批個陣重既玉桂味 依種我十分偏好 打破左我以往對蘋果批既想法最後仲點埋依個黃帝批 原來係杏仁枇 本身都係麻麻地杏仁 但佢吾係個種中式糖水既杏仁霜味 而係nut個種杏仁片味 加上佢個批身味道比較突出 杏仁味就係入面杏仁碎片既味道 外面就好酥脆 好香 食完愛上左!

送了寶貝去awana，在另一家店吃了一個不甚滿意的午飯後，逛了一會街，覺得有點累，然後，想到這一直未有機會造訪的法國小屋。法國小屋的前身是法國雪山咖啡這個大家都曉得，不過相對雪山咖啡的高價位，現時的法國小屋相對平易近人很多。三時左右推門入內，竟然是唯一的客人。感覺像是家庭式的小店，店員態度友善。被安排坐在近玻璃窗的座位，陽光燦爛的午後感覺舒適。即使後來有另外兩組客人入內，店員也安排他們各據一方，讓彼此有著不受打擾的空間。事實上，一個人看著窗外發呆聽著音樂也很舒服。來的目的只想吃個簡單的甜品，就叫了個蘋果批加香草雪糕，另加一杯cappuccino。由於週末會有加一收費，埋單$80。這個蘋果批可是即叫即製，所以有趕時間心態的，請繞道。未上桌時，在小小的店內已聞到烘焙的香味，那種感覺其實很好。所見即所得。蘋果切的極薄，酥皮不會過厚，口感鬆化，整體甜度適中，吃完蘋果批，再吃以鮮忌廉裝飾的蘋果片及香草雪糕，感覺十分療癒。以後週末送了我家寶貝往awana後就多了一個合適的發呆地點了。