影片
港鐵荃灣站 B1 出口, 步行約8分鐘
繼續閱讀
付款方式
其他資料
Wi-Fi
酒精飲品
自帶酒水
外賣服務
加一服務費
以上資料只供參考, 請與餐廳確認詳情
同巴士迷朋友坐930X入到荃灣時已經係下午茶時段，我地呢幾個盲炳就亂入一間冰室，於是就幫襯左波士冰室。我同另一個朋友冇話好餓，就叫左輕食。菠蘿油都靚仔嘅，後生仔先有quota食。西多士個西多就比較普通，千祈唔好期望切開會有咩爆醬效果。照燒雞扒漩渦蛋包飯呢個巴士迷朋友就真識食，個飯超巨型。果碟汁係芝士醬黎，最正係，啲飯係炒飯底，入面仲加左啲飯素，都真係有啲心思。即睇黎講，呢度都係一間唔錯嘅市民飯堂～見到附近好多人都食炒野，日後有機會真係要試下～
繼續閱讀
堂食叫咗蘿蔔牛腩煲、沙嗲雞扒公仔麵加炒滑蛋，點知嚟到蘿蔔牛腩煲冇牛腩，沙爹雞扒公仔麵冇沙嗲，炒滑蛋喺煎蛋。。。牛腩得個一兩粒+幾條肉絲蘿蔔超級硬，好難食$72。。。沙爹雞扒公仔麵完全冇沙嗲menu係寫炒滑蛋唔明點解嚟到係煎蛋。。。。如果要自己揀嘅話，落單完全冇問我要煎蛋定炒蛋，default係煎蛋嘅話，menu憑咩寫係炒滑蛋？？？煎蛋好油好難食
繼續閱讀
我鍾意食菠蘿包、焗豬、飲檸茶今次去荃灣波士冰室食哩度裝修有懷舊港風feel除咗茶餐飯餐日頭仲有新鮮港式包/蛋撻架！不過我夜晚去到賣哂了～叫咗：🔸海南雞飯餐（$82）🔸招牌鮮茄焗豬扒飯（$79）🔸瑞士雞翼（$34/3隻）🔸小菜（$70）🔸百香果梳打🔸凍檸茶.． 真心件豬扒真係幾好食，厚身、鬆軟、少少肥，食落好香又有口感，茄汁屬偏甜個種，仲焗飯仲有一大pat芝士，好邪惡😝。． 瑞士雞翼出色！個汁咸咸甜甜又入味，必點！．白菜仔配金菇、乾瑤柱絲，口感豐富，個芡汁幾好味。． 配鹹食我多數會叫檸茶，有幾片真檸檬🍋，茶底濃度適中，唔錯。夏天仲推出咗百香果梳打特飲添。
繼續閱讀
今日同家人到波士冰室食晚飯，點左菠蘿生炒骨，土魷蒸肉餅，魚香茄子班腩煲，芝士火腿滑蛋丹麥多士三文治，懷舊雪糕紅豆冰，熱檸檬水，咸檸七喜。菠蘿生炒骨：好多配料，新鮮三色椒，洋蔥，菠蘿清甜。生炒骨肉質好，甜酸度岩岩好。土魷蒸肉餅：肉質好好加埋土魷香，將菜式味道層次再提高。魚香茄子班腩煲：班腩都好多，味道配合白飯來食好夾。味道好，茄子肉碎加起醬汁就係絕配。芝士火腿滑蛋丹麥多士三文治：芝士融入火腿同炒蛋中，令到多士更好食。炒蛋唔會炒得太乾，整體好味道。懷舊雪糕紅豆冰：雪糕幾好味道，紅豆夠淋。熱檸檬水：正常。咸檸七喜：熱辣辣天氣整返杯即時解熱。例湯：唔會太咸都叫ok,都好多料。
繼續閱讀
又一個放工唔想煮飯嘅日子～波士冰室就係我嘅飯堂啦！！！🛎 $55 瑞士雞翼撈公仔麵配炒滑蛋多士瑞士汁甜甜地，雞翼超入味😍用黎撈公仔麵一流😋多士烘完十分香脆！🛎 $60 乾炒牛河牛肉應瘦而有嚼勁👍🏻炒完都保持鮮嫩河粉彈牙而膩🥰仲吸收埋牛肉同醬汁既味～值得一提既係～幾有鑊氣，火候控制得好好！🛎 $70 瑤柱金菇扒時蔬優質嘅瑤柱、鮮嫩嘅金菇，加上時令嘅白菜仔完美吸收高湯既湯汁😋非常美味～🛎 跟餐 +$16 懷舊雪糕紅豆冰呢啲咁懷舊嘅餐飲真係好難搵到啦🥹紅豆餡配上雲呢拿味雪糕，清涼爽口既同時～又有著溫暖濃郁既口感😋正！！！糖度亦恰到好處～
繼續閱讀