波士頓餐廳

營業中

休息中

依排真係常常落灣仔，今晚都係….. 初初諗住去汕頭街一帶試吓啲小店，點知好多都要等位，所以去左波士頓食…..起碼都成六七年冇去過了，嗰日星期五要等位都等成四枱先到我哋，上到去同以前一樣不變，一間港式嘅鋸扒經典餐廳，一般人話波士頓鋸扒都比較貴，我都承認嘅，佢哋一般扒餐都要二百幾蚊個，兩個人食埋單起碼接近500。但食返佢個懷舊情懷同埋佢個扒質其實真係幾好，之前都試過幾次火焰牛扒，但係我哋覺得麻麻地，都係要返一個精選扒餐同鑊仔牛柳餐，呢兩個比較適合，肉味夠有咬口…. 👍間中一次都唔錯嘅…..

波士頓餐廳既午餐都大大份好好味，隻雞髀好脆好滑，可以揀薯菜或者意粉。薯菜炸得很新鮮香脆，意大利粉都係爽口美味。羅餸湯係用牛肉熬出嚟既，蕃茄味加上牛肉味都好濃。麵包係熱辣辣既，有牛油🧈搽完之後幫個麵包提鮮。熱奶茶香濃幼滑，奶味充足。

作為一間主打本地客、定位中價嘅餐廳，本來對佢有基本期望。點知一去到就中伏——明明場內半滿，職員竟堅持「齊人先入座」，話係「公司政策」。我哋提早到，諗住坐低等埋朋友，結果被拒於門外。環境唔見得高級，服務卻拽得好似五星級咁。終於入到去，食物亦無驚喜，招牌菜味道平淡，質感普通，完全唔值佢哋自吹自擂嘅評價。成間鋪最大問題唔係食物，而係自我感覺良好。政策僵硬、服務冷淡，表裡不一，最終只會趕客。奉勸想試嘅人三思。

2O25年3月22日，星期六，是揾食肥華和靚媽，首次約會拍拖44週年日子，肥華刻意選擇到灣仔呢間老牌西餐廳，食此店人氣食品，火焰牛柳及芝士焗海鮮飯和羅宋湯。先講碗羅宋湯，外觀極佳蔬菜料夠多亦有牛肉碎，湯上枱時，夠熱亦夠杰可惜味道偏咸，肥華和靚媽都要用開水溝淡此湯咸味，才可飲得落此碗羅宋湯，反而此餐配湯嘅兩個餐包夠軟熟又有熱度，搽上牛油食用味道甚佳。芝士焗海鮮飯，又喺一個吸引眼球食品，海鮮食材有，魚柳， 魷魚，帶子，青口，蟹柳味道OK，可惜此個焗飯啲飯又濕又削，完全糟蹋咗上述海鮮嘅配搭呢個焗飯令人失望今餐主角火焰牛柳，上枱時氣勢十足令到多人注目，兩塊牛柳夠厚度又夠鬆軟本應是佳品，但經冧酒及火焰嘅燒烤，令到不喜歡冧酒味嘅肥華和靚媽都認為此款酒味，影响咗呢兩塊牛柳嘅美味，最後肥華和靚媽决定，日後到此店鋸扒，衹會食普通鐵板餐，至於全場奪目嘅，火焰牛柳試過就算。🥱🥱🥱🥱

提早一日慶祝白色情人節第一次去波士頓餐廳這間港式西餐，食物質素高肉無鬆肉粉原來港式西餐廳，每枱有一樽李派林喼汁和地們茄汁火焰牛扒好好睇之前食過港式餐廳唔多好味，今次呢間令我改觀

📍波士頓餐廳 (灣仔)灣仔盧押道3號地舖香港老牌扒房 接近60年歷史 今日好多人等位 差唔多等左半個鐘先至有得食🤤✨羅宋湯 餐包 羅宋湯夠酸及帶微辣 而餐包比較硬身我點咗呢度嘅招牌扒餐 火焰🔥牛柳 兩大塊牛柳 先沾上酒 🤩Woo🔥🔥✨火焰牛柳 扒餐底部均有薯條我朋友點精選牛柳 普普通通不過不失而我個人比較喜歡火焰牛柳 因肉汁較多 肉帶有甜味及酒香扒餐可選飯或意粉——————————————————————整體用餐體驗✨味道(3/5)✨環境(3/5)✨服務(3/5)✨性價比(3/5)

之後去過灣仔既波士頓餐廳係修頓球場格離不過果頭太多好西食根本有排都唔會輪到去揀佢呢間就1966年開業未夠60年歷史年輕過皇后些少同好多豉油西餐一樣都係樓上雅座地下無人把守以舊式扒房黎講佢地算係比較多裝飾同埋就算武肺已經完左都仲有隔板係唔錯既大部份都係卡位設計舒舒服服亦都唔洗搭檯檯面有免費水可以自斟星期日下午無lunch set或者下午茶普通飯意粉就要加錢廿蚊先有套餐鐵板本身就已經係套餐所以今餐只得一個包同湯個紅湯就辣辣地凍飲就好細杯夏天熱辣辣未上食物都已經飲晒個焗豬比起皇后飯店大碟最緊要係好好好熱熱到辣口果隻上面仲有焦燶面炒飯底豬扒都係有切開無菠羅茄味好濃不過都算自然之後上係好耐都無食過既渣渣聲什扒餐仲係好有儀式感咁叫你拎張紙巾擋住再落汁什扒份量就一定係多有豬有牛仲有雞脾同肉腸煙肉本身有薯條仲有個意粉可以跟lunch黎講雖然係單點夜晚價但真係食到好L飽原本都想試下佢招牌既席前火焰雪山可以睇下侍應推架車仔黎點火但真係食唔落唯有等其他食客order黎睇下算數咁都係同一般舊式扒房價錢差唔多無lunch set係比較貴既焗豬一百雜扒二百因為埋黎收錢所以要加一不過算坐得舒服得閒又可以睇下點火侍應

說到豉油西餐，怎可不提經典波士頓呢？餐包上的時候仍然是溫熱的，皮很香甜，包肉也不乾。要塗上厚厚一層牛油，再浸入紅湯，更加好吃！餐的紅湯鹹鹹酸酸的，湯裡有大量蔬菜及牛肉碎粒。蔬菜主要有紅蘿蔔、椰菜以及蕃茄，濃郁料多。泥狀的薯蓉不似是薯粉開出來的，夠奶油夠牛油，越邪惡越好食！田螺沒有雪味，肉質緊致，汁的鹹度不錯，混入薯蓉同吃，超級可口。火焰牛柳是一場表演，店員在客人面前點火，滿滿儀式感！牛柳鬆軟腍滑，襯著洋蔥汁，絕對大滿足！薯條之外還要加意粉，非常合拍！來多少次，都沒有失望。

發現左一間唔想佢執嘅老字號餐廳，晏晝食飯其實好多人排隊，我等左15分鐘都好快。我地兩個人上到二樓被安排一個近樓梯嘅位，係成間餐廳最唔好坐嘅位，然後坐坐下都差唔多2點鐘，人潮開始散去。跟住我周圍望下望下咁，侍應見到我周圍望就示意我可以坐卡位，咁我地就搬出去一張四人卡位，坐得舒服好多。而且我等朋友黎果時先落單，侍應都示意可以人齊再上餐湯同麵包，我覺得服務好貼心，侍應喺足夠醒目快靚正👍而且午餐好食，我食左一個牛柳餐，牛肉好淋唔un。我覺得喺一間好高水準嘅老牌餐廳，野食服務到位，食得開心好重要。突然好驚呢類餐廳會捱唔住，有得食好去食🥲

今日天氣好好，根本上便是夏天，一點9月的秋意都沒有。今日彩蛋有趣了。今日去Boston 餐廳，走過灣仔軒尼詩道有爆水管，結果水浸行人路及行車線是時候寫食物了，個牛是比平時的好食d，一分錢一分貨，香港無出產牛，差不多了。而我便鍾意個紅湯，好港式的羅宋湯，好多菜而個奶茶有茶味，有經驗果然有一定的水準，當然是和一般茶記不一樣。我覺得是還有進步的空間，可以打做成香港的一個打card位。值得一提的是牛油，還是新西蘭的牛油。

好久沒有食鐵板餐，家人推介這裡聽到餐廳名，已好期待我們大約6時半左右在樓下，已見好多人等著，問職員要等多久，職員只說大約三、四張枱但由於太想食，等等吧，以為等好久，幸好約十多分鐘便有位，好開心呀！職員安排我們坐窗口位置，看著電車，已是視覺享受我們點了雜扒、牛扒和魚柳扒牛扒和豬扒真是軟身，入口即溶，但那個魚，有部分可能較熟，有點硬，下次我可能試雞扒，另外那個意大利麵有蒜蓉調味，也好好味這裡沒有趕客，我可以好好享受這餐，當我們離開時，嚇見樓下好多人等著，他們也沒有趕客，這點令我太感動我寫過幾次食評，第一次寫一間是令我開心的餐廳，使我和家人有個愉快的晚上，謝謝你們

兩大一小，我食鐵板豬扒，份量好大，豬扒一塊好淋，一塊好硬，肉無醃過無味，係連肉味都無，配洋蔥汁，又係無咩味，薯條墊底，被豬扒油整淋哂，無鹽，無味，好在仲有支茄汁。一舊西蘭花同一舊椰菜花偏硬，當然係無味。最正常係杯熱奶茶。唔平，無下次！國慶尼幫襯，中午坐一半人，睇樣應該唔長命，其餘兩個餐：牛柳同雞扒，爸爸同仔只話ok，佢地食剩哂。收碟姐姐好快手，就比較好既方面。甘有歷史既餐廳希望佢加油，但我就唔敢再試。

唔知點解一想到吃牛扒，就必然會想到嚟灣仔波士頓餐廳！今晚與家人到港島夜遊，行到灣仔附近就二話不說走咗上去波士頓，吃他們馳名的火焰牛柳! 真係好耐冇嚟過，今次帶埋太座及小女嚟感受一下一間有57年曆史的經典打房......... 昏黃的燈光，憑窗外望，看見有120年曆史的電車穿梭往來莊士敦道，呢個情景真係令人勾起很多往日美好的回憶....... 我哋三人叫咗一客波士頓嘅火焰牛柳，看見女侍應熟悉練哋用火燴燒牛柳，感到非常興奮，絕對唔係Gimmick嘢咁簡單，呢個價錢絕對係好味、貼地及高質！😍😍😍

今次係我第一次寫評。今次食第二次，第一次都係麻麻哋，第二次諗過比呢個機會佢，點知牛扒極難食，勸各位真係唔好幫襯。牛扒得個兩成熟咬都咬唔開，對唔住佢用我嗰塊再煎（呢點我唔介意），但係煎完之後裏面又係得嗰兩成熟，擺明求求其其之兩嘢就交貨，咬又咬唔開，激鬼氣，唔鬼食。仲話乜鬼嘢牛扒之家，嘥氣！

很早以前就聽說灣仔有一間叫 ”波士頓餐廳” 很有名，開業於1966年，至今已經有58年了。是當年灣仔三大西餐廳。波士頓餐廳據聞是香港元老級鐵板餐。今晚我選了五成熟西冷牛扒，雖然是鐵板上，但是生熟度控制得還算不錯的。牛扒有一點碳烤的味道，墊在牛扒底的是薯條和豆角，味道也很不錯。員工服務態度也比較熱情，主食我選了意粉，服務員看到我的醬汁有點少，馬上給我重新上一份。最後點了一杯凍檸茶，份量應該也有500ml。真是真材實料啊！