波士頓餐廳

營業中

休息中

之後去過灣仔既波士頓餐廳係修頓球場格離不過果頭太多好西食根本有排都唔會輪到去揀佢呢間就1966年開業未夠60年歷史年輕過皇后些少同好多豉油西餐一樣都係樓上雅座地下無人把守以舊式扒房黎講佢地算係比較多裝飾同埋就算武肺已經完左都仲有隔板係唔錯既大部份都係卡位設計舒舒服服亦都唔洗搭檯檯面有免費水可以自斟星期日下午無lunch set或者下午茶普通飯意粉就要加錢廿蚊先有套餐鐵板本身就已經係套餐所以今餐只得一個包同湯個紅湯就辣辣地凍飲就好細杯夏天熱辣辣未上食物都已經飲晒個焗豬比起皇后飯店大碟最緊要係好好好熱熱到辣口果隻上面仲有焦燶面炒飯底豬扒都係有切開無菠羅茄味好濃不過都算自然之後上係好耐都無食過既渣渣聲什扒餐仲係好有儀式感咁叫你拎張紙巾擋住再落汁什扒份量就一定係多有豬有牛仲有雞脾同肉腸煙肉本身有薯條仲有個意粉可以跟lunch黎講雖然係單點夜晚價但真係食到好L飽原本都想試下佢招牌既席前火焰雪山可以睇下侍應推架車仔黎點火但真係食唔落唯有等其他食客order黎睇下算數咁都係同一般舊式扒房價錢差唔多無lunch set係比較貴既焗豬一百雜扒二百因為埋黎收錢所以要加一不過算坐得舒服得閒又可以睇下點火侍應

說到豉油西餐，怎可不提經典波士頓呢？餐包上的時候仍然是溫熱的，皮很香甜，包肉也不乾。要塗上厚厚一層牛油，再浸入紅湯，更加好吃！餐的紅湯鹹鹹酸酸的，湯裡有大量蔬菜及牛肉碎粒。蔬菜主要有紅蘿蔔、椰菜以及蕃茄，濃郁料多。泥狀的薯蓉不似是薯粉開出來的，夠奶油夠牛油，越邪惡越好食！田螺沒有雪味，肉質緊致，汁的鹹度不錯，混入薯蓉同吃，超級可口。火焰牛柳是一場表演，店員在客人面前點火，滿滿儀式感！牛柳鬆軟腍滑，襯著洋蔥汁，絕對大滿足！薯條之外還要加意粉，非常合拍！來多少次，都沒有失望。

發現左一間唔想佢執嘅老字號餐廳，晏晝食飯其實好多人排隊，我等左15分鐘都好快。我地兩個人上到二樓被安排一個近樓梯嘅位，係成間餐廳最唔好坐嘅位，然後坐坐下都差唔多2點鐘，人潮開始散去。跟住我周圍望下望下咁，侍應見到我周圍望就示意我可以坐卡位，咁我地就搬出去一張四人卡位，坐得舒服好多。而且我等朋友黎果時先落單，侍應都示意可以人齊再上餐湯同麵包，我覺得服務好貼心，侍應喺足夠醒目快靚正👍而且午餐好食，我食左一個牛柳餐，牛肉好淋唔un。我覺得喺一間好高水準嘅老牌餐廳，野食服務到位，食得開心好重要。突然好驚呢類餐廳會捱唔住，有得食好去食🥲

今日天氣好好，根本上便是夏天，一點9月的秋意都沒有。今日彩蛋有趣了。今日去Boston 餐廳，走過灣仔軒尼詩道有爆水管，結果水浸行人路及行車線是時候寫食物了，個牛是比平時的好食d，一分錢一分貨，香港無出產牛，差不多了。而我便鍾意個紅湯，好港式的羅宋湯，好多菜而個奶茶有茶味，有經驗果然有一定的水準，當然是和一般茶記不一樣。我覺得是還有進步的空間，可以打做成香港的一個打card位。值得一提的是牛油，還是新西蘭的牛油。

好久沒有食鐵板餐，家人推介這裡聽到餐廳名，已好期待我們大約6時半左右在樓下，已見好多人等著，問職員要等多久，職員只說大約三、四張枱但由於太想食，等等吧，以為等好久，幸好約十多分鐘便有位，好開心呀！職員安排我們坐窗口位置，看著電車，已是視覺享受我們點了雜扒、牛扒和魚柳扒牛扒和豬扒真是軟身，入口即溶，但那個魚，有部分可能較熟，有點硬，下次我可能試雞扒，另外那個意大利麵有蒜蓉調味，也好好味這裡沒有趕客，我可以好好享受這餐，當我們離開時，嚇見樓下好多人等著，他們也沒有趕客，這點令我太感動我寫過幾次食評，第一次寫一間是令我開心的餐廳，使我和家人有個愉快的晚上，謝謝你們

兩大一小，我食鐵板豬扒，份量好大，豬扒一塊好淋，一塊好硬，肉無醃過無味，係連肉味都無，配洋蔥汁，又係無咩味，薯條墊底，被豬扒油整淋哂，無鹽，無味，好在仲有支茄汁。一舊西蘭花同一舊椰菜花偏硬，當然係無味。最正常係杯熱奶茶。唔平，無下次！國慶尼幫襯，中午坐一半人，睇樣應該唔長命，其餘兩個餐：牛柳同雞扒，爸爸同仔只話ok，佢地食剩哂。收碟姐姐好快手，就比較好既方面。甘有歷史既餐廳希望佢加油，但我就唔敢再試。

唔知點解一想到吃牛扒，就必然會想到嚟灣仔波士頓餐廳！今晚與家人到港島夜遊，行到灣仔附近就二話不說走咗上去波士頓，吃他們馳名的火焰牛柳! 真係好耐冇嚟過，今次帶埋太座及小女嚟感受一下一間有57年曆史的經典打房......... 昏黃的燈光，憑窗外望，看見有120年曆史的電車穿梭往來莊士敦道，呢個情景真係令人勾起很多往日美好的回憶....... 我哋三人叫咗一客波士頓嘅火焰牛柳，看見女侍應熟悉練哋用火燴燒牛柳，感到非常興奮，絕對唔係Gimmick嘢咁簡單，呢個價錢絕對係好味、貼地及高質！😍😍😍

今次係我第一次寫評。今次食第二次，第一次都係麻麻哋，第二次諗過比呢個機會佢，點知牛扒極難食，勸各位真係唔好幫襯。牛扒得個兩成熟咬都咬唔開，對唔住佢用我嗰塊再煎（呢點我唔介意），但係煎完之後裏面又係得嗰兩成熟，擺明求求其其之兩嘢就交貨，咬又咬唔開，激鬼氣，唔鬼食。仲話乜鬼嘢牛扒之家，嘥氣！

很早以前就聽說灣仔有一間叫 ”波士頓餐廳” 很有名，開業於1966年，至今已經有58年了。是當年灣仔三大西餐廳。波士頓餐廳據聞是香港元老級鐵板餐。今晚我選了五成熟西冷牛扒，雖然是鐵板上，但是生熟度控制得還算不錯的。牛扒有一點碳烤的味道，墊在牛扒底的是薯條和豆角，味道也很不錯。員工服務態度也比較熱情，主食我選了意粉，服務員看到我的醬汁有點少，馬上給我重新上一份。最後點了一杯凍檸茶，份量應該也有500ml。真是真材實料啊！

今日帶兩老去鋸扒，佢哋話中意食呢間波士頓餐廳，係佢地既回憶🙈🙈🙈 我就打去book，帶埋佢哋兩個去食下！我哋地鐵站行出去用左3分鐘左右，好容易搵🙈🙈 而且原來都有好多唔同既巴士去到，仲會近多少少🙈🙈 我哋叫左牛柳，爸爸既最愛🙈🙈 再加上餐廳特別整既黑椒汁，好啱味🙈🙈 咋一聲！好有細個嘅時候回憶，牛柳好嫰口，而且口感唔會好硬，唔會有太熟既情況出現！主食我哋揀左意粉，成個套餐好多野食，好飽，美中不足既係餐湯既溫度唔夠熱，有少少失望，其他都ok🙈🙈

之前行過成日都見好多人食飯，以為真係好正，所以今日決心黎試下。最出名既火焰牛柳，睇佢出到黎燒兩下，其實都係噱頭野，食落冇咩特別酒味。重點係個牛柳係好明顯用鬆肉粉乸到完全冇肉既質感，完全唔知食緊咩肉。本身都諗住唔會好高質素，但冇諗到係咁既口感。一路食一路覺得好似食緊快餐店廉價牛扒咁，賣$221但完全俾唔到應有水準。另外叫左焗豬扒飯又係出事，個飯底有炒過但係濕到好似新鮮煲起既飯咁，唔敢肯定係咪炒蛋撈飯，因為有輕輕炒過都唔會咁濕，豬扒一樣都係乸到唔知食緊咩。如果冇咩童年回憶既就唔使試，慳返食花園餐廳仲開心。

火焰牛柳根&大蝦牛柳根👎👎👎想練下牙力，食吓擦子膠就去呢間啦，超級失望，20年前就得，現在只係食招牌，完全冇心機做出品，叫左兩個鐵板餐，餐湯水準之下，一般貨色，連牛油都用平價的，冇牛油味的🤨，最普通嘅炸薯條，竟然為咗快起貨，猛火炸，裏面根本都未炸透的🥲，跟嘅配菜有幾條青豆、－片醃蘿蔔👀，一嚿仔嘅椰菜花，烚得唔夠熟，生一樣全部草青味🧐，一個燒汁一個洋蔥汁分開上，淡味到連兩個汁都唔知有什麼分別😫，牛柳就～～～唉！，好多根冇處理個就煮俾你食，份量少，食材好差，跟個飯，我相信會係冇見過咁細碗飯🤣，食物，主菜、配菜、餐湯完全見到冇心機製作出來！可以話俾其他餐廳，包括連鎖快餐店嘅鐵板餐，好佢起碼兩倍。只係賣懷舊氣氛同埋坐得舒服，食物真係嚇死人😱，變咗垃圾餐廳,可惜🥲

位於灣仔嘅懷舊扒房餐廳 位置相當方便 當日叫左兩個set 同埋一支酒 埋單嘅時候大概800蚊<羅宋湯>係港式餐廳羅宋湯嘅味道 但係佢係辣嘅<餐包>值得一提個餐包係暖嘅 我見到有個櫃係暖住啲包 值得欣賞既係除咗有牛油 仲有牛油刀<火焰牛柳>哩度菜系視覺嘅享受😂 點餐時有溫馨提示呢道菜有酒 牛肉雖然唔喺最靚嘅牛 但都未至於用梳打粉醃到冇質感 呢嚿牛柳比較厚身 食落有少少牛味 同埋都juicy<精選西冷扒>西冷扒反而比較薄身 雖然大家都係medium rare 但食落比較韌

今晚 Friday night 又嚟咗波士頓~ 火焰牛柳過程全面睇🔥🥩 夠膽講差唔多每枱都會 order 這一道名菜。這是最喜歡的份量兩件牛柳唔大又唔細帶有少少酒香淋洋蔥汁上鐵板發出嘅咋咋聲好有氣氛成個presentation 充滿儀式感又有視覺效果非常夠氣勢！餐前嚟個熱辣辣足料羅宋湯加軟熟餐包大滿足！波士頓未必係新一代嘅拍拖約會打卡的勝地但食個近60年的歷史情懷懷舊一下揾童年回憶呢度有! #波士頓餐廳 #火焰牛柳

尋日同friend黎呢間食lunch扒係好食既 不過服務態度認真差 咪就係嗰個高高瘦瘦既「年輕」戴眼鏡侍應生囉我睇有啲食評都話佢態度差佢落order嗰陣 問我地飲咩講嘢語速機關槍咁 我聽唔太清楚叫佢重複多次 佢即刻就好唔耐煩😂重新講嗰陣仲要皺曬眉 同埋依然機關槍語速 口氣明顯係重左 落完order就一手搶走我menu 心諗 你講咁快 expect啲客會聽得切 ??之後叫佢幫我地影張相 佢依然好唔情願 一副「點解要幫你影」既樣 隻手仲要係fing出黎接我手機That’s very rude actually😂講真 你咁唔想撈 就唔好番工我黎食飯架 唔係黎受你啲氣 專業啲好無