波記粉麵專家 (已結業)

本週紅雨日，一枝公去會一會佢個炸雞翼。呢處其實唔難搵，就係九記/勝香園上一少段斜路。今次先叫咗炸雞翼同牛什米，牛什米裡面竟然有沙瓜！真係少見！須然，我覺得都係水記嘅牛什正d，但係呢處勝在坐得舒服d。炸雞翼係即炸，所以特別香口，而且佢真係外脆內軟，$13有5隻，都幾抵！只係有一兩隻咸d，不過加枝汽水就無問題！

睇openrice去試, 叫左埦什伊, 牛什好好, 好整齊, 肚肺腸都好突出, 牛腸出奇鮮甜, 但膀一般, $16碗足料!

小女子住來中環好遠,,,而且li間店係大斜路上...every month 我都總會專程來一次食..就係交通最快都要2個幾hrs來回///一間唔起眼的小店...老的店子..係我一個住係中環的朋友帶我去食..[]最好食就係牛腩+牛丸+河粉+炸雞wings!!河粉滑得來都唔"林" !!!other 牛什r..魚蛋...差唔多我都係食過晒...都係無咩特別....辣椒油都好味!!!炸雞wings我係食過咁多間最好食!!!又唔係貴...粉薄skin脆...d 肉仲好白滑,,,而且又唔太油..次次食都唔會炸到好黑...係黃黃地色!!!真係好值得推介[[炸雞wings]]~~!!!服務都ok..全部都係亞伯亞婆...都是一個特色吧..仲好過係無禮貌的大陸人la!!!!

星期二同個舊行家食飯，原本諗住行上鴨巴甸街吃日本拉麵，點知執左，退而求其次諗住去士丹頓街食上海麵，又執埋。看來非關飲食業市道回落，可能是地產市道向上的現象而已。結果來了這間在蘇豪邊開左唔少日子，但就一次都未來過的麵檔吃牛腩麵。米睇佢舖位細細，又唔起眼，原來是非常多人幫襯的。來的時候是全店坐滿，除了不少是學生，也有OL、白領等，見佢價錢唔算特別平，都咁多人，真係唔簡單！兩個人，瑟縮在近門口的小小二人檯，仲係剛好有人走至坐得低，唔係都要等。朋友叫了筋腩菜麵加魚皮，我要了筋腩撈麵要多蔥。因為人多，所以都等左差不多十五分鐘至有得食。我的筋腩撈幾大碟，牛腩同牛筋都多，比例上朋友的筋腩菜麵更大碗，筋、腩、菜都多，加埋炸魚皮，是滿到瀉咁滯。要了多蔥，碗上湯真的非常之多蔥﹝見圖﹞，可見這裡雖然慢，但阿姐一點也沒有忘記我的額外要求，值得一讚。牛腩半肥廋，味道比全廋好，但不肥的部份幾韌，可以再好一點；牛筋大大舊，炆得腍身、入味又不失口感，有水準，似乎食牛筋好過牛腩；蛋麵有點點鹼水味，過水可以過清一點就更好。加埋兩支汽水，埋單七十蚊有找，兩個人都食得飽飽，幾抵食，亦能解釋多人幫襯的原因，可以一試。