泰亞萊海南雞專門店

營業中

休息中

見門口個餐牌個海南雞好似幾靚耙靚仔就試下啦，第一次食 伏到。。第一次食咁難食既海南雞首先外賣加左錢餐具又唔比飲筒，第2海南雞係雪櫃拎出黎個種凍，d雞油凝固哂，睇見都無哂胃口，真係未試過食海南雞飯會差到咁唔會再有下次 叫埋泰式奶茶 $67 蚊 好似食緊垃圾咁

泰亞萊海南雞專門店其實有幾間分店，之前新蒲崗都有外賣店，而家轉左有得堂食，真係方便咗好多！餐廳都算多位，lunch time都到都好爆，價錢唔算貴，好受附近的打工仔歡迎😌泰亞萊由泰國師傅主理，主打新鮮烹調泰式海南雞🐥當然要叫返個啦！海南雞肉質真心嫩滑，去骨之後食落啖啖肉😍雞皮都好爽口，一定要點個泰式秘製醬汁食，有薑、蒜、辣椒，味道充滿層次感。另一款叫咗泰式黃咖哩蟹肉飯🦀蟹肉份量好多好足料，黃咖哩唔辣，送飯一流😍主食仲可以追加小食或甜品，選擇都幾多。我哋要左炸蝦餅同炸蝦春捲，炸得香脆，蝦餅都幾彈牙😋🔸招牌海南雞飯$58🔸泰式炸蝦餅（兩件）$15🔸泰式炸蝦春捲（兩件）$15🔸 泰式黃咖哩蟹肉飯📍#泰亞萊海南雞專門店 (#新蒲崗美食)#新蒲崗 大有街32號泰力工業中心地下3號舖

泰亞萊海南雞專門店 地址: 新蒲崗大有街32號泰力工業中心地下3號舖電話: =====================搬回去黃大仙區，是我成長讀書我地方，擁有很多成長生活回憶，而我回來了。yeah san po kong 好多平民美食在那，今日放假一個人，四圍散步看看這3年有什麼變化$60 泰式黃咖喱蟹肉飯,個汁好下飯，咖喱芳香。再追加小食$15 要了炸蝦餅同油菜，可以無限追加戶外36度熱死，叫了杯青檸soda，同點了個椰汁糕，好耐無食，重椰奶香工廈這間泰國餐，抵食好味，食完就去睇書啦！等太陽下山再去跑陣步 #keto#lchf #生酮 #好去處 #igable #假日好去處 #life #foodie #dining #cuisine #instafood #traveller #restaurant #吃貨 #手機食先 #foodpic #foodig #美食 #dinner #香港必食 #香港旅行 #foodinstagram #delicious #yummy #foodgasm #foodporn #必食推介

同男朋友經過見到個門面好特別幾靚就入去試下 入面設計都好有趣 坐得都舒服 門口重掛咗晴天娃娃🤣睇下餐牌價錢都好實惠 我哋嗌咗泰式黃咖喱撈公仔麵配豬頸肉 加$8有椰汁涼粉冰 再加$15加配泰式炸雞棗咖哩汁好多 配公仔麵好正 豬頸肉份量都唔好 好抵食 雞棗好得意 咬落外脆內軟嘢飲都好解渴 夏天啱晒另外再嗌咗泰式豬肉生菜包 加$15加配泰式豬肉燒賣生菜包好貼心可以揀辣度 揀咗小辣😋豬肉燒賣有驚喜 特別係個醬汁 好惹味👍中午時間嚟食都差唔多滿座 睇嚟都係新蒲崗街坊之選👍

以前都有買過呢間嘅外賣店，而家轉左位置做仲有堂食位添～之前食過呢間質素幾好，通常都係叫海南雞飯同埋豬手飯～今次我哋再食感覺份量係比外賣多啲，佢擺盤好靚，而且都好肯落汁，白飯轉油飯係唔使錢嘅，而佢既油飯顏色係微黃色～食落有少油香！豬手雖然份量都大，今次質素好似差咗啲肉比較鞋身~加特飲都係架$8，性價比都幾高~~今次食咗少少先記得影相海南雞飯係連埋湯，雞質地依然都係嫩滑嘅，但我哋唔記得影相，不過賣相非常好的！另外我哋仲叫咗一個炸物拼盤，擺盤超靚，有蝦餅，魚餅，炸雞棗，炸蝦卷～全部熱辣辣上盤，脆卜卜，好好食，魚餅味道唔會話好辣！

之前幫襯過佢地既外賣，價錢味道都算唔錯，經過發現佢開左堂食店，自己本身都好鍾意食秦國野，於是就去食個lunch 先。Lunch 都好多人，坐位坐滿9成，好在甘岩有位唔洗等。我㨂左個海南雞飯，雞肉都算嫩滑，份量就小過之前，但價錢就貴過之前，抵唔抵食就見人見智啦。🔎泰亞萊海南雞專門店 (新蒲崗)📍新蒲崗大有街32號泰力工業中心地下3號舖

之前佢哋係外賣店嗰陣，有幫襯買過半隻海南雞返屋企食，覺得啲雞好滑好好味。早一排見到呢間餐廳個名好熟又話試業中，終於今日入咗嚟食佢哋推介嘅招牌海南雞飯，平時食lunch行過見到都好多人，今日可能我嚟得晏得幾枱人。坐低餐廳職員話自己用QR Code落單,我想個湯走蔥，但係落單條link冇得揀走蔥😥，我想揾店員幫我，都未開口佢就話QR Code 落單呀，我話個湯想走蔥，佢都未反應到，個餐已經到咗，我要自己一粒粒揀返出嚟。😥香飯同醬汁好好味，醬汁可以轉海南雞豉油，個湯味道okay不過唔夠熱，今日碟雞啲皮又肥又厚，啲肉唔算好差，不過冇以前淨做外賣嗰陣咁滑，算okay啦。如果附近其他餐廳啲嘢唔啱食，又或者我嗰日超想食海南雞飯，都會考慮呢度嘅。

轉左堂食店之後 外賣全部都加咗$10 但問題不大 60蚊午餐其實尚算相宜 重點係啲咖喱唔同哂 以前黃咖喱蟹肉飯係好好食的 而家入邊啲配料全部cut晒 味道又淡咗好多 跟住仲要夾硬加啲麵粉整到佢個質地好似好濃咁 希望可以換返之前嗰隻味道

泰亞萊嘅泰國菜真係好正！我叫咗佢哋嘅外賣，食咗佢哋嘅黃咖哩蟹肉飯同泰式雞絲撈麵。呢間喺新蒲崗嘅泰菜雖然唔大，但味道真係有驚喜！首先講個蟹肉飯，佢嘅咖哩味道非常香濃。每一口飯都夠味，嗰啲咖哩香氣入面真係勾起我胃口。而蟹肉就更加加分，佢嘅鮮甜同滑脆口感真係一絕！至於泰式雞絲撈麵，佢嘅汁料真係非常清新惹味。撈麵個汁好醇厚，有淡淡嘅酸辣味，同埋微微嘅甜味。雞絲入面嘅調味亦都好到位，肉質鮮嫩多汁，同撈麵一齊食真係絕配！呢間泰亞萊嘅黃咖哩蟹肉飯同泰式雞絲撈麵都係超出預期嘅美食體驗。如果你鍾意泰國菜，真係唔可以錯過呢度嘅外賣。我一定會再嚟訂購，同埋推薦比身邊嘅朋友！

喺舊舖幫襯咗咁多年 一直都唔錯本來$50個海南雞飯 份量夠又好食👍🏻最鍾意食佢個冬陰功海南雞湯飯 之前舊舖買緊$65㗎咋啲海南雞又冇骨又滑 雞件又多 $50夠成年男人食絕對夠達晒抵👍🏻之但係直到近排搬咗舖有堂食諗住就試吓啦 點知就中伏出晒事 啱先嗌嘢 曲佢個乖 落錯單 又比錯嘢之餘 份量仲比以前少 起碼冇咗近一半 啲雞碎濕濕嘅 重要嘅係明明個冬陰功湯飯啲冬陰功湯係喺兜飯入邊㗎嘛 竟然分開包？？？但係啲飯本身又有個湯浸住喎！嘩！即刻唔係嗰回事啦！咁都可以落得錯？？？真係非常不滿！價錢就識得加🤷🏻‍♂️ 一嘢加咗$6去到呢個價位新蒲崗大把選擇啦吓話？唯一就係味道不變🤣今次真係好差嘅體驗 唯有忍痛分手 冇可能有第二次👋🏻

新蒲崗新開泰亞萊打工區新餐廳，新開一定有好多野要改進$55以上一個午餐 係合理但不包野飲呢區套餐黎講的確少見 正確黎講係無套餐呢到叫碟飯 加埋野飲 $62左右一個套餐 再有$15蚊追加小食但小食同餐牌圖片貨不對辦兩舊正size既千層糕變左三舊宿水綠色耶汁糕很大落差青咖喱撈㩚 可以選其他粉面唯直得一讚雖然野飲唔包，，但可以飲水亦有提供紙巾，店員態度良好可以手機落單，上菜既速度都幾快暫時只有八通同現金支付有待改進