泰仔美食

營業中

休息中

有人介紹，就試吓la 椰青，雪碧青檸，芒果冰，食泰菜首選食泰國嘢梗係要食生菜包啦，不過豬肉辣辣到喉嚨都要咳嗽，我就麻麻哋like 啦,但係我屋企人like 泰式生蝦，又是必叫之選冬陰公湯，幾野味炒泰式菜苗，菜鮮嫩绿油油，好食。泰式拼盤，略嫌味道一般糯米雞翼，我覺得唔好食，糯米不夠軟，雞翼太炸，口感完全肥膩。蒜蓉包唔夠蒜蓉泰式河粉，河粉幾爽，幾滑，好食。送的甜品糕，都幾甜㗎

泰仔美食，是我每次想吃泰國菜的時候也會去的！地點方便，價錢相宜，大碟夾抵吃！餐廳位置位於泰國菜的盤根之地-九龍城寨，南角道，從來也十分方便！餐廳是由泰國人打理的，一聲cup poon cup餐牌方面正在做優惠，海南雞飯半只只需$58，十分抵吃！食物方面點了1）海南半雞(半只)；2）飛天通菜；3）青咖哩豬肉；4）金邊粉。先來了2）飛天通菜，新鮮通菜配合辣椒，惹味，辣辣地但十分好吃！可憐我身邊的朋友不愛吃辣，就覺得感覺一般。通菜的份量十分多，吃極還有，哈哈！先來了青咖哩豬肉，足料，材料包括有青椒，辣椒，濃味！如果點了一個白飯就更好了！齋吃略嫌有點不足。至於半只海南雞飯，不說我還以為是一隻，十分足料，啖啖肉，下面鋪了一堆生菜，味道不俗！比其他品牌的海南雞絕對好吃！最後來了泰式金邊粉！辣辣地，好吃！配合豬肉和topping，簡直是一配！

今次呢間泰菜館係第一次食，友人食過話唔錯，咁就試下啦，訂好位但去到都要等一陣 泰式酸辣鳯爪 - 酸辣度比例唔錯，配上大量洋蔥，芹菜，鳯爪爽口彈牙! 串燒 - 鷄豬各2串，即叫即燒，所配醬汁並唔係沙爹花生粒醬，而係甜甜地嘅醬汁，食起黎無咁膩; 唯豬肉帶點脂肪，自己唔係太歡喜，鷄肉就不過不失啦! 馬拉盞炒芥蘭 - 惹味之餘帶點香辣度，份量比起其他可謂一開二，芥蘭炒得軟硬度適中，幾好味道! 鹽燒盲鰽 - 本來想食燒鰂魚但無貨，改為食呢條，都唔細條呀! 外皮搽滿鹽粒先去燒，食時就揭開外皮，入面D肉充滿水份，一D都唔乾身，而係魚肚內再塞滿香芧粒，增加香味，無咩細骨，啖啖肉味，另有醬汁點架! 本來想食芒果糯米飯，但又賣晒..................店員送上呢客椰汁糕，滿滿椰子水香甜味，口感有D似大菜糕般爽口，唯唔凍，若然雪至凍D，入口會仲好味! 呢度客似雲來，侍應見你食完就會叫你埋埋張單，想傾耐D計就要另覓地方啦!

追月飯，今日吃得好不高興！！！！其實呢間店我地成日幫襯開，次次都會叫蒜子胡椒雞，佢個menu只有蒜子胡椒魷魚，我地之前吃左幾次都有，改雞無得減，我地知道也沒有問題。好啦，佢竟然來左一個西椒有汁的炒雞，我地叫佢換番。個店員好似唔明，又話係呢個。之後，佢入去廚房再出來都話係呢個。我地話唔係，之前吃過乾身有一堆炸蒜香茅等再炒炸雞塊，佢話無呢個送，個大廚（老板) 出來話無，唔要就退。重同我地講左正次無呢個菜。行來同我地講左三次！！！我地同佢講完，隔離台果個都同大廚（老板) 個話點解次次炒D味唔同，今日好咸定唔知唔同味，係咪換左廚.....吃完走前，我已經搵到果張（蒜子胡椒蟹），同下單同收錢果個講係呢款轉雞！ 大廚（老板) 即衝埋來睇，跟住佢話呢隻有做，唔係叫蒜子胡椒雞...叫爆炸蟹，羅本menu同我家人講，但佢搵唔到個名同個圖，我無理佢去找數。收錢果個女仔，俾1000佢找，佢找少左100HKD俾我，我未放$銀包，叫佢即刻再計，佢先俾番100HKD!!!!!好在有留意，唔係又俾佢厄左100!!! 加10%服務費佢無服務，好嬲嬲豬。態度差重要收錯錢，好在我發現，已經好到一肚氣，重要找錯錢。我有幫襯

週末的晚上到九龍城吃晚餐，每次呢間都要排隊。首先每次泥都一定要叫碟生蝦，呢間生蝦又大隻又有鮮味，爽口彈牙，配埋佢自家製醬汁冇得頂燒烤方面非常推介燒雞翼，又係每次泥到必食！雞翼皮脆肉嫩，又大隻魚的最喜歡燒鰂魚，魚肉嫩滑，又大條👍🏻青口粉絲煲，不過不失，惹味。鹹魚炒椰菜苗😋呢個又係每次都會食，好惹味。最後一定要飲佢地杯芒果冰，滿到瀉曬，好足料。甜度就一時時，睇下果陣芒果當品當做，但夏天飲一杯真係好正。

母親節飯又一大棚人，book到位已經好難得，一黎就狂風掃落葉咁叫野食成餐飯好差參半，有啲好好食，但有啲就無味～～柚子沙律好好味柚子酸甜，有少少肉鬆加埋黎食好惹味～泰式爐魚平日黎到係滾住條魚嫁嘛，但哩個係無乜火水，唔太熱，條魚亦唔咸唔酸，唔知想點串燒唔錯～豬同全翼係我食完再食～當然大家都可以幫襯九龍城其他串燒舖冬陰公我無飲，家人話唔算特別～馬拉盞通菜是正正常常，有少少偏咸，蝦餅熱食脆口，個醬汁又好味椰青好一般，其他飲品亦不見特別好味～生蝦大大隻又厚肉海南雞好敗筆無味嘅.....菠蘿炒飯啲菠蘿係真嘅但份量較少～我覺得總括黎講唔特別好味～佢較好味嘅食物好多餐廳都好味，相信試一次便夠了～

次次去到九龍塘都會食泰仔，已經係第三次幫襯，發覺同朋友夾錢食先抵，因為咁樣先可以叫多幾個餸，試吓唔同嘅嘢食。個老闆好好人見到我哋四個人就送咗四杯龍眼冰比俾我地，夏日炎炎，真係暑中送冰之情。佢哋都比較熱情，泰國人老闆已經唔係第一次送嘢飲lol次次黎泰仔我都一定會叫馬拉盞炒芥蘭，同埋咖喱，呢兩樣真係好好食。呢次就叫咗個泰式生蝦，真係冇令我失望，所以次次乜嘢聚會啊，中同聚，山友聚，都會帶佢哋嚟呢度食，越多人越抵呀。

泰仔一向都俾人平靚正嘅印象，係九龍城區都算係CP值高嘅家庭式泰國菜餐廳。今次都係點左啲例牌野，有細冬蔭功、食泰國菜必點嘅飛天通菜、泰式串燒 (豬同雞)同埋泰式濕炒河粉。冬蔭功配料都算足，可惜味道唔夠酸同辣，反而椰奶味十分濃，唔太啱我同朋友口味。飛天通菜好惹味，啲通菜都好爽脆，係泰國菜餐廳先會食到嘅味道，都係我地全晚最鐘意嘅菜式🥰。泰式串燒中規中矩，本身醃料似乎唔算濃，都係靠伴碟上個醬去令佢更惹味。豬串燒用左類似五花腩嘅肉，我自己就怕肥，唔係太好依種肉。泰式濕炒河無乜特別，啲芥蘭仲有少少草青味😅，可以處理好啲就更好啦。😬

想放飯去食餐好 等一陣工作更順利 誰知食了餐可怕的午飯我叫左一個應該會好食的飯 海南雞飯+熱龍眼水我原本一早都俾手機食先 影好哂相食落口 雞皮都唔脆口 感覺同街邊燒味店差不多油飯都無油香 醬汁只有一碟甜酸醬湯又好油 俾你都唔敢飲誰知食到一半 見到碟邊有隻死左的小強BB嚇到我 即係叫人換另一個餐好怕飯入面都有**細心睇相 就在油飯旁邊再來我要講更令人失望的一邊等新的餐 一邊飲龍眼水天呀 好多螞蟻🐜 雖然知道龍眼多蟲難清洗但我一杯都有3隻蟻仔 設想下一 成煲咁煮 佢地等同煲緊螞蟻水？！ 不敢飲不敢食了最後埋單$48 食左一餐蟲仔飯真的沒有下次

同朋友聚一聚揀左食泰國嘢出曬名既九龍城。今日搵左openrice一間算幾多good comment ge泰國餐，「泰仔美食」。3個人食左700到，算抵食。首先推介牛仔骨，燒得好惹味，偏向甜香既味道，送酒都幾一流。重有泰式生蝦，例牌食泰國菜都會叫，呢度既生蝦算中規中矩，整體來講都算新鮮，咬落口感彈珍，醬汁都開胃。另外我哋叫咗一條沙律魚，條魚炸到好香口，啲伴汁酸酸甜甜幾好味，唯一係唔太分到入面嗰啲係芒果絲定係木瓜絲。上次試完鹽燒魚麻麻所以今次轉食呢條，算幾好！

泰仔美食相信呢間餐廳嚟講好多人都認識，因為由細舖搬咗去大舖， 細鋪時做得非常之出色，而大部又點呢今晚等我去報導一下。泰式木瓜沙律鳳爪， 一般喜歡食泰菜嘅都會叫這道菜，因為是特色菜，酸辣得嚟又有有滋味，再加埋白雲鳳爪，包你 食過返尋味。泰式炸蝦餅不是間間做得好，似呢一個就非同凡響，大件又抵食又多虾，彈口得嚟又唔多魚膠粉。泰式炭燒豬頸肉，燒得唔乾身，保持豬頸肉裏面嘅肉汁，醃豬頸肉又大彈牙非常可口，微微帶有炭燒香味。泰式雞肉炒粉絲，我好少叫呢個菜式，但朋友話想試下，做得不過不失，我覺得就比較一般。炒飛天通菜，今日呢個菜大失水準，味道冇乜特別，但條菜非常之老又多渣。搬了大埔之後菜式一般般要考慮嚟唔嚟。

經朋友介紹，第一次食泰仔，食完真心要推介給朋友，能在香港食到真正泰菜味道，加上即叫即整，保持新鮮。原來呢間泰仔是由細舖，做到而家咁大間。泰式生蝦：好大隻，肉質好厚，啖啖肉，必叫豬肉生菜包：肉碎味道香濃，配上生菜，一齊食味道恰當好。蒜蓉炒泰菜苗，好食，如果菜苗再細d會更心嫩。蝦餅好彈牙，好多蝦肉係裡面。木瓜沙律，好味，唔會有青味燒雞中翼，即叫即整，外脆內裡好多肉汁最後有個椰青糕食。總結：價錢便宜，食物水準高，新鮮，值得推介。

今日同兩個老友，本來諗住去九龍城街市上面打邊爐，可惜人山人海，最終去到這間泰仔美食食泰國菜。我們大約八點半去到，木柵當時只有三張枱，食食吓大約九點已經全場滿座。當日老細推介三種特價美食，我們缺了兩款，分別是海南雞半隻同埋炭燒豬頸肉，記憶中好似$58和$38，10分經濟實惠。海南雞未到我就覺得正正常常沒有什麼特別，反而豬頸肉有陣陣炭火的香味，會令人一試再試。另外我們也叫了一個雜菜煲，未到出乎意料之外嘢味。一路食一路食我哋再追加一個泰式生蝦刺身，可能新鮮的原因，好快就已經比我食晒。見到隔離枱燒雞翼我哋也點了一個，再次見證這裏燒烤師傅有水準再次見證這裏燒烤師傅有水準！　如果有機會我哋一定會再來，埋單$360有找

泰仔美食已經唔係第一次食 個日平日去到餐廳 入面都依舊坐滿 我地一家等左一陣好快有位安排埋入坐 員工都好熱情 有咩要求都會盡快做比你 一坐低叫左兩個椰青飲先味道幾清甜 椰肉都好軟容易整到黎食然後見到炭燒豬頸肉有特價就叫左份 好香炭燒味 豬肉都燒得岩岩好 係個汁有小小辣之後上左蠔仔煎蛋 每次都會點 蛋香好重 好脆口 蠔仔都無腥味依個好似係蝦餅就反而普普通通唔太特別最後仲有咖哩軟殻蟹 依個都好好味 送飯一流整體評分都幾好 最後老闆仲有問下d餸如何 感覺好有心做好餐廳而價錢都唔貴 十分推介

雖然話嚟九龍城一定要食泰國菜，但係其實都幾貴下！閑閑哋都要食成四百幾$500，咁其實我不如去加百零二百食自助餐仲好過。但係今次我知呢間泰仔美食就唔同，食到飽一飽一個人埋單都係$300左右。仲要大部份嘅食物都係好好食，依家為大家逐一介紹一下。第一碟上菜既係生菜包，生菜加埋碎肉辣辣地好好食，如果可以在那返少少嘅咁就一百分啦！ 呢個咖喱軟殼蟹就正正常常不過不失啦，冇話有好大驚喜。但係點起嘅蒜蓉包或者薄餅黎食都好唔錯㗎！但係我就唔推介冬陰公俾大家，因為呢個冬陰公係好酸但係唔夠辣。所以我哋一行五人飲咗一碗就停晒手無再飲啦。早知叫個細就得。建議大家可以將呢個慳返，將啲quota 留返去食其他好嘢。 但係生蝦刺身可以玩挽回對冬陰公既失望，因為個生蝦好彈牙，而且個醬汁絕對係亮點。我食咗半打都有！總括而言呢間泰仔美食我係會再嚟㗎，雖然坐係迫左少少。建議大家去之前要book定位，因為如果我哋嗰日冇不過話其實都要等得幾耐㗎。