影片
以上資料只供參考, 請與餐廳確認詳情
影片
相片
+451
惹味椰子雞湯手撕雞台灣線麵
+34
食家推介
2025年5月22日週四傍晚和 BF 來到青衣城1期頂層暫時只此一家的「泰作」，作獵奇式一試。我們點了一份兩人套餐。包括排骨火山、海南雞飯、紅燒雞翼槌、酸杧果沙律、辣炒蕹菜 (俗稱通菜)，連餐飲兩杯。酸杧果沙律酸酸甜甜，開胃惹味，杧果雖然未熟透，但也不至帶酸味，所有酸味皆來自調味料 (白醋)。紅燒雞翼燒得恰到好處，外面乍看燒成深褐色，令一向怕乾、怕熱氣的小弟有點卻步。但一咬之下，內裏仍然嫩滑多汁，一讚！不過，兩人餐竟提供五隻 (單數) 翼槌，怪怪的。青菜只有兩種選擇：蕹菜和芥蘭。炒蕹菜其實是 BF 的提議，可惜沒有菜心、菠菜、生菜等等。橢圓形碟裝得滿滿，巨型分量。蕹菜和芥蘭因為莖部那硬硬脆脆的口感，並不合我口味，因此從來不會是首選。但這大碟蕹菜，連莖部也不脆硬，出奇地嫩口，為我們帶來十足驚喜，只嫌略鹹一點而已。海南雞飯，雞非常嫩滑，份量充足。我們兩人也叫了雞油飯。飯不但雞油香氣十足，甚至有椰子香味，大概是用了椰汁煮成喔！排骨火山是最驚天動地之作。酸辣湯底，共六大塊幾乎手掌般尺寸的排骨！火候也剛好，不太老火。餐飲，我們分別叫了一杯港式奶茶和一杯元青汁 (其實是日本「大麥若葉」青汁)。唯一美中不足的，是泰國菜館竟然沒有提供泰式奶茶喔。全程 BF 和我齊驚歎分量勁誇張之餘亦超級好味。原本想以跟餐價叫泰式雪糕，但已覺捧腹了，只好作罷。整份兩人餐，我們最後也要吃剩大概三成分量。吃剩的餸甚至連酸辣湯也悉數打包回家。這客兩人套餐實在足夠三位男士或四位女士的分量，只需額外叫自己的飯以及餐飲便可！獵奇超額成功。 此店乃必推介之選，完全不明白何以竟有所謂「不知所謂」的劣評矣！
繼續閱讀
今日假期難得同媽咪去青衣城嘅Twinkle Elephant 泰式餐廳。今日諗住去食下午茶嘅 但係佢下午茶係兩點半先開始，大家要記住時間喇。 下午茶呢佢有個泰假日下午茶，禮拜六日呢都有，呢個下午茶餐嘅 ，而家好多餐廳都冇咗個下午茶餐。我就嗌咗一個迷你海南雞飯$62 同埋一個唔辣嘅泰式古法馬沙文咖哩飯配雞排$58， 份量呢都相當唔錯。咖哩飯幾好食，入面有薯仔，飯又多。迷你海南雞，都幾多雞肉同飯，都唔迷你，配餐湯。可選油飯咁佢都係配餐茶，咖啡奶茶檸茶咁， 如果其他就要另外加錢，我幫媽咪嗌咗一杯呢柑枯蜜加$8坐得舒服又食得飽，之後行下商場，夏天舒適之選，價錢唔好同大陸比，同返香港餐廳比，希望支持返有良心食市，講真睇價錢你大概都知，邊D劏客嘅，懶靚嘅...杯飲品同個飯差唔多價錢，好文青果D其實好少去了。
繼續閱讀
母親節, 入座1個鐘, 嚟咗兩碟嘢, 廚房十分混亂, 不斷出外賣, 不停話因為多人, 其實多人即係生意好, 但係廚房又做唔掂, 價錢不是便宜, 質素又不是好, 人多又做唔到, 人少又怨生意難做, 好難怪人北上消費！冇下次！
繼續閱讀
去到青衣城隨便食一間，嚟到呢間泰國菜食午餐，啲嘢好好味。椰子雞湯飯，好好味，好香椰子味，好濃郁，第一次食呢一種湯飯，落咗少少紅棗杞子，味道配搭很好。無骨豬手軟滑，豬手夠晒林，好正。雖然好肥。但忍唔住食咗好多舊。而且佢個酸甜汁好惹味。一邊食一邊送飯真係不得了。船麵嘅湯底都好好食，河粉嫩滑，雞翼脹卜卜，好多肉好大隻。啲肥牛都幾靚。一啲都唔頹。侍應服務員都好有耐性，因為個QR code落單嗰度short short地，服務員都好有耐心過嚟幫手落單。唔錯唔錯。
繼續閱讀
2個人嗌左2個下午茶餐（套餐包一杯熱飲）一個係香葉肉碎煎蛋飯 $65另外加左個甜品~斑斕椰汁西米露 $28一個係咖哩雜菜飯（無影到相）$58食物味道正常價錢合理可以一試最重要係環境坐得舒服👍假期下午茶時間都唔算多人🤗
繼續閱讀