影片
港鐵太子站 B2 出口, 步行約2分鐘
繼續閱讀
電話號碼
28073662
營業時間
星期一至日
12:00 - 22:00
以上資料只供參考, 請與餐廳確認詳情
經過魚街買魚用品，之後見到這間泰來美食！餐牌都幾多款式，突然口痕想食咖喱類想撈飯食，所以點了青咖喱豬頸肉飯！店員都係泰藉人士！仲同我講(cup冠卡) 拎到番屋企打開蓋，飯既份量勁多！先將青咖喱汁撈飯威，幾香好惹味！之後陣陣辣勁滲出！相當滋味之後食個泰式茄子，幾入味！幾嫩又鮮香！好清新之後豬頸肉好嫩又爽口，好吸引還有香葉！整體好有泰國既風情感覺，非常地道咁多飯夠哂飽肚！好滿足。還見到有其他唔同種類既泰式食品，下次想再試試
繼續閱讀
泰來美食一直都有幫襯，之前都寫咗肉碎生菜包，夠辣好香口。今次又試左佢嘅煙爋芒果糯米飯，只可以用「不得了」形容佢。香，嫩，糯，甜，唔停得口。香係糯米香，椰香夾埋芒果🥭香係一個一流嘅配搭。椰香煙爋香，芒果香，特別係椰槳，加上咸咸地嘅椰槳，特別帶出左椰香同食果時嘅意欲。嫩係嫩口滑口嘅椰槳，令個飯提鮮。糯是米加芒果淡淡咬口，非常可口。甜係芒果青甜加糯米甜，椰奶嘅咸道十分夾。另外，佢叫左青咖哩雞飯都唔錯，唔係假，啲雞同個青咖哩十分有心思。雞係烤完再燴青咖哩。個青咖哩香料十足，椰奶濃濃，維一係辣左啲。不過都非常出色。
繼續閱讀
我覺得街邊小食係香港美食嘅精髓。太子好多嘢食，真係經過每間店都好想試一試，泰來美食由於佢只有企位，覺得唔方便，一直都沒有去嘗試。，但係實在太香，今次終於忍唔住入咗去試食，一試難忘。煙燻芒果糯米飯，糯米煙韌有香濃， 配埋椰汁簡直美味非凡 ，芒果 芒果雖然沒 有泰國芒果咁正，但不影響煙燻芒果糯米飯嘅整體分數， 絕對值得一試。 另外串燒，豬/牛/雞都係12蚊一串， 超級香 超級正超級唔使點沙嗲或者唔使點著都已經好好味。 係正宗泰國菜，一定要再嚟試其他。
繼續閱讀
店舖係由幾個正宗的泰國人開，食物的味道很正宗，經過就有很香的串燒味。店鋪食物種類非常多，包含了很多小食同甜品。而且店鋪的價格非常便宜👍出面泰國餐廳食一個炸蝦餅都要六七十蚊，但這裡只要38蚊就可以食到，仲要好食過旺角附近幾間泰國餐廳。極度推介👅👅如果有飛天通菜就更好了
繼續閱讀
以前經過店舖覺得外觀不太吸引未有嘗試，但自從試過它的串燒就立即愛上。它的串燒是即叫即燒，燒完後有三種醬汁可選擇，我最喜歡它的酸辣汁（味道跟九龍城某出名既串燒店一樣），串燒大大串食落有炭香味，非常嘢味。知道它有高的水準後，我便一直買其他不同食品嘗試，我暫時買過肉碎煎蛋飯、海南雞飯、冬陰公金邊粉、lame肉煎蛋飯(lame肉是一種泰式醃製的豬肉腸)、西米椰汁糕、泰式奶茶。果然全部都好好味好有質素，不得不提它的冬陰公湯，又平又好飲，我非常期待第日有機會可以食晒它餐牌上既其他食品。總結是店舖的食物質素很高，又非常抵食，我好佩服它是快餐店的外賣店形式，但係可以快速地整到禁多好味既泰國菜。推介大家住喺旺角太子附近真係一定要去試下!
繼續閱讀