泰味泰國餐廳

營業中

休息中

膽粗粗同家人去試食吓哩間泰國餐廳、餐廳菜式好有驚喜、款式有創意、賣相靚有心思、味道好👍🏼性價比高💯💯、去觀塘食過好多間泰菜、呢間確實有驚喜、座位都舒服、老闆殷勤招呼、下次都會繼續幫襯👍🏼👍🏼、

🇹🇭🥢🥣觀塘新開滋味泰菜▫️qr code 落單▫️免加一☑️金不換炒蜆 -$98呢個吾錯，蜆數量都多，而且大隻新鮮冇沙，配料仲有菇、三色椒同洋蔥片，個汁好香蒜味，另外都有好多九層塔，幾惹味。☑️明爐魚-烏頭-冬蔭公湯底-$188魚可以揀烏頭或者盲曹，湯底都可以揀青檸或者冬陰功。冬陰功湯底唔錯，夠酸，入面有吾少香料同配料，包括香茅、蔥、芹菜、椰菜、菇、蕃茄。而烏頭都好大條，好多肉，肉比較結實。🆗泰式蛋包鮮蝦金邊粉 -$88呢個同圖片有d不符，圖片係有蛋包住金邊粉，而現實只係炒左蛋入去。碟邊有糖、辣椒粉同埋花生粒，都幾細心，等客人可以選擇加幾多，但整體吾係好夠味，加咗糖會好食少少。蝦有三隻，而配料係得芽菜、蛋同蔥，冇左豆腐乾。

我在觀塘返工計計埋埋都有十幾年！不同類型餐廳早午晚餐有咩試過！對食物要求都麻木咗好一陣子！呢期和同事路過時運大廈午餐見到新開即刻上去試！第一個感覺係價錢都好實惠！而且佢哋好揼本真係用泰國廚師所以食物真係好正宗有泰國feel ！食物亦都好大碟男同事都食到頂住！性價比高值得一讚！佢哋可以keep住呢個水準

冬天的季節，亦是年尾的日子，大型聚會及公司及私人Party特別多，開心嘅氛圍，味蕾自然也有很多要求，難得舊朋友們同時出席，緊係食泰味啦！口味多，味道精彩，色彩繽紛，食材多選擇，簡直齒頰留香，好有好掛住的味道，真泰國囗味。真身處當地一様。由前菜，小食，沙律，炸物，主菜，湯品，火鍋…….. 直到最後第二個胃嘅甜品，特色飲品…….！嘩！精彩到呢！忍唔住…..忍唔住……不停咁order, 真心好出色，真味道，真泰味！已經成為我的一個好好聚腳點！我的飯堂。而且可以包場玩，亦有卡拉OK 及外賣直送服務！！非常貼心既餐館❣️❣️❣️

地點雖然是工業大廈，但是幾容易穩時運工業大廈隔離黃色樓梯一上就係，裝修都幾泰國風味，菜式都好正宗，廚師原來係正宗泰國🇹🇭廚師，出品都唔錯，尤其個烤活鱔又脆皮又鮮啖啖魚油香鰻魚愛好者真係要試一試，火山排骨一上就一大盆，見到隔離臺有龍蝦一問先知好多海鮮都可以提前預訂噶隱藏菜單下次過來再試了，新開張其他都唔係特別多人，甜品不過不失幾好，想食泰國菜噶記得過來試下

朋友介紹話新開張，本身無咩期望。我地8個人食左個海鮮套餐。食材很新鮮，而且真係正宗泰國廚師。除左擺盤靚，而且也好好味。不太濃味，合適香港人口味。份量十分足夠，大家也食得很滿足。唯一缺點，門口不太起眼，差d 找不到門口。

呢間泰國菜餐廳真係好優質！食材新鮮，性價比高👍🏻👍🏻燒白鱔，燒雞焗黃姜飯真係第一次食，好驚喜，好好味😍必點菜式！泰式涼拌貴妃蚌口感好清新，海鮮好新鮮，鮮甜！涼拌生蝦又係超野味😍😍冬陰功湯好足料，咖喱虎蝦配秘⁩制烤酥餅真係絕配👍🏻👍🏻塊餅就算放凍咗都keep住脆…最後仲有甜品拼盤送！👍🏻👍🏻👍🏻服務都好好，位置方便，容易搵…樓下仲有停車場！呢間餐廳係食過一定會返轉頭系列🥰🥰