泰和 (已結業)

大水坑, 呢個地方對於我黎講係好陌生亦冇踏足過聽朋友介紹開, 話呢度D海南雞又滑又嫩, 無雞不歡的我當然要去試一下交通好方便, 就係馬鐵站左近如果想架車人士都方便, 附近都有得迫位轉返正題, 今次order左(5個為最高推介)冬陰公(海鮮)相比一般冬陰公偏酸, 不太辛辣但味道不錯! 香茅味好出海南雞(半隻)真心有點後悔只order了半隻, 皮薄冇肥之餘雞肉部分好嫩滑! 怪不得我朋友誠意推介啦~聽講仲係每日有限額, 今日食到真係好lucky咖哩蝦配蒜蓉包一向唔係好食得辣的我, 呢個咖哩唔係好辣, 好配合到我口味~蝦好新鮮而且配菜好多, 個汁又唔會好浠, 配蒜蓉包真係一final仲encore多疊蒜蓉包tim~泰式豬頸肉肉不會太乾, 配上汁醬更加惹味!椰青相比起市面見到係偏大個, 好清甜(讚!!!)總括黎講都值得一試, 同三五知己相聚又多一個好選擇

是日的早上，來到一個比較少經停的地方大水坑享用一下早餐，大水坑，雖有富安花園這一個自成一角的樓盤，在食方面，可以說是應有盡有。不過，服務力量始終是有限度，所以旁邊的大水坑村，就相呼應地，變成了一個充滿食肆的地方，服務當地居民及一班司機同單車客。而大水坑村的食肆，我已經去過好幾間，而這一次，我就決定試試這一家名字叫《泰和》的小小店。一看名字，就知道這是一家以泰國菜為主的餐廳，實際上，這是一家茶餐廳，只不過 menu 上有不少泰國菜而已，基本上，是港式茶餐加泰式風味。而早餐時段，就是以售賣港式早餐為主。當中，不乏中式的食品，而且店內大多的人，都是食炒麵，糯米雞等等，所以，我決定捨棄公仔麵早餐，來一個糯米雞早餐，增添溫飽。可是，出來的糯米雞卻是強差人意，出品的質素，竟然遠低於三間連鎖快餐店的出品，實在令我失望，其致命點就是糯米雞太濕，吃入口時，一 "pat pat" 咁，味道夠又點，飯太濕，質地差，已經是不合格。奶茶很粗，澀味太重，奶亦不夠，又是另一個不歡......《泰和》的早餐，我俾唔出分數.....

星期六,半大掃除後找點東西食再外出.附近有泰和,點了兩客拉麵.日式雞扒日式豬軟骨後者正常,前者就是雞扒及拉麵分開上.炸雞排,未食,所以要求換煎,職員ok,疑似老板的男人卻說無得換,大大聲.加錢換就得.從事服務業,這樣態度,我祝他生意興隆,身體健康.兩碗日本麵,無粟米,無紫菜.麵硬,湯又無味,這都是日式wo結果當然是豪俾他,走人.永不光顧

住了馬鞍山多年，一直都知道大水坑/富安花園多野食。今次和媽媽在周末於區內撐檯腳，想吃泰菜只有西沙路那間和泰和之選。泰和就在大水坑村的一幢村屋地下，完全地道街坊風味。雖然隔壁就是燒香唸經的地方，可是一點也沒影響食客的雅緻，小小的店面加騎樓位的三四張檯全滿，雖然我們一早訂檯，還要多等15分鐘能坐下。餐牌內的選擇和一般泰菜館相約，該有的都有。我們點了泰式炒芥蘭、冬陰功(小)和蒸鱸魚。冬陰功湯有什錦海鮮和蝦的選擇，我們選了海鮮。湯夠辣，不過鹹，酸味足，而且油不算誇張。值得一讚的是用料非常足，很多青口和蝦，比太和某間人氣旺盛的泰國餐廳的冬陰功好多了。不過跟外面不同的是，湯只用金屬「兜」盛載，沒有火滾著冷得很快。泰和的菜味道偏辣，這碟泰式炒芥蘭雖然辣度超乎我們預期，但勝在夠惹味，送飯一流。等了超過半小時，這條魚才姍姍來遲。魚的湯底可選普通香菇酸菜清湯，或冬陰功湯亦可。等了這麼久可惜魚只是不過不失，肉身沒有過「鞋」也不算太滑。總結: 馬鞍山的兩間正式的泰菜館中，這裡比泥涌那間方便又好吃，價錢公道食物不差，所以還會再來。

咁大個女都未去過馬鞍山及坐馬鐵，但同事極力推介馬鞍山大水坑村內有間泰菜質素平靚正， 咁梗係要試下啦 。響大水坑站落車，只要跟馬鐵指示牌去，過左露天停車場就見到間餐廳，好容易搵，而間店舖本身係一間村屋，所以地方比較細，但見到好多熟客幫襯，所以非常期待，而我地六個大人就點左以下菜式：生蝦刺身：蝦Size俾正常泰式餐廳大及爽口，味道亦好新鮮，個酸辣汁好正，不過同事話一定要預先訂，否則未必有得食，所以大家一定要試咖哩炒蟹：個咖喱汁好香濃，用料十足，撈飯一流泰式無骨鳳爪：雖然比較細碟，味道好香，夠入味泰式冬陰公湯： 夠晒香辣，大蝦都有幾隻，好正泰式明爐魚：條魚好大條，好好食 馬拉盞炒雜菜：味道ok 咖哩茄子雞肉：另一撈飯選擇 泰式雜錦併盤：味道 ok 泰式炒金邊粉：味道夠，用料足，夠乾身好好食泰式生菜包：夠晒香辣，好好食當晚我地真係食得好滿足，食唔晒仲打包 ，埋單每人唔駛$140，以呢個價錢及質素絕對超值，希望大家有機會一定要試

在沒有訂位的情況下，只輪侯15分鐘便可入座實在太好了!先說餐廳環境，餐廳位於大水坑旁的村屋地下，這次我們在室外的位置用餐。雖正值炎炎夏日，但上蓋裝有風扇加上不時有陣陣涼風，讓人可感到夏日的寧靜。至於食物方面，整體都在水準之上。特別令人印象深刻的有以下:1. 海南雞- 冷盤雞肉很滑，加上微辣的醬汁令人食指大動2. 炒金邊粉每次到不同泰國餐廳的必點菜式，這個也是在水準之上3. 椰汁紅豆冰紅豆很煮得"林"，軟綿綿的4. 蒜蓉包麵包鬆脆可口，加上大量蒜蓉，一試便愛上由於是街坊小店，價格相宜是道理。大概每當媽媽罷工的日子，這會變成飯堂首選吧 p.s. 店舖附近有露天停車場，方便駕車人仕呢

原本想去意味屋，冇位..唯有再行入啲泰國菜，剛好有位，便order午歺雜錦米線 - 用料多之餘，味道也賴。牛丸、魚旦、扎肉、魚腐、菜、蛋和米線。須然是麻辣湯底，只是微麻辣，咁先可保持那些餸料味道焗海鮮飯 - 金黃而乾身，芝味香濃，賣相和味道完全合格焗肉醬意 - 好耐冇食，怕肉醬過多，碟底餘油泛濫，估吾到這店肉醬剛好，餘油也多，肉醬也至蓋過意粉味芝士肉醬焗西蘭花 - 吾明點解要加肉醬，吾明點解要放大量肉醬，如果單用芝士(可加葡汁)焗，西蘭花已好好味，加入大量肉醬，反效果泰式拼盤 (2點後特價，1點10落單) - 真係要等到2點先上枱。炸蟹餅，淋而彈牙，味道過咸，雞翼咸咗少少，春卷看似好脆，其實硬咗啲，皮過厚，吾係好記得咩饀...冇印象即係一般凍咖啡 - 咖啡有拉過，所以比較滑凍奶茶 - 多奶多甜冇茶味凍檸茶、熱奶茶 - 一般好似220-230元左右

今日又熱又焗，完全沒有心情煮飯，原本打算去食碗河粉就算，點知無意中發現呢間舖，入去看看，原來係食泰菜的，想起酸酸辣辣，即刻有返胃口，決定同老公試下鋪子只有廿個位左右，好彩我地早去，唔c等枱！坐低即睇餐牌，價錢唔平，勝在免一收費。第一次幫趁，唔知有咩好食，最後決定叫左個二人套餐，結果就算有我呢個大肚婆既食力, 也有食物帶走, 份量真的很足冬蔭功湯 - 我數過有4隻蝦，都有d蝦味，草菇好爽，個湯酸辣剛好(我地叫左小辣)，正！拼盆 - 蝦餅最好味，其它一般 炒雜菜 & 酸辣鳳爪 - 正常 炒金邊，其實套餐原本係泰式海鮮炒飯，不過我不想吃飯，試問佢地可唔可以轉，唔得就唔叫套餐，結果話事人話只通容一次，實在太好了，值得加分，個金邊份量很足，味道也ok 想不到二人套餐甜品有咁多件，當中有兩件係桂花糕，食得好滿足！如果真的要說不滿意的，就係有蚊！同埋出面等枱果d人食煙，d煙味吹入黎冇得避