影片
付款方式
其他資料
當面支付
以上資料只供參考, 請與餐廳確認詳情
去迎海探朋友 下晝去咗迎海商場 一間泰國餐廳食下午茶 點咗個香葉大做碎炒飯 個炒飯一啲都唔油 有香葉味 又夠香辣 都只係45蚊😍超值 值得推介 另外點咗個馬拉盞炒通菜 呢個馬拉盞通菜唔會太鹹又有微辣 非常香口惹味 都只係48蚊 👍🏼👍🏼下次我會叫朋友同我一齊嚟呢度再試其他食物
繼續閱讀
我本身住喺迎海附近 都未嚟過迎海商場食嘢 ,今晚 就過嚟睇下有咩食，見到有間泰國菜就入去 試下, 因為媽咪鍾意食魚所以叫咗條明爐烏頭 另外叫咗碟臘腸炒芥蘭， 條烏頭好肥美呀 啲湯酸酸微微 非常醒胃， 另外接臘腸芥蘭啲臘腸甜甜地好好食，問咗侍應佢話係泰國嚟嘅臘腸， 叫咗兩碗白飯 兩個人兩百蚊都唔使 總括嚟講都ok👍🏼
繼續閱讀
今日同朋友打完波好肚餓，經過迎海場商場見到有間食泰國菜餐廳於是走入去試吓啦，叫咗個辣肉碎炒飯、 蝦餅 、冬陰功、 辣椒膏炒蜆辣肉碎炒飯炒得唔錯唔油份量又夠大 唔覺唔覺就食晒。😋辣椒膏炒蜆［正］［正］👍👍啲蜆夠大隻夠新鮮加埋辣椒膏洋蔥一齊炒甜甜地 好食到不得了。😋冬陰功酸辣適中整體上唔錯下次會同波友再來食😚😚
繼續閱讀
2024年7月26日中午去食飯，三個人叫咗個咖喱飯，魚麵&金邊粉，魚麵食到一大半，發現有曱甴腳喺入面，作嘔，同服務員講左，佢哋話賠返個魚餅，其實我哋都已經飽，建議俾個折扣，但佢哋話唔可以只能賠魚餅，我哋都唔想麻煩就接受咗，但等極都冇送上嚟，加上又趕時間就建議佢打包，呢個時候服務員要求我哋比兩蚊做打包費，當時已經覺得好唔合理，呢個係賠償仲要我哋俾錢打包，算啦，息事寧人！但返到屋企一打開鮑魚餅，真係激死人，入面只得一粒，係一粒魚餅！好似我哋係做錯嗰個咁樣，當我哋係乞兒呀！唯有走上嚟投訴講返件事出嚟。
繼續閱讀
點咗海南雞配焗黃薑飯餐，食咗上面嗰層海南雞都冇乜嘢，係淡茂茂冇乜雞味。但食到下層嘅時候，發現近雞翼脾位附近嘅雞肉係生嘅！！！😤😤用佢餐廳嘅鋸齒餐刀🔪切都到切唔開。同個男待應講，佢第一下反應係話：「近骨位置可能係唔熟，但依舊依舊(手指指住啲雞話俾我聽）都係熟。」我同咗佢講：「唔熟就係唔熟！唔會再慢慢同你揀邊夠熟，邊夠唔熟。」（我心諗我個叉都掂到唔熟嘅位置，唔通要我不斷換叉，以免生同熟嘅交叉感染？）我諗住佢係會換過俾我，點知佢Offer話：「我俾多杯嘢飲你？！」😠虧佢講得出，我點嘅係套餐，已經包咗杯嘢飲，我飲咁多杯嘢做乜鬼？！之後佢想收走嗰兩嚿生雞，佢話換過俾我，我就俾佢收走。(冇諗過要影低相，諗住佢都話肯換）我仲加句話叫佢俾返兩嚿俾我就得。轉個頭聽到佢話：「啲雞全部切好晒一份份，所以冇！唔好意思！」即係佢完全冇心換俾我！出爾反爾！不負責任！🤬🤬🤬🤬🤬我叫另一個女侍應收埋我哋食淨嗰啲雞，費事篤眼篤鼻。到埋單嘅時候，我係俾足錢，當然佢亦收足錢，完全唔覺得有問題。食物質素差！服務態度差！處理手法更差！
繼續閱讀
您可能會有興趣的...