泰好味 (已結業)

哩間小店位於香車街街市上面，地點方便易搵，但環境就真喺認真一般🥶可能經過都未必會入去食！但其實有驚喜～平時香車街最多人嘅食店喺老闆娘米線😅我地一行4人夜晚放工去食，叫咗幾款嘢食加啤酒🍻啤一啤去！🔸炸蝦餅做小食送酒吹水🤤夠哂香口！正！🔸冬蔭功湯正常水平～酸咸辣調教得不錯🔸生菜肉碎包不會太乾身，但如果辣啲就更加正了🤤🔸泰式明爐鱸魚條魚又新鮮又滑，啲湯越煮越濃，越煮越辣😂😂好好味 👍🏽味道正宗！材料新鮮！價錢實惠！👎🏾出菜太慢！環境差！

情人節完全冇準備見到間間餐廳都堆滿人老公靈機一觸醒去香車街市有間泰菜幾好味於是情人節就去左街市食泰菜今日人流唔太多我地兩個人坐張大圓枱黎食泰國野緊係要飲泰象啤啦以前食泰菜都係大開冬陰功自從試過泰式椰汁雞湯之後 佢就成為左新寵濃厚嘅椰汁味配上泰式香料果種酸酸地嘅味好正再嚟一煲黃咖喱 食得出佢係混合左印度咖哩份量都好多 我地兩個人就唔叫飯叫左一客蒜蓉包好新鮮好脆但蒜味不是很濃烈鹽燒烏頭條魚燒到岩岩好熟 所以肉質都好嫩滑魚肚入面放左d香矛同香料 所以食嘅時都食到果陣泰味 點埋個生蝦醬真係不得了可能我地兩個都鍾意食魚我地覺得條魚好正呢間野價錢公道我地食左$308 都幾合理

黎到荃灣，想同大家講，其實除左路德圍食泰國野，其實仲有其他選擇！每次見到路德圍泰國餐廳星期日排晒長龍等食，我都想向大家介紹下呢間黎食，價錢實惠，份量都唔少。咁始終人地大排檔，唔洗交貴租，食客自然可以食得平d多d同好味d!餐廳由泰國夫婦打理，唔好以為一定無冷氣，錯啦！上到黎一樣有冷氣，唔係錯膠櫈仔，係有靠背椅，算係咁啦！雞腳、串燒、炒通菜、魷魚，食泰國野最緊要係個調味，佢秘製既汁其實好酸甜得宜，難怪個老闆煮得一頭煙都要堅持將好味既留俾食客啦！

心血來潮突然之間想食泰國嘢，上次經過見到有間神秘既泰國餐廳，今次決定試吓佢應該有幾間舖，有幾間好似冇冷氣嘅，你地要留意哦😂今次我當然揀咗有一間舖係有冷氣㗎啦，不過店入面好像得老闆娘同老闆兩個招呼客人，所以由order 到整好到上菜，都好需要時間，所以心急的朋友不要光顧哦😂😂不過如果擬依個地點嘅話，佢個價錢都比較進取，因為首先夏天我已經唔會去食，熱到熱死首先我哋叫咗個蝦餅，熱辣辣好新鮮，脆卜卜，加埋個醬，好食既之後帶咗個金邊粉，蝦冇咩味，不過粉得幾好食，Size比較細，大食既朋友要注意⚠️青木瓜沙律，好辣， 不過幾好食嘅，可惜佢係食晒其他嘢佢先上依個，所以都係果句，心急嘅人要考慮一下總括嚟講，小店嘅食品質素不錯，不過依個價錢我諗我要再考慮一下再光5光顧

心思思想食泰國菜，諗住搵間就腳少少見到佢價錢算合理，但係去到環境比較差，同埋得三四張枱.......不過間鋪好似係泰國人打理的叫左六樣野食，上菜都比較慢，味道比較偏鹹 樣樣都非常普通🤷🏻‍♀️應該無下次

用心的美味泰菜小店 - 泰好味好耐無去荃灣香車街街市開餐，估唔到除了一樓和記外，之前烏燈黑火的二樓原來別有洞天開左好多間飯店，除了有間成百人等的米線外，呢間叫泰好味的小店都千萬要留意。泰國人夫婦經營，幸好我地六點就黎到，原來全場D位全部俾人訂哂得番張四人檯，老闆對服務十分有要求，有生客七點幾鐘來到竟叫人唔洗等因全部已滿座怕做唔切，很有心去做好食物呢。炸蝦餅份量大超彈牙香口燒魷魚恰到好處，聞到朕烤香已流口水生蝦爽甜大隻特別要叫燒雞，嫩口多汁，大家食到嘩嘩聲，真係好味黃咖哩就偏稀了一點，可以更好但配上蒜蓉包也算不錯。整體樣樣都好食，來食飯謹記訂位真係未必個個好似我咁好彩，用心去做食物的小店，值得支持。袁連的人生酒庫: smallsmallsmalllin

香車街街市, 每次經過都總會向上望一望上面, 心想: 唔知入面有咩食呢?!終於有一天我看過了OPENRICE後 的起心肝衝上去想找這間泰好味, 第一次去的時候我是摸門釘的,第二次再衝上去, 有開門, 鬆一口氣!午餐時段, 我叫了個泰式金邊粉+檸茶~泰式金邊粉 - 老實說, 不是很出色, 味道唔夠濃, 唔夠鑊氣。至於個檸茶, 其實我係叫熱既, 不過姨姨可能聽錯左凍就由佢喇, 茶味OK既, 個人覺得比較甜。因為我想再試一次這店的水準, 過多兩星期再去食既泰式肉碎炒河粉,今次呢個炒得比上次的金邊粉好, 可惜亦不算很突出。總結: 如果沒有太大的要求, 這裡的食物是OK的, 價錢亦便宜~打算去試既朋友要注意佢既休息時間喔!

其實並非第一次食泰好味，因為一來我住荃灣，二來覺得佢D嘢抵食夾大件！不過呢，小妹建議如果想試，還是揀平日吧，因為泰好味由一對泰藉夫婦所開，全間舖頭，只有他們兩人工作，而家好似請多咗個姐姐係度執頭尾，但都係慢，所以由等位、落單至上菜，都至少要等1小時先有得食。我們星期日就係啦，我們7:10分上到去，因為一去到冇位，就等咗大約30分鐘位，再落單，至食完走，已經差不多9時了！而平日我們去過，再不多人的日子，平均等15分鐘，就有得食了！時間相差很遠呢！而平日的餸菜的份量，比假日多至少多1/3左右呢！我們今晚食咗：椰汁青咖哩雞、蒜蓉包、炸蝦餅及馬拉盞炒通菜，全部加埋都唔駛hk$200，超抵之選啦！

今晚，特登睇完食評後過來這間店舖吃的。地方都幾入，2樓很多大排檔，很熱鬧，全場滿座。這間店舖，要再上多一層樓梯先會見到。沿住走廊行，兩邊都有少許人食大排檔野。啲人以男性為主，食煙，飲酒，傾計。其實令我感覺地方有點雜。如果女仔來的話，最好唔好單獨來會好啲。嚟到泰好味店，一個顧客都無，但其他大排檔就坐滿人。其實我有點衝動想離開，因為見食評講到此店鬼死咁好，所以特登來惠顧。但覺得嚟到後，有點後悔，如果係好食既話，點解一個人都無? 但其他大排檔就坐滿人。最後硬住頭皮，照坐底，食1次啦。2個人，7點幾嚟到，叫左馬拉盞炒通菜 $48，燒雞$68，泰式炒飯$40。我地等左20分鐘先開始上菜 (但全場只有我們2個顧客而已)，通菜都有點油，味道都可以接受既。泰式炒飯，炒得都幾爽，味道可以接受，唔油。到燒雞了，係咪真係咁好食呢？熱食都ok 既，有點燶，但你話係咪真係好似啲評語咁讚到咁好食呢?我又唔覺得特別好食，但又唔算難食囉。店內環境有點亂，鞋四處擺，感覺唔太衛生，而且有點殘舊，坐得唔太舒服，沒有冷氣。雖然老闆係泰國人，懂廣東話，但真心講，食物味道可以接受，但並不是評語所講咁好食囉。埋單時，我明明計到係

2016-08-17今次唔係大埔街市，係荃灣香車街街市愉景新城條橋 落橋 上樓梯 裡面係咁 老闆同老闆娘自己會講泰文，所以應該正宗餐牌 店內格局 炒金邊粉$35（$1熱飲/$2凍飲，所以要埋杯凍檸茶）除左基本嘅芽菜、蛋同豆腐乾之外，居然有雞胸肉，整體酸酸甜甜有花生同辣椒粉（唔係好辣）點，唯一缺點只係無青檸 蒜蓉包 唔記得幾錢有香蔥味道 半隻燒雞 $68燒得脆，皮唔油，醃料有少少咖哩味，唔點雞醬好過點

呢間泰國菜轉左幾手鑊氣小炒，即炒即食，夠新鮮熱辣老闆娘有人情味 我好小寫食評 但眼見很多有心小店有料，但係未被發掘 有點可惜大牌檔泰國菜由泰國師傳主理 很正宗 我會推介這裏芒果沙冰 和冬蔭公荃灣區來說 泰國菜很抵食!

本身諗住去街市食素，不過下午2點都差唔多收曬，又行到熱辣辣見到有間泰國野有冷氣好似坐得幾舒服咁，就入去醫肚啦！價錢唔貴，lunch都有十幾款揀，大概$35左右包飲品，有炒飯有滷豬髀肉飯濕炒河等等，我地叫左冬陰功湯河 & 泰式炒金邊粉 (phad thai)，估唔到咁好食超級正宗！首先個冬陰功好濃，香料味好重好香，個碗你會見到好多香茅檸檬葉等等，唔係一般既湯底佢直頭係冬陰功湯！平時湯底會淡味左/好人工味，呢碗係用心用料去煮，又大碗又有蝦，唔算好辣食少辣既人都食到！另外phad thai都係好好食！正宗過某啲高級泰國餐廳好多！好大碟，用雞絲炒，金邊粉口感啱啱好。雖然無青檸&蔥伴碟，不過本身應該有落糖，唔使加任何野已經好好味，而家諗起都想再食😋無諗過平過茶餐廳價錢但食到正宗味道！會唔會太抵食！感覺好似置身泰國🙈服務好親切，應該係一對泰國夫婦做，開全日，下午3:30-6:00pm係休息時間，座位唔算多，可能小規模，無特式飲品（即係龍眼冰三色冰果啲），但有新鮮椰青，lunch都係加+$15，好抵飲。

上星期到荃灣區工作，順便到香車街街市搵食，食開幾間大排檔開始有d悶，咁就去試下老四旁個間泰國嘢試下啦，同行友人之前食過話一般，但我就堅持要試，點知一試成主顧了。原來我哋去食個陣已經轉咗手，鋪頭由一對泰籍男女(未知是否夫婦？)經營。當晩叫咗泰式生蝦，金不換辣椒炒肉碎，泰式滷水豬手，半隻燒雞，馬拉盞炒椰菜苗同泰式炒金邊粉。每樣食物都好正，份量足夠而且普遍價位都係48至68蚊左右，以呢個價錢同食物質素嚟睇，性價比絕對高到爆。必食嘅一定係燒雞，雞肉醃得超入味，而且邊皮d燶位超正，有股炭燒味(未知是否炭燒)。即時令我諗起喺泰國食嘅路邊炭烤雞腿，有食過的朋友必定會有同感。泰式生蝦隻隻新鮮彈牙，阿姐話生蝦必定用新鮮蝦，用剩的就用嚟整冬蔭公湯(晏晝有午市套餐，冬蔭公湯金邊粉)，呢個態度先係似做食㗎嘛。而餸飯一流的就非金不換辣椒炒肉碎莫屬，食落有濃厚的金不換香氣，而且帶有少許辣味(今次叫小辣就朋友，下次要大辣)，唔似坊間一d鋪頭嘅得個咸字，所以建議各食友去第一次光顧的泰式餐廳時，必先點呢個餸，原理就似去每間大排檔必試其小炒王，係試大厨功力的餸菜。滷水豬手軟淋入味，亦得同行友人垂青，建議先食原味，再試點隨